السلام عليكم ورحمة الله تعالى وبركاته
تحية عطرة وبعد
موضوعي اليوم عجيب وفي واقع من واقعنا ونفسيتنا
انا في يوم من الأيام كنت اغسل سيارتي في الصبح اغسلها غسيل وكوي ههههههه
المهم مر علي واحد من الشباب وشافني اغسل السيارة .... وقف بسيارته الكشخه آخر موديل وفيها تلفون بعد حركات ايه شعليه الرجال شبعان فلوس
وقف وحتى من غير ما يسلم وقال لي : افا افا افا .. بوعلي يغسل سيارات ؟
افا بس افا .. ومشى
وما خلاني اقول له صباح الخير يا فلان بصير احسن منه يعني " المهم الرجال ما يدري ان السيارة اللي انا اغسل فيها سيارتي توني شاريها وهو ما عنده خبر بس السؤال اللي يطرح نفسه ... يا ترى شفيها لو اشتغلت انظف سيارات ؟؟ عيب ولا حرام ؟؟ ولا بس مقتصره على الهنود والبنغلاديشيين ؟؟
وما دام انها شغله شريفه وعفيفه ونسرين ومها ما فيها شي المهم رضا الرب وراحة الضمير , وبعدين هو ما يدري ان الغني ما يستغني عن الفقير ؟؟
والعكس ؟؟ وان الناس مهما اختلفت جيوبهم وارصدتهم يبقى الانسان انسان
والناس للناس وان العائله اللي ترفع الراس هم الناس الطيبين مو الراهيين
وان الانسان يقاس بأخلاقه وسلوكه مع الناس , مو بفلوسه ورصيده في البنوك ....
اخيرا ,, حبيت اقول ان الناس للناس والكل بالله وان العمل الشريف هو الذي يصنع من الانسان الفخر والتقدير والاحترام وليست المظاهر الخداعة التي تخبيء خلفها وجها اخر وانسانا اخر ..
وتقبلوا تحياتي
اشوفكم على خير