في ليله من الليالي
كنت سهران عند الشباب
كان فيه مناسبه في الدولة بس مو متذكر ايش المناسبة
وبالعاده كانت الباصات بالمناسبات العامة للدولة
تقفلّ
بس هالمره
كان الباص شغال والعجيب انه بدال اخر رحلة ماتكون 9
صارت الى 11 المساء
بس 11 المساء في الدول الاجنبية تعتبر مجازفة
ماعلينا
كنا نلعب بلياردو
وكان ماشاء الله الكل سكرانين
عدا انا واصحابي
ولو ان بعضهم طلع للدور الثاني ( البار )
المهم جينا نلعب وفجأة جاء
شابين وبنت من الطاوله اللي جنبنا
وقالوا نبغى واحد يلعب معانا
عشان نصير 4
طبعا احنا كنا 4
قلنالهم مايمدينا
لانه احنا كاملين
طبعا هم سكرانين
قالوا لازم تلعبوا معانا والا كيف نلعب
!!
اعتذرنا لهم باسلوب لبق
وقلنا لو خلصنا بدري او نزلوا الشباب الباقين من فوق
ممكن نضيف لكم واحد وتلعبوا
خخخخخخخخخ
تخيلوا قعدوا يستنونا
!!
يلعن ام الروقان
معقوله الويسكي يعطي طولة البال
؟؟
تضايقنا واحنا نلعب من هذولا السكرانين
يتدخلوا في اللعب ويقولوا العب هذي
قسما تلعب هذي
خخخخخخخخخخخخخ
وخويتهم اللي معاهم تسوي حركات هبلا
طبعا قمنا نبغى نشيل انفسنا ونمشي
لكن للاسف
وين تمشي وهذولا من اول يستنوا
طبعا الشباب وبحركة خطافية
دفوني
وقال انت العب معاهم
!!
وانا انادي يافلان ياهوه ياعبدالله يامحمد ياولد
الا وانا في الطاولة الثانيه
طبعا مابدهاش
بس عشان العب
قلت لهم ابغى البنت معايه
عشان ابدّع يعني
وافقوا
لعبت معاهم قيم
خلّص في 5 دقايق
!!
تدرون ليش
؟؟
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
لان الكور كلها دخلّتها بايدي
مو اقول لكم سكرانين
!!
خخخخخخخخ
المهم بعدها استاذنت ومشيت
بس نادوني وسألوني وين تعلمت هالابداع
وتراهم انبلهوا من لعبي
مايدرون اني حتى برجلي كنت العب
بس عموما قلت لهم بعيد عن وجيهكم يالسكرانين اعلمكم
والا كان هالعصي اللي بايدكم كلها على ظهري
بس رفضت ان ارضخ لمطالبهم << اقول لايكثر
طلعنا وكل واحد يطالع في الساعه
اففف الساعه 11
سلام شباب
موعد باصي
وجري على محطة الباصات
اللي ماتبعد تقريبا الا
100 متر
ركبت الباص
نص ساعه الا وانا عند محطة النزول القريبة من بيتي
طبعا اقرب محطة وصول للبيت تقريبا
250 متر ( يعني مشي من موقف الباص لبيتي )
نزلت من الباص
والدنيا ظلالالالالالالالالالالالالالالالالالالالالالالالال الالام
وبصراحه كان خوفي من شي واحد
من الكلاب تكرموا
بعضهم يفلتها عند بيته عشان تحرس المنطقة
والمشكله كلها بيوت لازم امرّ من جمبها
مثل ماقلت لكم
ظلالالالالالالالالالالالالالالالالالالالام
وفيه نور واحد بس اللي شغال
لمبة وحده بس حق الشارع
طبعا هدوء قاتل
بس سمعت ضحكات وقهقهات عالية
ركزت زين الا واشوف مجموعة من الشباب
تقريبا 10 او اكثر
فقلت في نفسي
اسلك الطريق اللي ابعد وريّح راسك
وكان فيه طريق اخر من جانب النهر
ولكن كان ابعد لبيتي
يعني مو ابعد كثير
بس تقريبا 300 متر وعليها
فاتجهت للطريق الثاني
بس كان ظلام اكثر واكثر
ومن قوة الظلام كنت اعتمد على اضاءة جوالي
لا تستغربوا انا اقول لكم سالفة
الكهرباء عندهم غااااااااااااااااااااااااااليه مره
وحسابها بالاسبوع
اذكر سوني لما سافر وتركني شهر
رجع وقال انا كل شي عندي عادي
الا فاتورة الكهرباء
في شهر واحد توصل لـ 3000 دولار
!!
قلت له عندنا في السعودية كل انوارنا شغاله وتجي 500 وفي الشهر مو في الاسبوع
ومن بعدها صار يقول لي
مو لازم تتحمم كل يوم في هالبرد
!!
قلت له احنا متعودين نتحمم حتى لو برد
ونتحمم مرتين في اليوم كمان
طبعا ماعجبه الكلام
واليوم الثاني لما قمت اتحمم
لقيته معلق ورقه على الحمام مكتوب فيها
هذا هدر للطاقة الكهربائية
!!
هذا الموقف بالاعلى عشان ابيّن لكم قد ايش الكهرباء غاليه عندهم
نرجع لموضوعنا
انا على بالي اني نفذت بجلدي من الشباب وخصوصا انهم سكرانين
بس اغفلت جانب مهم
انهم سمعوا صوت الباص
وانتظروا احد يجي من طريقهم
وماحد جا
فقاموا يستكشفوا الطريق الثاني
اللي انا رحت منه
وانا ماشي وفي امان الله
الاّ اسمع خطوات وراي
سميّت بالرحمن وحاولت اسارع خطواتي
وطبعا ما اقدر اجريّ
ظلالالالالالالالالالالالالالالالالالالالالالالالال الالالالام
لكن عرفت انهم الشباب السكرانين
سمعتهم يتهامسوا
وقاعد اقول في نفسي
الحين لو قتلوني هنا
ورموني في النهر
ماحد درى عنهم
وقعدت اتذكر سيارتي << شوف النذل ماتذكر اهله !!
المهم
مابقى بيني وبين البيت الاّ 50 متر
الا واسمع
مجموعه ينادوني
هيه هيه هيه
طبعا سويت نفسي قوي
وقلت خلاص راح اتلطش
ولازم ادافع عن نفسي
!!
وقفوا يطالعوا فيني وكنت اشوف منهم شعلة السجائر بس
وهم يشوفوا مني اضاءة جوالي
قالوا مين انت
؟؟
يعني بالله لما اقول لهم أيمن
بيقولوا اسفين الله يستر عليك
!!
قلت لهم انتم مين
!!
قالوا احنا عيال الحارة
قلت وانا من سكان الحارة
قالوا طيب تعال
وكانوا جهة النهر
وقلت افاااااا
عزّ الله دردبوك في النهر ( دردبوك = تطلق على انهاء الامر بسرعه واخفاءه ..
فرحت لهم بصدر منفوخ
ومن داخلي والله متفتفت من الخرعه
رحت وحطيت صدري بصدر واحد وخشمي بخشمه
وريحة الخمره تطيّح الطير من السماء
قال لي ايش عندك هنا
؟؟
والباقين ردوا نفس الكلمة من وراه
( باب الحارة صار )
قلت انا ساكن هنا عند سوني
قال كم معاك فلوس
؟
قلت له
ليه تسّالني هالسؤال
؟؟
قام سوا انه عصّب ورمى السيجارة
الله لا يوفقه طاحت فوق رجلي وماحسيت فيها الا بعدين
بعد ما انحرقت الجزمة
بس مع الخرعه ماحسيت بشئ
قال
معاك سجائر
؟؟
قلت له ما ادخن
قال
سألتك معاك سجائر
قلت له لا ما معايه << بصوت مرتفع
انا مسوي فيها قوي وانا عارف انهم بيدعسون على خشمي
بس قلت اقل شي احد يسمع
عموما اللي كان واقف قدام جبان
بس اللي وراه هم اللي يعطوه دفع معنوي
قلت له
عموما انا اتصلت على الشرطه
وهي جايه الان
وراح اطلب منهم طلب
انه نتواجه انا وانت وجها لوجه
( للمعلوميه مدّت اليد في نيوزلندا تعتبر جريمه من الدرجة الاولى ورفع اليد عليها غرامه بـ 3000 دولار )
يعني لاشفت واحد بس يصارخ وانت على بالك انه بياع كلام خخخخخخخخ لاتاخذك العزه بالاثم وترفع ايدك عليه وياخذ 3000 دولار كتعويض !!
المهم
نقزّ واحد من الخلف
وقال
اييييييييييييييه عرفته عرفته
وكان يوجّه الكلام لاصحابه
طبعا بدون مبالغه
انا مو شايف مين اللي تكلم
بس وربي بغيت اروح احضنه وابكي على صدره
خخخخخخخخخخخ
المهم سويت فيها اني اعرفه وصافحته
وكيفك ياراجل وينك ماتنشاف
؟؟
سويت فيها عيال حاره
فقال لهم
خلوّه يمشي
طبعا اقتنعوا بكلام صاحبهم والا موضوع الشرطه ما اثرّ فيهم
والله العظيم قالوا لي روح
ورب البيت
حسيت ان الـ 50 متر صاروا 50 كيلو
رجليني مو قادره تشيلني
بجد ربي فكّني
من مشكلة كبيررررررررة
ما ادري ايش نهايتها مع الناس السكرانين
لذلك ما انصح اي احد يبغى يسافر لاي دولة اجنبيه
انه يتأخر برا البيت
لانه الدنيا كلها سكرانين
والله مره بغينا ندعس واحد واحنا رايحين للشاطئ
كان سكران ونعس ونام وسط الخط
!!
منبطح على الارض
!!
يعني فيما لو احد حبّ يتأخر
حبذا لو تكونوا مجموعه
مثل مجموعتي
اللي كنت معاهم بالسنتر
بس اني استعجلت عشان الباص
لكن بعدها صرت اذا تأخرت برا
ارجع بالتاكسي
صحيح ان الباص يوصلني بـ 3.5 ريال سعودي تقريبا
والتاكسي بـ 100 ريال سعودي تقريبا
لكن الحياه حلوة
!!
فصرت دايم ع التكاسي
//
ان شاء الله تستفيدوا من هالمواقف
