[أحلى ملاك]

دائـــــــماً ..

المرأة لما يخبرها زوجها أنا سأتزوج بأخرى أو تزوجت بأمرأة ثانية ؟

تقول : ليه ؟.. سويت لك شيء ما يرضيك ..قصرت بك قصرت في بيتك في أطفالك ..
إن قال لها : لا .. أجل ليه ؟؟

يرد عليها : الشرع حلل بأربع ..

طيب الشرع حلل أربع لما تكون زوجتك الأولى فيها عيب ..
بس مافيها شيء .. والحين هي قالت لك قصرت بشيء فيك وفي بيتك وأطفالك
وأنت قلت لا .. اجل خلاص .. ليه تبي تتزوج؟؟!!! ..

يعني .. ما ادري .. شايف الفلوس زايدة .. قلت خليني اتزوج ولا شفقة على البنات
اللي جالسين في البيت وتقول حرام ( يعنسون ) ولا شنو ؟؟

سؤال دائماً يدور في ذهني .. ولم أجد له الجواب ..

نأتي لسؤالك أخي .. مع إني مفروض ما أدخل
هذا الموضوع لأني ( عزابية ) بس نعطي الرأي ...

اقتباس ما مدى تقبلهم للخبر ؟؟

في البداية راح أنصدم ..
بس راح أتناقش وأتفاهم .. وأعرف السبب المقنع
اللي يقنعني ويخليني أقتنع واعرف السبب
اللي هو ليه ؟بيتزوج وحده ثانية ..

لو كان فيني شيء .. وجا يوم قال بيتزوج
أنا راح أكون متقبله لأني مفكره فيه ..
وراح أرضى بالأمر ..

صحيح إن راح انقهر شوي ..

وأغار وووووو بس خلاص .. أمر ولازم علينا ..
أعتذر على الأطاله وفي نفس الوقت الجرأة ..
في الأجابة على السؤال ..

والله لايجيب ذاك اليوم ..

تمنياتي .. لكل زوجين
أن يعيشوا حياة سعيدة ..
والله لايحرمهم من بعض .. ولا يفرق بينهم
والله يبعد الحساد .. والعذال ..

وسيبقى الحوار .. دائم ..
وننتظر أراء الأخوان والأخوات

أحلى ملاك