قلت له وانا اسحب يدي من يده والف وجهي عنه :الحمدلله مافيني شئ 00
وقف وعطاني ظهره بيطلع ناديته بإصرار :عااااااامر
لف علي وقال :نعم00
بالموت قدرت أوقف على رجولي وامشي لين وصلت عنده 00
وقفت قدامه بتعب وأنا أقول بعتب وحنان:إيش فيك00ليش متغير 00(ومسكت يده بعتب وترجي ابيه يرجع لي عامر الاولي اللي يحبني)تكلم فضفض 00أنا زوجتك وبكون
(سكت مااقدرت أكمل وانا أطالع نظراته لي وكأنه يقول كملي )
أخذت كف يده وحطيتها على بطني وانا أبتسم وأشوف التعجب مرسوم بعيونه من حركتي 00
وقلت له بهمس وانا خجلانه:أنا حـامل00
سحب يده من بطني بقوه وهو يقول بصدمه:إيش قلتي ؟؟ (وصار يردد )مستحيل 00مستحيل00
حسيت الكلام وقف على لساني والأوكسجين إختفى مره وحده 00لما عطاااااني كف على وجهي وكمل كلامه بصراااااااااخ مثل المجنون 00هز كياني قبل مايهز جدران الغرفه لما قال :كيف حااااااامل كيف ؟؟!
قلت له وانا مصدومه مو مستوعبه كلامه :كيف حامل يعني (وكملت بصرخه قهر وظلم) إيش رايك إنت00
قال لي وهو مثل المجنون :ياهااااانم أنا مااقدر أجيب عيال 00
حطيت يدي على بطني وقلت بكلمات متقطعه :بـ س أنـ ا ح ـا مل00
مااهتم لدموعي ولا لشكلي التعبان لما دفني على السرير بقوه المتني وهو يصرخ بعصبيه :بتجنينيني إنتي بتجنينيني 00اقولك انا مااقدر اجيب عيال 00انا لي كم أتعالج بس مافيه فاااايده 00وهذا مو كلامي كلام الدكاااتره والاطباء وأخر سفره كنت مع سيف أتعالج برى بس بدون فايده مع أنه سيف اكد لي إنه فيه امل (وتوجه للدولاب وفتحه وطلع منه الظرف الابيض اللي جابه سيف قبل كذا ورماه بوجهي وهو يقول )إقري إذا كنت تعرفين تقرين هذي هي التقارير والمستشفيات اللي كنت أتعالج فيهااا 00(مسكني مع كتوفي وكمل من بين دموعه) صار لي حادث قبل اربع سنين وهالحادث كان بظهري واثر على على (وماقدر يقولها وكمل كلامه وهو يقول)00انا كنت ناوي أقولك بالوقت المناسب بس (ماكمل كلامه ورماني على السرير وهو يعطيني ظهره)
مسكت ذراعه بقوه وانا أطنش الألم اللي أحس فيه بجسمي لأن ألم الروح أقوى من الألم الجسدي 00الم الإتهام بالخيانه الم فضيييييييع ماايحس فيه الا من جربه00
قلت بصوت يبكي الصخر :بس أنا حامل منك وربي منك 00و(0وكملت بصرراخ) خاف ربك عامر00خاف ربك فيني 00
(وكملت وانا أنظر في عيونه )أنا أخاااااااف ربي ومستحيل اسوي شئ يغضبه 00
بعدني عنه وكأني شئ قذر وهو يقول : تبين اكذب التقاااااارير واصدقك (وكمل بنبرة فضيعه )انا كنت اعاني من قبل ونفسيتي بالقاع حاولت اقولك بس خفت افقدك وصرت اتعالج وتركت كل شئ لأني أحبك وربي حبيتك من قلبي بس إنتي ماصنتي حبي لك (وكمل بمراره وكأني صدق مذنبه )مرااااااااااااااااااااام إنتي طااااااااالق طالق (ولف وهو يطالعني بنظره أخيره ) طالق يامرام00
كلمة طالق مثل الصاعقه جات على راسي ماتحملتهااااا 00
جريت له وانا أضربه على ظهره بصراااخ :إنت اكيد مانت طبيعي وشارب شئ 00إنت مو صاحي إنت إنسااااان مريض مريض على بالك الناس كلها مثلك 00أكررررررررررهك أكرههههههههك أأأأأأأأأأأأأأأأأأأأأأأأأكرررررررررررررررررررررهك 00
طلع من الغرفه وتركني منهااااره تركني بقايا أشلاء متناثره بين الأوراااق المتناثره بكل مكان00 طعن قلبي بسكين بدون مايهتم للجرح الغائر اللي سببه 00 حسيت عمري أختنق وأنا أحاول أتنفس أحاول أدخل اوكسجين لصدري00عامر كتب نهايه حياتي بدووون أي ترردد00انا الضحيه وهوالجلاد0000 ماكفاه جلدي دفني وداس على قبري بجبروووت حتى بدون مايلتفت لوراء 000
دام ما همك بعادي
ليش بيهمني وجودك
صرت عندي شخص عادي
وصرت متعمد صدودك
جو حبك كان هادي
لين ما بانت رعودك
وأشعلت نارالوقادي
يوم خانت بي وعودك
أنت ليه بالظلم بادي
ياما عذبني جحودك
لاتحسب اني بنادي
ما أبي أسمع ردودك
انتهى ذاك الودادي
لا يرد ولا يعودك
ما بتغريني فؤادي
لا ولا حمرة خدودك