اشكرك اختي شجرة الدر أو الدرر على متابعة الموضوع واتمني تشاركين باتعليق علي النقاط التي فيه . لأنك حرمه يتقبل منك النساء أكثر. خصوصا ان بعضهم يعتقد أن الموضوع ليست له مصداقيه عندكم
وشكرا ............
+++++++++++++++++++++++++++++++
السلام عليكم .............
الحالة الثالثة ( رجل تزوج اثنتين )
يقول اللمهم / أبوي عندما رجع وفي يده البشت وعطره يفوح وثيابه تلمع وجديدة . أحنا صراحة تأكدنا وهو عرف أننا عرفنا . المهم جلس أشوي في الصالة معنا وبعدين راح غرفته وكانت فيها ماما . المهم حاول يدخل الغرفة لكنه ما دخل ورجع لنا في الصالة وطلب من اختي تجيب له الماء . ( اعتقد أن أمي قفلت باب الغرفة عليها )
المهم من ذالك اليوم صرنا نتعامل مع الآمر على أنه واقع شرعي وطبيعي ويصير في أي بيت . ومع مرور الأيام قررت أنا وأخواتي نروح نزور زوجة أبوي ونبارك لها في البيت ( وعلشان ما تأخذ في خاطرها علينا )
وحاولنا نقنع أمي تروح معنا و قلت لها تعالى معنا والله راح تكسبينها وهي من بيت طيب و أصيله . قالت لو أنها طيبه وأصيله كان زارتنا في البيت . قلت لها أبوي يقول أنها دائما تحن عليه وتريد تزورنا في البيت وأنت لازم تسبقينها وتروحين تزورينها .
قالت انا ما زور وحده ظالمة وهذه تعتبر إهانة لي . قالت لها أختي تعتبرين حكمة الله وحلاله إهانة ؟؟؟؟؟؟؟؟؟؟
لكن رأسها يابس وناشف وقالت يكفي تروحون أنتم وتباركون لها وتشوفون كيف أثث الشقة لها !!!!!!!!!!!!!.
المهم رحنا وصراحة استقبلتنا بحفاوة وحتى أخواتي ما توقعوها . ودائما تعتذر لنا أنها سببت رجه ومشاكل عندنا في البيت .
( بس معليك صراحة أبوي اختار وحده أصيله ومحترمة . قلت له صعب تحكم عليها من أول مرة . قال الفاهمة فاهمة والأصيل أصيل . وكلنا نعرف أن الذهب ما يصدأ . قلت له الحمدلله )
المهم رجعنا للبيت وأخواتي شرحوا حق أمي الوضع كيف . وحتي حجم الثلاجة وماركتها وقيمتها ( يقول لى تعرف سوالف البنات 80% فاضي وماله قيمة )
المهم بعد تقريبا يومين جاء أبوي إلى البيت دخل وسلم وردينا عليه . وللأسف أمي ما ردت عليه ولا كأنها تشوفه
المهم جلس معنا أشوي وبعدين دخل غرفته وأمي لسه الإحساس عندها ما كمل طوره ( لم ينمو ) .
المهم طلع أبوي من الغرفة وطلب من وحده من أخواتي تأتي له بالماء . و يا سبحان مغير الأحوال أمي صار عندها إحساس وصرخت على أختي ؟؟؟؟؟؟؟ ( قف) من أنتي علشان تجيبين له الماء .( صراحة أنا استغربت وتوقعت أنها هي بتروح تأتي له بالماء ) لكن للأسف قالت له ( روح لها - تقصد زوجته الثانية – هي تجيب لك الماء ولا تخاف عليها ما راح تتعب ثلاجتها تجهز الثلج والعصير والماء . احنا ثلاجتنا صغيره وقديمة وما تبرد عدل وحنا نتعب إذا نكسر الثلج ونحطه في الماء ) !!!!!!!!!!!!!!!
المهم أبوي عصب !!!!!!!!!!!!!!!!!!!! وبعدين قال لى قوم شغل السيارة الونيت .
المهم طلعت معاه ورحنا نفس المحل الذي اشترى من عنده الثلاجة وطلب منهم ثلاجة ثانية نفس اللون والحجم والماركة وحتى السعر . قالوا له بنزل لك في سعرها لأنك ( زبون عندنا ) اشتريت من عندنا كل أثاث البيت . قال لهم لالالالا . أبيها بنفس السعر ؟؟؟؟؟؟؟؟؟؟؟؟؟؟؟؟؟؟؟؟؟
المهم رجعنا البيت ( وهو جالس يضحك ) ومعنا الثلاجة الجديدة نزلناها عند الباب وحاولنا ندخلها البيت وما قدرنا حاولنا اكثر من مره وما قدرنا . قلت له ليش . قال حجم الثلاجة أكبر من حجم الباب . جلست أضحك عليهم كثير .
المهم أبوي حلف أن الثلاجة لازم يدخلها البيت وما يرجعها أو يغيرها واتصل في أحد المقاولين وجاب عماله ( هنود وبكستانيين ) بعد يومين وهدموا فتحت الباب ودخلنا الثلاجة . وراح العمال
المهم جاءت أمي فرحانة وشغلت الثلاجة . وإذا لحظات ونسمع ذاك الانفجار !!!!!!!!!!!!!! قلت له ويش صار
قال أحترق المطور مال الثلاجة لأنه يشتغل على كهرباء قوتها( الفولت ) 110 والكهرباء عندنا في البيت قوتها 220
قلت له انزين كيف طافت عليكم هذه الأمور من البداية ( الحجم و الكهرباء )؟؟؟؟ قال هذا اللى قهرني . و زيدك من الشعر بيت بقينا في البيت بدون باب لمدة أسبوعين ( والناس يمرون علينا ويطالعون فينا و ما دري يمكن يضحكون علينا وعلى سوالفنا )
بعدين تنهد وقال لى يالله أبيك تعلق على الكلام اللى سمعته .
بكره أخواني اعلق لكم و أي واحد عنده تعليق أتمني يشارك وما يبخل علينا
مع السلامه