موقف اليوم راح يعتمد على الاطفال انتم كالاطفال في نقاوة قلوبكم واحببت ان يكون موقف اليوم كنقاوة قلوبكم لتسامحوني على تأخيري في عرض المواقف وزودّت عدد الصور لعيونكم . . . احد الايام كنت متجه للباص تقريبا الساعه الرابعه عصرا وكان الوقت خريف ملاحظه : الخريف ماقد شفته على الطبيعه :: حسب طبيعة بلادنا .. ماعندنا الا صيف وشتاء عموما الخريف كان غير الاوراق صفرا وطايحه والكل يلعب فيها منظر حلو المهم رحت لموقف الباص ولقيت طفلين يلعبو باوراق الشجر تفرجت فيهم وكانت امهم موجوده واستأذنتها اني اصورّ اطفالها ورحبّت بالموضوع وشكرتني على هالشئ << لو عندنا قالوا لا تصور عيالينا نخاف عليهم من العين خخخخخخ من زين عيالنا قمت صورّت الاطفال كم صوره ولعبت معاهم شوي لحدّ ماجاء الباص ووصلني لمحطة الباصات ماجاء الا بعد ساعه الا ربع ( اقصد الباص ) بحكم اني طلعت من البيت بدري اتمشّى على النهر وقعدت اصورّ رحت للسكوير وتقابلت مع جهاد واتفقنا نطلع نتعشى وبعدها نتمشى << قلت نتعشى لانهم بنيوزلندا يتعشوا 5 عصرا والعائله الداشره تتعشى 6 خخخخخ رحنا المواقف عشان يوقّف سيارته طبعا اول ساعه مجانا وثاني ساعه تبدا تحسب بدولار واحد لكن السعوديين والخليجيين ايش يسوو ؟ يوقفّوا سياراتهم وقبل ماتنتهي الساعه يطلّع السياره ويرجع يدخلها ثاني وياخذ كرت جديد !! ويحسب له ساعه جديده مجانا ! بس انا رفضت انه يسوّي هالحركه بحكم انهم الكفّار عندهم امانه واحنا المسلمين من بجمب القدّه !! << بجمب القدّه تعني : ان الشخص بعيد كل البعد عن طريق الحق << من زين الشرح . . . دخلنا ماكدونالدز وطلبت وجبة سمك << كعادتي في نيوزلندا خوفاً من الوقوع في الاثم واكل لحوم غير مذبوحة على الطريقة الاسلامية وجهاد طلب وجبة لحم طبعا كلنا طلبنا اكبر حجم وبحركه خُطافيّه من اخوكم الدلخ ( انا ) كبيّت الكوكا كولا اعذروني احياناً يمرّ اشياء تدوّخ وكسعودي لازم يكون لي ردة فعل هبلا . . جاني كم سبّه من جهاد على وزن يادلخ ياأهبل يالوح وانا اقول له هياّ مسحّ !! ليه تكب الكولا !! << باللغه الانجليزيه وبصوت عالي عشان يبرىء نفسه من التهمه طلعنا من المطعم بعد ماعوّضوني بكوب كبير ثاني مجانا اتفقنا نطلع نتمشى ورحنا لحديقة الماوريين ( نِسبة الى قبائل الماوري الاصلية ) ولقيت فيها كم طفل وعجبني الطفل اللي يبغى ينقزّ في المويه وامه تمسكه ولقيت طفل ثاني عيونه وخدوده تهبّل بوّسته وعضيته وصورّته وكنت راح اخطفه كمان ولقيت طفل يبغى يطلع على الحمار