[الوردة الملونة]

والله انكم صدعتوا راسنا بموضوع مايستحق شي، اول شي اللاعب موقوف من الاتحاد السعودي
وثاني شي انا بصراحة مـــــع رأي الاخ سروج والاخ ابوزينب والاخ مفتون الطبيعة ولو انه الاخ بوزينب زودها شوي وضحكني بس هو له رأية ويتحمل نتيجة مايكتبه ، عموماً اسمعوا رأي بهذا الموضوع : (خالد عزيز لاعب لايستحق الاحتراف الخارجي) للاسباب الاتية :-

1-هل ترون في لاعب يخالف اوامر الاتحاد السعودي ويهرب من المعسكر اي استحقاق للاحتراف .

2-اللاعب زي ماذكروا اخواني خشن وكما ذكـــــر اخي مفتون الطبيعة ان الخشونة وحدها لاتجدي نفعاً بالاحتراف في اوربا .

3-احنا الاحتراف عندنا نجح داخلياً فقط يعني بصراحة انا تركت متابعة الدوري السعودي وانتقلت للدوريات الاوربية ، وكل لاعب ينوي الاحتراف خارجياً النادي اللي يلعب معاه مايوافق ويعطية الف عرض علشان مايطلع امثال نواف التمياط وغيرهم اللي حطموا داخلياً ، واللاعب مايصدق خبر مايبي يروح برة من اصل يبي يجلس بالسعودية عند اهلة وعلشان مايروح عليه المندي والكبسة وماتروح عليه الشيشة .

4-مو كل واحد يلعب بالمنتخب ويخدمه يستحق الاحتراف باوربا ولو كان كذا ، كان بيصير عندنا لسته طويلة عريضة تستحق الاحتراف باوربا وافضل مائة مرة من خالد عزيز .

5- على الاتحاد السعودي التفكير ببعث المواهب الصغيرة في السن الى تعلم فنون الكرة بالاكاديميات الكروية الاوربية فهذا مانحتاج اليه بالفعل .

ملاحظة / اخواني انتم ليش كل احد يعارضكم في الرأي احتراف خالد عزيز زعلتم هذا رأي واعتقدتم انه نصراوي او ماشابة ، وزي ماقال ابوزينب تكلموا من منظور التفكير بالمصلحة الرياضية وبالروح الرياضية ، ويمكن اكون انا هلالي واعارضكم في الرأي . اسمحوا لي على الاطالة ، بس حبيت اوضح اللي في بالي ولكم كل التقدير والود .