صبأأحكم .. مسأأكم .. عسل
الا ياللي جرحت القلب ثم زدت الطعـون طعـون
لك الله ما ذرف دمع العيـون الا علـى شانـك
صحيح الجرح من غيرك على قلبي تراه يهـون
ياشين الجرح من خل ٍ عزيـز ٍ صنتـه وخانـك
انا اللي كنت احبك حب مثـل الهايـم المجنـون
وانا اللي كنت اغار اصلا عليك اكثر من اخوانـك
وانا اللي كنت احسبنك حبيبي وسط هـذا الكـون
وانا اللي كنت اشيل هموم قلبك وابعـد احزانـك
وانا اللي كنت اشوفك فوق والعالـم ولا يسـون
واحب اللـي تحبونـه واعـادي كـل عدوانـك
وانا اللي كنت اداري خاطـرك وادللـك بالهـون
ولا اصـدق كـلام الا كـلام ٍ ينطـق لسـانـك
وانا اللي كنت اشوف من البشر مليون لون ولون
ولا افكـر احـب انسـان لان القلـب مسكانـك
وانا اللي كنت اقول الشعر ابك والناس ما يدرون
كتبـت بـدم شريانـي ولا هـو بـدم شريانـك
عطيتك حبي الصادق مشيت اعمى بدون عيـون
عطيت احساس شاعر يعزف اوتاره على الحانك
احسبنك معي صادق على وضح النقا ما تخـون
على العهد القديم اللـي معـاي بـرت بايمانـك
وحسب اني حكمت احساسك الكاذب واثره ضنون
وذلحينه مسحت اسمك علـى رقمـك وعنوانـك
..
من بحر ذائقتي
احسأأس
..