[moroj]

. بعد الغداء طبعاً شاهي وقهوة ونعناع . هذا غير المشروبات الروحية مثل الببسي (( إيه روحيه يعني هي روحنا
ما نقدر نستغني عنها لا تفهموني غلط )) جلسنا ضحك ونكت هنا اقترح المحلل عمل فرقتين رجاليه ونسائية لتحدى بأبيات شعر حسب أخر حرف وافق الجميع وكان اشد الجميع فرحه هو ديك الجن (( أكيد مين قده ))
وأول مابتدى همس الكلام بـ الا ليت الشباب يعود يوماً لأخبره بما فعل المشيب . ((اوووووووف شكله طالع من قلب )) صرخ الشباب ب . كلها لحظه وردت الساهرة بايعناك حسينا عاهدناك يمينا ارتفع صوت الكل وكملوا مع الساهرة هذا المقطع و آخر شئ صرخوا البنات أ . رد أبو مهدي أهواك أتمنى أعيش وياك طبعاً ما قصروا الجميع كملوا مع أبو مهدي . ك ردت قيثارة الشوق كل عام وأنت الحب استمرت اللعبه الي الساعة 5 وكان موعد المباراة في كرة التنس بيني وبين المروق ( على فكره المروق من ثقته في نفسه قال بيلعب وهو معطيني قفاه )أرسلت الكره للمروق وأبتدينا اللعب . تفاجاء أبو عبادي من لعبي ومعرفتي بلعبة التنس لا وشاف نفسه خسران عنها اشوي اشوي بداء يفقد ثقته بنفسه وقام يحسب ألف حساب بعد ماكان مستهزأ باللعب معاي انتهى الشوط الأول بالتعادل . كان الحكم ابو مهدي وقال خلاص اللحين استراحة لمدة عشر دقايق . وبعد العشر دقايق وقفت واتجهت لطاولة اللعب انتظر المروق يوصل فما فيه فايده لما سألت عنه قالوا لي مصدع (( الا خايف من الهزيمة فقال الانسحاب بسبب الصداع اهون من الانسحاب بدون شئ (( المروق لا تكون ثقتك ازدياده ترى الثقة الزايدة تسبب الغرور ياخي قول منت قدي ليه تحتج ))

الساعة الحين 6ونص قربة صلاة المغرب صلينا وبدوا مره ثانيه المسابقات منها شد الحبل وكانت بين المها وحنين وما شاء الله على حنين في لحظة فازت وأثبتت جدارتها (( قصدي قوتها ))
وبعدها أمير الظلام والغريب فاز الغريب هنا احتج أمير لا لا شدني فجاءه فكان الغريب مسالم والمشكلة إن أمير كان وثق من نفسه هنا فاز الغريب على أمير مره ثانيه (( أحرج أمير بيش يتحجج هالمره ))
المسابقة الثانية هي الجري . وكانت بين ديك الجن وترانيم وأبو مهدي وهمس الكلام وسبيل الرشاد وما مداه صفر المحلل الا وانطلقوا مثل الصاروخ وكانوا متعادلين إلى نصف المسافة هنا أصبحت الخطوات بطيئة شوي شوي فكان الأول ديك الجن والثاني أبو مهدي والثالث سبيل الرشاد والرابع ترانيم والخامس والأخير همس الكلام ((الكبر شين الله يقطعه ))

الساعة الحين 8 وقت تحضير وجبة العشاء . والعشاء طبعاً مشاوي استلم صمت بعض الشباب تحضير العشاء واستلمت انا التبوله واستلموا البنات عمل السلطات هذا غير المقبلات اللي تفننوا البنات بتحضيرها مثل بابا غنوج . والمتبل . والحمص . ومن ثم بدينا في تزيين أطباق المشاوي بالفلفل البارد مع شرائح البصل والطماطم والخيار والليمون والبطاطس المقلي والطرشي (( ادري جوعتكم ))

المهم العشاء صار ولا احسن مطعم استمتعنا بالعشاء . وكان العشاء على شط البحر وكان القمر منير وليس بالخيام ؟جلسنا في سهر وسمر ونكت وشعر طبعاً . واكتشفنا بعض الأصوات الرائعة مثل أميرة الطرف وأبو غريب والشبح وكذا صوت حلو فكانت أمسية فنية بحتة

الساعة الحين الواحدة ونص فكان الانسحاب بدء فالكل تعبان ومو قادر يواصل أكثر دخل الجميع المخيم للنوم