فهمت الحين سر عصبيه اسرار وسر وجودها هني بغرفتي بهالوقت والسر اللي خلاها تجئ حتى بدون ماتتصل وتقول لي مثل عوايدها 00قلت لها بعصبيه مالها مبرر :إيه موافقه 00وبعدين إنتي ليش معصبه جذيه ؟!أنا اللي بتزوجه مو إنتي 00!!
قربت مني أكثر وهي تمسك كتوفي وتهزها بقوه وتقول لي :مراااااااام 00إنتي شقاعده تقولين 0؟؟! (وكملت بصراخ)إنتي أكيد ينيتي ؟!!
بعدت يدها عني بقوه وأنا أوقف وأقول لها بضعف وحزن ورجاء :أسرااااااااااااار واللي يخليك فهميني 00 فهميني أنا لازم أوافق على عامر برضاي لاني لو ماوافقت عليه برضاي بوافق عليه غصبن عني 000
وقفت أسرار قدامي وهي تقول لي بعصبيه :مرام إنتي مجنونه؟! 00(وكملت بعصبيه)قولي لي مين اللي بيغصبك عليه؟!
قلت لها بيأس وحزن عميق : شو إنتي ناسيه إن عامر يهددني بصوري اللي عنده (وكملت وأنا أصيح وأشاهق) وبعدين إيش فرقت تزوجت عامر ولا غيره 00
أسرار بعصبيه :شوووووووو؟! مافيه فرق ناسيه إنه سكير ومريض نفسي !! (وكملت ودموعها على خدها )مرام عامر مايقدر يسوي لك شئ أنا بكلم ماجد وهو يتصرف معه 00
رحت عندها ومسكت يدها برجاء ودموعي على خدي :أسرار لا لا لاتقولين لماجد 0واللي يخليك لا تقولين له (وكملت بخوف ورعب)إنتي ناسيه شو سوى فيك لما سمع كلام سيف 00حتى ماانتظر عشان يستفسر أو يعرف السالفه منك ؟! كيف أنا لو شاف الصور عند عامر والله ليذبحني 00
بكت أسرار بصوت عالي وهي تقول :حراااااااام عليك مراام والله حرام 00تضحين بحياتك عشان واحد خايس مثل عامر 0؟(وكملت وهي تحلف وتترجاني )مراااااام ورب البيت إن ماجد أخوي يحبك وأمس لما رجعنا من المزرعه قال لي أسألك إذا موافقه تتزوجينه ولا لا ؟!!!!!!
هديت عرش الحب بيديك ... تبيعنا واليوم تبكي علينا..
ذاب الحنين بعين وقلب يراعيك... مثلك على النسيان والله قوينا..
ابحفظ عزة النفس ما ابيك... بالناس نلقى من نبيه ويبينا...
طالعت في أسرار وأنا منصدمه من اللي أسمعه 00 (وقلت في خاطري) ماجد يبغى يتزوجني ؟! بعد إيش بعد مافات الفوت 00خلاص ياماجد خلاااااااص مستحيل اللي بينا يرجع مستحيل 00 رجعت للواقع على صوت أسرار وهي تقول :هااااااا شو قلتي؟!! 00
إنفجرت في وجهها وأنا أصيح وأبكي وأحرك يدي بحركه عشوائيه من شده التوتروأقول :قلت لاااااااااااااا ومستحيل أتزوج ماجد لو كان أخر شخص على هالارض (وكملت بصراخ) إنتي فااااااااااااااهمه 00
فجاءه طحت على الارض وأنا أحط يديني على وجهي وأصيح00 شوي حسيت أسرار تقرب مني وهي تفاجاءه وتقول :ممكن أعرف ليش ؟! ممكن تفهميني ؟! (وكملت بشك) مرااااام ماجد زعلك بشئ ولا سوى لك شئ ؟
قلت لها بيأس وانا أبلل شفايفي :اسرار أنا ماحبيت أقولك 00بس الحين بقولك شئ يمكن تعذريني 00؟! (وكملت بإنهيار) أسرار ماجد أخوك صدمني في يوم ملكتي 00 صدمني في احلى يوم عند كل بنت 00 صدمني بدون مايراعي مشاعري ولا أحاسيسي 00 صدمني وقضى على كل فرحه كنت أعيشها في يوم ملكتي 00 (وكملت بصراخ ويأس )أسرااااااااااااااااااار ماجد أخوووووووووك كان متزززززوج 000
أنا صديقك لاقسى الوقت وأكفيك
ولاني من الي وقت المصالح يجونك
أعزك ياصاحبي بكل مافيك..
ومن كثر ماعزك صرت أعز الي يعزونك
أفتخر لاقالوا اني مخاويك
يامنبع الطيب قلبك
والصفا في عيونك؟؟