هذي ساره اللي تعزي حبها القديم.... وتعلن بداية ... جديده وتاريخ آخر .... مابقى على حبها له غير ساعات معدوده ولازم تنهيه من قلبها .... ... تبني صروح شامخه تتحدى قلبها من بكره.... الدموع اغرقتها قبل لايبدا مشروع ملكتهم من بعض
ياقلبي ارجووووك افهمني واترك باقي الأوهام
أنا ماتحمل الصدمه اخاف الجرح ينهيني
هذاك الحب عذبني وخلاني اعيش أحلام
وكل احلامي العذبه تمووووت بلحظه وبحيني
ياقلبي انتبه ارجوك كفايه ماحصللي العام
كفايه ان عذابي صار له سنتين يكويني
ولكني مع هـــذا بكابر وانتظر وانضاااام
سواليف البشررر في يوم ابد ماظن تعنيني
أحبه وأعشقه ياناس وأنا ماظن الهوى اجرام
لأن الحب من الفطره...وحب هالشخص يكفيني
نبرة صوته المبحوح تنسيني شقى الأيام
تذكرني بأشوااااااااقي وتذكرني بدواااااويني
كأن الصوت له نغمه غريبه غير هالأنغام
موسيقى هاديه بالحيل تداوي جرحي وسنيني
ونظرة عينه تدّوخ ولا ترحم ماغيررر هياااااام
أطالع صورته وأشهق وقلبي يحترق فيني
خذت قلبي وذوبته بس القلب ماينلام
حشى نظراته بلحظه تونسني وتبكيني
..... طلعت من الغرفه المعتمه ... وطلعت عند غرفة غلا ...(صاحيه ول نايمه؟)
فتحت الباب على خفيف أنوار الغرفه شغاله ... وغلا للحين مانامت .... كانت ماسكمه مجله وتقرا فيها ....
دخلت عليها ووجهها كله يدمع ويتكلم عن شدة حزنها ....
ساره واهي عند الباب توها تفتحه وبهدوء وبنبره هاائه: غلا
غلا رفعت راسها : هلا هلا ساره
ساره: انتي مانمتي للحين؟
غلا: لاوالله ماجاني النوم
ساره : ايه اكيد مابيجيك النوم من قدك فرحتك بكره
غلا : من جد متوتره
ساره: كلمتي تركي؟
غلا: ايه
ساره: اها ...
غلا وكانت متردده تسألها لكن استغبت شوي: ساره و...وشــفيكـ؟
ساره نزلت راسها بأسى لكن مااااااايصلح ولااايمكن تبين لغلا شي غلا شاكه انها تحب نايف لكنها مومتأكده
رفعت راسها بشموخها المعهوود: لابس مافيني النوم
غلا: ايه الله يعينك
ساره: اللا خالد جا؟
غلا: ايه من شوي كان عندي
ساره: اها ..
وطلعت وسكرت الباب ..غلا استغربت جيتها ...
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::
الساعهـ 9 الصبح ... اليوم ملكه غلا بالليل ..... ابوعبدالله كان ناوي يحط الملكه بوجود الأقارب وبس ماحب يكبرها ..غلاونايف شعوور لايوصف بالنسبه لكل واحد منهم ....غلا اللي من كثر التوتر لها أسبوع ماجلست مع أهلها ودردشت معاهم طول الوقت منحجره بغرفتها
قامت وتحممت ولبست جينز عادي وتيشيرت فوشي وعليه كتابات بالموف الغامق ..تزلت تحت عند أبوها وام محمد وخالد ..وعبدالله كان جاي بيجلس مع أبوه شوي وبيمشي
ابوعبدالله: يااااااهلاااااوالله بغلااااي ياصباااح الخيير
غلا: صباح النور
ابوعبدالله: ماشالله والله وحلويتي ... اليوم طالع قمرفي طلتك ياسلام
غلا حمرت خدودها وابتسمت: ههههه تسلم طالعه على أبوي
ضمها على خفيف
ابوعبدالله: يااعمر ابوك انتي (يهمس لها) هاه وشلون النفسيه اليوم؟
غلا: ابتسمت وهمست له بإذنه
ام محمد انقهرت (عقلها صغير) واستاذنتهم
عبدالله وخالد كانو يسولفون بروحهم
خالد: والله ياعبدالله خذ شوري أحسن
عبدالله: مدري ياخالد
خالد: عندي لك رقم الشيخ والله بالقرايه والرقيه ان شالله يتحسن ع الأقل
عبدالله بأسى: مدري ياخالد انا الحين محتاار مع الولد ان جت أمه تقرا عليه قام يصرخ ويقول لها خلاص لاتكملين واهو مب ناقص ..ماابي اضغط عليه
خالد حز بخااطره وحزن كثيير عليه: الله يعينه والله اللي فيه مب سهل ...وللحين واهو بالمستشفى؟
عبدالله: إيه خلاص على طول ...(كان وده يوصف ويكمل ويشبع رغبة خالد انه يعرف لكن ماقدر يكمل أهو بالأساس مااافتح موضوع فارس والكل مقدر هالشئ اللا مع خالد لأن التعبيرات والحزن والشفقه ماتبان عليه خالد اهو الوحيد اللي عارف له ويبين له أن الوضع طبيعي ومافيه شي)
خالد: عبدالله خذ رقم الشيخ وان شالله يصير فيه نتيجه أحسن من هالمستشفيات
عبدالله أخذ منه الرقم وأهو يسجله بجواله حتى مايبي يشوف ردت فعل خالد
عبدالله: تدري انهم بدو جرعات الكيماوي
خالد: نعم؟
عبدالله :........اللي..ســـ...معت.
خالد: ايييييه الله يعينه ياعبدالله لاتنكد على نفسك وانا اخوك اذا ربك بيكتب له صحه ان شالله تشوفه أحسن من أول اعرف لك واحد بالرقيه والله انها بس رقيه وشفه الحين أحسن منني صحته ..صدقني انت لاتعتمد ع المستشفيات أنت أهتم الحين بكل النواحي
عبدالله: ايه الله يعيين ان شالله
خالد: وتعب الحين؟
عبدالله: مايقوم من السرير الكيماوي ماتعود عليه الجسم وبعدين توه بأول جرعاته .........
لحظه صمت خالد ماوده سمع هالكلام وتمنى انه حلم ... عبدالله مو مصدق نفسه انه قام يطلع ويعلم شوي ... ومع كل جمله يتنكد أكثر ويبان على صوته
عبدالله: تدري يوم يعطونه لاانا ولا لمى لاالليل ليل ولاالنهار نهار
خالد حط يده خلف ظهره: ايه هونها ياابو فارس ربك بيفرجها ان شالله والله على كل شئ قدير
عبدالله: اميين ان شالله امين
طلع اهو معاه عند السيارات عبدالله كان يبي يوري خالد شغلات يبيه يسويها له ...
خالد يبي ينسيه شوي: الله الله ياابوفارس وش هالسياره الكشخه بي أم جديد بعد؟
عبدالله بصوت مخنووق وكله أسى وحززن: لابي أم ولاغيرها والله لو أبيع كل املاكي عشان صحت فارس مستعد ....حتى الفلوس ماصار لها طعم
خالد ماعرف وش يقول له لكن فاهم لعبدالله يحب اللي قدامه يسكت وبالذات بها الأوقات
ركب سيارته اللي حاط فيها صورت فارس في لندن ... حطها بعنايه على الكرسي ... وحررك ومشى
خالد دخل البيت واهو مخنوق من اللي يصير لكن مالهم غير رب العالمين
.................................................. .................................................. ........................................
دخل للبيت على سوالف أبوعبدالله وغلا
ابوعبدالله: شفت اختك اليوم بتعرس ولاعبرتها
خالد: ايه اللا مبروووك غلانا وشدعوه يبه
غلا: امس مابقى من محاظره مااعطاني اياها اخر الليل
ابوعبدالله: هههههه احسن منني أجل؟
غلا: لاتقولون كلكم بعيوني
غلاواهي تشوف ساعتها: يوووه الكوفيرا بتجيني الحين
خالد: تو الناس مابعد تجي عشر
غلا: ياحلللوك والله الشغل ياخذ وقت مايمدي
ابوعبدالله: ووين خواتك مع بعض ول شلون؟
غلا: انا وريناد ساره أتوقع بتمرها ندى
خالد: عاد شكلك وحده دااايخه
غلا: مانمت أمس
ابوعبدالله:افا
خالد: ابوي لاتلومهن البنات عااطفيااات
غلا انحرجت من خاالد
ابوعبدالله: فديت البنات انا
غلا: يسلم لنا ابوي والله
دق الجرس
خالد: يالله هذي حقتكم جت
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::
كانت الكوفيرا تصلح شعرها واهي دااايخه وفيها النوم حاطه السماعات وتكلم البتول
البتول: لالاغلا لاتسوينها صدقيني رح تخرب
غلا: والله احلى النفخه وربي لوتشوفين اللي سوته
البتول: اوكي صوري نفسك بالوسائط وارسلي لي وأنا اشوف
غلا: اوووووك...بتول تعاالي عندي وش ذا من جد احترت .. مدري وش ألبس
البتول: البسي حق خالتك صدقيني أحلا شكله غريب شوي
غلا تدمع: مدري مدري البتول مرره محتااره ... وحتى هالشعر مدري كيف بيظبط
البتول: يابنت الحلال بيضبط معااك بس انتي الحين ريحي ريلاكس ووين ندى وساره ول ريناد
غلا: ندى اتوقع بتروح لمشغل بلحالها وساره معها وريناد خبرك فيها ماتدبر شي بالمكياج والألوان
البتول: يووه حالتك حاله المشكله أبوي الحين مشغول ول كان جيتك
غلا: ياربيييه طيب تصرفي أنا كل يوم أبملك؟
البتول: هههههههههه غلا ريلااااااااااكس كل هذا عشان تبين نايف يشوفك بأحلا شكل
غلا: اقول انطمي ناقصتك انا
البتول: ههههههههه ياحبي لك ياغلا ماتوقعتك لها الدرجه تستحين
غلا: البتوووول اسكتي انا متورطه وانتي بعالم ثاااني
البتول: جد؟ ياابختك
غلا: وانتي البسي ولما تجين على طول تعالي لغرفتي
البتول: ههههههههه ان ششالله
غلا: والبنات أبيكم تجون تصرفونني متووهقه مع هالملابس مانيب عارفه أضبط شي
البتول: روان ورنا بالطريق جايينك
غلا: احلفي
البتول: والله
غلا: وتوك تقولين
البتول : يااااااااااااااااااااحلااااااااااووه اييش الجماااال عسسل مرره عسسل يااغلا تهبليييييين
غلا: وصلتك الصوره؟
البتول: مررره مرره حلووووه بس خلاص لاتضيفين شي تسريحتك كذا مررره كيوت
غلا: جد والله؟ مدري احسها هاديه شوي
البتول: صدقيني هذا الأنسب عليك..عز الله رااح الرجاال فيها والله بتخققينه عاد ثقيل بيحط حيله فيك
غلا: كم مره لازم أقول لك انطمي
البتول: يوه مادرينا انك ماترضين وخجوله مره وتستحين أسفين
غلا: طيب اسمعيني الألماس حق خالتي رنا ألبسه ؟
البتول: اييه حلو بيطلع ..الله يصبر نااايف ويعينه عاد الولد ماايحتااج بلحاله رايح معااك وشاعر بعد بيطلع من الملكه عنتر
غلا: البتول شكل مصاختك بدت تشتغل ..اشوفك اليوم باي
البتول: هههههههههه والله اخلاقك عدم مدري فيك النوم ول وش اللا ع فكره متى نايمه أمس
غلا: مااعرفت انام مانمت اللا الساعه 6 وقمت على السبع بس سااعه تخيلي مدري وش بيسهرني اللا الليل
البتول: هههههههه ايه الحبااايب شوفهم اليوم لاتخافين بيقدر يعدل مزاااجك
غلا: يووووه يــشينـ....
البتول: غلوو تدرين فيه وحده اعرفها حملت على شهرالعسل على طول...يعني بالملكه تخيلي؟ عاد يقولون لاتاخذين واحد صغير ابد وانتي ماشالله صغير وعاشق
غلا تبكي: البتووووووول خلاااص وسكرت بوجهها
البتول ماتت عليها ضحك وقامت تقلقها مسجاااات قووووويه
رنا واهي توها داخله عليها
رنا: يااااااااااااااااااااااااااااااااااي وش هالحلااااااااااااااااااااااااااااااوه
غلا: رنووو حبيبتي
وقامت وضمتها على طول ووراها روان
روان: الف الف مبروووك الصراحه ماتوقعت بها السرعه
غلا: الله يبارك فيك..وكل البنات بيجون؟
رنا: ايه أكثرهم بيجون ماتعذر اللا ساميه
غلا: افاا ليه؟
رنا: تقول ان زواج خالها اليوم يمكن بس بتسير عليك هنا وتسلم وبتروح
غلا: يووه خساره
روان بانبهااار: غلا تجننين هذا وانتي بس التسريحه حتى المكياج ماحطيتيه
غلا: تسملين
رنا: ايه والله ليتني مكااانك
روان: ااااه بس كان الخطاطيب مثل النمل عند البيت
غلا: احم احم ايه طبعا هذي غلا بنت سلطان
رنا: اقول شكله كبر راسك
روان: الصراحه يحق لها قمر
رنا: شكلك خااقه خلاص البنت على ذمة نااااايف
روان: لااااااوالله يشين تفكيرك بعد
رنا: وكيف ناايف حبيب قلبك؟
غلا واهي ترجع عند الكوافير وسافهتهم ماتبي تفكر ويزيد توترها
روان: يعني انه مب عاجبني ومسويت لي مغصوبه
رنا: أي أي عادي انا أول كنت مكانها
روان: تذكرين يوم الحااادث؟ تتمنقل وتطاالع بالرجال مسكين ليته يدري
غلا: يوووه ياحلو ذاك اليوم وياشينه حلو وشين بنفس الوقت
رنا: ماالومك والله خطير حتى يوم زواج أخوك طالع ثققل
غلا: ايه طبعا ذوق غلا هذا
روان تكلم الكوافيرا: لالاتغمقين اللون
رنا: لالاخليه غامق أحلا تصير كنها العرووس أحلا
روان: لابس الفاتح يطلع لك لونها يبينه خليها ع البرونز مو بياض
الكوافير(لبنانيه): اوكي اذا بدك نحط الميك أب برونز مومشكله
رنا: لالاخليه عادي احسن
غلا: يوه والله من البلشه ..اقلقتوني خلاص حطي أي شي اللي يناسبني
اللبنانيه: اووكي
شوي ودخلت عليهم ساره ببجامتها الرصاصيه ... الهالات السودا تحت عيونها ... الدموع اللي ماجفت
فتحت الباب بهدوء واستغربت الكل التفت عليها
غلا رافعه حاجب والمرايا تعكس شكلها: ساااره؟ مارحتي مع ندى للمشغل؟
ساره: لااصلن توني قايمه
غلا: وبتروحين ول لا؟
ساره سفهتها وماكلمتها اصلن انقهرت من شكل غلا الفرحااااان .... وطلعت ورجعت لغرفتها ... تحاول تقنع نفسها ان الوضع رح يمشي بالنسبه لها طبيعي بتجلس ع النت شوي وبتكلم نومتها الين ماتخلص الملكه
طلعت وراحت لغرفة أم محمد اللي كانت تجهز البخور والعود
ام محمد شافت وجهها واهي عارفه وش فيها لكنها حبت تسأل:
وشفيك ياساره مالبستي معاهم
ساره لفت وجهها وجلست على السرير: يمه نايف لاياخذ غلا
ام محمد: والله حتى انا ماحطيت لها حساب ... وماحد وده لكن هذا نصيبها
ساره: اوكي طيب وساره ليه مايجي يخطبني؟
ام محمد: يابنت الناس وش يخطبك
ساره بصراخ: اجل ياخذ هالغريبه اللي ماتقرب له قاص على روحه ومسميها بنت خالتي؟
ام محمد: وانتي الصادقه ... بس حتى اهو مايبي ياخذك وفيصل متقطع عشانك
ساره بقهر: وش ذنبي أبي اعرف اهو يحبني ينقطع رزقي أنا ياأما فيصل ول عاانس؟
ام محمد:والله هذا نايف وتعرفين العيال .....الناس بس وش بيقولون عنه ان درو ان فيصل يحبك واهو جاوأخذك بعد نايف مايبي يطيح بها الحركه
ساره: ياخوفي تصير هالسكنيه عااجبته
ام محمد: ساره . تقبلي اللي صار أنا حتى انا والله ان امس ليلي مب ليل ماحد يبي نايف لغلا بس وش نسوي
ساره: لايايمه لازم نسوي شي يعني أجل متكتفه وأتفرج عليهم مستحيل
ام محمد: الملكه اليوم
ساره: ابنظلهم ول ابلعنهم أبسحرهم ابقتل غلااااااا المهم لايصيرون لبعض
ام محمد: ههههههه والله لو ان السحر حلال وسهل كان قبلك سحرتهم وخليت نايف لك
ساره: ياااشينها غلا هالاسسم صار يسبب لي أزمه
ام محمد: تعوذي من ابليس وروحي اكشخي وتزيني يالله خلي الناس يشوفونك
ساره واهي تطلع ومعصبه: تكفين يمه وش فايدة الناس الحين اذا نايف مب لي ..خلني اطلع احسن ...
يمه ابروح انام ولااحد يصحيني
ام محمد: ساره وش اقول للناس؟
ساره: نايمه ميته اللي هو بس ماااحب اشوف هالسووسه لا واكيد اللي بيجي مع نايف فيصل عز الله كملت
ام محمد: مااقول اللا الله يهديك
ساره: هههههههه وشدعوه حقدي كله من امي وارثته
ام محمد: قول يالله بس اطلعي
ساره: انشالله اشوفكم بكره اذا بقى فيني روح
وطلعت وسكرت الباب بقوه
وام محمد خاااانقتها العبره كلش ولاتجي غلاااااااااااااااا وتااخذ نايف بس خلاص طارت الطيور بارزااقها
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::
نايف: يالله يمه لاتطولون عليهم
ام نايف: ان شالله بس اصبرلي اكمل ..تو الناس باقي على العشا
نايف: ..يمه بيأذن الحين
ام نايف: ياحبك تخرشني رح استقعد لمشااعل شفها طولت عشان تلبس
نايف واهو يحووس بتسريحة أمه وأنواع الأشكال الغريبه يشوفها:اوف يمه وش ذا؟
ام نايف بضحكه: ديرم أسمه
نايف: وعليه اسم بعد مادري وش يبي
جلوي: ههههههههه اللا اقول يمه الحين حريمهم كثاار؟
ام نايف: مب الكل بيجي القرايب بس
جلوي: ومتى بيجيني الدور؟
ام نايف: ان شالله انت بس خف على اخوك شوي ماتسوى عليه هالملكه
نايف: افااا ناوي ينظلنا أبو الشباب أقول عاد تركد وتوني انا ماابعد حتى أروح لبيتهم حتى الملكه ومابعد
جلوي: ايه مالت علي حدي كم من كذبه لقينا لك فلانه وبنخطبها وكله فقش الله يصبرك يااجلوي
منصور: يمه أبوي يبيك بالغرفه
ام نايف: ايه صح نسيت اعطيه ثوبه قال لي اكويه ونسيته
نايف: لالاخلاص اعطيني اياه انا اخلصه عنك ....وشماغه كويتيه ؟
ام نايف: لا
نايف: اعطيني اياه
ام نايف: شفه معلق في الدولاب
أخذ الشماغ وقعد يشتغل عليه
مشاعل جايه تخترش اهي ومنصور والوليد
مشاعل تصيح: يمه
دخلت الغرفه ماشافتها
جلوي: امي عند أبوي مب هنا
مشاعل واهي طالعه من غرفت امها: ياربيه وين الحلق حقي يالحماار
منصور: الحلق ول السلساال هيهي
مشاعل: سخيييف
منصور: سخيف ول باايخ
مشاعل: ياربييه خلصوووني وينه؟
قامت تنادري بالوليد (وليييييد وينك؟)
الوليد واهو جاي عندها واهو يغني : وينك بغيت أحط واحد بديلك
منصور: لومانهيت القلب روح زمااانك
مشاعل: حلقي وينه يالحمير يالشيون
منصور: (يقلد اسلوبها بالكلام)يالحقيرين يالوصخين ياشينين أنا مااحبكم
الوليد: ههههههههه كفك
ومد له يده وبحركاااتهم اللي تنرفزها
مشاعل: ترا والله لأعلم نايف أبقول اهم اللي بياخروننا
الوليد: سهله بيقول لك ليه لااازم حلق مارح تموتين
مشاعل: يممه !!
ام نايف: وش هالهوشه عندكم؟
مشاعل: يمه حلقي ضايع
ام نايف: وين حلقها؟
الوليد: اسألي منصور
منصور: نصااب
مشاعل عصصصصصصصبت وقامت تصارخ وتصصصيييح من العصبيه: الوليد عارفه انه عندك طلعه
الوليد: لحظه لحظه أبقول لك نكته قببل ماتكملين
منصور: هههههههههههه تعجبني
مشاعل راحت وجلست ع الكنب : والله ماارووح ان ماطلعتوه حتى الميك أب خرب
منصور يقلدصوتها (عنده هواية تقليد أصوات): الميك أب ياااي الوليد ليه انت كذا ماااااارااا (مره) مررررررا سخيف وبايخ
الوليد مسوي روحه بنت : ترا والله لأعلم عليك المامي يامنصور طلع لي الحلق بسرعه
منصور والوليد: ههههههههههههههههههههههههههههه
مشاعل تنادي: نايف تعال شفهم
نايف مقبل عليهم بريحة البخوور والعطر والبشت والغتره كلشي يحكي عن رجولته ووسامته : اقول اركبو السياره توني مودي أبوي وماابي يطول واهو ينتظر
مشاعل خقت معااه :نايف رهيب اليوم
نايف: عيونك الحلوين ميشوو
الوليد: اااااااااااخس صار يدلع أخونا
منصور يغمز: يبي يتعوود مسكين
نايف مبتسم : اقول امش انت وياه واركبو السياره
منصور لحظه ولف على جهت مشاعل: وش رايك بشكلي؟(يقلد صوتها) قولي مررررا وااااو
مشاعل: انقلع
منصور: اذا تبين الحلق قولي
مشاعل من غير نفس: مرره واو خلصني مثل الاطفال سبحان الله
الوليد: ااااااااخس ياكبييره
مشاعل: اقول اسكت انت الثاني
نايف فتح الباب واهو معصب عليهم
نايف: لي ساعه عند السياره !!! هرجكم ماخلص ؟بسرعه لاأتاخر ع الملاك
منصور: لالا جاك الحين جايك..بسرعه يالوليد لايعصب واهو كاشخ يخرب كل شغله
الوليد: هههههههههههه
ركبو السياره وراحو عندهم
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::
B]
خلاص تجمع الناس كلهم بالبيت خوات ام محمد واهل غلا .. واعمامها ... والكل جا ... شوي ويدخلون عليها البنات كلهم وصديقاتها والبتوووول جت وتوها داخله عليها بالغرفه كانت غلا تصلح شكلها ع الاخير خلاص انتهت المكياج ومابقى غير اللبس وتخلص
البتول: غلووووووو حبي
غلا شافتها وحطت العين بالعين من غير شعورها نطت عندها واحظنتها ... البتول من أول مادخلت واهي تبكي وغلا ماسكه نفسها ع الأقل لاتخرب الكشخه
البتول: وربي فرحت لك ياغلا الف الف الف الف الف مليوووووووووووووووووووووووون مبروووك مبرووك غلو
غلا: الله يبارك في عمرك البتووول ماتتقصرين
وشوي وقامت تصيح
روان والجازي ورنا تجمعوو
روان: يووه بدينا بحركات يوم التخرج؟
رنا: غلوو قلبي لايخرب مكياجك ماصدقنا كل شوي نعيده لك
غلا تمسح الدمعه ومبتسمه: ابحاول أمسك نفسي ان شالله
وراحت جهت ذهبها معصبه
غلا: يووه وش البس الحين بنات
رنا: والله حق خالتك الألمااس مرره رهيب
البتول: لالا خلي الثاني احلى
روان: لالاالصراحه الالماس اكشخ الحين أنسب
غلا: ظنكم؟ خلاص ابحطه حق خالتي وامري لله
دخلت للحمام ولبست وتسمع البنات كلهم يمدحووون بكشختها وجماالها
كانت لابسه فستان سكري وحاطه الشرعه اللي مبرزه جمالها وأنوثتها ...وعيونها الوساع ول خشمها الدقيق ... ول نظراتها السااحره ... ملاك بشري ... كانت أعظم من الحور ... مثل القمر في طلته ...ومثل العسل بسمتها ...مثل الحلا في عذوبتها .... مثل الورد في رقتها.... مثل البحر في هدوئها كلشي يحكي عن الفتنه والجمال الباهر ...وكانها ملكت جمال الكون كله
طلعت غلا: هاه بنات وشريكم؟
رنا بابنهار: رووعه ياااغلا من جد جد والله بتسحرينه
غلا: جد؟ أحس من فوق ماسك مره
البتول: هههههههههههه ايه خليها عشان تحملين بدري
الكل قام يضحك
غلا عصبت: وخير؟ اشوف هالكلمه صايره على لسانك هاليومين؟
البتول: والله هذا حال العشاق ماجبت شي جديد
شوي وتسمع صوت أزعااج وناس تسلم وناس تزغرط وتبارك
ريناد واهي رايحه لها فوق: غلوو ترا جا المعرس ..وانتبهت لها وسكتت
ريناد تصرخ: ووووووووووووووووووووووواااوووو غلا وش الجمااال؟
رنا: اقري المعوذات مااوصيك ترا العين ماترحم
البتول: تعالي اقرا عليك
غلا: وين داخلني جني انا؟
روان: ريناد جا المعرس واخوانه معاه؟
ريناد: ايه
البتول : كم واحد؟
ريناد: نايف وثلاث اخوان
البتول: وفيه أحد كذا يناسبني؟
ريناد بضحكه: منصور كبرك وجلوي بالجامعه والوليد كبري انا
روان: محجووووز جلوي
الجازي: منصوور
البتول: وخيير لالاانا قايله جلوي
ريناد: خخخخخخخخ خلاص وانا زوجت نايف الثانيه
غلا: نعم نعم؟
البتول: احلااااااااا بدت الغيره
غلا: يالله اجل انتم انزلو
ريناد: غلا قبل لاانسى ترا خالد وتركي بالصاله يبونك
غلا: وتركي جت معاه ديما؟
ريناد: ايه ياغلا تهببل هالبنت فديتها
شوي وسمعت صوت ديما تناديها راحت وسلمت عليها وسألتها عن اخبارها مع تركي والحمدلله شكل البنت مبسووطه ...راحو البنات بينزلون وكلهم واغلا واهي رايحه في الصاله اللي فوق عند اخوانها
رنا: كلولكلولولولولولوليييش والف الصلاة والسلام عليك ياحبيب الله محمد
قامو يصفوقن ويغنون لها (ياحبيب الروح بصوت واحد ) غلا وفيها الصيحه بس كتمتها
ياحبيب الروح من غيركـ أحبه .؟. منهو يستاهل في قلبي عيش دايم ؟..
أنت وحدك حاكم احساسي محبه... انت وحدك لي وانا اللي فيك هايم
وشوي ونزلو البنات وراحت بالصاله
البنات قاموونزلو وبيضو الوجه اللي تصب القهوه واللي تساعد أم محمد الكل اعجب فيهم على أنهم صديقاااتها بس كله معزه وحب لغلا
غلا: السلام عليكم
تركي: يااااااهلااااااااااااااااااااااااااوالله هلا بغلانا
وضمها ع خفيف وسلم عليها وبارك لها
تركي: يالله يااختي ياانك قمر اليوم
غلا مبتسمه: جد؟
تركي: يااحلوو الضحكه من جد غلا أول مره فحياتي أشوفك متغيره كذا تغيرررتي
غلا ضحكت منحرجه
تركي حط يده بخفه تحت ذقنها ولف وجهها جهت خالد
تركي: باللهي مب تشبهني؟ سبحااان الله نفس الضحكه
خالد: وش جاب السما للأرض وبعدين يالحبيب لاتغزل بالبنت تراك متزوج
تركي: هههههههههههههه لالاديما مابتقول شي
غلا: اقول اسكت لاتسمعك
اعطوها كل شغل الملاك وقعت عليه وانهته وبهذا بدا الحب الجديد يغرد ... خلاص من الين مثل المتزوجه انتي ياغلا على ذمته ........(هذا الشي اللي عجزت تستوعبه
كانو حاطين لها زفه وبيزفون غلا مع نايف ... بالكوشه الفخخخمه كرسسيين مذهبين وغير الستاير الجديده المطرزه بذهبي وكل شغلهم يغلب عليه الفخامه ...
سكرو الأنوار ونزل الملاك من الدرج
الحب بدا يشعشع ويأخذ مكانه في مساحات قلبها وقلبه .... النظراات اللي بينهم ... والابتسامات .... شمسهم بأول نهارها ... وليلهم أرخى شتتهم.... الفرحه تملا قلوبهم .... مثل الملاك البشري لااهي ولانايف ... الكل يحكي جماله ... أشكالهم كانت تسحر وتفتن .... من بعد مانزلت من الدرج .. كانت مثل القمر ...ان شق ظلوع السحاب بنوره .... شوفتها تروي ظيم العطشان أجل كيف بالهيماان في حبها ...... جمالها اللي سحره قبل يسحر قلوب الناس المجتمعين ...حبهم العذري اللي انولد ...وبها الساعات يضمن كل واحد فيهم حياته ... الكل يحس انه توه مولود بها اللحظه وتوه يذوق طعم الحياة ولذتها من شوف خله
مد يده لها ومسكها وعلى زفة (راشد الماجد وأصاله)
راشــــــــــــــــــــد
يانــــايف جيتكــ ...لأنني قبل أبارك لك وأهني
شفتــ هذا الكون كلهـ ..!! من الفرح وده يغني
أصـــــــــــاله
كيف مايطرب مسانا...؟! وأجمل اثنين معانـــا
كيف مايضوي وغــــــــــــــلازادتــ النور بسمانا
راشـــــــــــــــــــــد
يامســـا الإحساسـ كلهـ..,, والزهر روزا. ,وفلهـ
يامسا العــز اللي يسمو في زمانهــ وفي محلهـ
أصـــــــــــــــاله
يالفرحــ لوجــيت داركــ,, وش أبهدي ..؟وكيف أباركــ؟.
ليــــلة فيها موبعيده يحظرالبـــــدرويشــــاركـــ
راشــــــــــــــــد
يانـــــــايف يسلم لي كونكــ يحفظكــ رب ويصونكــ
مــــــــــــااوصيك بالوصـــايا حط غلا في عيونكــ
أصــــــــــــــــاله