مع اول اسبوع كان كل شئ بمثابة شئ غريب عليّ
وكأني ماعشت بهالعالم من اساسه
كان شعوري متضارب
مادري ابكي والا افرح
احيان اضحك لوحدي وبدون سبب
واحيان ابكي لوحدي بدون سبب
كنت الوم نفسي كثير
انا ايش رماني الرميه هذي
!!
ليه ابغى اثبت للكل اني قادر اتكيّف مع الغربه !!
انا من اول اسبوع احسّ اني مو على بعضي
طبعا كانت الوساوس تجيني من وقت للثاني
وكان عندي ارق خياااااااااااااااااااااااااالي
ماكنت اقدر انام الا اذا شغلّت سورة البقره
على الفلاي بوك ( المحمول )
***
اول يومين كنت اكل وجبتي مع العائله
بس ماكنت اغسل الصحون
كان يقول لي كُل واترك الصحون انا اغسلها
كنت انحرج
بس بنفس الوقت كنت مضطر اني اترك الصحن
لاني ببساطه ماقد غسلت صحن بحياتي !
**
بعد اليومين
قلت له لا تشيل همي انا راح اغسل صحني
قال لا
قلت له انا راح اغسّله
طبعا اكلت وجبتي
وقمت غسلت الصحن
بس غسيل الله لا يوريكم
حطيته تحت الحنفيه وخليت المويه تجري عليه
وحطيّته في الدولاب
:secret:
جاني اليوم الثاني
قال لي
تكفى لا عاد تغسّل الصحن حقك
:076: <<< حاس انه مقهور بس مبتسم
قلت له انت علمني وبس
وقتها اتصلت على المنقذ
77
7
7
7
7
7
7
7
7
7
7
7
7
7
7
7
أيمن : سوسن .. السلام عليكم .. كيفك ؟؟
سوسن : اهلين أيمن كيفك ؟
أيمن : اشفيك نايمه ؟؟ والحين ظهر ؟
سوسن : ظهر !! الحين الساعه 4 الفجر !!
أيمن : سوري سوسن نسيت موعد اختلاف التوقيت ( عشر ساعات )
سوسن : ايش تبغى صحيتني من النوم ؟
أيمن : ابي اقولك شي سري وخطير بس مابي امي تعرف شي
سوسن : بسم الله !! طيحت قلبي .. ايش فيه !! تكلّم
أيمن : : سوسن كيف اغسّل الصحون ؟؟
سوسن : ميته ضحك
أيمن: ارحموا عزيز قومٍ ذلّ
سوسن : تاخذ فيري وتحطه على الصحن وتدعكه بأي اسفنجه مخصصه .. وتنشفه وتحطه بالدولاب
حساس : طوط طوط :<< كالعاده نذل قفل في وجه اخته .. عشان يروح يجرّب الطريقه
****
انتهيت من مشكلة غسل صحني بعد الاكل
وان كان يسبب لي مشكله لاني مااحب اغسل صحوني
وكنت دايم اقول
الحين عرفت قيمتك تينا ( شغالتنا )
****
مرّ الاسبوع عادي
بس عانيت من مشكله ثانيه
اني انسان مو مرتّب !!
بس ماقد لاحظت هالشئ ببيتنا
لانه كان فيه ناس وراي شغالين 24 ساعه
يصلحون ما افسده الدهر
كنت اذا ابغى لبس ارمي اللي في الدولاب كله على الارض !!
واذا تحممت وطلعت ارمي الملابس كلها برا على الارض
وفجأه تكوّمت جبال من الملابس على الارض
رغم انها نظيفه وبعضها مالبسته
بس مادري كيف جا على الارض
!!
كنت مسوي ولد رومانسي .. وجبت معاي دبدوب من السعوديه
ماشفته الا لما حطيته بالشنطه وانا رايح لنيوزلندا
وثاني مره شفته
وانا حاطه بالشنطه وانا رايح للسعوديه
:secret:
****
كلمت امي بعد اسبوع
قالت امنيتي اشوف صورة غرفتك
قلت لها امي بلاش احراج !!
قالت حالا ترسلها
وقتها كنت اكلمها بالماسنجر قلت لها اوكي
صورّت الغرفه وارسلت لها الصوره
جاها انهيار عصبي
قالت ايش هذا حرام عليك
*****
اتضحت اني اعاني من كسل واتكاليه غير طبيعيه
ماتنبّهت لها الا وانا مسافر
لدرجة اني لما كنت اروح الكليه كنت الاقي كانزو << اللي قلت لكم من قبل ان عمره 56 سنه
وامدح في الشاي حقهم عشان يسوي لي معاه !!
وكل يوم على هالحال
اقول له الشاي عندكم يُعادل حضاره عريقه
يستانس ويقول اوكي الحين اسوي لك شاي
:009:
********
كان فيه نور عندي بالغرفه .. كنت متكاسل اقوم اطفيه .. فربطت فيه حبل .. عشان اذا جيت انام اسحبه برجلي
لا حد يحشّني
***بعد مرور جمعه واحده كان فيه تكريم للطلاب الجدد
طبعا احنا ماكان عندنا علم
!!
قال ايش مفاجأه
مايدرون اني من اتفاجأ اصير دلخ
كان الاستاذ ريتشارد ( بريطاني )
يقول
خلونا نرحب بالطالب اللي جا من السعوديه
أيمن
فجأه الاّ والكل يصفّق
بغيت ابلع ريقي وماقدرت
قال لي ريتشارد
استانداب
ماقمت
مو قلت لكم اني اصير دلخ !
شوي بعد ماتعب
قال باللهجه المصريه
ماتؤأف يابني
!!
عرفت بعد كذا انه كان استاذ جامعي بمصر لمدة 6 سنوات
ويجيد اللهجه المصريه دون اي لهجه اخرى
وقفت وقال لي وجّه كلمه للموجودين
قلت
ااي لوف ماي كار ... ماي كار لوف مي
خخخخ
لالا غيرّت ابشركم
قلت
هاي وطالعت يمين ويسار
وقلت ثانكس وطالعت يمين ويسار
وجلست
قمّة اللخبطه وخصوصا بوجود البنات الحلوات
الكل ضحك وقتها
يوم الجمعه كنا نداوم نص دوام
للساعة 12 ظهرا
اعلن ريتشارد عن وجود رحله
لكن احنا كسعوديين رفضنا الخروج معهم بحكم اننا على علم انه فيه مسجد
وراح تقام عليه صلاة الجمعه
كان فيه الحاح من الطلاب والطالبات اننا نشاركهم الرحله
بس يوم عرفت ان كانزو مابيروح هوّنت
مين بيسويّ لي الشاي بعدين
رحنا لصلاة الجمعه بعد انتظار للباص رقم 5 المتجه الى HORONBY
كان الجامع محاذي لكبرى حدائق العالم
فاتكم منظر المسجد وهو مطل على الحديقه
ناهيكم عن طعم الصلاة في الغربة
المهم
الويكند كان عادي وممل
لانه ماكان عندي الا سوني والبتاع
اقصد القيرل فرند حقته
ماصدقت متى يجي دوام الدراسه
نصيحه لوزارة التعليم السعودية
( لو اردتوا الحدّ من تسرّب الطلاب من مدارسهم خلوّا الدراسه خلطيّ بنات واولاد )
انتهت النصيحه
**
رجعت بعد اول ويكند
كانت الاجواء ممطره عموما
ونادرا مايوقف المطر
واحلى شئ عندي اني كل صباح وانا رايح للكليه
لما اتنفّس اشوف الدخان يطلع من خشمي وفمي
وصلت الكليه بعد ما ابتلّت ملابسي
المظله انكسرت من قوة المطر والهواء
طولنا عليكم
انتظرونا
وتايعونا
وفالكم طيب
يامتروكيه وعباسيه
وارجوان 