فرحت من الخاطر لإن عامر مو موجود عشان كذا قلت لفهد :شو أركب قدااااااام 0
قال لي وهو يأشر على البوابه :لا إركبي ورى عند اسرارووووو خلاص كاهو عامر جاء 000
ركبت ورى عند اسرار وسمعت اسرار تهمس لي وتقول :ماقلتي لي وين كنتي مع هالخايس 0بصراحه منقهرررره على اللي سواه فيك00واللي قهرني أكثر مااقدر اسوي فيه شئ اليوم بس ماعليك بعوضها لكـ000
حاولت أهديها وأنا أقول :بسـ مو وقته الحين 00ماتشوفينه جاي يركب 00(وضربت على يدها بخفيف وأنا أقول ) بس بس شررف حضرت جنابه 00
شوي ركب فهد وعامر السياره وبعد ماسكروا البيبان قال فهد وهو يضحك :ههههههههههههههههههههههههههههه أول مره اشوف أنسه اسرار ساكته ماتتكلم 00شو السالفه لايكون القطو أكل لسانها 00
حطيت إيدي على فمي عشان أكتم ضحكتي لما قالت اسرار بعصبيه :قطو لما ياكلك كلك ومايبقي منك شئ يالخايس 00
لف فهد على عامر اللي فاطس من الضحك وهو يقول :بل بل بل مو لسان عليك يالدبه 00ماتقول لها كلمه الا ترد عليك بعشر00
رجعت أسرار راسها على ورى وهي تقول :شو فهيدان تبغى تغلط علي وأسكت لك 00(وطالعتني وهي تنغزني بكلامها وتقول)ولا تبغين أصير مثل أختك اللي كل من هب ودب يغلط عليها وهي ساكته لهم00
خفت إن السالفه تكبر ويفهم فهد قصد أسرار عشان كذا قربت منها وقلت بهمس :دخيلك سكتي 0
قالت لي وهي تسكتني:اصصص لاتخافين 0أنا
قطع عليها كلام فهد وهو يقول :مراااام فيك شئ أحد مزعلك علميني بس والله لراويك شغل الله فيه 00
طالعت عامر اللي شفته شايل كيس كبير وهو سرحان (وقلت في خاطري)خلاص إذا فات الفوت ماينفع الصوت 00إبتسمت له وقلت :لا يااخوي مافيه شئ بس أسرار تحاول تجيب مبرر لطولة لسانها 00
صرخت لما قرصتني أسرار مع يدي وقلت لها :ااااااااي يالدبه 0والله عورتيني 0
قالت بقهر:تستاهلين الحين هذا جزاتي 0
قطع كلامنا صوت فهد وهو يقول بصراخ :جب إنتي وياااااااااها00 لا والله أجيكم بالعقال وأخليه يرقص على ظهوركم 00
من الخرعه كلنا حطينا إيدنا على فمنا ولا وحده فينا فتحت فمها 00طالع فينا فهد مع المرايه اللي قدام وإنفجر مره وحده من الضحك وهو يقول :هههههههههههههههههههههههههههههههههههههههه هههههههههههههههه إيه كذا أبغاكم مؤدبين مو مثل الحين فضحتوني عند الرجال ههههههههههه
بعدها لف على عامر اللي كان يضحك وقال :بالله إختك مثل هالمخبل اللي ورى 00
ضحك عامر بصوت عالي وقال :لاتسألني أنا 00إسإلهم هم 00
قالت أسرار بعفويه :لا والله سميره فديتها عاقله وطيوبه ورزينه (وكملت بحقد)00بس عيبها الوحيد إنك إنت أخووووهااااا00(إنتبهت على نفسها وحطت يدها على فمها وسكتت)
فجاءه حسيت الجو تكهرب وحسيت نظرات فهد لأسرار طلع شرار من القهر00أما عامر حظن الكيس اللي معاه وهو يقول :امممممممممم أسف على الازعاج00مادريت إن وجودي ضايقك الشيخه بس إبشري اللليه باأمشي وريحك 00
قال فهد وهو منحرج : ياريال شو تقول إنت000 لا والله ماتمشي 00وإمسحها بوجهي 00
طالعت في عامر وشفته يبتسم بصعوبه وهو يقول :مسموووح ياأخوي بس المعذره أنا مشغول ولازم أمشي الليله000
قالت أسرار وهي تتلعثم وحاسه بتأنيب الضمير :أخوي حلفت عليك ماتروح والله مو القصد00بس أنا جذيه مااثمن الكلاااااااااام00
رفع عامر راسه وهو يقول :والله مو زعلان ولا شئ 00بس أنا كنت ناوي أمشي الليله مع سيف لأن عمي بو سيف محتاجني بالشركه 00
إبتسم له فهد وهو يقول :الله يقويك ويعطيك العافيه 00أدري عمي بو سيف معتمد على الله ثم عليك 0 (وسكت شوي وبعدها إبتسم وقال) عامر إذا تبيني أتأكد إنك مو زعلان قول تم 0
ضرب عامر على صدره وهو يقول :أفا عليك تم 00
قال له فهد :غن أي أغنيه بصوتك 00
ضحك عامر ضحكته المعهوده وقال :فالك طيب بس أخاف البنات يتخرعون من صوتي 00
إبتسمت لما تذكرت صوته وهو يغني لما كان يكلم ماجد بالجوال00 وفرحت كثير لأني الحين بسمع صوته وهو يغني لانه بصراحه صووووووته عذاب هذي حقيقه ماأقدر أنكرها لو كنت أكرررررهه ومااطيقه 00المهم قطع تفكيري صوت فهد وهو يقول :يلا عاد شو هالتوااااضع والله إن صوتك جنااااان 00بس لا تتغلى وبسرعه غن لنا أي شئ00
قالت أسرار بفضول :يلا خاطري اسمع 00
ضحك عامر وقال :أجل تحملوا اللي بيجيكم 0(وبعدها تحمحم وهو يقول )إحم إحم
وبدى يغني ويقول:
سلامي على اللي حاضر معانا
سلامي على اللي خالي مكانه
سلامي إن شاء الله يوصل سلامي
أسامي ما أريد أذكر أسامي
سلامي على اللي صان المحبة
سلامي على اللي فرقته صعبه
بعيد وياكل ويشرب معانا
عزيزي وصاحبي وقلبي على قلبه
سلامي على اللي يستاهل دموعي
حزين وضحكته تعود برجوعي
رجاءاَ لا تذكرونه أمامي
أخاف يطير قلبي من ضلوعي000
بعد ماخلص صفقت أسرار بحماس وهي تقول :ماشاء الله صوتك رووعــــ 00
قطع كلامها فهد وهو يقول :جب إنتي ماعندنا بناااات تتمدح بأصوات الرياجيل 00(ولف على عامر وهو يقول )بس صدق عامر صوتك روووعه 00بس ماقلت لي لمين تهدي هالاغنيه 00
ضحك عامر وقال :ههههههههههههههههههه قلت بالاغنيه ماابغى أذكر اسامي 00 وبعدين هاي هديه حق زوجتي 00
شهقت اسرار وضرب فهد بريك حتى إن راسي ضرب بالكرسي اللي قدام وسمعته يقول:شووووو إنت متزوووج مااحد قال لنا00
ضحك عامر وقال :هههههههههههههههههههههههههه يااخي بغيتنا تروحنا بشربه ماي 00لا أنا مو متزوج أنا أقصد حق زوجتي المستقبليه 00
ضحك فهد وقال :ههههههههههههه الحين فهمت عليك 00يااخي قول كذا من الاول يلا الله يوفقك ويرزقك00
بعد كلام فهد سكت أنا ولفيت على الشباك أطالع السيارات (وانا سرحانه) ماادري ليش الرعب اللي كان مسببه لي عامر قل كثير ماادري يمكن لانه طلع يعرف فهد وماجد عشان كذا أتوقع إنه مستحيل يتجراء ويسوي فيني شئ ماادري هذا الي أحس فيه الحين00 ويمكن لاني خلاص رضيت فيه ورضيت بالامر الواقع00إنتبهت على عمري وتنهدت وبعدها لفيت على أسرار وشفتها حاطه راسها على الكرسي من التعب ومغمضه عيونها 00أول ماوصلنا نزلت أنا ودخلت البيت بسرعه 00 مريت من الصاله وشفت مامي وخالتي أم ماجد وأم سيف جالسين يتقهون ويشربون شاااي 00رحت عندهم وبست مامي على راسها وسلمت على البقيه وبعدها جلست عندها وانا أقول بتعب :مامي حيل تعباااااانه 0أحس جسمي مكسر0
طالعتني بحنان وهب تقول :ماتشوفين شر حبيبتي00 إنتي ريحي رجولك مايصير كل شوي تمشين عليها 00
بستها على خدها وأنا أقول بدلع :شو أسوي هم يتمشون وأنا بس جالسه 00حتى إليوم حرمت نفسي من اللعب بسبة رجولي 00
قالت خالتي أم سيف :طيب يمه روحي لسيف خليه يشوفها لكـ 00لايكون صاير فيها شئ لاسمح الله 00
بصراحه بعد اللي صار من سيف مع اسرار صرت أكرهه ومااحب أسمع إسمه 00لكني إبتسمت مجامله لأم سيف وقلت :إن شاء الله خالتي أول ماانرجع البيت أروح أكشف عليها 00بصراحه طقت نفسي من هالجبس00
سمعت خالتي اما ماجد تقول :الله يشفيك يارب 00(وكملت بحنان )خلاص يمه قومي بدلي وتعالي تعشيي 00
وقفت من مكاني وأخذت عكازتي وأنا اقول :إن شاء الله خالتي 00بس وين روان والاء والبنات مو شايفه أحد 00
ضحكت خالتي أم ماجد وهي تقول :ههههههههههههههههههههه البنات عند عمك وابوك وعمك بوسيف اللي جاي وجايب معه ذبيحه وجالسين في الحووش وهم مصريين الا يكووووون عشانا اليوم مشويات 00
ضحكت وقلت لها بفرح :يعني بنشووووووووووووي اليووووم 00
هزت راسها بمعنى إيه 00تحركت بسرعه وأنا أقول :أجل بروح ألحق عليهم 00
وأنا ماشيه ومتوجه لغرفتي شفت أمجاد تحاول تهدي شرووق وتقول لها :بس خلاص ياشررروووق هدي عمرك 00عامر لو من نصيبك بتأخذينه غصبن عن الكل 00
إرتفع صوت شروق وهي تصيح وتضرب يدها على خدها و تقول :خلاص ياأمجاااااد خلااااااص 00أبوي تارك شغله ومشاغله هناااااااك وجاااااااي هني بس عشان يخطب مرااااااااااااام لعامــــــــــــروبشكل رسمي00
سالت دموع الليل فوق المدينة
تلمس قديم الجرح ويسيل همه
أمشي أنا وكل الشوارع حزينة
فيها الفرح يرتاح لاشاف دمه
دورت وجهك في الجروح القديمة
وتعبت أدور في الليالي وألمه
وفجأة تروعنا دموع المدينة
واخذ قديم الجرح وأشيل همه