لســـــــــــــــلام
شخباركم انشالله بخير
نور البتول بشرني اخبارك
بشروني شخبار الشهاده ايه اليوم وبمناسبة اخر يوم اختبارات جبت لكم بارت جونان وتمنى يعجبكم
الو : ايه انا ياسر ,,,,ايش ,,,في اي مستشفي ,,,طيب ثواني وانا عندكم
ام ناصر: ايش فيه يمه اخوانك فيهم شي
ياسر وقفت واخذت مفتاح السياره : نوار بـ المستشفي
رنا بخوف :ليش
رانيا نازله من غرفتها : ايش فيها نوار
رنا :في المستشفي
ياسر: انا رايح لها
ام ناصر: طمنى
رنا :ياسر انا باروح معاك
رانيا :وانا بعد
ياسر :رانيا عندك اختيار بكره ,,رنا يلا
في الطريق
: رنا ياسر من كلمك
ياسر: ابوها
رنا: طمنك عليها قالك شي عن حالتها ليش دخلت
ياسر: لاتسالين عن شي انا موعارف مثلك
في الرسبشن
ياسر: ايه نوار محسن
الموظف :في " وقطع عليه كلامه ابو نوار"
ياسر: كيفها
ابو نوار بتوتر : تعبانه كثير
رنا : ايش فيها كيف تعبت
ابو نوار زاد توتره : طاحت من الدرج
ياسر: من الدرج
رنا :وين غرفتها
ابو نوار: في قسم العنايه المركزه
ياسر :اقول عطني اسم الدكتور
ايبو نوار :هذاك مكتبه
ياسر مريت من جنب فطوم تطالعنا من فوق لتحت طالعتها نفس النظره ومشيت
الدكتور: والله ماادري ايش اقولكم بس هي بغيبوبه
رنا: من متى وهي هنا
الدكتو:ر من اكثر من 28 ساعه
يعني :كملت يوم
الدكتور: انا قلت لابوها اذا مرت اكثر من 24 ساعه يعني دخلت بغيبوبه
رنا: يعني هي بغيبوبه الحين
الدكتو ر: إيه
رنا: نقدر نشوفها
الدكتور: تقدرون بس هي ماراح تحس فيك
ياسر: يصير خير ,,يلا
ياسر دخلنا الغرفه راسها ملفوف ورجلها مجبره وجهها في كذا كدمه
رنا تمسح علي راسها: حسبي الله عليها انا عارفه انها السبب
ياسر: رنا إن بعض الظن إثم .....خلاص يلا خلينا نرجع البيت
رنا لا انا بجلس عندها انت روح
ياسر: رنا امشي قدامي يلا بعدين نرجع لها
ياسر وانا خارج من المستشفي قابلت ابوها
ياسر: ابو وافي ابعرف كيف طاحت ماتعرف منالدرجهي مو طفله عشان تطيحمنالدرج
ابووافي: انا مسافر اول ماجيت علمتني ام وافي انها تعبانه مادريت انها تعبانه الي اليوم الظهر
ياسر: كيف طاحت من الدرج
ام وافي :كانت مكتومه وحسيت انها دايخه اول ماطلعت ماحسيت الي هي عند رجلي
ياسر :حصل خير
رنا : يلا ياسر
اكل عرف الخبر ناصر: ملعونه الخير بس خليني اعرف انها وراء طيحتها والله لاخليها تندم
رانيا: تكفي ناصر: انتقم منها لاتخلونها تفرح بنت ابليس حسبي الله ونعم الوكيل فيها انا قلت لكم لاتخلونها تروح انتم الي ماتصدقوني
ابو ياسر: ناصر رانيا احنى وين بغابه مافيها قانون وبعدين البنت بتزور اهلها مو من حقنا نمنعها
فيصل :حسبي الله عليها
ياسر: فيصل رانيا قومو ذاكر بكره عليكم اختبار
رانيا :احد له نفس يذاكر
ياسر: نوار مافيها غير العافيه يلا انتي وياه كل واحد علي غرفته
فيصل: يلا رانيا خلينا نطلع احسن ماننضر بعد
مروه توها واصله من الكويت داخله البيت : يمه ايش فيها نوار
ياسر :ايش فيك ذي نفس ,, انشالله بخير
ناصر: ياسر انت تضحك علينا البنت بغيبوبه وانت تقول بخير
مروه تجلس :غيبوبه
ياسر: ايه وبعدين ايش تبون اسوي ابكي مثل الحريم واجلس اولول
مروه :انا باروح عندها ناصر قوم وصلني
ياسر: وبيتك وبناتك
مروه :عندهم ابوهم والشغاله
ام ناصر: انتي وختك كل يوم وحده تجلس عندها الين تعافى
ابو ياسر : بنزورها اليوم
في بيت ابو احمد
ام احمد : نوارايه بغيبوبه
ابو احمد :نوار
نوره نازله من الدرج :نوار ايش فيها
ابواحمد: تعبانه شوي
نوره تجلس جنب ابوها: كيفها لحين
ام احمد :الحمد لله بخير
نهى نازله من الدرج :يمه صح كلام رانيا نوار بغيبوبه
نوره :بغيبوبه
ياسر* اول يوم الكل كان مجتمع تدرون حسيت بغيره الكل يحبها وزعلان عليها حسيتهم يحبونها مالها شهور وحبوها ماادري ليش ماحبيتهامثلهم يمكن عشان انفرضت علي*
بعد اسبوعين في غرفه نوار
مروه: ياسر انت لازم تجلس عندها ترا لا انا ولا رنا نقدر نجلس عندها كل يوم
ياسر : هي بغيبوبه ماتحس فينا ليش نجلس
مروه :ياسر لاتخليني ارفع صوتي في المستشفي هي زوجتك حرام البنت مالهااحد غيرنا
ياسر: ونهايه الكلام
مروه: مانيبها تقوم وماتلقي احد عندها
ياسر :مروه افهم غيبوبه يمكن ماتقوم منها لسنين
مروه ودموعها نزلت : اول مره ادري ان قلبك قاسي انت ماتحس على الاقل راعي شعورنا
ياسر بلوم :مروه
مروه: ابعد لاتقرب مني اطلع برا اطلع لااشوفك هنا ونوار ماتستاهلك
ياسر: مروه اهدي شوي احنى في مستشفي وبعدين لاترفعين صوتك علي عشان ذي
مروه :هذي زوجتك فاهم وبعدين انت اطلع برا لااشوفك هنا فاهم
مرت فتره طويله وونوار في المستشفي وماتغير حالها
في البيت
رانيا ياسر تقول مروه روح لنوار اليوم هي مو فاضيه
ياسر :قبل اسبوع كنت عندها
رنا :ومروه قبل يومين عندها مايخالف روح لها اليوم وبعد بكره انا اروح
ياسر: طيب امري لله بس اخذ اغراضي واروح
رنا :لاتنسى تصلي العشى
ياسر حاضر تبون شي
رانيا : ايه كلم الدكتور قله لو نسفرها برا ينفع
ياسر :اوووووووه قلنا لكم ميه مره غيبوبه لو ودينها اخر العالم مايقدرون يسون شي هذا بأمر الله انتم ادعولها
ناصر طالع من المطبخ :ايه وخوي صادق كل و حده تصلي فرضها وركعتين لله وتدعي لها
رانيا :ناصر ماتلاحظ شي من دخلت نوار المستشفي وانت نفس الكلام تقوله
رنا :رانيا خلاص يلا مانبي نعكر مزاجنا
ناصر :الله وكبر علي المزاج يلا علي غرفكم
يوسف: يمه لاتطلبين مني مثل ذا الطلب مره ثانيه
ام يوسف : انت وحيدي مالي غيرك في الدنيا ابي افرح فيك اذا هي ماتبيك الف وحد تتمناك
يوسف :انا غيرها مابي يمه الله يخليك لي لاتطلبين مني شي مااقدر عليه (يوقف ) يمه انا طالع تبين شي
ام يوسف :سلامتك يمه
في المستشفي
ياسر :ها طمني دكتور في تحسن ولا شلون
الدكتور أدهم: بصراحه فيه تحسن بس بسيط جدا خلال اسبوعين الي راحت ماقدر اكد لك بس الله يصبركم
ياسر :امين" ويصافح الدكتور" مشكور وتعبتك معايا
الدكتور :لاشكر علي واجب وهذا عملي ملزوم فيه
دخلت غرفتها الي لها فتره فيها ماتحركت ولاتغير شي ماغير المغذي جلست علي الكنبه بملل طفش كل اسبوع يجلس عندها يومين احس بملل فضيع
رنا تكلم الجوال : لاللحين ماتغير شي مثل ماهي وبعدين لو صار شي كنتي اول وحده تدرين
ههههههههههه من عيوني طيب
الله يقومها بسلامه حتى انا اشتقت لها
ماادري الكل فيصل يمكن يرضى
طيب خلاص باحاول
هههههههههه تعرفين نقطه ضعفه حسبي الله عليك
طيب بخليه يجبنا
مع السلامه
رنا تقفل الجوال من نوره الي ازعجتها تبيها تجي عندها
ام ناصر:تكلمين مين يمه
رنا: نوره تبينا نروح عندها عاد انا بدور ولدك فصووول يودينا
ام ناصر :فصووول ها طيب مافيه روحه تراه رجال
فيصل: يمه قولي لها ترا انا نخلص الثانويه فهميها الله يعطيك العافيه
رنا :حبيبي اخو دنيتي عمري كله فديتك ودينا عند نهى تكفي وياقلت تكفي بيع خلق الله عشاني
قيصل : اوووووووووه شكلك تكثرين من الشعر اليومين الي طافت ها
رنا :خلاص بلا مذله باروح اجهز اوكي
فيصل :بس عشان خاطر نهى
بعد اربع ساعات من الشغل التواصل قفلت جهازي المحمول وجمعت كل اوراقي بملفي الاخضر ومددت يديني: آآآآآخ تعبت لفيت على نوار ماتحركت من شهرين تقريبا جلست على طرف سريرها من دخلت بغيبوبه احساس تغير بس موحب شفقه على حالها فيها اشياء حلوه ملامحها عيونها انفها شفايفها شعرها الغجري الاسود
بنت في منتهى الجمال والطيبه بس مو قاادر اتقبلها بحياتي
طلعت من الغرفه بكبرها بنزل اخذ لي كوووب كابتشينوا اروق شوي
حسيت بالم يفجر راسي ماقد مرعليها مثل هذا الالم جسمي ثقلاااان حيل رفعت جفووني بثقل دخل الضو في عيون وسكرتها بقوه سمعت الباب فتح ماتحركت من مكاني
مسكت جوالي نايم ولاصاحي الساعه 2 في الليل أكيد نايم يلا بدق ثلاث رنات وقفل اذا صاحي بيدق علي
ثامر جالس في كرسيه الهزاز متملل وضايق خلقه رن جواله قام بسرعه بس ماطول وقفل
ياسر حطيت جوالي علي الطاوله وشربت شوي من الكابتشينوا دق الجوال
قالت احبك ياراشد قلت من قـــــــدي هالكلمــــــــه هذي تموتنــــي وتحييني
قالت احبك وكانت سبحتي فيـــــــدّي من دون مشعـر بها طاحت من يديني
هلا والله ياهلا ومسهلا
ثامر: هلا والله فيك ها صرت من اصحاب دقه وقفله
ياسر:ههههههههههههه انا لا والله بس قلت يمكن نايم ولاشي اذا صاحي بيدق
ثامر :رجعت البيت
ياسر :لاللحين في المستشفي
ثامر: كيفها الحين سالت الدكتور
ياسر: ما فيه جديد الدكتور يقول تحسن بسيط
نوار بدت اتذكر صاحب الصووت بس للحين لساني ثقلان وعيوني مثقله
ثامر: الله يقومها بسلامه ,,ها ايش تسوي من اليوم
ياسر :ابد مثل دايم بدل مااجلس متملل صرت اجيب الشغل واشتغل
ثامر: وانت الله يهديك يعني بدل ماتجلس تدعي لها ان ربي يقومها بسلامها تكمل شغل عندها
ياسر: ايش اسوي لها ترى والله طفشت اروح الشغل اجي اول سؤال يسالوني كيفها وبعدين روح خلك عندها يمكن تصحى يمكن ماني عارف ايش خلاص كافي الايام الي اجلس عندها
ثامر :طيب مو بس انت تجلس حتى خواتك ومهما كان هذي زوجتك وبحسبت اختي
ياسر :والله اختك من متي المعرفه وبعدين تكفى لاتذكرني انت عارف اني مابيها عاد لاتسوي لي فلم هندي خلاص وبعدين انا جاي اتكلم معاك موسوالف تذكرني فيها خلاص انسها شوي
ثامر: انت ليش معصب الحين الله يهديك
ياسر :من الضيقه الي فيني من دخلت المستشفي مروه زعلانه علي ماغير انت الي خليتها تروح وانت وانت خلاص هي طلبت مني ولا كل ساعه سفرها برا ماني عارف زفته ايش البنت غيبوبه خلاص مايفهمون
ثامر :هد اعصابك شوي ماتسوى علي خلاص انت شكلك معصب حيل مع السلامه
ياسر بتردد :ثامر انااسف بس شغل الشركه يخليني اقول كلام مو حاس فيه
"نوار هذا كله بقلبك ياليتني كنت بغيبوبتي احسن"
ثامر :ماعليه يسور حبيب القلب مااقدر ازعله
ياسر: طيب مع السلامه خلني اهدا شوي
ثامر: مع السلامه
اخذت كووب وشربت منه حسيته مر بحلقي اوووف الله يهديك ياثامر عصبني اخذت نفس عميق وخرجته من صدري بزفره قويه كنت ابرتاح
نوار صبرت تقريبا نص ساعه من بعد مكالمه ياسر وثامر بس الالم براسي ماقدرت اتحمل صرخت بآه من قلبي حسيت كل المدينه تسمعني
ياسر قمت مفزوع ماادري من الي صرخ
نوار رفعت ايديني لراسي حاولت اضغط علي راسي
ياسر ضغط جرس الممرضات دخلت الممرضه ومعاها الدكتور
ياسر وقفت بعيد عنهم دخل دكتور المسؤول عن حالتها اعطوها مسكن
الدكتور يكلم نوار :الحمد لله علي السلامه
نوار احرك راسي يمين ويسار بألم
الدكتور شوي وبيخف
ياسر: كيفها دكتور
الدكتور: الحمد لله فاقت مو قلتلك في تحسن هذا كله بفضل الله سبحانه وتعالي
نوار اسمع كلامهم وانا مغمضه عيوني من الالم
ياسر: يعني خلاص ماراح ترجع للغيبوبه
الدكتور يبتسم :لا ماراح ترجع بأذن الله
ياسر: مشكوور دكتور وماتقصر
نوار فتحت عيوني بطى النور يعميني شفت ياسر والدكتور ياسر تغير كثير كم جلست في الغيبوبه انا اعرف الناس تطول سنين ماادري يمكن ايام الله العالم
ياسر بعد ماطلع الدكتور جلست علي الكنبه :الحمد لله علي سلامتك
نوار الفيت صوبه :الله يسلمك
ياسر ماعرفت ايش اقول ماتوقعت انها بتصحى ولا وانا عندها بعد ماضاعت الكلمات احس اني عاجز عن الكلام بشكل بسيط
نوار لفيت صوبه :وين خالتي
ياسر ابتسمت هذي مجنونه ماتدري عن الوقت: خالتك في البيت الساعه ثلاث ونص الفجر
نوار تفشلت وسكت ماكنت داريه
ياسر دق جوالي ورديت
ثامر: اسمع نسيت ابلغك ترا بكره في اجتماع اساعه 9 الصبح قالي عمي ابلغك اترا بحضر الجتماع ماعندي دوام بالمستشفى
ياسر: مااتوقع بحضر
ثامر: والله طيب اذا انت رجال لاتجي ليه بكيفك هذا ثاني اجتماع للأداره وماتجي
ياسر:اتوقع ابوي بيلغيه
ثامر :ليش عشان سواد عيوني
ياسربحزن : لا والله عشان نوار
ثامر بخووف : ليش
ياسر بساطه :فاقت
ثامر لحظه سكووت وبصدمه :صدق
ياسر :من شوي عاد يلا قفل الخط ببشر الوالد
ثامر: انت صاحي وبعدين خلها بعد صلاه الفجر احسن
ياسر: ايه عشان ابوي يصحيهم وبعدين يجيبهم الي هي الساعه 8والاجتماع ينلغي
ثامر :همك مصلحتك المهم سلملي علي اختي كثير
ياسر: والله طيب "يكلم نوار" نوار يسلم عليك اخوووك ثمووور
نوار ابتسمت ماعرفت ايش قصده بس قلت :الله يسلمه
ثامر: فديت صوتها والله باين عليها التعب
ياسر: والله صدق اشوفك ياثمور
ثامر :ههههههههههههه طيب مع السلامه عشان الحق اتجهز للصلاه واقول لأمي
ياسر :مع السلامه
نورا طول الوقت ساكتيني راح الصلاه وبعدها جاء دخل الدكتور دورت شيلتي مالقيتها قهرني ذا الغبي الدكتور داخل ولا بعد مصري وذا الشيفه وانا بدون الحجاب
الدكتور واقف يقرا الملف لفيت علي ياسر شفته مهتم مع الدكتور ناديته: ياسر
ياسر :نعم تحسين بشي
نوار :ابي شيلتي
حسيت ان الدكتور انحرج ماشال عينه من الملف وياسر يحوس في الدروج
ياسر: خذي
نوار: مره ثانيه لااحد يدخل لحد ماقاول لهم
ياسر: طيب اسكتي
حسيت ان ياسر ابد ماعجبه تصرفي
الدكتور: كل شي تمام الظغط ونبضات القلب كل شي تمام بس كل ممكن اسوي كشف علي اطراف رجليك
نوار انا من اول ناغزني قلبي رجلي مااقدر احركها ابد
الدكتور طلع مطرقه طبيه وعلي اطراف اصابعي وبخفه يده يضربها
الدكتور: تحسين بشي
نوار وصوتي مخنووق :ولا شي
الدكتور: ولا هنا
نورا حسيت حلقي ناشف والكلام مو راضي يطالع
ياسر: دكتور فهمني
الدكتور: بصراحه في مشكله وانشالله بسيطه بس يبغالها وقت
نوار رفعت راسي وحطيت عيني بعين الدكتور
الدكتور: بصراحه هي الحين ماتقدر تمشي
ياسر: وشلون وبعدين ليش ماتكلمتوا قبل
الدكتور :بصراحه كنا شاكين بس الي زاد الموضوع حكايه الغيبوبه لو كانت بوعيها كنا عرفنا بس الحمدلله كلها فتره والعلاج يمكن تتطيب
ياسر : ولابعد يمكن ليش انتم مو مستشفي محترم ولا دكاتره علي الفاضي
الدكتور: ليش الحين معصب كذا اذكر الله وبعدين مع العلاج أكيد فيه تحسن
نوار:لاإله إلا الله الحمد لله يعني العلاج الطبيعي هو الحل الوحيد
الدكتور: فيه العمليه وتنيجتها مو مضمونه حتي 30 % بس اذا نجحت مايخذ منك فتره شهرين بس العلاج الطبيعي على النفسيه 5 او4شهور
ياسر انا الي معصب مشتط وهي مااخذه الموضوع برود مثلها بس حسيت فيها صبر لما ذكرت الله صدق لو وحده بدلها يمكن بكيت هذي ولا دمعه
الدكتور: يلا امرك وقت ثاني
ياسر: طيب مع اسلامه
نوار نزلت راسي مابي ابكي الي اخذت صدمتين وحده حقيقه ياسر الي سمعتها بأذني وسالفه اني مااقدر امشي
بصراحه احس اني صدق تعبانه حسيت اني ابي امي وهذ الاحساس من زمان ماجاني اول احاول انساها
ياسر احس ان الكلام كله ضاع ماعمري احطيت مثل هذا الموقف ماعرفت ايش اقولها ايش اواسيها مفروض يخلون منهج دراسي علي هذي الحاله لمااحد يقوم من السلامه من مرض ضحكت علي نفسي اخذت الجهاز المحمول والاوراق وحطيتها بالدوب الي بالي بالغرفه
نوار مرت ساعه وكانها سنه الحين الساعه 6 الصباح وانا عارفه ان مافيه زياره غير الظهر والمغرب
ابو ياسر: والله تو ياسر من ساعه مكلمني
ام ناصر :الحمد لله علي سلامتها الله يفرح قلبك مثل مافرحت قلبي
جوال بغرفه بارده حيل ومضلمه يدق تحرك يدينها بترد
الووووووو : بصوت كله نوم
رنا :يادبه قومي فيه خبر بمليون ريال
نوره: رنا ترا والله تعبانه من كم ساعه وانتي عندي
رنا :ياغبيه هذا خبر طازج توه جديد
نوره :اوووه قوولي ترا والله بنام
رنا :الحين يطير النوم مثلي نوار
نوره بخوف تجلس :ايش فيها
رنا :فاقت والحين نفطر ونروح لها
نوره :حلفي الحمد لله علي سلامتها اقول رنا حبيبتي مري علي خذيني معاك
رنا :ماادري ابوي بوديني
نوره :اوكي اخلي بابا يوديني بااي
رنا تدق علي مروه تخبرها بسرعه
مروه: صدق احلفي تكفين
رنا :من متى وانااكذب ها قولي
مروه :بتروحون لها
زياد توه يصحى: تكلمين مين
مروه ترجع راسه علي المخده بقوه اوووص بسمع
رنا : بعد مانفطر بعد ساعه يمكن
مروه :ليه كم الساعه
رنا :ههههههههه الحين 5,54 دقيقه
مروه :علي الساعه 7 تروحون
رنا :تقريبا
مروه: اوكي يخلي زياد يوصلني مع السلامه
زياد :وين تبين تروحين
مروه: نوار صحيت يلا قوم ودني لها
زياد:وري عند اجتماع مااقدر
مروه :طيب ودني بيت اهلي واروح معهم
زياد يقوم يصلي الفجر ومروه تجهز
نورهنازله من الدرج لقيت امها وابوها
نوره : صباح النوور
ابو احمد :صباح الفل ةالياسمين
نوره :عيوني ابوي روحي انت روحي كلها
ام احمد :الله يعينك علي بنتك
ابو احمد :عارف طلبك كلمت ام ناصر امك وبلغتها
نوره: طيب دامك عارف بس نفطر ونجهز ودينا
ابو احمد :مااقدر السموحه عندي اجتماع مهم وعمك وياسر مشغولين يادوب انا وزياد وثامر
نوره: طيب كلم ناصر يودينا
نهى نزلت بهدوء غير المعتاد باست راس ابوها وامها
نوره نهى نوار فاقت
نهى:صدق يبه بنروح لها
ابو احمد :يلا افطروا عشان اخلي احد يوصلكم
نوره: يلا نهى قومي بسرعه
ابو احمد :ماادري بنتك نوره متى بتعقل
ام احمد: الله يهديها
رنا: يبه يلا لنا ساعه خالصين
ابو ياسر: يلا امكم جهزت
رانيا تحط ايدها علي خدها وتتكلم بشويش :يبه ...امييييي ...خاااااااااالصه من زمااااااااان
ابو ياسر يضحك :يلا امشوا
نوره: يبه يلا خلينا نروح وبتلحق علي الاجتماع
ابو احمد :خلاص شوي ويجيكم ولد عنكم يوسف ويوصلكم
ام احمد :والله فشله الرجال توه موصل امه يرجع ويصلكم
نوره جاتها من الله :إيه يبه خلاص انت وصلنا عيب
نهى :عيب هاا الله يصبره عليك وعلي السانك
نوره تلبس عبايتها وهي ونهى لان يوسف وصل
نهى: بسرعه قبل لانتاخر
نوره وهي طالعه: والله لو اني مو مشتاقه لها ماكنت طلعت الي بعد ساااعه
نهى :الحمد لله انك مشتاقه لها
ركبوا السياره نهى :سلام عليكم صباح الخير
يوسف :وعليكم السلام صباح النور ,,,, السلام لله
نوره بدون نفس :السلام
ويوسف: وعليكم
نهى :حشي يهود
يوسف :علمي اختك مو انا المظلووم
نوره: يلا امش قبل لاتناخر
يوسف: يلعب عليهم وحده تجي قدام ليش سواق
نوره: نهي اطلعي قدام فكينا
نهي: والله ليش ماتركبين انتي قدام ومو انتي الكبيره
(وقامت الهوشه بين نوره ونهي ويوسف ميت ضحك ياحليلهم مصدقين)
ام احمد :بسم الله ثلاث دقايق تاخرت صارت هوشه
نهى خلاص يمه مافيه شي
يوسف :كيفك عمتي عساك بخير
ام احمد:الحمد لله بخير انت وشلونك عساك بخير
يوسف: بخير دام عمي وامي وانتي بخير فانا بخير
(طول الطريق ام احمد تسولف ليوسف وهو يسمع لها يحب يسمع سوالف الكبار )
في المستشفي بعد الاحضان
نوار: رنا ليش كذا ليش نحيفه أكيد رانيا تاكل عنك
رانيا :يمه شوفي زوجت ولدك ايش تقول عنك
رنا :اقول سكتي يادبه شوفي كيف صايره
ام يوسف :بنات مايخلون حركاتهم
رانيا: يمه بالله ماكنتم مثلنا
ام ناصر: تدرون دايم نوار تذكرني بام احمد ورانيا بام ثامر ورنا فيني
ام ثامر :ايه اختارت الزين لك ها
رانيا::خالتي انتي مثلي ها الحمد لله عرفت انا على مين طالعه
مروه: وانا وخالتي ام يوسف علي مي
ام ثامر: انتي عاد ماكو مثلك
مروه فهمت ايش يقصدون وبتصرف الموضوع: وخالتي ام يوسف
ام ناصر: عاد هذي الي ماتفهمونها الي تبونها تقلونه عندها عصبيه حبوبه حنونه كل شي
عند موقف السيارات نزلت نوره ونهى وام احمد ويوسف يمشون وراهم
نهى : اقول نوره شبعتي قز طول الطريق مانزلتي عينك يمه منك
نوره: نهى وجع ويش تخربطين انتي من الصبح
نهى :اخربط ها اقول امشي بسرعه
نوره :يلا امشي
يوسف يسلم علي ياسر وثامر وعمه
يوسف :الحمد لله علي سلامتها
ياسر: الله يسلمك
ام احمد نوره ونهي :السلام عليكم
ابو ياسر وثامرو ياسر: وعليكم السلام
ام احمد :الحمد لله علي سلامتها
ياسر :الله يسلمك
نوره ونهى دخلوا
نوره :نوار الحمد لله علي السلامه
نوار: الله يسلمك اشتقت لك
نهى :ايه الشوق كله لنوره
نوار وانتي بعد " بعد نص ساعه الكل كان حولي والله ناحسيت اني غريبه بينهم بالعكس تمام"
ياسر: يبه ماكنهم طولوا داخل الدكتورموصيني انهم مايطولون
ناصر وفيصل :السلام عليكم
الكل: وعليك السلام
ناصر :ها كيف نوارالحين
ياسر: ماعليها بخير
ثامر: يلا عمي عشان مانتاخر على الاجتماع
فيصل: يلا ناصر اناتعبان حدي باروح انام
ياسر يدق الباب ونهى تغطت
ياسر يوقف علي الباب: يلاخلصت الزياره مو كافي ان ابوي متوسط لكم عند مدير المستشفى ولا مالله ماشفتوها الي على زياره الليل
مروه :مشكور ماتقصر انت ولا ابوي
ياسر :طيب يلا دقيقه وحده مااشوف اخد يالغرفه
نوار تضايقت انهم بيرحون عاد انا مااحب المستشفى احس انهامقبره
بعد ماراحو جات الممرضه قاست الضغط وغيرت المغذي جابت الي كرسي ساعدتني اجلس عليه دخلت الحمام بعد عنا غسلت جسمي وبدلت ملابس المستشفي بلبس جديد شعري المبلول رجعته لوراء طلعت ا لقيت الممرضه للحين فيه
نوار: ممكن تساعديني اتمدد على السرير
ابتسمت لي :انا هنا تحت امرك
نوار بعد ماتمددت كان نفسي اشوف وجهي بعد شهرين مشتاقه اشوف شكلي تغيرت ولا لاء:ممكن تجيبين لي مرايا
الممرضه :من عيوني
طلعت فتره بسيطه وجابتها لي رفعتها اتامل وجهي يالله قد ايش انا نحفانه متغيره كثير
الممرضه :ماشالله عليك قمر
دخل ياسر وهو مبستم ماادري ليش
الممرضه: يلا استاذن
ياسر: انا كلمت الدكتور وقل تقدرين تسافرين
طالعته وانا معصبه :ماراح اسافر واذا علي العمليه بسويها هنا
ياسر: بس ابوي ماراح يرضى وبعدين من قال انا بنسوي لك العمليه بتسافرين عشان العلاج الطبيعي
نوار :عمي انا اكلمه اما سفر انا اسفه مابي
ياسر: انتي حره كيفك
سكوت دام لفتره طويله شوي قطعتها بسؤالي
ليش زوجت ابوك سوت فيك كذا
نوار ارتبكت حاولت احط عيني بعينه :زوجة ابوي مالها" وماقدرت نزلت عيني لان مااعرف اكذب احس لو اكذب بيبين بعيوني" مالها دخل انا طحت من الدرج بسبب المويا
ياسر: ياسلام ليه طفله ماتشوفين المويا علي الدرج
نوار ماعرفت بايش اعدي كذبي :لا المويا كانت شوي يمكن من كاس ماادري
ياسر بعصبيه : قولي هذا الكلام لامي ابوي خواتي انا لا
نوار حاولت امسك دموعي مابيها تنزل مابي اكون ضعيفه وبحده نوار: هذاالي صار
ياسر عصبتني حسبي الله على شيطانها :لاتكذبين على فاهمه انا سالت الشغاله بعد طلعت الروحه قالت لي الى صار
نوار لفيت وجهي لصوب الثاني : يعني تبيني اقولك زوجة ابوي رمتني علي الدرج عشان ترتاح
ياسر بروود : ايه لان هذا الي صار ,,,,,بس ابعرف السبب ليش ايش سويتي
نوار: لا مو هذا الي صار الي صار اني وديت اخواني السوق عشان وعدتهم مالقيتها اخذت اخواني بعد ماخبرت الشغاله لما رجعنا كانت واقفه في اعلى الدرج طلعت لما طلعوا اخواني لغرفتهم لما وصلت عندها تهاوشنا كانت ماسكتني من شعري حاولت افك نفسي ماقدرت بعد محاولات سحبت نفسي بقوه وهي فكتني فجاه وطحت
ياسر: والشرطه تاخذ بالااسياب
نوار: شرطه
ياسر: ايه لازم ياخذون اقوالك وهي تاخذ جزاتها
نوار: تبيني ادخل ام اخواني السجن
ياسر :جزاتها خليها تعرف ان وراك ناس
نوار :ماابي اخواني يكرهوني كفايه هي وكلامها
ياسر: يعني بتسكتين عن حقك
نوار: مسامحتها الله يمهل ولا يهمل
ياسر: طيب براحتك انا بس ابنصحك وانتي بكيفك يعني اكد لهم علي كلام زوجة ابوك
نوار: ايه
ياسر سكت مالي دخل فيها هي حره طلعت البندول من جيبي راسي يعورني حيل تمدت علي الكنبه
نوار ياسر نام بوقت قيااسي باين عليه حيل تعباان فكرت بحالتي الحين كيف اروح المدرسه وانا علي الكرسي كيف بعيش على الكرسي
آه آه آه وينك يمه معقول معقول ماتحن لي ماتشتاق لي انا بنتها كيف طاوعها قلبها تروح وتخليني احس اني اشتاق لها احس اني ابيها احضنها اقول لها يمه ,,,يمه ,,,يمه وينك وينك يمه انا بنتك رحتي وتركتيني ليش ,,,آهآهآهآهآآهآهآه راحت وتركتني نست بنتها قطعه منها انا ماعمري نسيتها دايم على بالي ليش نستني بعدها ماتذكر شي نمت من التعب
ام يوسف: لا وليش تروحون البيت انا لحالي وابو احمد في الشركه خلوكم عندي
نوره :انا نعسانه ابي انااام
ام يوسف :مالك عذر البيت فيه غرف اختاري الي تبينها
ام احمد: ماادري كيفكم
يوسف: خليك عند امي والظهر يجي عمي يتغداء وترحون
نهى: خلاص بنروح عندكم عاد من زمان عن بيت عمي والمسبح
يوسف :اه قولي المسبح
نهى: هههههه بس خساره الجو حااار لو شتى ووااوو يجنن
يوسف :طيب انزلوا انا بروح عند ناصر واجي الظهر
ام يوسف :يمه انتبه لنفسك يمه
يوسف: من عيوني
نوره تكلم نهى :جعل العيونك العمى
نهى :اهب عليك حرام عليك
نوره :اقول ادخلي ذبحني الحر اوووف مو كن الساعه 9ونص اصبح
رنا :يلا تصبحون علي خير باروح انا حدي مدوخه
رانيا: وانا بعد
نوره :تنزل العبايه ابي اناااام
نهى: نامي على اي كنبه
ام يوسف اطلعي فوق وخذي الغرفه الي تبينها
نوره :مشكوره عمتي
مرالوقت تدرون ماتهنيت بالنوم كل بعد نص ساعه داخله ممرضه اوووف طفشت اذن العصر صليت علي طول لاني علي وضوء الظهر وياسر للحين نايم ياربي وشلون اصحيه ناديته ياسر ,,,ياسر ,,,ياسر اوووف ياسر قوم ياربي مايحس نومه ثقيل لفت نظري علبه المناديل اخذتها ارميه فيها على ايده ياويلي لو جات في وجهه لا خلني علي رجله احسن رميتها وبنفس الوقت ناديته
ياسر فتحت عيوني بثقل ماستوعبت للحين
نوار: ياسر ,,ياسر
ياسر فتحت عيوني عرفت اني مو بغرفتي تحركت آه آه آه مسكت راسي يعورني من امس رفعت ظهر جلست وطاحت علبه المناديل
:ليش ماصحيتيني مالقيت غير علبه المناديل
نوار بلعت ريقي :انت ماحسيت قوم صل الظهر والعصر قبل يأذن المغرب
ياسر طالعت ايدي: اووف الساعه في البيت اخذت الجوال الساعه خمس وثلث
نوار جلست على الكرسي بعد تعب رحت للشباك اشوف السيارات رايحه وجايه وناس داخله وخارجه يابختهم يحسون بالحريه مو مثلي احس اني طير من كنت صغير وانا مقيده
ياسر خلصت الصلاه رفعت السجاده
نوار تكلمت :ابي اطلع
ياسر: شنهو
نوار: مابي اقعد هنا زود واذا علي العلاج الطبيعي اجي
ياسر: الدكتور يقول تجلسين يومين على الاقل
نوار: بس وقطع دق الباب
الدكتور :ها كيفك الحين
نوار: بخير ابي اطلع دكتور
الدكتور يكلم ياسر: انا قلت بعد يومين
نوار اطالع ياسر ابيه يتكلم بس ولا كن الدكتور يكلمني:نوار لا ابي اطلع اليوم بعد والحين
الدكتور: لا مااقدر هذي مسؤليه وبعدين على ايش مستعجله وبعدين لازم تتحسن حالتك النفسيه
نوار:اووف انا لو جلست هنا بتعب زياده يمكن اموت
الدكتور: ياسر ممكن اكلمك برا
ياسر: طيب الحين جاي
نوار بعد ماطلع الدكتور بكيت ماادري ليش بس مسحت دموعي بسرعه
ياسر على طول تصيح تقهر رحت عنها برا اكلم الدكتور
نوره صحت تكلم نفسها وتمسح علي وجهها اوووف يامحلى النوم الله اول مره انام مرتااحه نزلت الساعه وحطتها على المخده رحت الحمام توضت اخذت الجوال: ول الساعه 6 المغرب ياويلي صليت الظهر والعصر لبست عبايه بسرعه ونزلت وجوالها بيدها
ام يوسف :صباح النوم
نوره : هههه والله راحت علي نومه وين امي
ام يوسف :اتني نايمه راحت مع ابوك الظهر
نوره: ليش ماصحوني ولا انا مو بنتهم
ام يوسف :انتي قافله الباب موحاسه بالي حوليك
نوره :بتصل علي ابوي عشان ياخذني
ام يوسف :لااجلسي تعشي معاي يوسف برا مع ناصر واصحابهم
نوره :ولدك ذا ماعنده غير الهياته مع نويصر قبضي ولدك ياعمه وبعدين كيف يخليك لحالك
ام يوسف بتتكلم بس جوال نوره دق
نوره : يااربي هذي رنا الووو
رنا :ايش فيك طفشانه
نوره :لا بس انا عند عمتي ام يسوف تبيني اتعشى عندها
ام يوسف: قولي لها تجي تتعشى معانا
نوره: رنا سمعتي
رنا: اوكي بكلم فصووول يوصلني
نوره :تعالي ترا استناك,,,الوو لاتقفلين ابسالك بتروحون لــ نوار
رنا :لا ياسر يقول ممنوعه من الزياره اليوم بواسطه ابوي دخلونا
نوره :اووكي لاتتاخرين ترا بتعشي بدونك
رنا :اعرفك دووبه
نوره: انا دبه طيب انا استناكي
ناصر: ليش معصب الحين خلها فتره وبعدين كلمها
يوسف :انت ماتشوف وشلون تعاملني والله ماتعامل فيصل مثل ماتعاماني تخيل واحنى رايحين البيت كل ماتكلمت تأففت ولا اعترضت ماعمري قلت شي وعجبها
ناصر: يوسف الي مايحبك لاتحبه
يوسف يرفع يده لسماء :يااارب ياحي ياقيوم ان ناصر يحب ويتعذب مثلي ياااارب يااارب
ناصر: ول من قلبك داعيها
يوسف :من قهري
في المستشفي نوار حاطه ايدي على خدي طفشانه الزياره والمستشفى صار هدوء
ياسر: تبين تنامين في المستشفى
نوار: لاابي اطلع
ياسر: طيب اطلعك على مسؤليتي بس بشرط
نوار: الي تبيه بسويه
ياسر: تسمعين كلام امي وتسبين اسلوبك الماصخ معاي
نوار انا اسلوبي ماضخ ايه صح :انااسفه بس انا معصبه شوي
ياسر: طيب لو تكرمتي لاتحطينها فيني فاهمه
نوار لالا مو من جديد لا تنزلين تكفين تكفين بس دموعي دايم جاهزه ياليتني اقدر امشي ولا اخليه يشوف دموعي دموع الضعف
ياسر :الحين اخلي الممرضه تساعدك تلبسين عباتك وتلم اغراضك
تدرون طرت من الفرحه يالله باروح البيت
ياسر خلصت الاجرات ورحنا البيت
نوار عانيت لحد مانزلت من السياره
ياسر دفيتها الين دخلنا البيت
نوار شفت الصدمه بعيونهم مو مصدقين
ام ناصر تحركت: الحمد لله علي سلامتك
نوار: الله يسلمك
ابو ياسر :الحمد لله علي السلامه ,,,ياسر ليش مطلعها مادكتور يقول يومين علي الاقل
ياسر :انا طلعتهاعلي مسؤليتي عاد هي عندكم فهموها اناتعبت منها
ام ناصر: يمه ليش العناد خليك عشان مصلحتك
نوار: مااقدر اقعد زود
رانيا تنزل من الدرج: نوار لامو مصدقه اشوف البيت منور
نوار :ابتسمت لها
ياسر :يمه هذ هي عندك عاد شوفي شغلك معاها وهذي علاجاتها
ام ناصر :رانيا وديها غرفتها خليها ترتاح انا بسوي لها عشى
ياسر :انا طالع انا من زمان مانمت عدل ,,وين رنا
رانيا :عند بيت عمي ابو يوسف وداها فيصل
ياسر: طيب تصبحون علي خير لاتصحوني اوكي
بعد اسبوع بصراحه البنات ماخلوني كل يوم وهم عندي بس اليومين الي راحت انشغلوا في السوق المدرسه باقي عليها اسبوع
رانيا :تدخل نوار يلا تعالي ابوي مسوي اجتماع عائلي
نوار: اخوانك تحت
رانيا تجيب عباتي :خذي البسي بسرعه "وغطيت وجههي"
ساعدتني بلبس العبايه نزلنا مع المصعد دخلنا الصاله
ابو ياسر: ها كيفك يبه اليوم
نوار :بخير الحمد لله
ياسر كلكم موجودين يبه ثامر له ثلاث ايام يزن علي راسي يبي طلعه بر لـ نوار
نوار انصدمت عشاني
ناصر يضحك: ههه لـ نوار
ياسر : هههههههههههههه تدري كل ماقلت شي قال اختي ياكثر اخوانك يانوار
ابو ياسر:ههههههه وانت عادي
ياسر: ويش اسوي كل شوي اختي واختي
رانيا :هههههههه ياحليله ثمور ماله خوات
ياسر :ثمور بعينك ايش طوله وعرضه ثمور
فيصل: اخلص عليناالسالفه وش هي
ياسر: ابد يبي لنا طلعه بر يبي ينصب الخيام بكره الصباح وبياخذ يوسف وناصر معاها
رنا: انا موافقه صراحه نفسي مغير جو
رانيا :لا انا مااقدر بسمر والجو حاار سوري
فيصل :اقول من يباضك يالبنانيه عاد
رنا :ياعيوني البنانيات يدورون سمارنا مو لقيينه
ناصر: اصلاً الجو حلو غريبه مثل ذا الوقت في غيوم المدينه دايم حر
ابو ياسر: ماادري كيفكم
ياسر: احنى مو مطولين يومين ونرجع
ام ناصر: خلاص انا بكلم ام يوسف وام احمد عشان نجهز وبكره الظهر نمشي
رانيا :لا والله الظهر ماامشي حر حرام عليكم
ياسر: الله يخلي المكيف لااسمع نقااش
في الليل
ثامر: الحمد لله انا برسل بكره الصباح كم واحد وبطلع معاهم وباخذ يوسف وبنروح نجهز الخيام
ياسر :عاد لا وصيك بالمكان الزين
ثامر: من عيوني يلا خليني انام وراي قومه بدري
ياسر: مع السلامه
نوار قاعده افكر بروحه بكره كيف بتحرك بالكرسي أكيد بتعبهم معاي
اتمنى ينال اعجابكم