البــــــــــــــــــــارت التاسع والثلاثـــــــــــــــ 39ــــــــون
بيت يزن ...
كان البيت هادئ ام يزن بمشغلهاا ويزن خرج مع اصحابه كالعاده بقيت هي لوحدها بالبيت طفشانه تفرفر بالمنتديات تحاول تسلي نفسها بااي شئ صارت من اكثر الاعضاء نشاط لدرجة صارت مراقبه ومشرفه بكذا منتدى كبير....؟!
استغربت من اشواق من يوم ما جو من الرحله ماكلمتها او شافتها بالجامعه وحتى مازارتها بالبيت ..اتصلت عليها بس مافي منها أي رد او جواب لا لاتصالاتها ولا لرسائلها !!
فكرت معقوله فيها شئ ؟ تعبانه ؟
اوو يمكن عندها مشاغل ومو فاضيه ؟
طيب يمكن غيرت رقمها ونست تعلمني ....
اشواق متغيره كثير مو معقول تنقطع عنها بدون سبب خصوصا انها قبل لا تصير مرة اخوها ..صاحبتها ..اكثر من اخت لهاا..
جلست تفكر وش ممكن يكون سبب تغير اشواق المفاجئ ....معقوله في شئ بينها وبين يــزن.....؟؟؟
قطع حبل افكارها رنين جوالها بصوت عالي بنغمه تعرفها زين وكان فيصل المتصل كالعاده ردت بكل حب :الوووو
فيصل: هلااا بالالو وصاحبتها ..وحشتيني ياقلبي ...
رنا مسكت طرف لحافها وصارت لفه على اصابعها: وانت وحششششتني اكثر حبيبي ولهت عليك
فيصل بهيام: وانتي وحشتيني اكثر واكثر واكثر ياعيون حبيبك وروحه .. اخبارك ؟
رنا: انا بخير انت اخبارك ؟
فيصل : الحمدلله انا بخير دام حبيبتي بخير
رنا: دوووم يارب ...حبيبتك مشتاقه لك وميته من الشووق
فيصل : ااااااه ياقلبي يعني ليش تعذبيني.... لما اشوفك مااسمع دا الكلام الحلو وبالتلفون تجننيني وماتخلين فيني عقل نفسي اجيك دحين ...
ترفقي فيني يابنت الحلال قلبي مايتحمل اكثر...
رنا ضحكت بدلع وجرءه ذوبته:هههههههه بسم الله على قلبك يانور دنيتي انا بس اخاف اقول الكلام يوم تشوفني وتنسى نفسك ...
فيصل بخبث: طيب لو فرضا بيوم نسيت نفسي وتهورت وش بتسوين ؟
رنا تمددت على سريرها : هههههههههههه بقول حلالك .... انا كلي لفصولي زوجي وحبيبي وعمري
فيصل من قلب: يارب صبرني ... مو متحمل بعادك ...
رنا رجف جسمهاا من البرد: اصبر كلها كم شهر وانا ببيتك ...
دندن فيصل بصوت عذب: متى متى خلني اشوفك متى
الصيف جا وش هي وش هي ضروفك ..
رنا: صيف مين ياقلبي هههههههههههه "حست بموجة برد تجتاحها"
يوه انا بردت ....بااسكر المكيف ...
فيصل عقد حواجبه بااستغراب : الجو حارر !! ليش انتي ايش لابسه ...البسي شئ خفيف ..
رنا:وانا لابسه بدي وشورت كالعاده يمكن عشان مقويه المكيف بردت بااخليه منخفض شوي ...
فيصل عض شفايفه: جالسه بشوورت بالبيت !!! طيب فرضا يزن موجود وشافك !! انتي وينك الحين ؟؟
رنا بلهجه عاديه: انا بغرفتي ومقفلتها.. امي بمشغلها وانت عارف ابوي مسافر ويزن خارج مع اصحابه خلوني لحالي عشان كذا مااخذه راحتي...
فيصل بمكر: ياقلبي انتي ...طيب وين جالسه بغرفتك...
رنا مااخذت بالها من لكنته: عادي كنت جالسه على المكتب اتصفح بالمنتدى بس حسيت ظهري عورني وتمددت على سرير
فيصل بصوت مبحوح رايح فيها : يا ويـــــــــــــــــل حالك يافيصـــــــــــــل
رنا سكتت تستوعب بس بسرعه بديهتها فهمت وش قصده وهو يسألها كل الااسئله ذيك: فصــــــــــــــــــــيل
فيصل سمع صرختها انفجر ضحك بصوت عالي :ههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههه
شكلي بااجي اخذك الحين من بيتكم مااقدر استنى ليوم الزواج ..
رنا رفعت حواجبها وبمكر: يؤ يؤ عيـــــــب "بدلع مدت الكلمه ": مايصيـــــــــــــــر...
فيصل" يقلدها": ولي ومايصيـــــــــــر مو قبل شوي قلتي حلالك ؟؟
رنا بغنج تبي تهبل فيه: اصبرر يارررروحي لازم اسوي حفله الزواج اول زي أي عروسه وكمان كلها كم شهرر وبتمل مني
فيصل عض شفايفه: مااظن امل منك لاخر يوم بحياتي
رنا بجديه: اممم فيصل ماسألتك كيف اشواق من زمان عنهاا...
فيصل : والله وانا زيك صارت ماتخرج من غرفتها الا للضروره متغيره وصايره عصبيه ووجهها شاحب
رنا: تتوقع تعبانه اوو في شئ بينها وبين يزن....
فيصل: ماادري والله ماتتكلم كثير واحنا مخلينها على راحتهاا بس لو فيه مشكله كان قال يزن صح
رنا: ماادري والله ..امم طيب انا بااجي ازورها اليوم
ابتسم فيصل: ياسلااام يعني بااشوفك اليله
رنا:ههههههههههههههههههههههههه لا بس بااسلم عليك واروح لاشواق...
الزياره مخصوص عشانهاا دي المره
فيصل يسوي ضعيف: لنـــا الله
رنا شافت الساعه مافي وقت لو بتزور اشواق يادوب تجهز : اممم يالله حبي انا بااسكر لازم البس عشان اجيكم
فيصل: اوكي قلبي اهتمي بنفسك ولاتجين لحالك كلمي اخوك يوصلك
رنا: اوكي باي
فيصل : باي ...احبــــك
رنا: وانا كمان ...
قفلت منه قررت تزورها اليوم وتفهم سر تصرفاتهاا الغريبه طلعت لها برمودا لونها ابيض وبلوزه فوشي بكم نازل وفيها حروف بالابيض وربطاتها ابيض استشورت شعرها وخلته مفرود بطول ظهرها لبست حلق دائري ودبلتها وساعه من سواتش وصندل فوشي بدون كعب..
تعطرت وبدت ترسم الروج على شفايفهاا التوت
والكحل داخل عينهاا وهي تدندن بسعاده...
همسه " مااروع الحب ومشاعر المتحابين
مشاعر صادقه حالمه ... حقيقيه
...هيام ...غرام ....شوق..... همسات.... واهات.................
يدي تمسك يدك حبيبي....... نتبادل ارق كلمات الحب ...
اسمع همساته بااذني موسيقى عذبه تطربني....
لمسات يديه تخدر حواسي...
ونظرات عينيه تأخذني لعالم جميل متلئلئ...
عالمي انا وهو والنجوم فقط
للعشق حلاوه ولذه لانحس بقيمتها وحلاوتها ولذتهاا..
الا ان كان حــــــــــلال "
خربشات قلمي ........
بيــــت ابو فــــارس
دخلت امل بيتهم تحت نظرات تكاد تحرقهاا... فهد اول ماشافها دخلت حرك سيارته متوجه لشقته اما امل جرت مشتاقه لامها وابوها ولاخوانها وهي داخله لمحت ابوها نازل من الدرج ومستعجل ركضت له : بــــــــــــــابــــــــــــــا
ابو فارس تفاجأ برجعتها وفرح من قلبوو : امـــــــل بنتــــــــي .....!
قربت ورمت نفسها بحضنه وسالت دموعها بلوعه وشووق وكأن لها سنوات ماشافته فيها.. وهو زاد من ضمته لها : وحشتني يابابا خفت مااشوفك ثاني ...اهـئ لو شفت بس ايش صار فيني ..
ابو فارس لمعت عينه بدمعه حاره اخفاها: تعالي الغرفه...
سحبها ابوها ودخلو غرفه مظلمه غرفة المكتب دخلو وسكرو الباب جلست امل على الكنبه وجلس ابوها جنبها رمت نفسها بحضنه تدور الامان وهو مسكها وهو خايف انو صار لها شئ او تأذت.........
ابو فارس مسك وجهها وعيونه بعيونها: حبيبتي صار لك شئ سوو لك شئ طمنيني ايش صار ...
امل مسحت دموعها وبدت تتكلم: لااا انا بخيرر واحد ولد حلال ساعدني امس وخرجني من عندهم "بدت تشهق وهي تتذكر" اهـــئ حطوني بغرفه فيها فيران وحشرات وظلام والارض وسخه .. <زاد بكائها وحست انفسها تنقطع > ...وحاولو يـ ..
يـ ..........مااقدر اقول....مااقدر ... اهــــــــــئ اهــــــــــئ ..
مسكها ابوها يهديها ومسح دموعها وهو محروق قلبه للي صار لبنته وفهم ايش تقصد : اهدي يااموله اهدي يابابا انا جنبك محد بيجيك ...
امل كملت بعد مااخذت نفس: بس الحمدلله فهد جاني بالوقت المناسب
قبل لا يسوون فيني شئ... خرجني ووداني بيته عند اخته وجلست عندهم لين الحين كانو طيبين معاي وهو كمان جابني هناا .......
سكتت شوي وتذكرت ...: بابا وين فارس قال بيشوفني اول ماارجع...
ابو فارس حمد ربه على سلامة بنته الوحيده وقلبه عند فارس: الحمدلله اهم شئ انك بخير اخوك فالمستشفى وانا رايح له
امل انصدمت ودمعت عينها: اييييييييييش؟؟؟ فـــــــارس
ابو فارس: لا تخافي انا بروح اتطمن عليه...
امل صرخت بخوف: بابا اش فيه فارس ليش فالمستشفى ؟؟ لايكون راكان سووا له شئ اهـــــــئ ياحسرتي عليك يااخوي
ابو فارس: لا تخافين نايف يقول انه بخير والي خطفوك بيمسكونهم انتي مسحي وجهك وهدي بعدين روحي شوفي امك ماذاقت طعم النوم وهي خايفه عليك وكمان خالتك وبنتها فوق ...
امل كشرت : ايش جابهم ذولا ...؟
ابو فارس : جو يزوروننا حتى تركي معهم.... ترى قلنا لهم انك كنتي مسافره مع فارس لا تجيبي سيره الموضوع..مانبغى احد يدرى
امل بضيق : طيب اتصل وطمني على فارس ..
ابو فارس: ان شاء الله
خرج ابو فارس متوجه للمستشفى وامل مسحت وجهها وغسلته تخفف من الاحمرار فيه خرجت بعدها طالعه السلالم متوجهه لغرفة امها وابوها بس وقفها صوت غليظ تعرفه وتكرهه ..
: على وين يا برنسيسه ...
لفت وهي تحس بقرف ونفسها بخشمها : خيــــــــــــر ...
تركي بسخريه:الحمدلله على السلامه نورتي البيت بنت خالتي العزيزه...
امل بطفش: غيـــروه ...
تركي سو نفسه متفاجأ:افاااا مافي كيف حالك ياولد خالتي ..اشتقت لك ...
امل طالعت فيه ببرود: تركي اخلص علي ماني فايقه لك
تركي بلهجه ماعجبتهاا: مين الي كنتي معاه قبل شوي يا بنت خالتي..
يا محترمه ...حبيبك!!او يمكن عشيقك!!
امل عصبت وبلسانها السليط ردت عليه: اعتقد مايخصك مين يكون ومحترمه غصبن عن الي خلفووك .......انقلع عن وجهي
ولفت طالعه لفوق بس وقفها صرخه تركي المرعبه ..
تركي: امــــــــــــــــل
لفت تواجهه ببرود رافعه حاجب وهي جوتها نار : نعم ...
تركي مشي لها وهي واقفه زي النخله بكل شموخ مسك عضدها وشد عليه بعنف والشرر يتطاير من عيونه: لما اكلمك لا تعطيني ظهرك ..." صر على اسنانه وهمس" فــــــــــاهمه ...
امل رغم خوفها من تركي بذي الحظه بس مابيت سحبت يدها من يده : لا مو فاهمه ولا لك شغل فيني ...اصلا ايش لك دخل .... اطلع مع من ماابغى حبيبي او صاحبي انت مايخصك ..فاهم
تركي بحقاره وهو ضاغط على يدها بقوه :لي كل الحق اعرف ياxxxxxxxx
امل تألمت من مسكته وانقهرت من قذفه لها باابشع الالفاظ: ااااااااااي سيب يدي وجعتني يااحقيير ياسافل منـــــــــــــحط
تركي: ههه اذا انا سافل انتي شنوو "بسخريه" شريفة مكه … ماجاوبتي مين الي كنتي معاه يا وااطيه
امل ماتحملت عطته كف حااار من عصبيتها: انت الوااطي ما اسمح لك تكلمني بذي الطريقه وتشكك من اخلاقي ياحيووان انا اشرف منك ومن امثالك يازباااااله
تركي رفع يده بيرجع لها الكف وهو مولللللع منها بس وقفه وقطع عليه صوت امه وام امل الي جو على الصوت وانتبهو لامل واقفه ...
ام فارس بلهفه ولمعه الفرح بعيونها: امل....؟؟ بنتي .. حبيبتي رجعتي
امل طالعتها : يمــــه ...
راحت لها ركض وضمتهااا وهي تبكي وسط استغراب ام تركي نزلت الريم على اصوات الجلبه وشافت امل وام فارس وامها وتركي كمان واقفين يكلمون امل الي لسه ضامه امهاا .... راحت بتمثيل مسكت كتف ام فارس و ضمت امـــل
الريم: وحشتيني اموووله كيف كانت سفرتك ؟ ان شاء الله انبسطو..
امل بضيق : تمام
الريم بشوق مفضوح: وين فارس ماجا معك ؟؟
امل طالعت بتركي بكره وهو طالعها بتهديد ووعيد ماخفي عنهاا : لا انا جيت وهو ضل عنده شغل ...
الريم ببرود عكس لما دخلت عليهم: اهااا الله يجيبه بالسلامه ... عن اذنكم منتظره تلفون ...
الكل: اذنك معك ...
الريم خاب املها وطلعت من المكان الي جات عشانه ماجا لسه وشكله مطووول الغيبه .......................................
ام تركي سلمت على امل مجامله : هلا والله يابنتي الحمدلله على سلامتك شكلك مشتاقه للبيت اشوف وجهك تعبان وشكلك دايخه كل هذا لان امك وابوك مو معكم ...
امل بصدق : ايوا ياخاله وجودهم اهم شئ ما تعودت اجلس بدونهم ساعه وحده واحنا لنا كم يوم
ام تركي بفضول: طيب وين فارس ليش مانزل يسلم ؟؟ جابك ومشى ؟
امل بكذب: لا فارس ماجا انا جيت مع صاحبتي.....
تركي بسخريه ودق بالكلام وهو حااقد عليها: اهااا قلتي صاحبتك ....
طنشته امل ومااعطته وجه كملت توجه كلامها لخالتهاا : والله ياخاله مااتحملت ابعد عن البيت اكثر وحشوني اهلي ورعودي حبيبي وعندي امتحانات لازم استعد لها من بدري ..اما فارس مو مطول ان شاء الله
ام تركي: ان شاء الله ....الله يوفقك ياحبيبتي ...
امل :امين ... يمه وين رعد مااشوفه
ام فارس: رعد راح بيت جارنا سالم يلعب مع ولده كالعاده ...
ام فارس طالعت امل بنظرة حيره وهي فاهمه بس قلبها ماكلها على فارس توقعته يجي مع امل بس ليش ماجا...ومافي عنه خبر ....
.....هذا الي كان يدور ببالهااا .....
توجهو للمجلس يكملون كلامهم ونظرات تركي لامل فيها الف معنى ومعنى خوفت امل وحسستها انها مو مرتاحه له ولا للجاي ....
شقــــــــــه فهـــــــــــد
كانت افنان بغرفتها بعد ماودعت امل دخلت وقفلت الباب على عادتها اشتاقت تختلي بنفسهاا شوي اشتاقت للوحده ..
اشتاقت تكون لحالها مجرد كياانها وروحهاا وانفااسهاا بالمكان
ومافي احد معاها الا احلامها وتخيلاتهاا وذكريااتها...
بعيد عن الواقع المعتم والمصير المجهول
تفتح دفاتر الذكرى الجميله ...وصفحات الماضي الورديه
لتجدها متلازمه مع ذكرى مؤلمه اخذتها بعيدا ...
حنين للماضي ولروعة ايامه وذكرياته بااشخاص لايمكن نسيانهم
استلهم القدر من بين يديهاا ليتركهاا تهيم بين عقارب الساعه....!
وحزن وضياع على مستقبل لا يدعو للبهجه بل الحيره والفراغ لتعيش مابقي لهاا من حياتهاا ...
ماكان احد يدري بالي بقلبها او حاسس فيهاا ... طول عمرها كتومه وماتبوح بخباياها لاي شخص حتى اخوها .....
كتمت كل شئ بصندوقها الصغير وبقلبهااا الي كان مثل البئـــر ...
عميق ماااحد يدري ايش فيه وايش يخبئ ..
راحت للكمدينو وفتحت الدرج الاول وطلعت كنزها الثمين ...كان عباره عن صندوق خشبي متوسط الحجم مدت يدها لحقيبتهاا واخذت مفتاح حجمه صغير دخلته بفتحة القفل وفتحت الصندوق ....
مررت يدها عليه وعلى وجهها سحابه من الالم المشحون بالشوق والوعه ودموع مكبوته تنذر بنزول المطر والعواصف ......
طلعت اول كنز لها.... صورة من الصندوق كانت صورة عائليه تجمعها مع امها وابوها وفهد واختهاا الكبيره ...ليـــان
كانت ليان جميله لكن مو بجمال افنان كل وحده فيها نوع من الجمال
افنان جمالها هادئ تعتبر مملوحه وجذابه اكثر منها جميله اما ليان جمال انثوي صارخ ببشره كالزبده ...!!
كانت محط فخر العائله وافنان دلوعتهااا ....
نزلت دموعها وهي تشوف امهاا الي ماسكتها بحب وتبتسم بكل حنان وطيبه وتجاعيد ابتسامتها واضحه وابوها الي مبتسم بثقل ووجهه يفيض حنيه وتسامح .. وفهد الي مقرب من الكميرا ووجهه اكبر وجه بالصوره ...
"اسره مثاليه سعيده "
ياااااه عمر الصوره 10 سنوات ....
كانت طفله وقتها وليان مراهقه بالـ17 من عمرها اما فهد كان فالوسط بينهم
راحو كلهم من حياتها ... شمعة ادت لحرييق بالبيت انهى ثلاثه ارواح بيوم واحد ولحظه واحده .......
وبيوم كان من اسعد ايامها
يوم نجاحهااا..فالمدرسه...
الكل كان بيسعدها ومجهزين لها مفاجأه....
راح فهد يمشيهاا عشان ما تنتبه لهم وهم يجهزون للاحتفال
ولما رجعت مالقيت احد ...سوى الانقاض
ضل معاها فهد بس ........
ضمت الصوره لصدرهاا وهي تتمنى ان كل الي بالصوره
موجودين حولينهاا بس راحو لحياه افضل ...
حياه كلها سعاده عند رب كريم ورحيم .....وهذا الي يخفف من المهاا ...
طلعت كنزها الثاني .... كانت صوره كمان ......ومعهاا اله "هارمونيكا " طلعتها وحطت الصوره بالصندوق وبدت تطلق لحن حزين وموسيقى شجيه وقطرات الندى على خديهاا ...
محد يدري انها تعرف تعزف
او تعرف لهالاله ابدا حتى ...هوا
تعلمت كيف تعزف الحن هذا بس ماتعرف غيره
وهي طفله مع قلة المرات الي جمعتهم بس حفظت الحن
وتعلمت تعزفه ........عشانه بس...
توقفت عن العزف وباست الاله ..... كانت هديته لهاا
هي طفله صغيره .....وهو مراهق...
كان يشتري لها العاب وعرايس ويثني على جمالها وادبها وانها
"بنت امووره و شطووره وتسمع الكلام " هذي كانت كلمته
مع انها طفله.......
بس كان يعرف انو الانثى مهما كبرت او صغرت تحب المدح وخصوصا في ذاتها وشكلها واسلوبها ...
تحب ان يشعرها الشخص بقيمتها انها جميله ومهمه ....
وكلامه معها يحسسها انها اجمل بنت بالعالم والطف بنت ..حتى ابتسامته لها تحسسها انها غير........
مع انها طفلة ماتجاوزت العشرة سنوات ...دايما تسأله بدلع
افنان :انا حلوه وشطوره صح وكل الناس تحبني ....؟
وهو يبتسم لها ويقولها: ايوا انتي عاقله وكبيره وكل الناس تحبك
ودايما تقولو بطفوله : انت احلى واحد بالدنيا وانا احبـــــك ..
يبتسم لطفولتهاا وبرئتهاا: وانا كمان احبك
افنان : يعني ادا كبرت تتجوزني ...زي ماما وبابا والبس عروسه وانت عريس ونرقص صح ..
يبتسم افكارها افكار اطفال وتتعلق بااي شخص يهتم فيها ويجيب لها حلاوه ماحب يجرحها او يخيب املهاا : ايوا صح بس لاتقولي لماما خليه سر بيننا لما تكبري اوكي
افنان : اوكي <قربت منه وباست خده > : احبـــــك
احبــــــــك
احبــــــــــــــــك ....
ضلت تتذكر وصدا الكلمه يتردد بااذنهاا وابتسامته ماتفارق شفايفه ...نظراته ... خوفه عليهاا ...
ماتنسى ابدا الحلاوه الي تحبهاا "حلاوه مصاص"... وهو راجع من المدرسه يجيب لها
واذا ماشافها ارسلها مع اخته ...
كان يعاملها بطيبه وحنان....يلعبهاا يشيلها على ظهره ....
يدافع عنهاا وخوفه عليها يبان بعينه ...يدللها
بشكل علقها فيه ...
مع مرور السنوات يزداد تعلقها فيه اكثر واكثر
تحول حب الطفوله لحب مراهقه بعد ماتغطت عنه
ولازالت تشعر بالمشاعر ذاتها كل ماسمعت اسمه..... لكن
هيهات لازال القدر يلعب معاها لعبته....
وخطف ثاني كنز لهاا ببساطه وبدون سابق انذار....
مسكت الصوره وتأملت قسمات وجهه
الصوره قديمه يمكن من 5 سنوات او 4 سنوات ...
وقتها انتقلت وابتعدت عنه ...
بس كانت تتأمل انه بيوم بيجمعهم القدر مره ثانيه بصوره ثانيه ...
باست الصوره وحطتها على قلبها تمددت على السرير والصوره فحضنها ونظرها للسقف
كمل سيل دموعهاا مسيره والصوره بدت تختل بنظرها
لحد ما صارت ظلااااااااااااام .......................
يتبــــع