ماشاء الله عليك أخوي من زمان قايل انا إنك شاعر كامل مكمّل من على أيام قصيدة الأم " تراني ما نسيتها " مثل ماقالوا الاخوان: وزن ، قافية ، كلمات ، مشاعر كلها تمام على تمام ...وماعليها أي كلام ، >< الحين جاء وقت الفلسفة >< لأني عارفك زين ما زين .. تتقبل النقد بصدرٍ رحب ، وماتشيل بخاطرك طبعاً القافية في نهاية كل بيت انتهت بـ ( " هـ " ، ضمير المخاطب ) وهذه الأمر يشكل فيها الشعراء فلربما الكلمات كانت مختلفة ، ولكن ماجمعها على قافية واحدة هو الضمير " هـ " فمثلاً : معاه ، سماه لو ارجعناها لأصلها لأصبحت : مع ، سماء لاحظ الاختلاف!! للتوضيح : مثلاً : أستطيع أن أستخدم هذه الكلمات: قلب ، عين ، أذن ، مال ( كلها كلمات مختلفه في الوزن ) لكن لو أضفنا لها ضمير المتكلم " ي " لأصبحت ذات وزن واحد ، وهو : قلبي ، عيني ، أذني ، مالي فالضمير هو من تكفّل بالوزن وليس الكلمة ، مثال على بعض الكلمات الموزونة في الأصل : مقام ، ختام ، زحام ، أنام كلها كلمات مختلفة ، لكنها ذات وزن واحد ، هذا اللي عندي أخوي واسمح لي طوّلت في الهذرة والفلسفة بس لأني متأكد انك وضعت القصيدة لكي تتعلّم وتستفيد لا انتظاراً لمدح أو إشادة ...صح؟ ، ، يلا ننتظر القصيدة الجاية بس لازم تحشرني فيها ...اوكي؟