غلا: لالا خلاص أمشي لانتاخر ع البنات
البتول : امري لله
راحت على جنب ... تشوف الرقم والمسج أكثر من مره عشان تقنع قلبها الصغير انها بحلم مو بعلم ..تبشر أحلامها انها مارح تموت رح تعيش طموحها انه يكبر... سعادتها انها تتفتح ...
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::
نايف شوي تججدد الأمل : جلوي تصدق ان البنت ماتدري؟
جلوي: جدك؟
نايف: ايه والله
جلوي: شفت هذي خلطة خالتك ام محمد اللي رايح تتصل عليها
نايف: تقول لي انها مو موافقه والبنت مادرت؟ جلوي حتى بها المواضيع تطلع هالمشاعر فيه ناس كذا؟
جلوي: والله دنياك عجايب
نايف: من جد شي غريب
جلوي: اللا وين محمد دق عليه خله يجي
نايف: يووه ذكرتني أمي تبيني أرسل أشيا لبيت خالتي ام محمد
جلوي: خل منصور وابي اوريك السياره اللي قلت لك عليها
نايف ينادي: يامنصووور
منصور: جالك جالك
نايف: رح ود هالأغراض عند خالتي أم محمد وخل وليد يجي معنا
منصور: ان شالله
نايف: ابوي نايم؟
منصور: ايه توه من شوي ويقول لك لاتنسى تزور أبوخالد اليوم
نايف: يووه ياكثر مشاوير اليوم طيب بس انت ود هذي
منصور: ان شالله
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::
عبدالله ولمى طبعا خلاص انقلو للرياض في فيلتهم .. وتوهم يضبطونها ويكملونها .....في الصاله العنابيه
كان جالس على اللاب توب..يمكل شغله ..
لمى: عبدالله
عبدالله: نعم؟
لمى: فارس تعبان وده تكفى
عبدالله معقد حواجبه: وش فيه؟
لمى: يبكي من راسه من أمس وغير الربو مسكين طول الوقت تعباان
عبدالله : فارس
فارس ودموعه على خده: نعم بابا
عبدالله: تعال بابا عندي علمني وش يوجعك
فارس: بابا راسي يوجعني حتى الابله في الروضه تقول لي قول للبابا يوديك للدكتوروابي اتنفس مكتوووم
عبدالله : أخذت الدوا اللي اعطتك ماما؟
فارس واهو يكمل صياح: ايه بس دايم الدوا مايسوي شي
لمى بضيق: عبدالله وده على الأقل عشان يعرف ينام
عبدالله: لبسيه وأوديه الحين
فارس: لالاماابي أروح للدكتور
عبدالله: وليه؟
فارس يصيح: لااااتوديني أنا اخاف منه
عبدالله يحاول فيه: لامارح يسوي لك شي تعال
لمى: بس بيشوف ليه يوجعك وتجي ويعطيك دوا عشان الكحه وخلاص
فارس يصيح: لالاهذا حسام اللي بالروضه مايجي عشان الدكتور خذاه وخلاه ينام عنده انا ماابي اروح له
عبدالله: ياولد الحلال منتب جالس عنده بس انت امش معي
فارس: لالاماابي أروح
لمى: اجل لاتقول راسي يوجعني
فارس: طيب خلاص
وراح لغرفته وطبعا نوف بنت خاله مخليها تنام معاه وترح وتجي معاه بنفس الروضه ....
دخل غرفته..نوف كانت ماسكه القصه حقته وتقرا فيها
نوف: راسك يوجعك
فارس: لا
نوف: ليه تخاف من الدكتور؟
فارس: مااخاف
نوف: اللا تخاف
فارس: اصلن بابا يقول لي الرجال مايخاف من شي
نوف: اجل ليه ماتروح عشان راسك يعورك؟
فارس: لأنني ابي أروح للروضه بكره
نوف: المعلمه تقول اللي مايروح للدكتور كسلان
فارس يصيح: لابس أنا شاطر
لمى دخلت عليهم بابتسامه حنوونه: وشفيكم؟
فارس: ماما شوفي نوف تقول لي انت كسلان
لمى: لالاكلكم شاطرين
نوف واهي تغطي راسها بالمفرش: اللا كسلان وصياح بعد كل شوي يصيح
فارس: لاانا ماصيح
نوف: اللا انت قبل شوي بس تقول لي راسي وراسي وانا مااعرف اتنفس
لمى بخوف: فارس حبيبي تعال أدهن لك راسك
فارس: طيب
لمى: يوجعك؟
فارس: لالا
نوف: كذااب
فارس: مااكذب
وعلى هالموال الا أخر الليل
قام فارس على الساعه 2 يبكي من راسه ولاعلم أحد ..!!يحاول يتنفس يحس نفسه مخنوق لكنه سااكت عشان مايروح ... مايبي يروح للدكتور
حط الكمادات ولعب بالفيكس لعب بس مازال راسه يعوره ولاحتى نام
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::
وعلى صوت الاغاني والدق والرقص .. كانو متجمعين الكل فرحاااان بنتيجته ويتكلم عن مستقبله .... المكان كان مره خطير ..حطو تصوير وصورو... بلبس التخرج ..حفلتهم كانت حلوووه ومره تمااام .. الساعه 11 ونصف
ريناد: غلا أبوي متصل من شوي يقول أرجعو للبيت
غلا: يووه
ريناد: بسرعه أخاف يخااانق
غلا: اووكي طيب انتي البسي ونمشي الحين
ريناد: يالله
لبسو بسرعه وطلعو مع السواق
:...........................................
دخلو للبيت كان في الصاله ساره وام محمد وابو عبدالله
غلا: السلام عليكم
ابوعبدالله: وعليكم السلام طولتو
ريناد: والله أول مااتصلت طلعنا بس الشوارع مره زحمه
ابوعبدالله: ووشخبار حفلتكم؟
ريناد: رهيييبه حفلتهم وربي بس غلا قلبتها دموع هههههه
ابوعبدالله: وليه؟
غلا انحرجت: تعرف ابوي صديقاتي ابفارقهم
ساره: ههههه ذكرتيني بأيام الثانويه ياااقدمك
غلا: ههههههههههه لالابس من جد حفله على مستوى والصور بتطلع قريب
ابوعبدالله مبتسم: بنتي ياغلا أنا ابي أكلمك بموضوع
غلا تغير لونها: وشفيه يبه؟
ابوعبدالله: يخصك أنتي بس
غلا: خير وش فيه؟
ابوعبدالله: خير خير ان شالله بس انتي تعالي جنبي
ساره: يوووه من الأسراار يعني نطلع؟
ريناد: ايه امشي مالنا شغل شكلنا
ابوعبدالله: ايه عشان ماتنحرج بنتي
ام محمد بقرف: ياربييه انت وبنتك
ساره: ههههههههه امي الحين بتغار من غلا خلصنا من الجوهره وجتنا غلا
غلا ضايقها كلامها بس تبي تحسسها انك ماتأثرين: ايه يبه وش الموضوع
طلعو البنات وبقى أبو عبدالله وغلا
كانت جنبه على الكنبه مبتسم لها ويحرك شعرها
ابوعبدالله: كم عمرك الحين؟
غلا: بدخل ال19 ان شالله
ابوعبدالله: ماشالله كبيره بنتي اجل كبرت
غلا: ههههههههههههه اجل شلون؟
ابوعبدالله: وش بتدخلين بالجامعه ان شالله؟
غلا: مدري أفكر بالكيميا ول الأنجلش محتاره بين االاثنين
ابوعبدالله: الله يوفقك
غلا مبتسمه: ان شالله
ابوعبدالله: تدرين اليوم جاي واحد يبي يناسبني
غلا منحرررررجه: .....
ابوعبدالله: طالب يديك على سنة الله ورسوله وانا الصراحه من شفت هالرجال اعجبني بأخلاقه وبأسلوبه بمنطقه بطريقة تفكيره ماشالله عليه ...
غلا هنا انصدمت توقعت أنه واحد غير نايف ..نزلت راسها وسكتت ماقدرت تتكلم
ابوعبدالله:وشفيك ؟
غلا: ايه مدري وش اقول
ابوعبدالله: كنه ضايق صدرك ول مب عاجبك كلامي يابنتي اذا ماتبين الزواج مانغصبك عليه نبي رايك
غلا: مين يبه؟
ابوعبدالله: والله هذا يصير شفتي ام محمد ؟
غلا:ايه
ابوعبدالله: ايه هذا يصير ولد اختها أسمه نايف وماشالله عليه رجال عن عشر رجال وسمعته طيبه ومحترم وولد أجاويد ومن قبايل عريقه
غلا ابتسمت من غير شعورها وماحست بأبوها اللي جنبها...مستحيه صحيح لكنها تبي تستوعب ان ابوها يجيها يقول لها نايف خطبك
غلا: والله انا مااقول اللا ان الراي رايك والشور شورك اذا اهو عاجبك وانت ماشفت عليه قصور فأنا ماعندي مشكله
ابوعبدالله: موافقه يعني؟
غلا ابتسمت وراحت .... خلاص مابتقدر تتكلم زياده ووش بتقول له ..؟ الموضوع كله محرجها من الأول ...أبوعبدالله فهم ردها من ملامحها وكلامها ونظراتها وابتسامتها
اتصل على نايف وحدد معاه موعد الشبكه لانها مره متحمس لنايف ووعده انه يعرف وقت ملكته من اليوم ............
قالو لي ان الحب ممكن يذبل مثله مثل الورد الأحمر المتفتح الفواح...اليوم تشم ريحته ..وتتمتع بمنظره ...ويبهجك شكله وتحس فيه بشعور راائع لكنه غريب يقودك له ويتركك بين يديه ... ترتجيه مايبعد عنك ...تطلبه يسعد لك حياتك ... ومايكدرها ... ان جرحتك هالورده اهي الوحيده اللي ممكن تتغاظى عنها...كل المعاني ساميه وفيه ممكن ان الواحد يتخلى عن أشيا مهمه وظروريه لكن الورده هذي ان ذبلت لايمكن يتخلى عنها.....هل ممكن تذبل.؟؟... تتحول لورده سودا بدل ماهي حمرا..؟... تختفي ريحتها وبهجتها؟؟.. هذا مايصير في عالم الحب؟؟ بعد الأزدهار يقضي عليها فصل الخريف؟.... ول ربيعه طويل .......!!؟ الظروف اللي ابعدتنا عن بعض والدروب اللي مشاها قلبي... ممكن تكون هذي شهادت نجاحها .... هل هذا شعورك تجاهي أنت تشوفني مثل ماانا اشوف...لو يصير هالزواج ...أبخليك أسعد ان نسان على وجه الأرض ابشعلها شموع ..أبنورها كل عام...مارح أفوت لك عمرك ..أبخليك مثل الأمانه ...أحلى شي لما ..تسعى لحلم تعتقد أنه مستحييل...... وتتفاجأ ان نتيجة اصرارك يجيك على طبق ذهب ...من غير ماتتوقع ولاتحط لوجوده حساب ....يمتعك بالتفكير وبالعذاب اللذيـــذ ايه نعم هذا هو حبي لك يانايف ..
كانت ماسكه دفتر الخواطر اللي عندها تقرا بكل شي كتبته عن نايف حتى اتفه المواقف بينها وبينه ....
شافت المسج حقه تذكرت انه يبي ردها ...أتصل فيه؟... ول لالا مب حلوه كلمه واقول له انا وافقت عليك ... ابوي اكيد رح يعلمه
ماعرفت تنام ...ماللنوم مكان ...التفكيرثم التفكير اهو اللي كان يشغلها أكثر من أي شي خيالها الوااااااااااااسع الدافئ وحلمها ...الوحيد اللي يهمها اكثر حتى من النوم
لاتصد هناكـ ياعمري دقيقه ... العمر محسبوب بحساب الدقايق
في بحر عينك تبينت الحقيقه ... كل موجه تنقل لعيني حقايق
الهوى دلتني عيونك طريقه ... ثم سوت وسط قلبي لك طرايق
كم نفس في هوى عينك غريقه ... وأشهد اني رحت من ضمن الغرايق
كل مافرجت يامحبوب ضيقه ... غبت عنني وأصبح الخفاق ضايق
إلتفت يمي ترى عمري دقيقه ... ليتى احيان في سما عينك دقايق
فكرت وش تسوي فتحت جهازها على النت عل وعسى تلقى قصايد جديده
الماسنـــــــــــجر لقت (رد النظر متصل) لازم بتقطع علاقتها فيه اهي شوي وبتربط بذمة رجال وموحلوه تكلمه ممكن بتقدر تسميها خياااانه.........!!
ماتسوى علي نايف أخرتها يدري ويسحب الخطبه ...
حاول فيها رد النظر انها ترد لكنها ساكته ومطنشته ...تذكرت وقفاااته معاها مساعدته لها ...لو ان رد النظر ماكان يكلمني كان ماجبت هالنسبه لولاه اهو بعد الله..رد النظر مب مثل واحد عادي اهو ياما قدرني واحترمني ...ولو انه واحد غيره كان غدر فيني من باب الذوق اني ارد عليه وحتى لو اعلمه بخطوبتي يمكن أحسن من اني اطنشه
الغـــــــــــــــــــــــــــــــــــلا
ايه هلا هلا نايف
رد النــــــــــــــــــــــــظر
وينك يشيخه لي سنه أنادي
الغـــــــــــــــــــــــــــــــــلا
هههههههههههه لامعليش انشغلت شوي
رد النــــــــــــــــــــــــــظر
ووشلونك؟ ووش اخبارك ووش مسويه من زماااااان عنك
الغــــــــــــــــــــــــــــــلا
والله الحمدلله تماااااام التماام
رد النــــــــــــــــــــــــظر
كم نسبتك؟
الغـــــــــــــــــــــــــــــــلا
كم تتوقع؟
رد النـــــــــــــــــــــظر
خمسه وتسعين؟
الغــــــــــــــــــــــــــــــــلا
لالاسبعه
رد النـــــــــــــــــــظر
والله؟ الف الف الف مبرووووك
(وحط لها أشكال صوتيه عشان يبارك لها)
الغـــــــــــــــــــــــــــــلا
هههههههه مشكوور
رد النــــــــــــــــــــــــظر
تستاهلين كل خير .
الغــــــــــــــــــــــــــــــــلا
وكيفك انت ووشخبار ابوك وزاجك ووش صار عليه؟
رد النــــــــــــــــــــــــــظر
والله ماانيب قارد أعبر عن فرحتي اليوم أحلى ايام حياتي
الغـــــــــــــــــــــــــــــــــلا
باين عليك ماشالله من أول المحادثه وانت فرحااان بس ماعلمتني
رد النـــــــــــــــــــــــــــظر
اللي مخرب الدعوه أن عندها مرت أبو متسببه لكن الحمدلله مشت الأمور تمام خطبتها رسمي من أبوها واهلها والحمدلله اعجبتهم شكلي ... وقبل شوي اتصل فيني وحدد معاي موعد الشبكه
الغـــــــــــــــــــــــــــــــــــــلا
مبروووووووك الف الف الف مليوون ملبروك بجد فرحتني
رد النــــــــــــــــــــــــــظر
ياجعل الفرحه دوم ان شالله
الغــــــــــــــــــــــــــــــــــــلا
ومتى شبكتك؟
رد النـــــــــــــــــــــــــــظر
قريبه ان شالله حاس الدنيا ماتقدني من الفرح يالجوهره
الغـــــــــــــــــــــــــــلا
هههههههه من جد باين علييك
رد النـــــــــــــــــــــــــــــــــظر
اللا ماقلتي لي وش صار على ذاك اللي يبون يزوجونك اياه؟
الغـــــــــــــــــــــــــــــــــلا
لاابشرك جا أخوي وعلمته بكلش والحين خطبني واحد غيره ووابوي شكله مره عاجبه وماوده يرده وانا نفس الشي
رد النـــــــــــــــــــــــــــــــــظر
الحمدلله رب العالمين شفتي ربك يسرها .
الغـــــــــــــــــــــــــــــــــــلا
بس خطوبه مابعد صار شي ... بس الحمدلله حسيت الدنيا حلوووه
رد النـــــــــــــــــــــــــــــــظر
ايه الحمدلله ...الجوهره أبي اسألك عن شغله
الغــــــــــــــــــــــــــــــــــلا
وش؟
رد النــــــــــــــــــــــــــــظر
شبكتي مابقى عليها شي ووش ألبس ووش أسوي ؟أبي ذوق بنات انا أبي أعجبها
الغـــــــــــــــــــــــــــــــلا
ههههههههههههههههههههههههههههه شكلك من جد حبيتها..ضبط اللحيه وارسم العوارض والله الله بالشماغ خلك رزه وثقل ... يعني نفس طبيعتك ...حاول تبين لها انك هادي وانها عاجبتك وضح لها هالشي ... وترسم على مايقولون خخخخخ
رد النــــــــــــــــــــــــــــــظر
ماابيها تشوفني وتهون
الغــــــــــــــــــــــــــــــــــــلا
لالامارح تهون ان شالله ههههههههه
رد النــــــــــــــــــــــــــظر
والله مدري عنكن يابنات يقولون انكن اذواق صعبه
الغـــــــــــــــــــــــــــــــــــلا
لالاصدقني انت بس لما تشخص لها على طول بتعجبها انت بس ولايهمك
رد النــــــــــــــــــــــــــــــــظر
ان شالله الله يسهل
الغــــــــــــــــــــــــــــــــــلا
وبتترك المنتدا ؟ والقصايد؟
رد النـــــــــــــــــــــــــــــــــــظر
لالاان شالله اللا شفتي اخر قصيده ارسلتها؟
الغــــــــــــــــــــــــــــــــلا
اللي بالإيميل؟
رد النـــــــــــــــــــــــــــــــــتظر
ايه
الغـــــــــــــــــــــــــــــــــــلا
روووووووووووووعه مرره مرره خطيره
رد النـــــــــــــــــــــــــــظر
والله أبهديها لخطيبتي اجل
الغــــــــــــــــــــــــــــــــــلا
هههههههههه ياحليلك يانايف من جد فرحان أول مره اشوفك تتكلم كذا
رد النــــــــــــــــــــــــــــــظر
ماتوقعت اني ابتعلق فيها لها الدرجه الصراحه كل البيت مستغرب انا يحسبون ماعندي مشاعر وانا معودهم اني صاارم ولااحب اعبر عن اللي بداخلي بسهوله لكن حاولت اغير من طبعي احسن شي اني ابشوف الفرح بعيون ابوي وامي وهذا يكفي
الغــــــــــــــــــــــــــــــــــلا
ماشالله عليييييييييييييييك جعل هالفرح يدوم ان شالله
رد النـــــــــــــــــــــــظر
ان شالله ...يالله اجل دعواتك بهال الشبكه والله متوتر وانا ماتوقعت اني ابتوتر لها الدرجه
الغــــــــــــــــــــــــــــــــــلا
الله يوفقك نااايف ان شالله ويكرمك بالعياال
رد النـــــــــــــــــــــــــظر
أميييييين يالله اجل انا استاذنك تامريني بشي؟
الغـــــــــــــــــــــــــــــلا
سلامتك
رد النـــــــــــــــــــــــــــــــظر
فمان الله
الغـــــــــــــــــــــــــــــــــلا
بحفظ الله
((رد النظر قد غير حالته الى غير متصل)
كانت تطالع بها العباره تخيلت أنها فيوم من الأيام بتفتح إيميلها من غير نايف ...مخطوبه ومن مين بعد من حبيبها لكنها ...كيف بتقطع علاقتها فيه واهو ياما وقف معها ...أحتارت ماتدري وش بتسوي قررت تقطع العلاقه وتصارحه وتبين له انها مارح تكلمه لأنها الحين انخطبت ... واهو نفس الشي ورد النظر من النوع اللي يتفهم ... خلاص هذا قراري وهذا اللي لازم اسويه
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::
بين الألوان البريئه ...والرسمات الطفوليه...عاللم أحلى من الالحااان..واحلى من كل شي..عالم طفووولي بررريئ ..ورااائع ..كل شخص جربه ويحن له ...
في روضـــــــــة الأطفال
نوف: يااأبله فارس يصيح
المعلمه: لالاليه يافارس؟
فارس واهو يكح: ابي ماما
المعلمه: ليه راسك يعورك؟
فارس يصيح: ايه..ابي اتنفس مااعرف صدري يوجعني
المعلمه: حبيبي والله تعال
فارس: ماابي اتحرك بعدين ماعرف اتنفس مثل قبل
نوف: اصلن انا قلت لك امس ليه ماتروح للدكتور بس انت مارحت
فارس:انااخاف منه
المعلمه واهي تشيله: تعال اتصل في بابا
فارس ودموعه على خده تمسحها له: اخاف يوديني للدكتور
المعلمه: لالاالدكتور كلنا نحبه واهو يحبنا
فارس: مايدخلني للسجن؟
نوف: لالاالشرطي يدخلك السجن مو الدكتور
المعلمه: حبيبي الدكتور بس يعطينا الدوا عشان نطيب
جلسته على الكنب وراحت تدور رقم عبدالله
المعلمه: نوف حبيبتي روحي لفصلك
نوف: وفارس؟ بيطلع؟
المعلمه: ايه ابدق على ابوه لأنه تعبان
نوف: طيب
وراحت تدور وتحووس بالأوراق والكمبيوتر وكل أجهزتهم الا أن لقت الرقم
واخير رد على تلفونه
عبدالله: السلام عليكم
المعلمه: وعليكم السلام..الأخ عبدالله بن سلطان أبوفارس؟
عبدالله: ايه نعم
المعلمه: انا معلمته بالروضه أخوي ليتك تجي تاخذ ولدك لأن فارس مره تعبان
عبدالله: وش فيه؟
المعلمه: يشكي صدااع وربو بدا يغلب عليه ليتك تجي باسرع وقت
عبدالله: ان شالله بس خليه يجهز وأنا قريب الحين سلام
المعلمه: مع السلامه
راحت عنده لقته نايم ...لبسته الجزمه تبعه؛(وانتم بكرامه) واخذت كل أغراضه
المعلمه: فارس حبيبي قوم بابا جابياخذك
المعلمه: فروووس حبيبي قوم
تحااول فيه فارس فارس مافيه شكله.......فـــــــــاقد الوعي
حاولت فيه تجمعو كل المعلمات جابو له كاس مويه حاولو يقومونه ...يساعدونه يتنفس ...عبدالله يتصل فيهم يبيه يطلع لكنم ماردو عليه ...
قام فارس وتنفسه مرره صعب
شالته المعلمه وطلعته عند أبوه لأن التنفس صعب مع المشي بيبذل مجهود
فارس بتعب واهو يصيح: ابلا وين بابا
المعلمه : حبيبي بابا عند الباب الحين نروح عنده
فارس: بس قولي له ماابي أروح عند الدكتور الله يخليك
المعلمه قامت تصيح ماقدرت تمسك دمعتها شف كيف شايل الهم واحتى واهو تعباان وشكله بريئ وينرحم ؟؟
المعلمه: ان شالله حبيبي طيب
فقد الوعـــــــــــــي مره ثانيه
حاولت فيه يقوم لكنه بجد فقد الوعي ودته عند عبدالله اللي ركبه السياره وبسرعه دخله على الطوارئ
دخل معاه للدكتور اللي طلب انه يجلس ليلتين عشان الربو عنده مرره حااد وتنفسه يصعب ..حطو له مغذي وجلس أبوه عنده والولد نايم ...
لونه تغير ... وشكله وجسمه ...الحين وش بيقول للمى بلحالها ضايق صدرها على فارس وتعبه اجل كيف لو عرفت انه تعبان بها الشكل
سوا له تحاليل كااامله ... .وجلس يفكر الحين لو لمى عرفت وش بيصير فيها
عبدالله: الو
لمى: هلاعبدالله
عبدالله: لمى ..
لمى: وشفيك عبدالله؟
عبدالله: فارس تعب عليهم في الروضه وتوني موديه للمستشفى وبيخلونه يومين ثلاثه
لمى: يمه ولدي.!! بسم الله عليه وشفيه؟
عبدالله: ربو حاد
لمى: عبدالله توديني الحين
عبدالله: ايه ان شالله بس انتي جهزي الملابس حقتك وحقته واجيك الحين
لمى سكرت من عنده وقامت تبكي ع الولد حست انها قصرت وبالذات يوم تقول له لاعاد تقول راسي يوجعني
ياربييه يااعمري يافارس أجل انت تعبان وانا اهزأك ... ليتني وديته أمس ول سويت له شي من أمس وشكله مايطمن ....
جاها عبدالله واخذها للمستشفى ..لمى ماتبي توضح لعبدالله حزنها لأن أكيد اهو اعظم منها يعز فاررس ..أكثر من نفسه وتبي تبين له أن الوضع عادي وانها أزمة ربو عاديه
في الغرفه
عبدالله: مديرنا اتصل ويبيني أروح له
لمى: اوكيه خلاص
عبدالله بضيقه وحززن ع ولده: وان احجتو شي ول فارس صار له شي علميني
لمى: ان شالله
عبدالله: اجل يالله مع السلامه
لمى: مع السلامه
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::
دخل المكتب بضيقت صدر وعلم مديره عن سبب استأذانه جاه اتصال من المستشفى ..عن نتيجة التحاليل حقت فارس طلبهم انهم يرسلونها له بالفاكس
أرسلوها
مسك الورقه بيد ترتجف ووجهه اسود ...قرا الورقه 20 مره بالتمااام يبي يقنع نفسه بأن عيونه تصدق لكنه يكذبها
جمد على كرسيه ... وقدامه واحد من الموظفين(ماجد) تبعه مستغرب منه لأنه يكلمه واهو مايرد
ماجد: عبدالله!
عبدالله معقد حواجبه ويطالع بالنتيجه بصدمه
ماجد: عبدالله وشفيك؟
مسك الورقه وسحبها من يد عبدالله لانه مثل المبنج مايتكلم ولابيرد عليه ...
عبدالله بنفس جلسته وصدمتـــــــــــــــــــه مازال مب حاس بنفسه ولاباللي حوله ...
ماجد شاف الورقه حط يده على فمه وطارت عيونه عليها وعقد حواجبه
ماجد بتردد: عــ بـــد الله
عبدالله نزل راسه واهو ساااكت..!!!
ماجد قدر شعوره شوي وسكت جلسو خمس دقايق كلها صدمه عبدالله ولاحركه وولاكلمه وماجد محتاار ويقرا بالورقه أكثر من مره
عبدالله بهدووووووووووووووووووووووء: مــــــ ...........ا ..ج جد
ماجد: سم؟
عبدالله: الله يعافيك يااخوي طالبك هالطلب
ماجد: أمر
عبدالله: ممكن تقرا لي نتيجة تحاليل ولدي
ماجد:................
عبدالله: وشفيك سكتت يعني اللي قريته من شوي صحيح؟
ماجد: ان شـ،ــــــــا لله ابقراها
عبدالله رفع راسه ووجهه معرق ويده ترتجف بشكل يخوف
ماجد: ســــــــــــــــــــــــــرطان في الرئــــــــــــــــــــــــــــــــــــــــــــــ ه
.................................................. ................................................
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::
عبدالله: اقتلني
ماجد: نعم؟
عبدالله: اقول لك اقتلني
ماجد: عبدالله سم بالرحمن
عبدالله جايبي يوقف على رجوله بغى يطيح ومسكه ماجد على طول وجلسه على الكرسي اللي عند الكنب
ماجد: خلاص يااخوك ماله داعي تضيق صدرك
عبدالله ومازال مصدوووم: ماجد فارس تدري منهو فارس؟ لو احط هالعالم كلها بجهه وفارس بجهه مايتعادلون يرجح لي فارس فارس ولدي ضناي ياماجد
ماجد نزل راسه وسااكت صحيح كلامه وعبدالله يعز فارس أكثر من أي شي كلشي لفارس يسويه وفارس أكثر واحد يشبه لعبدالله اهو اللي مسميه على ذوقه ... والكل يدري بها الشئ عن عبدالله حبه لفارس أكثر من أي شي ثاني
عبدالله خنقته العبره وحاول يمسكها ومايهدها علاأقل مب عند خويه
طلع من المكتب واهو متضاااااااااااااااااااايق ومسك ورقة النتيجه بيده كأنه راسب من نتيجة امتحان
ماجد يلحقه: عبدالله عبدالله !! لاتروح وانت متضايق كذا ياعبدالله
لحقه ماجد الا ان ركب معاه بالسياره ...
عبدالله طاحت دمعته ..إيه وليه ماتطيح وهذا فاررررس ولده وضناااااه فارس يجيه سرطان بالرئه؟ ياجعلها كل الأمراض يابو فارس ولا انها بولدك استغفر الله راضي بالقدر ياربي... بس حاس انه مذنب ول مقصر كان يشوف الولد يشكي لكنه ماعرف انها أزمة سرطاان
ماجد قدر حالته وطلع من عنده ...أكيد مايبي احد يشوفه واهو بها الحاله
ركب ورا بسيارته عشان يكون حوله وين مايروح
عبدالله يمشي بالطريق ومايدري وين يروح..............؟. المستشفى ؟...مايبي يشوف ولده تعباان ول مريض ...مااايتحمل ماايقوى ... واهو مااشي وطلع برا الرياض على طريق الخرج ... ووقف بالطريق ونزل في البر
جلس على الأرض مايدري وش يسوي ول وشلون يقتل نفسه ..حاس انه المذنب وانه مقصر طاح على التراب وحط يده على راسه .... مسح دمعته بشماغه ... شاف مكالمه من لمى وحط لها مشغول ... واتصلت عليه أكثر من ست مرات ..الا ان رد
عبدالله: هلا لمى
لمى: عبدالله وينك عن الجوال؟
عبدالله: ماكنت بالمكتب
لمى: وشفيه صوتك عبدالله؟
عبدالله بضيق: لالامافيه شي فارس فيه شي؟