قلت لهاااا بتصفير :اسرررررراررررو شكل هالرساله طالعه من قلبك (وغمزت لها )
قالت لي وهي طلع لسانها :مااااااااااااااااااااايخصك 00 (وكملت بعصبيه ) مرووووومه قومي صلي شكلك نسيتي الصلاه 00
قمت وانا اضرب على صدري :كله منك نسيتيني الصلاه 00 استغفر الله 00
بعد ماقمت رحت فرشت السجاده ولفيت الشيله وصليت 00بعد مااخلصت صلاه دعيت ربي إنه يغفر لي ويطول بعمر أمي وابوي 00 المهم بعدها قمت وتذكرت شئ وقلت لأسرار اللي كانت على حالها :على فكره 00
رفعت عيونها اسرار وهي طالعني وقالت :همممممم
قلت لها بإبتسامه :ماقلتي ايش الشئ الثاني اللي هببتيه ؟؟
قالت لي وهي تعدل جلستها وتلف الشيله عدل وإبتسمت بخبث :فتحت المسجات اللي جات من زوجك 00
قلت لها وانا أهز إكتوفي :طيب عادي مافيها شئ 00
وقفت أسرار وقالت بغياض :اللي مو عادي إني رديت عليهاااا (طالعت فيها مو مستوعبه كلامها ولا ني فاهمه شئ لكن هي كملت بإبتسامه شاقه الحلق وبرومانسيه )راسلك صباح الخير حبي كيف أصبحتي اليوم 00
قلت لها بملل :وبعدين 00
قالت وهي تبعد عني شوي وكانها ناويه على شئ :ارسلت له كنت بخير قبل مااشوف رسالتك 00
بلمت شوي وجلست اطالع فيها مومصدقه بعدين سمعتها تقوول :وبعدها على طول إتصل ومن أول يتصل بس أنا ماارديت عليه 00 أحسن يستااااهل هالغبي (وقفت وانا أطالعهااا بقهر وغيض وجلست أتحلف فيها لكن هي رفعت عباتها) وقالت بصوت عالي : الشرررررده نص المرررجله 00
رحت أركض وراها وانا اضحك على حركتها ومتحلفه فيها وأول ماطلعت من الخيمه مت من الضحك اكثر لأني شفت فهد واقف واسرار ماانتبهت له وطرااااااااااااااااااااااااخ 00إنصدمت فيه كانت بطيح على ظهرها لكن فهد مسكهااااا مع ذراعها وهو مبسوط ويقول بخبث :لا لا مااقدر انا على هالحركات00أول رسايل غرام والحين الأخذ بالاحضاااان (وكمل بخبث بعد ماحمر وجه أسرار ) كم بعيش يااااااااااااااااااااربي 00
دفته أسرار بقوه وهي تقول بإحراج وبعصبيه :فهههههههههههههههد 00
قال لها وهو مو راضي يتركها :ياعيون فهد 00
لفت وجهها عنه وعضت على شفايفها وهي تقول :إتركني00
إنتبهت لها وحسيت إنها بتبكي عشان كذا قلت :فهد عيييييييب إتركها عنك 00
قال لي وهو يبتسم :أي عيب هذا اللي تكلمين عنه(واشر على أسرار ورفع يدها اليمين اللي فيها الدبله وقال ) مرام إنتي ناسيه إنها زوجتي 00
حاولت اسرار تفلت من يده لكن مااقدرت 00أسرار مهما كانت قويه فهي بنت مستحيل توقف بوجهه فهد 00 قلت لفهد بعد ماغمزت له :فهد خلاص البنت راااااحت فيها 00
إبتسم فهد بوجهي وبعدها لف على اسرار وتبدلت إبتسامته الى صدمه لما شاف الدمعه اللي على حافة عيونهااا وإيدها اللي صارت بارده حيل 00 ترك يدها بنعومه وقال :أسسسسف مااكان قصدي ازعلك 00
أسرار ماردت عليه وإبعدت عنه بسرعه وكأنها خايفه إنه يرجع يمسكها مره ثانيه 00رفعت عيوني لفهد وشفته واقف بمكانه وماتحرك رحت عنده وانا اربت على كتفه :ماعليك يافهد ترى البنت مستحيه 00
إبتسم بوجهي وقال وهو يهز كتوفه :يمكن ليش لاااااا (وكمل بجديه) بس أنااا قررت ان الزواج يكووون قبل رمضان 00
قلت له وانا منصدمه :شو تقول إنت ؟؟(وكملت بدون تصديق) فهد رمضان ماباقي عنه الا شهر وكم يوووم وبعدين لاتنسى أسرار ثالث ثانوي يعني بتكون مشغوله بدراستهااااا 0
قال لي وهو يبتسم على فكرته وشكلها راقت له حيل :مو مشكله إذا على الدراسه انا اساعدهاااا ولاتنسين إنك إنتي بعد متزوجه وبتدرسين (وكمل بخبث ) مرووومه حبيبتي لاتنسين تبلغينها هالخبر السعيد (وغمز لي وراح)
وقفت شوي وانا اطالع ظهر فهد من ورى بعد ماراح وقلت في خاطري والله لو اسرار تدري بتسوي لنا سالفه وماراح ترضى 00 وبعدين رمضان ماباقي عنه الا شهر وكم يوم يعني مستحيل نقدر نجهز كل شئ قبل رمضااان 00 مليت من التفكيري ومن وقفتي عشان كذا قررت أرجع الخيمه واخذ جوالي اللي نسيته 00 بعد مادخلت الخيمه وأخذت الجوال شفت مكالمه من عامر فقررت أكلمه بعد مااروح أفطر لأن ميته من الجوع من أمس مو ماكله شئ 00طلعت من الخيمه ورحت لخيمه الثانيه اللي كانوا متجمعين عندها الحريم الكبار أمي وخالتي أم حسن وخالتي أم ماجد وعمتي أم عامر00وقلت في خاطري والله لويسمعوني إني قلت كبار بيأكلوني بقشوري 00سمعت أصواتهم وهم يسولفون ويضحكون 00لما وصلت عندهم إبتسمت وقلت :السلااااااام عليكم 00صباح الخير 00
ردووا كلهم السلام وقالوا :عليكم السلام 00هلا صباح النور والسرور 00
رحت عند مامي وبستها على راسها وجلست جنبها وقلت :كيف أصبحتي يالغاليه ؟؟
قالت وهي تبتسم لي :أي صبح يابنيتي 00إحنااااااا داخلين على الظهروإنتي توك صاحيه 00
قلت لها وانا ابتسم :حرام عليك مامي وين الظهر توهاااا الساعه9 الا ربع حتى ماجات 9 حكم 00
قالت عمتي أم عامر بغياض :ماعليك منها يابنيتي أمك عجزت وقامت تخربط بالوقت 00
ضحك بصوت عالي على كلامهااااا :هههههههههههههههههههههههه
لكن قطعت ضحكتي بسبة القرصه القويه اللي جاتني من أمي وهي تقول بمزح :مالت عليك من بنت (وكملت بعصبيه مصظنعه) الحين تضحكين علي وانا أمك (وسكتت شوي وهي تقول بغياض) ولا الحين صااارت عمتك ام زوجك أقرب لك مني 00
كل الموجودين إضحكوووا الا انا اللي وجهي صار يعطي الوان 00واللي زاد علي كلام عمتي لما قالت بصدق :نسيتي ياام فهد إن البنت لازم ترضي زوجهاااا وتسوي اللي يبيه (وكملت بإبتسامه خلت وجهها ينور) وأكيد مرام بنتي وأحبها وأعزها من معزة سميره وإن شاء الله0 الله يطول بعمرك وتشوفين عيال عيالها 00
ياربي مستحيل اجلس أكثر من كذا من الاحراج اللي احس فيه 00ماادري ليش كل ماتكلموا عن الاطفال احس بشعور غريب 00صح انا صغيره وبدري علي أكوووون أم لكن ماادري ليه أتمنى من كل قلبي إني احمل ويكون لي أطفال وينادوني ماما 00قطع علي سرحاني صوت سميره وهي تقول بإبتسامه :مراااااااام تعالي أبيك 00
مانقشتها وقمت معها على طوووول لأني أبغى اهرب من هالمكان اللي كله إحراج وبالذات بعد مابدوا يتكلموا الحريم عن فلانه اللي تزوجت وحملت على طول وفلانه اللي لها كم سنه متزوجه وبعدها مااحملت 00يعني سوالفهم كلها عن فلانه وعلانه 00ضحكت لما شفت البنات بدوووا ينسحبووووون من الخيمه وحده ورى الثانيه لأن هالسالفه مو عاجبتهم 00 وقبل مااوصل لباب الخيمه سمعت صوت أمي وهي تقول بحنان :يمه ووين رايحه ؟؟ بعدك مااكلتي شئ ؟؟(وكملت وهي تاشر على الفطور اللي قدامها ) تعالي حطي فمك لقمه ماايصير جذيه؟؟
قلت لها مع إني بموت جوع :لايمه مو مشتهيه 00وانا إذا جعت إن شاء الله بـ اكل 00
قالت لي وهي تهز راسها :الله يهديك يابنيتي 00
إنتبهت لخالتي أم ماجد وهي تقول :مرام يابنيتي مااشفتي أسراار 00من اول أدور عليها ماادري وين ذلفت هالبنت 00
قلت لها وانا أبتسم في وجهها :الا خالتي من شوي كانت معي وقالت إنها بتجلس تتمشى شوي (وكملت بإحترام ) بغيتي منها شئ ؟
قالت لي وهي تمد لي الجوال :أبد حبيبتي بغيتها تتصل لي على أمجاد( وسكتت شوي وبعدها كملت بقلق) ياربي هالبنت ماادري إيش فيها مااترد لها يومين 00حتى مااتتصل تسأل عن بنتها 00
قلت لها وانا أخذ الجوال من يدها :ماعليك خالتي أنا بحاول أتصل لك عليها (بعد مااخذت الجوال من يدها حسيت بتوتر ورجفه ماادري كيف بسمع صوتها أو حسها إذا ردت علي بعد كل اللي صار )
دقيت على رقم أمجاد اللي كنت حافظته عن ظهر قلب 00لأنه مهما كان هي بنت عمي وكانت غاليه حيل على قلبي 00 إنتظرت دقايق لما صار يرن وكانت هالدقايق بالنسبه لي ساعات بعدها مااحد رد00 رجعت وإتصلت مره ثانيه عشان خاطر خالتي اللي كان شكلها وهي قلقانه يكسر الخاطر 00وبعد كم رنه سمعت صوتها اللي كان هامس ويدوب ينسمع وهي تقول :هلاااا يمه 00
ماادري ليش حسيت بالضيق وانا اسمع صوتها وسرحت بصوتها شوي وانا ماسكه الجوال 00بعدها رجعني للواقع وهي تقول بتعب :يمه يمه وووينك؟
حاولت قد مااقدر ماابين أي شئ لأن كل الموجودين جالسين ويطالعوني 00 وأكيد بيستغربون لو عطيت خالتي الجوال بدون مااتكلم ولا اسلم 00عشان كذا قلت بصوت مبحوح وأحس عمري بصيح لما سمعت صوتها :إحم إحم هلا أمجاد 00
سكتت وماردت علي لما سمعت صوتي 00 عشان كذا قلت بسرعه وانا اتهرب :خالتي تبي تكلمك 00
مديت يدي بالجوال لخالتي وقلت لها :تفضلي خالتي 00(وكملت وانا اطالع في وجهها لما إبتسمت وقلت ) أمجاد معك ومافيها الا كل خير 000
سمعت صوتها وهي تقول لي :جزاك الله كل خير يابنيتي 00
رسمت إبتسامه على شفايفي بصعوبه وقلت :عن إذنكم 00 بعد ماطلعت من الخيمه شفت البنات جالسين قريب النار (المشب) ويسولفون 00مشيت لين عندهم وجلست بدون مااتكلم 00شفت أسرار جالسه ومدت بوزها لما شافتني وانا عارفه ليش بس طنشتها 00وبعدها سمعت سميره وهي تقول :مرووومه عامر مزعجني من أول يبيك 00 ويقول من أول يتصل عليك وماتردين 00
قلت لها وانا اطالع بالجوال وأوقف :خلاص أنا برووح أكلمه (وأشرت للبنات وقلت ) دقايق وراجعه 00
بعدت عنهم شوي عشان أخذ راحتي بالكلام لأني أعرف البنات ماراح يفوتون هالفرصه عشان يتمصخرون علي ويطنزون00 مسكت الجوال وإتصلت على عامر ومن أول رنه رد علي 00قلت بدلع وبإشتياق :صباح الخير حبيبي 00
سمعت صوته وهو يقول بدلع وكانه زعلان :إيه إضحكي علي بكلمتين00 (وكمل بعصبيه مصطنعه ) الحين صباحك كان حلوووو قبل ماارسل لك 0