من بعد ماتعرفت على فاتن وشله الانس مثل ماهم مسمين نفسهم صرت بعيده عن اهلي امي وابوي حتى اسرار صرت بعيده عنهاااا 00
صارت حياتي وهمي كله نت وشات والبنات00
اذكر مره كنت على الشات اكلم واحد واتمصخر عليه دخل علي فهد بدون ماايدق الباب وقال :مرام اسرار بالمستشفى جابت بنت 00
لما شفته إختبصت وسكرت شاشة الكمبيوتر على طول وقلت بإرتباك:إيش تقول؟؟00
قال لي وهو طاير من الفرحه وماانتبه لحركتي :اقولك اسررررررا جابت بنت بنت مثل القمر00
رحت له وقلت له بفرحه :متى ولدت ماشاء الله 00؟!
قال لي بعتب:اكيد مااتدرين عنها هي من الظهر بالمستشفى وإحنا الحين المغرب وإنتي غرفتك ماطلعتي منها00
حسيت بكلامه وحسيت بالقهر من نفسي أسرار اللي بحياتها ماتركتني 00وهي الحين بأمس الحاجه لي ماادري عنها و لاأادري إنها بالمستشفى 00
حاولت ماابين إني غلطانه وانا اقول له: بلبس عباتي واجيك00
قال بفرحه :أنتظررررررك تحت00
لبست عباتي ونزلت تحت ركبت السياره مع فهد للمستشفى00وشفت اسرار اللي كانت حيل تعبانه وجههاا اصفر سلمت عليها وباركت لها ردت علي السلام بصعوبه وقالت لي ودمعتها على خدها :كنت بحاجتك بهالوقت 00
قلت لها بإعتذار :صدقيني مااحد قال لي 00
سمعنا دق الباب و دخل ماجد ومعه سلة حلاو كبيره وهو يضحك ويقول :ههههههههههههههههه صدق دنيا00 طفله تجيب طفله00
قالت اسرار بتعب :مجود مو وقتك00
قال فهد وهو يضرب ماجد :مااسمح لك تقول عن مرتي ورعه 00
ضحكت انا وقلت لاشعوريا :وهو صادق مااتخيل اسرار تكون ام 00
إبتسم ماجد وقال :هاااااااا حتى مرام تتفق معي 00
قلت له وانا ارجع لأسلوبي البارد معه :مو بكل حال00
جلسنا مع اسرار شوي وبعدين طلعنا نخليها ترتاح00كان وجود ديما بنت اسرار بالبيت معطيه حياه00
ريماني من بعد مااشتغل علي بمدينه ثانيه مااعاد شفناها الا بايام إجازات علي وكانت بعض الأوقات تكلمني لما روان تتصل علي بس جد لها وحشه هالبنت
00
في يوم إتصلت علي فاتن وقالت لي إن مها مسويه حفله تبغاني أحضرها بس لما قلت لأمي رفضت وصار بينا نقاش حاد00أمي وقتها أجرحتني بكلامها مع إنه معها حق بس ان مااعترفت إنها معها حق غير الحين 00
وقتها قالت لي بعصبيه :
مافيه طلعه إنتي كل يوم والثاني طالعه مكااااااااان 00الناس بدت تتكلم عليك وتقول مطلقه وهايته 00
اذكر وقتها صرخت بوجه أمي ونسيت إن اللي أكلمها امي جنتي وناري وكبريائي منعني أعتذر لهاااا ونسيت قوله تعالى ((( ولا تقل لهما أفٍ ولا تنهرهما وقل لهما قولاً كريما))) 00 ومن بعدها صرت أطلع بالليل وقت ماينامون 00
شهقت من الخرعه وصحيت من ذكريااات سنتين لما حسيت بيدين طوقني00لفيت على ورى وشفت ديما مبتسمه بوجهي براءه وهي يادوب تتكلم :ماما
لاتستغربوووا ديما متعلقه فيني حيل وماتناديني الا ماما وطبعاً فديتها هذي حبيبتي
سحبتها وجلستها بحظني وانا أبوووسها بقوه
وأعضها مع خدهاا:حبيبتي إنتي والله0
رفغت راسي أناظر اسرار اللي تكلمني بتساؤل :إيش مصحيك من الفجر00(دخلت المطبخ وكملت كلامها وهي تسوي لديما عصير) وليش جالسه بالمطبخ ودموعك على خدك00
قلت لها وانا أتنهد بتعب سنتين مرووا علي :مافيني شئ ماجاني نوم وجيت هنا اشرب شئ لأني عطشاااانه00
قربت مني بدون تصديق وهي تمسح دموعي وهذي عاده أسرار ماتحمل تشوف دموعي فتلاقونها على طول تمسحهم وهي تقول بتريقه :ها ها ها صدقتك عاد تدرين انا الوحيده اللي ماتقدرين تضحكين عليهااااا00
قلت لها وانا اهز كتوفي وابتسم بغياض :والله كيفك تبين تصدقين ولا لا هذا شئ راجع لك 000
قربت وجهها مني وقالت بخبث :إيش سر هالإبتسامه؟!
قلت لها بضحكه مالها داعي وبدون سبب :ههههههههههههههههه ماادري تصدقين00
ضحكت معي وقالت بفرحه :ههههههههه دوم هالإنبساط إيه ضحكي من زمان ماسمعت صوت ضحكتك الحلوه (وكملت بتساؤل ) على فكره مرومه بتروحين ملكة شروق 00
قلت لها بتفكير :ايش رايك إنتي ؟!
قالت لي بدون تردد :خليك احسن منها وإحضري ولاتنسين بعد حركتها فيك عمي هو اللي خطب لهااا بدون شووورها وبزوجها غصب عنهااا ولد أخوووه (وكملت وهي تصب العصير)00تصدقين فيصل خطيبها على قد حاله ماادري شروق كيف بتتحمل هالعيشه بعد ماكنت عايشه بأحلى بيت وتحت خدمتها الخدم00 على بالها بعد ماتطلقتي بتحصل عامر 00 ماتدري إن عامر مافكر فيها ومن يوم سافر ماارجع الا بوفاة أمه الله يرحمهااااا ويغمد روحها الجنه 00
طالعت في اسرار اللي تتكلم قدامي عادي عن طلاقي لأنها عرفت إن هالأمر ماعاد يهمني 00 ولأنها شافتني عشت حياتي وعلى بالها نسيت00
بس اللي ماتعرفه اسرار إني نسيت طلاقي بطريقه غلط كملت حياتي وتناسيت وضعي غلط00
صارت حياتي لعب ووناسه حتى لو كان هالشئ حرااام
بس والله إني كنت أندم واتوب بس توبتي مااطول الا وارجع للي كنت عليه00
فاتن وشلتها مو تاركيني بحالي 00يغروني بكل شئ وانا على طول ارجع لهم00
ادري إن هذا مو عذر لكل شئ سويته00 واللوم ماايقع عليهم اللوم علي انا اللي خليت الشيطان يلعب فيني 000
إنتبهت على أسرار اللي طالعني وهي تبتسم00
وقلت لها بصدق :تصدقين ما كاسر خاطري غير سميره اللي زوجها عامر غصب عنها بدون حفله من بعد وفاة أمها الله يرحمها بشهر وهذا كله عشان يرجع يسافر مره ثانيه ومايبي يتركها في البيت لحالها 00اناني ماايفكر غير بنفسه (وتنهدت من الخاطر)00بس الواحد ماايدري إيش الله كاتب له 00 كل شئ قسمه ونصيب00
سمعت صوت ديما وهي تقول بعصبيه طفوليه :اوووف ماما
لفينا انا اسرار على ورى وشفناها ماده بوزها وزعلانه 00
ناظرت أسرار العصير اللي بيدها وقالت :أوووووه نسيتها أنا نازله من فوق على حسابها ماخلتني أنام تبي عصير00
أخذت العصير من يدها وتوجهت لديما وقلت:خليها أنا بشرب حبيبة عمتهااا00
ضحكت اسرار بنعومه وقالت:تحمليها أجل 00تراها بتغثك بدلعهاااا00
إبتسمت لها وانا اشرب ديما :فداهااااااااا وحلالهاااا بعد00هذي عيوني يحق لها تدلع000
بعد طلاقي خطبني ماجد 3 مرات وبكل مره كنت ارفضه مع محاولات اهلي في إقنااعي وبالذات بعد مااعرف عمي عن زواجه بالسر وسبب رفضي له من قبل
00
اما عامر أرسل لي رساله مكتوبه مع سميره عشان أقراها 00بعد مايأس من إني ارد على إتصالاته 00
بالبدايه رفضت لكن بعد إصرار سميره وترجياتهااااااا أخذت منها الرساله وماقريتها رميتها بالدولاااب 00
ولما كنت أرتب غرفتي وارمي الاغراض اللي ماني بحاجتها لقيت الرساله مركونه مثل ماتركتها
00أخذتها وقريتها بدون إهتمام اللي ماايعرفه عامر إنه إذا فات الفوت ماينفع الصوت وحتى تبريراته اللي كانت بالرساله مع أنها مقنعه لأي أحد لكن بالنسبة لي مرفوووضه 00
اللي مايثق فيني ويبيعني ابيعه برخص التراب ولو كنت في يوم مااتخيل حياتي بدونه 00
كاتب لي في الرساله إنه إكتشف إن في خطاء في التقارير بعد ما راجع الدكتور لمااعرف إني حامل وإكتشف إن العلاج تم بنجاح وبإراده الله وكلام كثير وهووو ندماااااان 00بس ايش ينفع الندم الحين00
رسالته مااشفعت له عندي ولا خلتني اسامحه ابداً 00
لأنه كان من المفروض يعرف من هي زوجته وكيف أخلاقها وكيف تربيتها
00مو يطلقها بدون تفاهم ويرميها رمي 0000(أكرمكم الله) وكأنها شئ قذر00 قررت بهاللحظه أعيش حياتي صح بعيد عن فاتن والشله وكل مايغضب ربي 00قررت اعتذر لأمي واطوي الصفحه القديمه من حياتي وابداء بصفحه جديده00
يارب سامحني ليا مني اخطيت
................... منك العفو يارب منك السماحي
أنت الذي عفوك دمح زلةالميت
.................وشلون عاد الي مع الناس صاحي
أنا ادري انيب المعاصي تماديت
.............. أتبع هوى نفسي مساي وصباحي
ويوم انها ثقلت عليه ومليت
............... واطلقت من دنيا المهونه سراحي
جيتك رضا واخلاص طاعه وصليت
................ مجيب دعوة من دعا للفلاحي
دعيتك بكل الجوارح وهليت
................بالخاطر الي مرني و استراحي
في وسط صندوق الحشا واستعديت
.............. له في حدودالمستحب والمباحي
عدى لي اطياف السعاده وصديت
.................مابيه ينظرني ليا الدمع ساحي
واخذ يذكرني بربي وحسيت
...............باحساس روحاني وزود انشراحي
واقبل يذكرني عقابه وذليت
..................... منه وتملكني جزع وانطراحي
بينا ليدين الي حوتني وعاديت
....................... دنيا الغرور ام الشقا والكفاحي
مالي ملاذ الا انت يا والي البيت
.......................لا زادت همومي وكثرت جراحي
وسلكت درب الهون عنك وتنحيت
.................... وعسفت نفسي عن دروب الصلاحي
لينا حدرت بي للمذله ووليت
......................... وضاقت بوجهي من جميعا لنواحي
وقفت بإصرار وانا اشيل ديما بيدي واقول بإقتناع كامل :اسرار00
لفت علي مبتسمه وهي تقول :ياعيون أسرار 00
ضميت ديما لي اكثر وقلت وانا امسح خدها بخدي :أنا موافقه على ماجد 00
"تمت بحمدالله"
"إنتــــــــــــــهـى"