شقة نــــــــــايف
جالس يجمع اغراضه القليله واخته تساعده
حاسس براحه انه اخيرا خرج من المستشفى مايحب جو المستشفيات ...
من وهو صغير ..حتى وهو فاقد الذاكره حاسس بنفس الشعور .........
طلب الدكتور منه انه يزور دكتور نفسي وهذا الشئ ضروري
وراح يساعده فااستعادة الذاكره بااذن الله .....
جلس سرحان يفكر ايش راح يصير لما يرجع جده ...
ياترى بيقدر يتذكر كل شئ صار فالماضي والا لا .....
جلست جنبه رغد وهي تشوفه مو مع الدنيا مسكت كتفه : وين وصلت يانايف ...
نايف بهدوء: وصلت جده .........لكن مادري ايش بيصير بعد كذا ...
قربت منه وهي تمسح على كتفه بحنان : مابيصير الا كل خير ياقلبي ...
لا تخاف وتتوتر كل شئ بيكون زي مانتمنى
نايف بخوف : خايف مااتذكر شئ ....خايف اضل ضايع وماارتاح من الكوابيس
"بتعب" انا تعبت يارغد ...ابى اتذكر
ضمته على خفيف : شيل عنك كل دي المخاوف ...قل لن يصيبنا الا ماكتبه الله لنا ..
ربي اراد وفقدت الذاكره يمكن لحكمه ما يعلم فيها الا الله
وربي قادر يرجعها لك لا تظن انو في شئ صعب على الي خلقك ...
نايف تنهد : ونعم بالله ...ها ايش سويتي مع ذي بنت عمك الي تتصل ...
كلمتيها والا لسه
رغد تذكرت : ايوووا صح ذكرتني ...
ماكلمتها والله على اساس بااتصل عليها اول مانجي الشقه
مدري كيف اخوها دحين ...
نايف بعدم اهتمام: انا مستغرب كيف تكلمينها بعد كل الي سووه اهلها فيك
لو انا منك يمكن لو اشوفهم واحد واحد يموتون قدامي ماتنزل دمعتي
بالعكس اتشفى فيهم ....
رغد بحنيه : لا تقول كذا يانايف ...مرام غير عنهم هي الي ساعدتني
وهربتني بليله عرسي ولو مو هي ورنا مدري كيف كنت بااشرد اساسا
تعرضت للضرب من اهلها بسببي وماخبرتهم بمكاني مع انها تعرف ...
نايف بحقد: طيب هي ورده بين اشواك بس احس افضل ماتكلمينها
مادري احس كرهتهم كلهم ...
مسكت وجهه بين يديها وخلته يطالعها : نايف ...انت عمرك ماكنت حقود
مهما كان يصير ...ياخوي الدنيا رايحه ومحد بيدوم فيها
لا تخلي الحقد والضغينه تسكن قلبك وتشوهه...
الله يسامحهم غلطو علينا وربي بيجازيهم
نايف بعصبيه : لا يشيخه ...انتي عارفه ايش تقولين ....
بعد كل الي سووه وتقولين لا تكون حقود ؟؟ والله يسامحهم ؟؟؟
ياشيخه الله لا يرحمهم ...
رغد : استغفر الله العظيم نايف صلي على النبي ...لا تقول كذا
صرخ فوجهها وهو مقهووور من كلامها : اللهم صلي وسلم عليه
هذولا استغلوك ...وكانو بيغصبونك على ولدهم الردي
وفوق هذا كله افترو عليك وشوهو صورتك قدام الناس وقذفوك ....
تجمعت الدموع بعيونها يوم شافته يصرخ وماقدرت تقول شئ
عمره ماكان اخوها كذا ليش صار قلبه اسود ......
اول ماشاف دموعها هدء وندم انه عصب عليها حط يده على كتفها : رغد انا اسف اني عصبت عليك وصرخت فوجهك ...بس والله نرفزتيني بكلامك
نزلت دموعها على خدها : نايف انت عمرك ماحقدت على احد بذا الشكل ...
ليش تغيرت كذا
نايف بوجع : انتي ماعشتي بسجن وانتي ماتدرين ايش تهمتك ...
انتي مجرمه والا بريئه ...وحتى اهل ماعندك ...
ولا تعرفين انتي بنت حلال او بنت حـ........
حطت يدها على فمه تسكته : بس لا تقول كذا ...
نايف بعد يدها : الا بقول ...عمك وعياله مايستاهلون تتعاطفين معهم
كل هذا لان ولدهم الحقير تعبان الله لا يسلم فيه عظم الواطي
يارب يموت ومايشم ريحه العافيه ...
صرخت فيه ودموعها تنزل : لااا تدعي عليه ...نايف انت ليش كذا .....ليش ...
مهما سوا لا تدعي عليه كذا ....ماتدري يمكن يكون سوا خير بحياته ...
يمكن عند الله هو احسن منا قول الله يهديه ويصلحه... ويخليه لاهله
نايف بسخريه صفق : لا ويخليه لاهله كمان ...عشان يرجع ويكمل الي بدأه
هذا افه على الارض ...محد سلم من شره انتي ماسمعتي ايش قال فارس ؟؟
رغد تنهدت : الا سمعت وادري ....نايف ....
انت تعرف انو الدعوه مردوده على صاحبها الله يقول ولك مثلها ...
انا ماقول عشانه هو مايستاهل ...لكن عشان عنده ام واب يخافون عليه ويبونه ....
مابى قلوبهم تحترق عليه
نايف صر على اسنانه : يستاهلون خلي قلوبهم تحترق عليه ...
اساسا هو يستاهل الي صار له وقليل فيه والله هو واهله
رغد باانسانيه : كل الي سووه ربي بيجازيهم عليه ادري زعلان عشاني
ومو هاين عليك الي صار فيني ...بس شوفني قدامك بخير وصحه وعافيه
وربي انعم علينا وجمعني فيك رغم كل الي صار وكل الي سووه مانفعهم
وهذا اهم شئ ...شيل الحقد من قلبك وانساهم الله ربنا وربهم وهو يحاسبهم
نايف بقهر : انتي عرضي واهلي كيف يقولون كذا عنك...
كيف يسوون فيك كذا ....وتقولين لا تحقد بس هذي طيبه يارغد هذا ضعف
رغد : مو ضعف ...انا ماقلت نقابلهم بالاحضان ونرجع معهم علاقتنا ..
انا قلت لا تحقد عليهم وتتعب قلبك وتشوهه ...اعتبرهم ناس عاديين
مثلهم مثل غيرهم سامحهم عشان ربي يسامحنا على اخطاءنا
والله احنا مليانين ذنوب وربي غفور رحيم اذا ربي يسامح احنا مانسامح ......
قرئت قوله تعالى ((وَلْيَعْفُوا وَلْيَصْفَحُوا أَلَا تُحِبُّونَ أَن يَغْفِرَ اللَّهُ لَكُمْ وَاللَّهُ غَفُورٌ رَّحِيمٌ )).
نايف : صدق الله العظيم ...
رغد بطيبه : والله محد ذاق منهم الوجع والذل الا انا ..
لكن شوفني من شفتك نسيت كل شئ اهم شئ اني شفتك ورجعت لي
والباقي راح مايهمني وصار ماضي ....
نايف بعناد :اااه يارغد انا مو بطيب قلبك ....ولا اقدر اسامحهم
وراح اخليهم يدفعون ثمن كل الي سووه ...وقفليها سيره ....
سكتت وهي تحس انه مافي فايده من كلامها معاه بيضل يعاندها
وماراح يسمع منها تعرفه مافي اعند منه
دعت ربي ينقي روحه من الحقد والضغينه الي حاسس فيها
ويرجع مثل قبل .........."متسامح وطيب " ...........
نايف شاف الساعه : يالله نروح مابقى شئ على رحلتنا ...
شالت شنطتها وسكرت ازرار عبايتها : الله مشينا ............
خرجت متوجهه للمطار وبداخلها حنين وشوق لذلك المكان ...
مشتاقه لك ياجده مشتاقه لك يااجمل مكان بعيني ...
لبيتنا وللبحر ولمدرستي ..لمكان جمعتنا وللكورنيش ...لكل شئ فيك مشتاقه ....
اشتقت لك واشتقت لايامك وسنين عمري و ذكرياتي اشتقت لأهلي...
ااه ياجده راجعه لك ..راجعه يا كل اهلي
دخلت المطار ويدها متشابه بيد اخوها
التفتت يمين ويسار تتفرج على الداخل والخارج بينما كان هو يشوف التذاكر....
شافت وحده واقفه معها اثنين ....واحد منهم ماكان غريب عليها....
حاسه انها تعرفه ..
قربت اكثر منه تأكدت من يكون لكنها التزمت الصمت ....
وابتسامه حلوه على وجهها استنت ....حتى ابتعدو عنها الرجالين
قربت وهي تحضنها من ورى ....: وحشتيني يا مـــــرام ..!
ايطاليــــــــــــا
شقه هديل وطلال ...
رجعت من المستشفى بعد زيارتها لاختها ..دخلت الشقه وسكرت الباب بهدوء
لسه باقي ساعتين او ثلاثه على رجعه طلال والاولاد ....
دخلت المطبخ بتسوي الغدا اليوم ماكان عندها محاضرات غير وحده
بعدها راحت تتطمن على اسما بما انو اليوم دور طلال يجيب البزوره من الحضانه ...
رجعت شقتها ترتاح وتجهز لهم الغدا ...فصخت حجابها
دخلت المطبخ بسرعه و لبست المريله ...
فتحت كتاب الطبخ تفكر ايش تسوي اليوم ....
قفلته الكتاب فجأه بعد ماجات ببالها فكره تعرف طلال يحب السليق
من زمان ماسوته
...طلعت دجاجه من الفريزر وحطتها فالمويه عشان يذوب التلج ..
طلعت الرز وحطت كاسه بس ... بما انو مافي غيرها وغير زوجها
غسلته ونقعته فمويه دافيه مع ملعقه خل خلتها وفصخت المريله
وخرجت ترتاح فغرفتها ....
دخلت الغرفه وفتحت الانوار وقفت قدام التسريحه
فسخت الحلق الي لابسته وبدت تمسح وجهها بالكريم
وهي تحس بالاجهاد مع انها مابذلت مجهود ...
حست بصداع فجأه جلست على السرير
وهي مو قادره ترفع راسه من قوة الالم تمددت وغمضت عينها شوي ....
مرت نص ساعه ومابقي كثير ويوصل طلال ..
شدت على نفسها ودخلت تكمل الغدا
كلها ساعه ونص بالتمام خلصت ومابقي الا تخرف الاكل ...
غطت القدر وخرجت غرفتها اخذت شاور سريع وخرجت
لبست فستان بيتي لونو فوشي ...كان قصير لفوق الركبه بشوي وبدون اكمام .....
رفعت شعرها بشباصه وتكحت كحل اسود داخل العين ....
حطت مرطب شفايف وردي و تعطرت بسرعه وخرجت الصاله تنتظره ....
لازم تستقبل زوجها وهي بااجمل حله ...
خصوصا انو جاي تعبان محتاج استقبال حلو وغدا لذيذ ...
سمعت صوت الجرس عرفت انو رجع ...راحت فتحت له الباب
شافته واقف وايلان متعلقه برقبته وعبد العزيز فعربايه الاطفال نايم .....
طلال بتعب : السلام عليكم ....خذيها هلعت لي كتفي بنتك ...
اخذتها منه وهي معقده حواجبها : قول ماشاء الله ...
تراها بنتك كمان ..... ماشاء الله سمنانه شوي الونتي ...
طنشها ودخل وهو مايشوف من الارهاق جلس على الكنبه فالصاله
وهي دخلت اولادها لغرفتهم ...سدحت عبد العزيز وايلان صاحيه تلاعبها .
.ابتسمت لها وهي تبوسها وتدغدغها
هديل:هههههههههههههه ياحياتي انا ...اشش خليك هادئه بابا تعبان
ابتسمت البنت وكأنها فاهمه .............
حطت لها الدبدوب عشان تلتهي فيه وخرجت ...
شافت طلال متمدد على الكنبه ومغمض عيونه ...
حزنت على شكله باين عليه تعبان ..دخلت المطبخ ولبست المريله
غرفت السليق فالصحون ...والدجاج وزينته بحلقات اليمون والدقوس ...
جهزت الطاوله وفسخت المريله خرجت تناديه للغداء ..
سمع صوتها ودخل المطبخ شاف الاكل على الطاوله
وهي واقفه باابتسامتها المعهوده ...
هديل بحب : الغدا حبيبي ...
العاده اول مايدخل المطبخ يحضنها ويبوسها ويقولها تسلم يدك حبيبي ...
بس ماسوى كذا ...دخل بهدوء وهو يقول ...الله يعطيك العافيه
جلس بمكانه على الطاوله وناظرها ينتظرها تجلس ...
حست ببرود كبير بينهم ..متغير كثير عن اول ...
لعنت الحظه الي راحو فيها لبيت اهله كان غير معها ليش متغير ...
معقوله ذا كله عشان مايبى يجي وبيضل مع اهله !
جلست بمكانها وبدت تاكل ...تكلمت بهدوء : كيف كان اليوم معاك
رد بعد دقيقه: عادي ...زي كل يوم
سكتت تنتظره يخلص غداه ...بعد الغدا خرج غسل يده وهي لحقته
دخل الغرفه ودخلت بعده ...كان بينام زي دايم بس وقفه صوتها ...
هديل بزعل وحزن بنفس الوقت : طلال اشفيك متغير ؟؟
التفت لها ببرود وهو ماله نفس يتكلم : مافيا شئ ...ليش ايش شايفه علي
هديل بلعت ريقها : مو قصدي ...بس منت طلال الي قبل ...
"بحزن" منت طلال حبيبي الي كل يوم يمسيني بحب ويصبحني بحب
احسك مو على بعضك انا مزعلتك بشئ
سكت شوي ونظره عليها ...
هو نفسه مو عارف ليش يتصرف هالتصرفات معاها ...
عارف ماسوت شئ لكن مو قادر ...حاسس انه بيختنق ...
من يوم سمعها وهي تتكلم مع امه انقلب حاله ....
كان يضايقها طول الوقت وماتكلمت ...سكتت وماقالت له .......
نزلت دموعها لاشعوريا : طلال فهمني ليش كذا ...
اذا عشان تركنا المملكه مستعده ارجع عشانك
تكلم بعصبيه وهو يتذكر الي صار لف وجهه عنها وهو يتمدد على السرير : يرحم والديك خلاااص قفلي عالموضوع
وقفت قدامه وهي بتنفجر : لا ماراح اقفل
"شهقت وبدأ دموعها تنزل " طلال انت مو طبيعي طيب بس فهمني
انا ايش سويت عشان تعاملني كذا ؟؟
قام من السرير وشال المخده ..وهو يتأفف ..
تعداها واخذ له لحاف من الدولاب ..: اووووووووووف الواحد مايرتاح يعني
ايش العيشه الي تقصر العمر هذي
خرج للصاله وهو مايبى أي نقاش ...
لو زاد الوضع راح يقول كلام ويجرحها ...وذا الي مايباه
خرجت وراه وهي مصره تفهم ايش الي صاير ...
خلاص ماتقدر تتحمل اكثر من كذا ...لازم تفهم اقلها ايش سبب التغيير المفاجئ
شافته متمدد ومعطيها ظهره وقفت وراه وهي تهزه : طلال لا تنام لااازم نتفاهم
والله ذي مي عيشه الي احنا عايشينها ....
التفت لها وهو معصب : يعني انا خارج من الغرفه ابا ارتااااااااح
ماتفهمين رووحي عن وجهي ..مابا احد
نزلت دموعها بغزاره على وجهها طلال مو طبيعي ..
مستحيل يكون هذا زوجها مستحيل... اعصابها ماصارت تتحمل اكثر من كذا
اول مره يصرخ عليها بهذي الطريقه .....
صرخت فيه وهي مقهوره : انت شارب شئ ؟؟؟ طلااااااااااال انا اكلمك ...
وقف قدامها وتكتف : نعم خيررر اشتبين ..
بسرعه تكلمي وفارقي انا تعبان ومو فايق لك
هديل انهارت تبكي وهي تضرب نفسها : بس فهمني ليييش بس
ابا اعرف انا ايش سويت ايش ذنبي عشان تعاملني كذا
طلال صرخ فيها : انتي ماسوويتي شئ ارتحتي ..
هديل بنحيب حاد: بس اسلوبك معاي غير محسسني اني ارتكب جريمه
ليش تتجنبني وكأني جرثومه ...حتى ماتنام معي ....؟
تنهد وخفض صوته : ماقدر استوعب انو الحيـ ...... لمسك وضمك
ماقدر اشيل صورتكم من بالي مع بعض
صرخت فيه : مالمسسسني والله...والله والي خلقني مالمس شعره فيني
حاول لكن ماقدر صدقني
طلال ببرود : طيب ليش ماتكلمتي ...؟
ليش ماقلتيلي انو كان يضايقك من البدايه ؟ ليش سكتي .....
هديل بصدمه : انتـ ا ..............
قاطعها وهو يرفع صوته وقلبه يشتعل : اذا كنتي سكتي فهذي
يجي عليك تسكتين لو سوى لك شـ ..............
ماحس الا بكف مدوي على وجهه ...
التفت لها مصدووم من الي صار قبل شوي ...........
يشوفها واقفه تبكي وهو ماسك خده ....دوبه استوعب الكلام الي قاله
هديل بوجع : انت شايفني كذااا ...تشك فيني ..
طلال بندم : لا هديل مـ ................
هديل سكتته وهي تلف ماشيه ...كلامه سكاكين غرسها بقلبها : بسس ...خلااص لا تقول شئ ....
طلال مسكها : هديل اسف ..والله موقصدي انا انفعلت بس و.......
هديل مسحت دموعها وصدت عنه : بس لا تتأسف ولا تحلف وانت مو قاصدها .. ...
بكلامك ذبحتني اليوم ....ذبحتني ياطلال
(لاتقول آسف)
لاتقول آسف أنا أدري أنك علي قلبي خطيت_
لاتقول آسف وأنت عارف مايضيقني وعنتني وسويت_
تعرف كلمة آسف في صدري مثل الخناجر ومنها عيات_
كيف تقول أنا آسف وأنت متحس فيها لوخطيت_
كيف تقول أنا آسف ومايهمك أحساسي لو بي خطأ دريت_
يكثر طعنتك في صدري ويكتر منك عانيت_
ياأبن آدم حس فيني وأشوك لو فيك أحساس كنت شوي حسيت_
لاتقول آسف وتطالعني بعينك وكنك ماخطيت_
لاتقول آسف وأنت إحساسك بال الخطأ عالي ولو قلتلي اليوم زليت_
تعرف فقولتك آسف يضيق صدري ويطير عقلي وأحساسي بخطاك أنا جنيت_
وقول ياساتر وش حتقول وش يتراه أسود خطيه فيني أنبليت_
لاتقول آسف يرحم ولدايك اكفيني من هالكلمه لولحظه وياريت_
كلمة آسف تعذبني تقطعني تخليني لوشفتك تجيني أعوذ منك وكني سميت_
لاتقول آسف خلاص كافي ياأبن آدم حفظتها وبقوله لك قبل متقول آسف حبيبي خطيت_
تدري بقولك أنا آسف تعصبني وكل لفظه تقولها لي أندم أني أنت حبيت_
وخليتك حبيب قلبي وتاج رأس وتكون لي بيت_
وعيش فيك وتحتويني وأن طلبتك جيتني وعطيت_
أرحمني من قولتك أسف تراه قلبي تعب من الأعذار الي تقولها خلاص مليت
المطــــــــــــــــــــار
قربت اكثر منه تأكدت من يكون لكنها التزمت الصمت ....
وابتسامه حلوه على وجهها استنت ....حتى ابتعدو عنها الرجالين
قربت وهي تحضنها من ورى ....: وحشتيني يا مـــــرام ..!
التفتت بسرعه وهي مفجوعه..عارفه صاحبه الصوت شهقت وهي تضمها : رررررررررغد
رغد ضمتها بقوه تصرخ : وحششششششتيني ياقلبي
مرام بصدق : وربي وانتي اكتر مره واحشاني يازفته كيفك وكيف عايشه
من زمان عنك حتى اتصالاتي ماترودي عليها
رغد : سامحيني بس والله انشغلت شفتك فالمستشفى
وكنت بكلمك بس امك كانت معاك ..
مرام تحاول تتذكر : متى ....؟؟؟ لحظه لحظه انتي الي صدمتي فيها اااا
انا قلت مستحيل اكون اتخيل ..
رغد انتبهت لنايف مخلص :هههههههههههههه اسمعي اخويا هنا لازم امشي
مرام: وين رايحه ...؟؟؟ واي اخو ؟؟
رغد بسعاده : اخويا نايف عايش ورجع ياميمي ...
واحنا راجعين جده ...
ضمتها وهي مبسووطه لها : مبروووووووووووووووك قرت عينك حبيبتي
الحمدلله على سلامته هههههه اجل حشوفك انا كمان رايحه جده
ومعايا نواف راح يشوف الحجز دحين بيجي
رغد شهقت : بتروحين الزوااج صح ؟
مرام : يسس البنات جو ملكتي مو حلوه مااحظر زواجهم
كلمت امي وقالت روحي ومعاك نواف بااحضر الفرح وارجع اليوم الثاني ..
احوالنا شوي متدهوره
رغد بطيبه : سلامات ...كيفو اخوك ان شاء الله احسن ...
مرام بحزن : والله مدري ايش اقولك ...خليها على الله ...
خلص نايف الاجراءات واشر لها من بعيد تجي وهو مقطب حواجبه
استأذنت من مرام واتفقت تقابلها فاليل ...
راحت لاخوها ومبين عليها فرحانه
نايف بااستغراب: خير اشوفك متونسه ...تعرفين ذي البنت ؟؟
رغد : اكيد ذي مرام بنت عمي رايحه جده مع اخوها نواف .....................
نايف كشر : اهااا يالله مشينا طيب .....
انتهـــــــــــــــى البــــــــــــــــــــارت
همسه " متى نـــقول أننا من الممـــكن أن نـــستمر بالحياة ونحــن سعـــداء
مـــتى نبعــــد الهم عــنا
و نستطيع أن نــــنعم بالحياة السعيدة ونصفي ما بداخلنا وننقيه
وتكون قلوبنا خاليه من الحقد ..نحب بعـــضنا
ونكون متسامحين ونســــامح أي أخ لـــنا
فمهما يكـــن هــــذه الــــــد نيا صغــــيره
ولا نعــــلم متى سنفارقها..فدعــــونا نكون على أهبه الاستعـــــداد
وننــــقي أنفسنا وقلــــوبنا من أي شائبة ، دعونا نمحي ما تعــــــلق بأذهـــــانـنا
ونـــرسم البسمة في شفـــــاتنا ننـــــظر للون الأبيض
ونبعــــــد الألوان الســـــوداء من أعيننا حــــتى تكون الصور ه واضحه لـــنا
فمـن يعامل الناس معــــامله حسنه فــــــليكن على ثقة أنهم سيـــــعاملونه أفضل مـــن معــــاملته
أصعب من آلفرقآ .. خيوط آلنهآية
وأصعب من آلثنتين .. تفقد لك آنسآن
آنسآن إيه آنسآن .. نآدر وآيه
آنسآن قلبه غيم .. ولسآنه آحسآن
آنسآن غير .. وكل خصلة حكآية
مكسب حقيقي .. للشدآيد وآلـآزمآن
مستودع أسرآري .. بير آلوصآيآ
لو خآن وقتي وآقرب آلنآس مآخآن
تشوف به حب آلبشر وآلهدآيه
يشوف كل آلنآس آحبآب وآخوآن
تحس آنه للفضيلة مرآية
يحرجك في روح آلتعآمل وآلـآيمآن
ذآكر لربه دوم وهذآ كفآية
يآ حظه آللي مسكنه كل وجدآن
له بآلوفآ مليون حرف وروآية
له بآلحشى مليون وردة وبستآن
لـآ صآر عندك أصول ورعآية
وكل بهآ آلله وآستند فيك حيله
وآليوم للأقدآر كلمة وروآية
تبين وآلأقدآر للعبد ميدآن
سآفر وأشوفه لـآ لـآ معآيه
لـآ لـآ بدوني رآح من دون عنوآن
ودعته آلله وآلبقى بأصدقآيه
أصحآبي يآللي شآنهم بآلوفآ شآن
انتهى الفصـــــــــل الاول من البــــــــــــــــــارت الخمسون والاخير