[أول الغيث]

الفتى الممتع

اقتباس أووووووووووه يا أول الغيث ، دائما تضرب على الوتر الحساس.

أجل على بالك نلعب ،،؟؟



حتى إذا تبي نعزف على الوتر الحساس ،،، احنا حاضرين ،،

اقتباس ما شاء الله عليك ، دائما تختار أفضل المواضيع و التي تجلب جمهورا غفيرا.

لا تقول عاد ،،،

اقتباس أنا أول يوم من الدراسة كان عادي جدا و لا كأن صار شيء ، بس كنت متحمس بالقوة للمدرسة و كنت متحمس للدراسة و لا كنت متحمس للعب خصوصا التشقلب اللي ما كنت أحبه لأني أدوخ إذا تشقلبت.

استـر يا ثقيل انت ،،، متحمس للدراسة بس ،، ها ؟؟ ،

اقتباس أول يوم رحت المدرسة و طبعا أبوي مدرس و عمي مدرس في نفس المدرسة و كان الأمر عادي خصوصا إن أبوي الله يعزه كان يوديني مرات قبل ما أدخل المدرسة و أشوف الطلاب و الوضع و عااادي و عرفت المدرسين ،

ليكون انت بس .................. ؟؟؟

اقتباس و بعد أمي ما قصرت ، حمستني للمدرسة و قالت لي ترى المدرسة حلوة وتجنن و لازم تصير ممتاز و لا ترضى بالقليل ،

هذه الأمهات ولا بلاش ،،،



وكما قيل : " وراء كل رجل عظيم ،،، أم عظيمة "



( أقول لا تقعد تتعبث بالأمثال بس )

اقتباس خصوصا إن أمي ما درست في المدرسة و كانت تصيح يوم كانت صغيرة إذا شافت الطالبات يروحون المدرسة و هي في المطوعة و كانت ممنوعة حتى إنها تكتب بالقلم و كانت تاخذ من خالي قلم لرصاص و هو ما يدري و تخشه عندها لكن تبي تبريه و لا عندها براية و البراية ممنوعة بعد ، لكن تخيلو شكااانت تسوي ؟؟؟!!!!! تبريه بالسكين ، و كانت تاخذ الدفاتر من خالي إذا خلص منهم ولا يبيهم و تقعد تكتب و لكن إذا خلص الدفتر من الجهتين ، تخيلوا شتسوي ؟؟؟؟!!!!!!! تاخذ المساحة و تمسح المكتوب اللي كتبته و تعود تكتب على نفس الدفتر !!!!!

نعم ،،، هذا هو الجهاد الحقيقي ،، في سبيل الحصول على العلم ..



فالكرب لم يثني هذه الأم عن بذل الوفاء ،، والمضي في هذه الحياة في إباء



نعم ،، إنها كالغيث في سعة العطاء ...

اقتباس يعني أنا كنت مهيأ من جميع النواحي. عاد أمي قالت لي هالقصة قبل ما أروح المدرسة و حمستني و قلت لازم أعوض أمي ، بعد ما صيحتني مع هالقصة هاللي قالتها لي.

ماشاء الله اخوي الفتى الممتع



عندك إحساس بالمسؤولية ، و وجوب رد الأمانة منذ الصغر.

اقتباس رحت المدرسة ذاك اليوم و كانت آخر سنة للمدير أحمد العبد اللطيف و جاء الودعاني بعده ، المهم ، عطونا عصير و كيكة و ربيان و نفاخات ، عااد أنا مسوي نفسي ثقيل و بس لعبت معااهم اشوي و حسيت إني زهقت و قلت حق أبوي متى نبدأ الدراسة ؟؟؟!!!! قال أبوي الأسبوع الجاي. قلت له بل ، الأسبوع الجاي ، أجل كل يوم بنسوي كذي و نلعب بس ، قال أبوي : إي.

إنا لله ،،، ما صار هذا حماس ،،،!!!!



ياخي ما تبي تستانس ،،، خلّ غيرك يستانس ،،!!

اقتباس أهم شيء جاء اليوم الثاني ، لعبت اشوي بعد و حسيت إني زهقت بالقوة و قلت حق أبوي خلااص بروح ، وقلت له بعد خذ ولد عمتي وياي و طلعنا أبوي من المدرسة و الطلاب يطالعونا و أنا لا على البال و لا على الخاطر.

كفو والله يالفتى الممتع ،،،



تدخل وتطلع على كيفك ....

اقتباس و بس إلى نهاية الأسبوع كذي و بدينا الدراسة مع الأسبوع الثاني و اللي كنت متحمس لها بالقوة و درسنا أستاذ علي العامر و ولد عمتي تم معاي إلى نهاية سادس و الله أعلم.

الفتى الممتع



أذكر يوم كنت في خامس إبتدائي ،،



كان عندنا مدرس رياضيات ،،،، و أول أسبوع جاب ولده ،، و ولد أخته ،، عندنا في الفصل ،،!!!



ليكون انتو بس ؟؟؟

اقتباس آسف لأني خرجت عن الموضوع بس من الحماس.

ولـــو أخوي الفتى الممتع ،،،



فقد استمتعنا معكم في هذه الرحلة



من الذكريات والمواقف الأكثر من رائعة .



ونتمنى أنك وفقت في رد شيئاً من الجميل



الذي قدمته لك الوالدة ..