جاء يوم دقت علي صديقتي تلفون وتبيني ازورها في بيتهم لموضوع ضروري
و قالت لي اذا ما جيت بصير فيها شي ( على فكره صديقتي متزوجة )
وزرتها في بيتهم وكانت مرة متضايقة لما سالتها ليه متضايقة قالت لي اختي
كاسرة خاطري (اختها يقولون اللي في حالتها اسمها مطلقة) سالتها ليه
قالت لي في ناس تقدمو لها ولما شفوها انهبلو عليها و عزموا ان ما يخطبون
لولدهم غيرها وقالو لاهل البنت اذا وافقتوا عطونا خبر (مع العلم انهم عارفين
عن حالة البنت و راضين) واهل صديقتي وافقوا عليهم واتصلوا عليهم علشان
يبلغونهم بالموافقة و تفاجؤ اهل البنت برفض اهل الولد وسالوهم ليه سمعتوا
عنا شي قالوا لا بس ابو الولد رافض يزوج ولده وحده [COLOR="DarkRed"]مطلقة[
/COLOR]
قصة اخت صديقتي انها كانت مخطوبة لواحد من قرايبها وهو ماشافها الا مرة وحدة بس
بعدها ماكان يزورها ولا يتصل عليها و السبب انه تعرف على وحدة وعشقها
وقرر يترك اخت صديقتي وهذ كله صار في وقت الملكه
علشان كذا اقول ليه يسمون الوحده لما تنفصل في فترة الخطوبه او الملكه مطلقه و للاسف
هذا نموذج من قصص مجتمعنا المتخلف اللي ينظر للمطلقه كانها بنت كفرت او صاعت وهذه
البنت احدى ضحيا هذا المجتمع البائس ولي يكسر الخاطر فيها ان خطيبها غدرفيها و خانها
وهي تتحمل نتيجة غدره و خيانته بان المجتمع ينظر لها بانها مجرمه و خارجه عن القانون
انا ابغى اعرف هل هذه نظرة المجتمع صحيحه ولا نظرتنا الصح ياليت تفيدوني
لان صاحبة هذه القصه محطمه جدا وانا وعدتها ان نظرتي راح تكون الصح وانا عارفه ان هذا راي
اعضاء منتدى الطرف فاياليت تفيدونها علشان يمكن تتحسن حالتها اذا شافت ردودكم
اسفة لاني طولت عليكم
تقبلوا تحياتي