أنا عندي سؤال وأبي إجابه محددهـ
أنتوا طايرين على المباريات الوديه ولا شلون
ياخي تلعبون وديات أكثر من الدوريات
بعدين سؤالي وين موقع مباراتكم الوديه أعني
أنتوا عندكم دورهـ عشان تتجهزون ولا بس لأن الروضه طلبوكم
ومثل ماتشرفت ياكاتب الموضوع قلت الروضه طالبينا وبس أنتوا من يطلبكم أحد ماتردونه
يعني فريقكم جاهز للوديات بس
بعدين لو الأخ حسين الحبيب مستلم التضامن وماسكه تدريب ولاعب عشان يشوف مدى إستفادة لاعبينه من اللي يعطيهم في التضامن كان قلنا يالله تمشي لكن حبشي مستلم التضامن من فترهـ بسيطه ولا عندهـ دورهـ ولا عندهم شي ليه المباراهـ الوديه صراحه ماأشوف لها أي داعي
بعدين مشيناها في بداية العهد أنكم تستعينون بلاعبين خارج الفريق عشان يكونون دافع معنوي للاعبين الأساس في الفريق لكن اللي نشوفه الأن إن فريق العهد يفضل اللاعبين اللي من الفرق الأخرى على لاعبينهم الأصليين وإذا بتقولون منتخب الطرف فامنتخب الطرف هو نجوم الطرف
أتمنى إعادة تأسيس فريق العهد من جديد ورجوع بومحمد للإدارهـ هذا واحد
والشيء الثاني عدم الإستعارهـ من لاعبين خارج الفريق والإكتفاء بلاعبي الفريق الأصلي
ترا والله والله فيهم الخير والبركه بس عطوهم فرصه
أتمنى من بوريم وحبشي مايزعلون من كلامي
ويابوريم كلي أمل فيك إنك تفهم اللي أعنيه لأني أنقل صورة لاعبينكم لكم ماجبت كلام من عندي
مع التحيه ونأسف للإطاله