المستشفــــــــــــــــــــــــى
خرج الدكتور من غرفه ابو فارس ...ركضت له ام فارس وفارس يتطمنون بينما ضلت امل ماتبي تسأل وتسمع خبر مو زين ضلت معتصمه بزاويتها تبكي ونظرها على امل وتركي ودها تحرقهم او تنفيهم عن وجه الارض ...
طمنهم الدكتور ان ابو فارس تجاوز مرحله الخطر ولله الحمد دخلت ام فارس تتطمن عليه بعد ماسمح الدكتور بدخول شخص واحد فقط لان حاله ابو فارس ماتسمح بدخول الكل يحتاج هدوء وراحه .....
توجه فارس شاف امل تبكي ووجها محمر ضمها بحنان وهو وده يشيل الحزن الي بعينها حاسس الي صار من وراه كبير : هدي ياروح اخوك ابوي بخير مافيه شئ لا تبكين ....
امل وهي تشهق : بــ ــس انا السبب فالي صـ ـــار له ..اهـــــــى اهــ ــى والله مااســ ــامح نفسي...
فارس :اششش لا تبكين خلاص ...ربي كاتب هالشئ من قبل امسحي دموعك و تعالي ارجعك البيت وراك دوام بكره ..
امل بكت : مابي اروح مابـــــــــــي ...
فارس بصرامه : استغفر الله ...امل وش بتستفيدين لو ما رحتي ؟ بتضنين ابوي بيخرج من المستشفى ..تضنين بيفرح بقعدتك ؟
امل ودموعها بعينها : ابي اتأسف منه يافارس ابوي زعلان مني ..تعب بسببي ابي افهمه اوضح له
قبل لا يستفسر فارس خرجت ام فارس من عند زوجها وعلى وجهها الراحه كلهم توجهو لها يطمنون ..
فارس بلهفه : ها يمه بشري طمنيني شلونه ؟ صاحي او نايم ؟
ام فارس : لا تطمن هو بخير الحمدلله صحى وطلب مني ارجع البيت وبكره نرجع له الوقت متأخر
ام تركي سلمت عليها : الحمدلله على سلامته ...شلونه الحين ؟
ام فارس : الله يسلمك يااختي ...تطمني هو بخير ومشكوره لوقفتك انتي وعيالك ماقصرتو والله
تركي بطيبه مصطنعه : ولو ياخاله احنا اهل لا تقولين كذا مابيننا ويالله احنا سابقينكم عالبيت بعد ماتطمننا ...
خرج تركي ومعه امه واخته راجعين ماصدقو بس عرفو خبر عنه ....
طنشتهم امل ولفت رايحه لابوها : انا بروح لابوي بكلمه
وقفتها يد امها بصرامه ونظرات غاضبه: مالك روحه ابوك مايبي يشوفك مو ناقصين تنتكس حاله
صرخت فيها امل : مااااااااااااااابي ابي ابوي مالكم شغل ..
ام فارس بعصبيه : قلت لاااااااا يعني لا ابوك اصلا مايبي يشوفك يالله امشئ عالسياره وخلينا نرجع البيت ...فارس انا سابقتك
خرجت ام فارس من المستشفى وهي مو طايقه تشوف امل بعد طيحه
ابو فارس بسببها ...
فارس بجديه مسك امل وجهه مقابل وجهها : الحين فهميني شنو الشئ الشنيع الي صار وقلب الدنيا ...مو معقول دا عشان زواجك من تركي في شئ اكبر ...اصلا فهمني ليش بيزوجك تركي ؟ وليش انتي رافضه ابوي قال انك موافقه وتبينه ؟
احس راسي يوجعني من كلامكم ابي افهم؟؟
سكتت امل وماعرفت وش تقول ..." وش اقولك يااخوي ..اقولك الحيوان ولد خالتك مسوي علي مؤامره ..اقولك لا تصدق الي تشوفه ..
اقولك انا بريئه وكل شئ ضدي ...مافي فايده الظاهر مكتوب علي الشقا
بس والله لانتقم منك يا تركي وانا بنت سعود والله لذوقك الويل "
فارس: تكلمي ليش ساكته ؟
تكلمت امل بجمود وهي حزمت قرارها: ولا شئ ...كنت بالبدايه بتزوج تركي وغيرت رئيي ...وابوي عصب علي ..... بس ابيك لو دخلت عنده قول له ارتاح وتطمن امل خلاص وافقت عالزواج .....
ايطــــــــــــــــــاليـــــــــــــــــــا
مســـــــاءا
وقفت امام المرايه تراقب نفسها وشكلها الجديد تلمست شعرها الغجري والوشم الي بذراعها الكحل الي مالي عينها ونظرتها لنفسها..
حست انها قرفانه من نفسها ..
"شلون وصلت لهالمرحله ..شلون ! هذي مو انا ...مو بشاير .. مو لبسي كيف قدرت اسوي بنفسي كذا كيف ؟"
كل هذا عشان تقهر اياد نجحت واستفزته لكن رده فعله ماعجبتها .........كان بارد معها ....وهذا الي ذبحها ....تجاهلله لها وكأنها حثاله ...جبتو لنفسي بغبائي ....
فالاخير تيقنت انها بالي سوته اذت نفسها فقط ليس الا ...
هي الي حست بالمهانه وهي تشوف نظرات الرجال بتاكلها اكل ...
سمحت لكل من هب ودب يتفرج عليها ...تنازلت عن غرورها ونزلت لمستوى ادنى ...اااخ وين راح عقلك ياغبيه وين ....
تشبهت بااقبح الناس واتفه شكل...
مافكرت قبل في اياد في ابوها ..في نفسها وكيانها ...في ربها الي شايفها وهي الي عصته "...يارب سامحني يارب...."
تشبهت في ناس ماتستحي ...خلعت كل ذره حيا بالي سوته ...
ليش طيب مو راضيه....ليش كل هالضيق ...
تروشت ومسحت كل اثر للوشم والمساحيق الي كانت حاطتها فركت جسمها تبي تمحي الي سوته بالجامعه حاسه بقرف من نفسها..
حطت لوشن الجسم برائحه الفراوله خرجت ولبست فستان بيج بااكمام طويله وشكله هادئ قصير يغطي الركبه تحته هيلاهوب...
لابسه بوت بني لنصف الساق مشطت شعرها المبلول و جفتته شوي خلت الباقي مفلوت على اكتافها ليجف من حاله ...
حطت لمسه بسيطه من الزينه على وجهها ولبست حلق صغير لونه بني وساعه كانت هديه من ابوها ....
لبست معطف بني كبير وخرجت معتده بنفسها ..راح تواجهه بااسلوب ارقى وافضل الي سوته كان غلط لازم ترجع بشاير القديمه لكن بتفكير اعقل اتصلت على هاري عشان السينما بس ما رد استغربت !
نزلت للدور الاسفل ..كان البيت هادئ شافت ابوها خارج ومعه ام اياد استغربت خروجهم مع بعض !
بشاير : مساء الخير ..
ام اياد + ابو بشاير ...التفتو لها: مساء النور بشاير ...
بشاير بااستغراب: شكلكم طالعين ..بهاذا الوقت !
ابو بشاير: ايوا يابنتي ..في موضوع يخص اوراق عمك الله يرحمه وانا رايح مع ام اياد نشوفها
بشاير: اهاا ..تيب بابا انا كمان رايحه السينما وبعدها راح ازور اسومه احتمال اتأخر اليله ..ان طولت لا تقلق اوك
ابو بشاير بحنان : اوكي انتبهي لنفسك وسلميلي على اسما وزوجها
بشاير : ويوصل ان شاء الله ..
ام اياد باستها: يالله احنا رايحين حبيبتي بيننا اتصال
بشاير بمحبه: اوكي خالتو ..مع السلامه ...
خرجو ام اياد\ وابو بشاير ضلت بشاير تنتظر وصول هاري او حتى اتصال منه لكنه تأخر كثير ومابقى شئ ويبدا الفيلم الي ناويه تروح له..
خرج اياد من غرفته وكان كاشخ وعطره سابقه نزل الدرج وهو يدندن بروقان وانبساط تام شافها واقفه عند الباب ابتسم لما شاف شكلها ..
كان متأكد انها راح تمسح الخرابيط الي كانت حاطتها ...
كان شكلها الان كالملاك.....ماقدر يخبي ابتسامته عنها ...
والي عجبو فيها انها لابسه محتشم بالنسبه للبسها الدائم
المعطف طويل ومغطيها لحد رجلها ...ناقص بس تلبس حجاب
ويكون راضي تماما عن خروجها ....ماسوت كل ذلك لعيونه
وهو عارف انو عشانم بتزور اسما .....لكن مثل ماقال له سعود ....
مستحيل تسمع له ..لازم يغير سياسته ....
كل هذا عناد فيني يابشاير ...لهذي الدرجه انا مصدر تحدي لك تسوين أي شئ يقهرني ويستفزني !! الله يسامحك يامن ملكتي القلب ...
الله يسامحك ويبليك بعشقي ...
حست بوجود احد خلفها يطالعها ...التفت شافته واقف ويطالعها ...كانت نظراته شارده لكن ماخفت عنها ابتسامته ...
حست بقهر يتملكها ...اكيد حاسس بالانتصار لما شافها كذا .. تجاهلت وجوده بقدر مايمكنها ...
قرب منها وتكلم بهدوء : مساء الخير
بشاير بدون اهتمام: مساء النور
شافها متوتره وهي تطالع ساعتها ..ضحك بقلبه عارف انها تنتظر هاري ماتدري انو ماراح يجي اصلا ....
جلس واقف يراقبها وحاسس باانزعاجها من وجوده ..
تكلمت بسخريه وهي حاسه انها بتنفجر : طيب بتظل واقف تطالعني كذا ؟؟ مو اليله متواعد تخرج مع سيرينا ؟ روح قبل تتأخر عنها ....
اياد يتلاعب بااعصابها : لسه بدري الوقت ...اتفقت معها نسهر سوا
عضت شفايفها بقهر طلعت جوالها من شنطتها بعنف وباين عليها من تعابير وجهها انها متضايقه اتصلت على هاري وكان يرن كان نفسها تمسكه مع رقبته وتخنقه ليش مايرد عليهاا ....
اياد رفع حواجبه: اشبك معصبه ؟ صاحبك تأخر عليك لايكون بطلتو تخرجون اليوم ؟
بشاير من بين اسنانها : مو شغلك ......
مسك نفسه لا يضحك لو تدري بالي سواه عشان مايجي هاري وتخرج معه كان يمكن تذبحه وتقطعه بااسنانها ...
جاها مسج وكان من هاري فتحه بسرعه ولهفه تحت انظار اياد الساخره ..قرأت الكلام الي بالرساله وحمر وجهها من الغضب شده بيدها الجوال وكأنها بتكسره بااي لحظه....
كان كاتب لها ..."اسف شيرلي اعتذر منك لن استطيع الخروج معك اليله
ولا لاي موعد بهذه الطريقه... لا تسأليني لماذا...وماسبب رفضي بااخر لحظه انتي تعلمين رئيي الصريح بما يخصك ويخص علاقتك بذلك الشاب..لقد تغيرتي كثيرا اريد ان ترجع شيرلي القديمه ..شيرلي صديقتي وليست الانسانه الي رئيتها اليوم...اتمنى ان تفهميني..
لن اتورط بمشاكلك العاطفيه يجب ان تراجعي نفسك ومايجب ان تفعليه رجاءا نحن اصدقاء فل نبقى كذلك .. لا تغضبي لكن اعيدي النظر بكل شئ مر منذ بدايه تغيرك...."
كأنو حاسس انها راح تزعل منه كان نفسها تخنقه بيدها تركها بااخر دقيقه بعد ماجهزت نفسها تماما ...طيب ليش ؟ طالما كان هاري طيب وصديق قريب منها ...ليش تغير الان ...اكيد اياد راح يسخر منها الان رفيقها تركها بعد ماتواعدو ...يا حرام تحزن !
قرب منها اياد وهو مخفي ابتسامته: اشبك.. صار شئ ؟ هو رسل لك صح..
بشاير وهي ماسكه نفسها لا تصفعه كف ..يتشمت ..تكلمت وصوتها يدل انها بتبكي بااي لحظه : لا مافي شئ ...ومالك دخل تسأل ...
اياد رفع كتوفه بعدم اهتمام: انتي حره ..يالله باي انا رايح تأخرت على سيري ... انبسطي بوقتك ..
خرج من جنبها وطلع من البيت وهو ماسك نفسه لا يضحك حزن على شكلها الخائب وحس بكميه الغضب الي كاتمتها ...بس لو تموت ماراح يخليها تطلع مع أي رجل غيره ....
طلع سيارته واخذ له لفتين حولين البيت اتصلت عليه سيرينا وخبرها انو مايقدر يتعشى معها اليله لانه مرتبط بموعد ........
داخل القصر ...
كانت تلف وتدور موعارفه ايش تسوي ..فشل المخطط الي كانت بتسويه عشان تحرق دم اياد وخسرت كمان هاري الي ماتوقع تتصرف بهذه الطريقه ... نزلت دموعها رغم عنها كل ماتمسحها تنزل ..اكيد هاري زعلان مني بس استاهل هو يبي يساعدني وانا استغليته عشان اثير غيره اياد ..ااه يا اياد ليش طلعت بحياتي وخربتها ....هو راح واكيد مبسوط مع الحيوانه وانا هنا ابكي ومنبوذه وقلبي محروق ...
نزلت وجلست تتمشى فالحديقه بملل بعدت كثير عن البيت
جلست بين الاشجار على كرسي هزاز يلفها سكون اليل وصوت الرياح ...كانت اليله صافيه والنجوم تلمع فالسماء تأملتها وتأملت القمر الي ينور المكان ليله هادئه جدا مافي غير صوت الصراع الي عايشته بعقلها ...
نزلت دموعها صارت تبكي بصمت ماتقدر تعبر عن الي بداخلها حاسه بااختناق ...اياد بيقتلها بتصرفاته ...عارف انها تحبه وتغار عليه...اكيد عارف حتى لو كان فاقد الذاكره عنده قلب وعنده نظر ...
ليش مصر يخليها تعيش في صراع ..ليش يبي يتحكم فيها ...
يتغير عليها متى مااشتهى... يبيها تكون على مزاجه بالقوه
وهو يكون حر ...
حنون معها بااوقات ...واوقات يتعمد استفزازها ...
ولا مره قال لها كلمه احبـــك بالصريح بعد مافقد الذاكره ....
صح كان لطيف معها لكن فيه شئ متغير من كم يوم وهو مو نفسه ...
متأكده انو كان يحبها قبل الحادث والدليل اعترافه ...
لكن في هذي الفتره ماعاد نفسه اياد الي تحبه ..اياد تغير ....تغير كثير..
رغم انها قالتها لو مره بالمستشفى ...لكن هو ماتنازل يقولها لي ...
يمكن مايحبني او مو متذكر حبي ......
احترت معاك يا اياد ..ماعرف شلون اتصرف ...قلبي ماعاد يتحمل
صرت اخبص واسوي اغلاط وانت السبب بكل هذا ...
خرجتني من كل شئ كان حلو.... خليتني اصير مجنونه ...
كل همي اربح الحرب معاك واكون المنتصره فيها
انت بدأت المعركه بكلامك مع ذيك الـ......... ياخوفي تكون تحبها ......
استخدمت اسلحه ممنوعه وصلت لاقصى درجات اليأس والانهزام ..
ولسه احاول ...بس لين متى راح اصمد لين متى...!
لين متى بتضل كابوس مو راضي يتحول لحلم جميل ...
ليش يانبض قلبي... ليش تعذبني ...ارحمني وارحم حالك خلينا نعيش بهدوء ماعدت اتحمل اكثر .....لهذي الدرجه مااملي عينك ولا الفت انتباهك ..
ليش تحب تكسرني وتحطمني ....ليش مو راضي تحبني مثل مااحبك .....اااه والله المحبه بليه ...
سمعت صوت خلفها التفتت بس ماشافت شئ ..مسحت دموعها ولفت راسها ترجع للكرسي شافت ظل شخص واقف امامها ....
: ليش تبكين ؟
عرفته من صوته ...كان بنبره صوته حنان غريب ...ايش جابه مالو كثير من خرج .....قبل نص ساعه خرج ورجع بهذي السرعه ليش ؟المفروض يكون معها...غريب انت .... مسحت وجهها وتكلمت بثقه ...
بشاير بصوت مبحوح: انا ما ابكي ...يتهيألك ...
اياد قرب منها وعلى وجهه جديه خاليه من أي سخريه : بس وجهك مايدل على هذا الشئ ..."بحنان" ايش مكدر خاطرك يابشاير ...
كانت بتصرخ فيه وتقول "انت" بس ماقدرت طريقه نطقه بااسمها كانت قمه فالحنان ..تكلمت بضعف : تعبانه .....
قرب منها وضمها على خفيف همس: سلامتك من التعب وش متعبك .. ارتاحي ياقلبي ...
بشاير بعدت عنه بهدوء : ليش رجعت ...كنت بتروح معها ...
اياد بصدق: ماكان لي خاطر اخرج معها ...فضلت ارجع واجلس معاك وانتي ليش ماخرجتي ؟؟
حست بشاير بالخجل من نفسها ..خجل عميق لابعد حد ..
وش تقول له ..تقول نبذني لاني تغيرت ...لاني تغيرت وصرت سيئه ...
او تقول له انها ضايعه بدونه ..ماعرفت وش تقول ...!
فضلت تسكت وهو احترم سكوتها ....وسكت ظل يتأمل فيها ..
وهي تتأمل فيه تحت نور القمر بكل شفافيه كل واحد منهم ساكت
لغه العيون هي الي تتكلم فقط ...
مو محتاج يعرف اجابه عن سؤاله لانو عارف وكان المتسبب بعدم خروجها مع هاري ....
بعد خروجها من الجامعه تقابل مع هاري بااحدى الكافيهات
تقابلو وتكلم معه بكل شفافيه وكانت بشاير هي محور كلامهم ...تكلم بكل شئ وخبر هاري انو يحب بشاير ... تفاهم معه بخصوصها وبخصوص لقائهم اليله وطبيعه علاقته مع بشاير
تفاجأ من كلام هاري انهم مجرد اصدقاء فقط لا غير...
حاول يفهم من هاري سبب تصرفاتها لكن هاري ما افاده بحكم صداقتهم..
..بس الي وجع قلبه كلام هاري له حس انو هزه وانو تصرفاته تافهه جدا وراح يضيع كل شئ لو استمر كذا ...
" لماذا تجرحها ...انت اعمى اذا لم تلحظ حبها لك ..ليس لها حديث غيرك انها تعشقك بجنون وانا اخاف ان يصيبها الجنون بسبب الالم الذي تعيشه لماذا تعذبها انها طيبه صحيح انها مغروره متهوره لكن من يعرفها جيدا يعذرها انها فتاه مسكينه ..ماتفعله معها سيدمرها يا اياد....
وانت رئيت مافعلته اليوم حتى تغيظك وتلفت انتباهك كلنا انتقدنها لكن الغيره كانت تعمي عقلها وقلبها ...لا تحطمها اكثر من ذلك انها تحبك..."
ليش كل هذا ! استخدامها لهاري ....كل هذا تبين تجرحيني فيه...تغار ...
طيب انا مثلك اغار..واموت بغيرتي ... ليش ياحبيبته قلبي وصلنا لهالمواصيل ...لوتدرين بحبك بقلبي ماكان سويتي كل هذا ...
ضاعت ايام وكله بااسباب تافهه ..والله اني احبك ...
اكتشافات كثيره ماكان مستوعبها ...
كان يتوقع ينتهي نقاشه مع هاري بمضاربه قبل يتقابل معه...
لن كان نتيجه النقاش ايجابيه جدا اكتشف فيها انو هاري انسان جيد مو سئ وتغيرت فكرته عنه تماما ....كانت بشاير هي سبب كل فكر سئ مر بباله الغيره هي الي كانت تحركه وتحركها لازم ينهي كل هذا
واليله هي البدايه مشواري الطويل معاك يابشاير الله يصبرني .......
شافته مسرح ومو معها نفسها تدخل مخه وتعرف فاايش يفكر
قطعت حبل افكاره : طيب انا بروح لاسما وعدتها ..
رجع للواقع ابتسم لها ورد: طيب تمانعين لو قلت لك بروح معك ....
استغربت بس فرحت انو ماقرر يروح لسيرينا ردت بثقل وودها تطير من الوناسه : عادي بتجي يالله ...
اياد باابتسامه : يالله اجل مشينا ....
خرجو مع بعض متوجهين لشقه سعود واسما كان اياد الي يسوق وهو يدندن مبسووط لاحظ تغير بشاير الي الابتسامه نورت وجهها وهذا الي فرحه ...
بشاير انقلب حالها من قمه الخيبه لقمه الفرحه ...
ناويه تقول لاسما عن كل شئ صار معها تبي ترتاح وتفضفض لاي انسان غير انها مشتاقه لاسما ولجلستهم سوا ..
يتبــــــــــــــــع