السلام عليكم ............
الزوج الذي يحلل على كيفه ويحرم على كيفه حسافه الزوجة تخدمه علشان كذا اقول لك خليه يتزوج يمكن يصير رجال و أنت ساعديه على أثبات رجولته
وفي نفس الوقت أنت ترتاحين من شره و هذرته طول اليوم وإذا قال لكي بصير عادل وببيت عندك يوم وعندها يوم قولى له عطنا مصروفنا واليوم الذي تفكر تأتي لنا فيه اتصل وحنا نقولك تأتي أو لا.
أيضا الزوج الذي يتزوج اثنتين يكون مراقب من المجتمع وراح يحاسبونه ويعاتبونه على كل غلطه في حق اثنتين
أختي المحترمة لا تخافين على الحرمة الثانية ( أعرف تتمنين تسمعين خبر وفاتها )
ما راح يعذبها مثلك لأنها جديدة وهو صار شايب ومخرف واكيد ما راح يقدر يمقط يده عليها أو عليك
وحاولى تساعدينه وتختارين له وحده محترمه وتقدر تربيه من جديد وإذا أنت فاهمه زوجك عدل وعارفه أنه ما حد يقدر عليه انتبهي تورطين وحده محترمه او ملتزمة فيه .
خليه يختار على كيفه حتى لو كانت ساذجة ( ترى السذج يفهمون بعض زين )
علشان تأدبه و يا أدبها ( اللهم سلط الظالمين على الظالمين وجعل كيدهم في نحرهم )
معليه أخواتي أنا ما عرف اطبخ ( اقصد ما عرف أحلل ) وإذا صرت جائع أكل أي شي في الثلاجة ( أقصد أقول أي شي في راسي )
بس أنتم فكروا في الموضوع زين
وقبل ما ودعكم اليوم أبيكم تتخيلوا
- سيده من نسل رسول الله تزوجها واحد طاغي . ( التعذيب عنده عادي وإهانتها يعتبره عمله الإضافي )
وصراحة أنا مو قادر أتخيل ( يمكن لأني جائع ) بس علشان كذا أنا ما تزوجت سيده مع أني أعرف أنه من أراد السعادة فلينكح السادة .
- وابيكم تتخيلوا وحده زوجها جاطلها وهي تدافع عنه .
وبكره بحاول أوضح لكم العدالة والميلان القلبي وبطريقه يختلف الكثير منكم في فهمها