ارتفع صوت سبيل الرشاد لأذان الفجر . جلس الجميع على صوته . قام الكل وصلى وبعد صلاة الفجر في بعض الأعضاء كمل النوم وبعضهم جلسوا يدردشون أما أنا فأحب أشوف شروق الشمس على أمواج البحر الهادي ونسمات البحر اللي تخلى الجاهل شاعر . فكان منظر لايوصف سبحان الخلاق . سمعت أصوات البنات جايين عندي ومنهم. تدى الفجر بنت الطرف والمها . والغريبه .جلسنا اندر دش الى أن صارت الساعة سته قمنا حتى نجهز الفطور والشاهي والحليب بعدة نكهات منها الحار ومنها البارد . نص ساعة والفطور جاهز . صحينا الكل من النوم أفطروا بسرعة الكل كانوا متفقين يسبحوا . لبس الشباب الشورتات وتوجهوا للبحر . لحقناهم حنا بس بملابسنا أكيد وكنا في جهة وهم في جهة . وحنا جالسين نلعب بالكره في البحر إلا واشتقل ولد الطرف . وفارس ومنير واكيد الملقوف الكبير المروق ..برش ماي البحر علينا وحنا ا ومو عارفين أنفتح أعيونا لان لو فتحنا الملح راح يذبحنا و ماكان قدامنا الا الخروج من البحر . ((الله يأخذكم حتى في السباحة مناشبينا )
الساعة الحين 9 ونص (( منتو ملاحظين النص على طول معلق معاي )) طلع الجميع من البحر وتوجهنا إلى الحمامات للسباحة وتغيير الملابس . وبعد كذا أتوجهنا للمخيم الكبير لتناول المرطبات . لكن بعد السباحة جعنا ولان الكل ما أفطر زين فالكل كان جوعان عندها قضينا على مابقى من الفطور .
ونفس الشيء ابتدءوا المسابقات والعاب الذكاء والألغاز إلى الساعة 11 ( إيه ونص ) قام عيون هجر و صدى العهد .لذبح الذبيحة . وابتدءوا البنات في التجهيز الطبخ وعلى رأسهم الساهرة . هنا أعترض همس الكلام وقال : مو الساهرة اللى تطبخ وجاء التاييد من قيثارة الشوق ودانة الرياض وطلبوا منى تولي مهام الطبخ بدل الساهرة (( مسكينه حبيبتي والله مالها ذنب . هذا قلبي يقول كذا . خليها هالمغروره تبي تمشي كلمتها علي هي ما تدري أنى مروووج مو حيا الله . هذا مو أنا اللي أقول الشيطان يوسوس لي ))طبعاً ما أقدر أعترف أكيد الشيطان شاطر ضحك على وأنا بريئة .
دقيت صدري وقلت لعيونكم بذوقكم أحلى طبخه وعمر جدكم ما راح تنسونها . قررت أسوى لهم قوزي . فطلعت ذيك الطبخه اللي تأخذ العقل (( أكيد مو أنا اللى طابختها ))
جهزوا البنات السلطات وكانت السهورة بينهم وكانت ميته من القهر مو لانها ما طبخت لأنها مظلومة وهذى تذبح أكثر . جهز الغداء فطلعت ريحته على بعد 50 كيلوا (( الله الله شهنصب )) كيفي أحد يقدر يقول شي