بيت ابو فارس
بغرفه ابوفارس
كانت ام فارس مجهزه الكلام الي بتقوله لزوجها ...والي يخص امل وارتباطها بولد اختها فايزه ...تركي ..
بااي طريقه لازم تملك لهم الولد يبيها وهي كانت محترمه رغبه بنتها بالرفض لكن ..بعد الموقف الي صار ماراح تخلي الموضوع بيد امل ماتبيه وطايحه غراميات بالمطبخ ! كفايه دلع بنات ...
دخل ابو فارس وكان راجع من الشركه تعبان وهلكان ..دخل غرفته وشاف ام فارس جالسه على سريرها ..تقدم ووقف امامها
ابو فارس: مساك الله بالخير ياقلبي
ام فارس: مساء النور حبيبي
ابو فارس خلع العمامه والعقال وبدل ملابسه ..لبس بيجامه زرقا ودخل يفرش اسنانه ...
بعد خمس دقايق كان جالس جنبها : خير يالغاليه حاسسك مو على بعضك
ام فارس التفتت بجسمها كله ناحيته مو عارفه كيف تبدا بالموضوع حاسسته صعب عليها ..بس بالنهايه لازم تتكلم عشان مصلحه بنتها بالوجه الاول : ابو فارس ابي اقولك شئ ..وش رايك بعد بكره نملك لامل وتركي
ابو فارس استغرب: ليش بنت وافقت اخيرا تتزوجه ...
ام فارس تنهدت: لا ماوافقت بس غصب عنها بتوافق
ابو فارس عصب عمرو مغصب عياله على شئ ..كيف يغصب وحيده على الزواج وحتى من بعد اتلموقف الي تعرضت له !
بعصبيه: مستحيل اجبرها تتزوج ..اذا ماتبي ولد اختك ماياخذها ...مااغصب بناتي على شئ مايبونه
ام فارس حاولت تهديه : حبيبي موقصدي ازعلك والله بس الموضوع مهم وضروري ..لازم تتزوجه
ابو فارس بشك: هنادي حاسس عندك شئ قوليه ...
ام فارس حاسه بخوف ..لو حكت له يجوز يعصب ولا عصب الله يعلم وش ممكن يسوي ...
ام فارس بلعت ريقها :انا بقولك بس هدئ ..انا شفت تركي وامل بالمطبخ ..وكانو حاضنين ...بعض وشكلهم مريب
ابو فارس بعصبيه : أيــــــــــــــــــــــش!
ام فارس تمسكت بيده : تكفى هدي يابو فارس الساعه 12 ليل خلي السالفه تقضي على خير
ابو فارس : أي خير الي تقولين عنه أي خير ..
ام فارس: انت اسمعني طيب ..انا اعرف تركي هو بنفسه قال انو يحبها ويبي يتزوجها ..العيب في بنتك ماتبي تتزوجه
ابو فارس حاسس نفسو بينفجر من العصبيه ..كيف لا وزوجته قايله له بنت تحضن رجال وبمطبخ البيت بعد ....!لا وزواج ماتبي ...؟
ام فارس متمسكه فيه : الله يخليك هدي اعصابك السالفه تنحل بس لا تعصب ..انا قلت لها انو ملكتها على تركي بهاليومين ولو فيها خير تعارض بس انا كنت خايفه تعارض انت
ابو فارس وهو يحاول يتمالك اعصابه: خلاص الملكه بعد بكره ولين يجي ذاك اليوم ماابي اشوف رقعه وجه بنتك احسن ماارتكب فيها جريمه .....
ام فارس بخوف : ان شاء الله ..
نام ابو فارس وكان حاسس انو لو اعطى مجال لنفسه ماينام الا وهو مرر العقال على ضهرها عشان يشيل الحره الي بقلبه ..
بنتي انا تحضن رجال غريب ..بنتي ..تربيتي ...؟
رغــــــــــــــــــد
انصدمت لما شافت افنان قدامها ...: افنـــــــان ؟
دخلت افنان الشقه بسرعه : اشبك يابنت اتصلت عليك ماتردين قلقتيني
سكرت الباب ومشيت ..استوعبت الي جا مو فارس ...بل افنان ..حست براحه ولحقتها لغرفه النوم ...
افنان وهي تشوف الشنط والملابس المرميه استغربت : ايش الحوسه هذي وش كنتي تسوين بالبيت ؟
رغد بهدوء: فكرت انتقل بس غيرت رئيي ....
رفعت افنان راسها تبي تهرج بس ضاعت الكلمات الي بتقولها ...ركضت وقربت من رغد صرخت فيها : أيــــــــــــــــــش صار فيك ؟؟؟ ليــــــــــــش فيك دم وليـــــــــش الشاش ؟؟؟
رغد حست بخوفها وصارت تهديها : تطمني انا بخير جرح بسيط
افنان وهي متلبكه مو عارفه حتى ايش تقول : أي أي
أي بســـــــــيط ...شاش ودم ..ووجهك مخطوف ..التفتت شافت الاب كوت الابيض والمبتل بكميه كبيره من الدم ...
افنان تصرخ بوجهها: وتقوليــــــــــــــن مافيني شئ ...لا تجنني رغد وش صــــــــــار ...؟؟
رغد ماعرفت شلون تخبرها بس بالنهايه لازم تحكي لها القصه كلها جاتها من الاخر : انا انكــــــــــــــشفت ....
افنان : انكشفتي ؟؟ كيف ؟ مافهمت ؟
رغد بقوه : فارس عرف كل شئ عني ....عرف اني بنت ....
احاول ان اغطي <حبك> بقلبي
كما تغطي <الامواج> رمال الشاطئ
لكن<الشوق> يفضحني دائما
ماذا افعل لهاذا القلب عديم <الكرامه>
هل اطعنه ام اتجرع مراره عذابه <بسكوت>
وانصياع تام 
انتهــــــــــــــــى البــــــــــــــارت الســــــــــــــادس والاربعــــــــــــون