البــــــــــــــــــــارت السابع والثلاثـــــــــــــــ 37ــــــــون
بشـــــــــــــــــقه طـــــــــــــــارق
عبدلله تمدد على السرير يبي يرتاح انتبه لشنطه نسائيه على السرير مسكها وحواجبه معقوده : هذي شنطة مين ؟
جمد الدم بعروق طارق بخفه سحبها من يد عبدلله : هـ هـ هذي شنطه مهاا
عبدلله ضحك بمتعه: انا قلت اليوم مو طبيعي البيت مرتب وريحه العطر وفوق هذا شكلك ناوي ترميني من الشباك
طارق:............................................. ...
عبدلله: ياشيخ لا تطالعني كذا حاس اني جيت بوقت غلط
طارق باانفعال: وغلط بقوه على اساس بتجي بعد فتره ماحسبت حساب جيتك دحين .......................
ضحك عبدلله من قلبه: هههههههههههههههههههههههههههههههههه شكلي خربت جوك انت و مزتك ..........الا البنت فينها ؟
طارق يتدارك الامر: يااخي انت فجعتها.... بعدين البنت مو زي ما انت مفكر يامنحرف ........
عبدلله:هههههههههههههههههههههههههههههههههااااااي ليش لا تكون زوجتك وانا ماادري
طارق بكذب: لا مو زوجتي هذي بنت عمة امي جات تبغى مني شغله بس مو كل البنات بتفكيرك
عبدلله بنص عين: عليــــــــــــنا كل الشياكه دي وتبغى منك خدمـــــــــه هه انا اصدق انها تبغى خدمه بس اكيد انت كمان تبغى منها خدمه
<رفع حاجبه بخبث
طارق يصرفه: هههههههههه ياسلام عليك مادامك نبيه وذكي كذا ايش رايك تفارق الحين عشان اخذ راحتي ..........
عبدلله وقف وهو يتمغط بنعاس: ههههههههه الله يرجك ياشيخ ويهديك وتبطل لعب
<خرج من الغرفه ومتجه لباب الشقه وطارق وراه >
عبدلله بضحكه اخويه اااالمت طارق :يالله..... الهادي ربنا انا بروح واخيلك مع مززتك مااوصيك انبسسط هاا هههههههههههه
طارق ابتسم بالغصب: لا توصي حريص .....عبدلله اليله بااسافر للشرقيه
عبدلله: خلاص جهزت كل شئ ...
طارق: ايوا انا والاهل بننتقل وهذا احسن للكل
عبدلله ضمه : توصل بالسلامه راح اجيكم قريب
طارق حس نفسه خسيس قدام عبدلله : الله يسلمك على خير ان شاء الله
عبدلله بهبال : يالله باي حبيبي
طارق ابتسم له: مع السلامه ......................
خرج عبدلله من الشقه متوجه لبيتهم وهو مبتسم باامل قرر يفاتح ابوه بخطبته لرنيم ...
اما بالشقه عند طارق وهو راجع لغرفته تنفس الصعداء
بمجرد خروج عبدلله
وحاس انو هم انزاااااااح عنه
ضميره انبه عبدلله من اقرب اصحابه كان راح يخونه من دون مايدري
كان راح يطعنه لو ماعرف من تكون "غزل"
اما باالنسبه لغزل كرهها الف مره تمنى انو عمره ماشافها او عرفها بنظره هي ما تستحق تكون اخت لواحد زي عبدلله شاب طيب وعلى نياته
بس كما تدين تدان.........
عبدلله كان لعاب قبل وياما ضحك على بنات كان يكلم ويخرج مع بنات وهذا بحد ذاته حرام وبالسنتين الاخيره بطل لعبه وصار على خفيف
والله بلاه بااخته ....
تذكر حالته وهو الي ولا همه احد
شرب ومخدرات وعربده ...ماخلا شئ ماسواه بحياته ......ولازال مستمر
يضحك على نفسه بكلمتين " خليني اتمتع بشبابي واخواتي متربين مو مثل هذولا الـxxxxxx"
تذكر الي صار قبل دخول عبدلله بدقايق ....حمد ربه الف مره
انو ماسوى لغزل شئ
كان راح يندم طول حياته عليه .....
دخل الغرفه وطالع الدولاب تكلم : اخرجي اخوك راح ...
فتحت الدولاب وخرجت ووجها منفخ من البكى طالعها من فوق لتحت بنظرات قهر واحتقار ممزوجه بغصه كيف تكون هذي ...اخت عبدلله
من دون لا يطالعها تكلم : البسي عبايتك وانقلعي
زاد صوت نحيبها وهي تلبس العبايه رفع نظره لهاا بكل حقد : مو عشانك ...عشان عبدلله بس ........ مايستاهل تكون اخته واطيه وخسيسه مثلك
غزل بسخريه وهي تحاول تبين قويه: ههه ضحكتني من الخسيس انا .. او الي يلعب ببنات النااس حتى اعز اصحابه ماترك اهله بحالهم ...
طارق بعصبيه : انتي الي خنتي اهلك واخوك انا ماكنت ادري انك اخت عبدلله ... ياخساره مسكين ياعبدلله ماتدري اختك وش تسوي من ورااك
غزل صرخت بوجهه: احترم نفسك انت تدري اني تبت وحاولت ابعد عنك قلت لك اتركني انا متزوجه بس هددتني انت اجبرتني اجي
اجبرتني على كل شئ
طارق: بس مااجبرتك تكلميني ... ولا اجبرتك تخرجين معي او تجين شقتي انتي جيتي برجولك ...
غزل : حسبي الله عليك ماتخاف من ربك انت مرييض
طارق بسخريه ضحك بصوت عالي : ههههههههههههههههههههههههههههههه يعني انتي الي تخافين من ربك ..والا من تزوجتي صرتي تخافين من ربك يالعفيفه الطاهره
غزل بصوت مهزوز مو قارده تتحمل: لاني خبله حبيتك بكل سذاجه كنت اضنك غير عنهم ياطارق ... حبيتك من قلبي حتى زوجي مو قادره اعيش معاه وانت السبب ههههه وانت استغليتني بكل حقاره ....اهنيك الصراحه
طارق اربكته دموعها وضعفها لف عنها وتكلم بكل قسوه: الي صار صار والحمدلله عدا الموضوع على خير وماتهورت مافي بنت تحط راسها براسي الا وانهيهاا وانا طارق
احمدي ربك انك اخت عبدلله والا كان ....والله والله
ماخرجتي سليمه من هنااا .....
غزل قربت منه وصارت تضربه على صدره وهي تبكي بضعف:
ليش تسوي فيني كذا ليييييييييييش من شنو مخلووق ماعندك قلب ..
انا ايش سويت لك.... انا احبك والله احبك .........بعد كل الي سويته فيني مو قادره اكرهك مو قادره ليش
طارق مسك يدها بيوقفها : بس خلاص هدي
غزل تكمل بصراخ : حتى احمد مو قادره احبه كل ماشفته اتخيله انت بكل مكان تطلع لي الله ياخذك ويفكني منك
طارق عصب مايحب احد يدعي عليه يخاف : خلااااااص انكتمي انسيني افهمي انا ماابيـــــــــــك مااطيقــــــــك مااشتهي اشوف خلقتــــــك روحي عيشي حياتك وارجعي لزوجك انسي شئ اسمه طاااااااارق ...
غزل حست كرامتها انهانت وانداس عليها بعدت عنه وعدلت عبايتها رمت الطرحه على وجهها تخفي الالم الي سكن ملامحها بسببه مشت لحد باب الشقه ووقفت التفتت على ورى شافته واقف وراها وعلى وجهه برود قاتل
طارق بدون نفس مايدري ليش حس بالذنب اتجاهها يمكن دموعها اثرت فيه: اسف على الي صار لك ...
غزل بصوت مبحوح متعب: مشكور وما قصرت مثل مانسيتني اعرف اني انا كمان راح انسااك ..راح اعتبرك حلم ...او انك مت ...... كفايه الي جاني منك ياولد الناس
"لفت وطلعت من الشقه راجعه لبيتهاااااا"
اما طارق تأثر بكلامها شوي حس بالذنب ... بس مو عشانها عشان نفسه والاهم عبدلله .......................................
اسمــــــــــــــــا& سعـــــــــــــــود
وصلت روما وقلبها ماكلها على بشاير طول الرحله ودموعها ماجفت عذبت سعود ببكاها المستمر ....
اول ماوصلت المطار اخذو تاكسي وعلى طول المستشفــــــى حتى مااتصلت تخبر امها واختها انها وصلت ...
دخلت المستشفى ونبضات قلبها تتسارع بخوف شد سعود على يدها يبي يمدها بالقوه تمسكت فيه ومشيو للاستقبال ..
سعود بالانجليزي: لو سمحت اريد معرفه غرفة الانسه بشاير الـ.......
الموظف: لحظه واحده من فضلك......انها بالغرفه رقم 301 بالطابق الثاني الجناح الايمن ...
سعود: شكر جزيلا ...<كلم اسما> يالله تعالي
طلعو لغرفتها اول مادخلت الجناح شافت ابو بشاير وام اياد جالسين باالاستراحه اسرعت الخطا لهم ...
ابو بشاير سمع صوت خطواتها ورفع راسه اول ماشافها وقف يستقبلها وهو راسم ابتسامه ذابله على وجهه..
اسما باست يده تعتبره ابوها : عمي ابراهيم
ابو بشاير: هلا يابنتي
اسما ودموعها تجري على خدها "هذي بشاير الغاليه": عمي طمني عنها شلونها الحين ..
ابو بشايربالم: والله مثل ماهي تصحى تنهار ويعطونها مهدئ ...
تقدم سعود اسما انحرجت انها ماعرفته عليه
اسما: عمي ...هذا زوجي سعود ....سعود هذا ابو بشاير
سعود صافحه: سلامة بنتك ياعم ماتشوف شر ان شاء الله
ابو بشاير: الله يسلمك ياولدي ماتقصر
سعود رن موبايله استأذن يرد ............................
اسما لاول مره تنتبه للحرمه الي واقفه جنب ابو بشاير: معليش خالتي مااانتبهت لك "سلمت عليها ...وضمتها ام اياد بحنان فاجئ اسما"
ام اياد تداري دمعتها: عادي يا بنتي
ابو بشايربالم لحالة مرت اخوه : هذي ام اياد يااسماا..اياد ولد اخويا ...
اسما: سلامة ولدك ياخاله طمنيني كيفه ؟؟
ام اياد بوجهها الهادئ نزلت دموعها بغصه: لسه ماصحى بغيبوبه
ماندري بيعيش او لا
اسما ضمتها تخفف عنها : الله يقومه بالسلامه خلي املك بالله كبير
ام اياد : ونعم بالله ونعم بالله
اسما لفت على ابو بشاير : وين غرفتها؟
ابو بشاير اشر عليها : بس ترى نايمه من تأثير المهدئ
اسما : مو مشكله ابغى اشوفهاا
راحت لها ..فتحت الباب ببطئ ودخلت شافت كائن متمدد على السرير الابيض دققت وانصدمت
بشاير تغيرت ...شاحبه وكأنها جثه
قربت منها وهي تشوف وجهها الشاحب وشفايفها المتشققه باين اثار الكدمه براسها الملفوف بالشاش ويدها فيها مغذي
تقطع قلبها عليها ...
جلست جنبهاا وهي تتأملها نزلت دموعها ..كيف لا وبشاير صديقة عمرها
مسحت على شعرهاا بحنان : بيشو حبيبتي
بشاير:............. نايمه من تأثير المهدئ
اسما نزلت قطرات من دموعها على يد بشاير : ليته فيني ولا فيك ااه ياالغاليه عمري ماتوقعت اشوفك كذااا
سامحيني ياقلبي لاني بعدت عنك فالفتره الاخيره
بشاير بدت تفتح عيونها ببطئ وهي تتكلم بتعب والم يذيب الصخر: اسـ ـما
اسما شافتها صحت ابتسمت بين دموعها: ياعيوون اسما ههههههه شكلي ازعجتك يانوامه ليش خوفتيني عليك
بشاير نزلت دموعها وهي تتكلم بمشقه: اسـ ـما أيـ ـاد راح تـهـ ـئ
انا احبـ ـه والله ... ابـ ـي أيـ ـاد ...
حست اسما بالم ...حاسه فيها بس ماتوقعت انها تحبه كذا " اسما : لا تتعبي نفسك اياد بخير مافيه الا العافيه
بشايراخذت نفس: وديـ ـني لــه ابغـ ـى اشــ ـوفه تكـفـ ـين اسـ ـما
اسما ابتسمت : ليش ماقلتي لي انك تحبينه مو كنا مانخبي على بعض شئ
بشاير: كنـ ـت بقـ ـولك بس كنـ ـتي مشـ ـغـوله عـ ـني اتصـ ـلت علـيـ ـك مارديـ ـتي ...
اسما ضمتها: سامحيني بشاير انا قصرت بحقك كثير
بشاير علي صوتها بالشهقات :اســ ـما وديـني لايــ ــاد انا خــ ـايفه عليـ ـه
اسما ماعرفت ايش تسوي: طيب انا بكلم الدكتوراذا نقدر نزوره او لا انتي ارتاحي ولا تشيلين هم انا راجعه لك اوكي
بشاير: طيب
خرجت من غرفتها شافت سعود بوجهها
سعود: ها تطمنتي عليهاا
اسما: أي الحمدلله....... يوووه نسيت امي وهديل ماكلمتهم
سعود بتريقه : برافووو عليك
اسما لوت فمها: سعود مو وقتك والله حاسه اني تعبانه ماراح ارتاح الا لما تخرج بشاير من المستشفى
اتصلت على امها تخبرها بوصولهاااا والاهم تخبرها عن بشاير ........
بيت ابو طارق
جهزو كل شئ لرحيلهم وهم يقضون اخر لحظاتهم بالبيت الي عاشو فيه كان شعورغريب في كل زاويه لهم ذكرى لا تنسى
بعض الذكريات جميله وبعضها مرره ...
الرحله باقي عليها 3 ساعات بس ...
مرام كانت ترتب شنطتها: نوااااااااااف جبت اغراض البزران
نواف وهو شايل راما ويبوسها: اكيد وان رحنا نشتري لهم جديده
"راما صارت تسوي حركات دلع ونواف يلاعبها "
نواف مبسوط بااخوانه الصغار: ياناااااااااسو على الضحكه الحلوه ..... تصدقين مرام مع كل الي صار ووضعنا المتدهور بسبب ابوي احلى شئ الاخوان الي طلعو لنا
مرام: مساكين مالهم ذنب تصدق محزنيني امهم تركتهم وابوي مسجون مالهم بعد الله الا احناا
نواف: بس احس امي مو متقبلتهم لو الود ودها ترميهم فالشارع
مرام: لا امي مهما قست ماتسويها بس من حقها ماتتقبلهم مهما كان الي صار لها مو شوي طبيعي ماتتقبل بس انا بااهتم فيهم واعوضهم عن امهم
نواف غمز لها: يمكن العريس مايوافق
استحت: من قال اني وافقت عليه لسه جالسه افكر وشكلي مطوله
نواف بجديه: بس الرجال مستعجل مايصير نأجل ونتأخر عليه بالرد
مرام: خلاص بس نوصل بيتنا ونستقر اعطيكم قراري ....وبعدين لو وافقت مثلا شرطي هو اخواني انا ابي اربيهم وان مايبى يدور غيري
نواف بجديه: انتي من جدك صعبه تفرضين على الرجال يربي عيال مو عياله وبعدين انا موجود
مرام: هذا شرطي ان كان يباني وشاريني بيقبل ...
نواف: اذا مارضي انا اربيهم و......
دخلت عليهم غرام فجأه وقطعت حوارهم : السلام عليكم
نواف رد عليها بس مرام تجاهلتهاا
غرام طالعت مرام وبنظرة عتب وخجل: ياهو رد السلام واجب
مرام طالعتها من فوق لتحت بااشمأزاز و بنظرات احرقتها: رد السلام
للي يستاهلونه بس
"وخرجت من الغرفه وسط استغراب نواف الي مو فاهم شئ
واحراج غرام الي ماتوقعت الرد "
نواف: وشفيكم ؟؟
غرام تداري دمعتها : ولا شئ .."راحت غرفتها"
اما مرام راحت للغرفه الي فيها امها وهي مقهوره من غرام من بعد ماشافتها مع مشاعل بذاك اليوم صارت ماتكلمها ومحتقرتها احتقار لا بعده .........
دخلت لقيت امها جالسه على الكرسي وبيدها شئ ..اول ماشافت غرام حطته ورى ظهرها تخفيه ....
مرام: السلام عليكم
ام طارق: وعليكم السلام ورحمة الله
باست راسها ويدها وهي تبتسم لها بحب: مساء الورد ياروح الروح وينك ماخرجي اليوم
ام طارق بحنان : مساء النور حبيبتي مافي شئ بس مافحالي اخرج وين اختك ماجات معاك ..
مرام ببرود: كانت فالصاله مع نواف
ام طارق بهدوء: وش صاير بينكم حاستكم مو طبيعيين لا تكلمون بعض مثل اول ولا وحده تدري عن الثانيه انتو متهاوشين ..؟
مرام:يمه الله يخليك خليني ساكته مع الايام تتصلح الامور
ام طارق: طيب فهميني هي سوت شئ غلط ...طولت لسانها عليك
مرام: لو على كذا ماراح ازعل ... خليني ساكته احسن مااوجع راسك بنتك يبالها قرصه اذن عشان تتعدل الظاهر دلعناها زياده ..
ام طارق تنهدت : الله يهديكم ويصلحكم ...ها جهزتو كل شئ
مرام بألم: أي ... ماني متخيله اننا بنبعد عن بيتنا حاسه انو كابوس هنا عشت طفولتي ومراهقتي هنا كل صاحباتي كيف بفارقهم ...
ام طارق: لا تزعلين ياقلبي ادري صعب علينا كلنا نبعد بس يمكن احسن لنا ننسى الي فات ونبدا من جديد ...
مرام باغتتها بسؤال: يمه انتي تكرهين ابوي ؟؟
ام طارق صدت عنها: انا ما اكره ابوك انا عتبانه عليه ...زعلانه ومقهوره وحاقده عليه ...لكن اكرهه لا ... بيننا عشره مستحيل انساها ثلاثين سنه عشتها معاه اذا هو نسى انا مانسيت مو انا الي تنكر العشره بسهوله ...
مرام: حتى بعد الي سواه فيك ؟ وزواجه ....
ام طارق تبين قويه : حتى بعد زواجه... ابوك ذبحني بالي سواه
قتل غلاته عندي...بس مااقول الا الله يسامحه على الي سواه.............
مرام تحاول تحنن قلبها: يمه ابوي بالسجن وعليه ديون طلق زوجته الثانيه طارق قال بيخرجه بس لازم اول يسدد ديونه كلها والمبلغ مو قليل
ام طارق: انا كلمت طارق وراح يجمع المبلغ فااقرب وقت مهما كان هذا ابوه واقل شئ يسويه عشانه
مرام وصلت للنقطه الي تباها: واخواني من ابوي............يمه ترى هم مالهم ذنب بشئ صغار ومحتاجين لناا ....
ام طارق بهدوء: وانا ماقلت شئ خليهم مالهم ذنب بشئ وانا بجيب لهم مربيه بس انا مااقدر اربيهم ...
مرام قامت وضمتها: الله يخليك يااطيب قلب صدقيني مع الايام بتميلين لهم وتحبينهم ادري قلبك طيب وتحبين الكل انا بروح اشوف اذا خلصو ترتيب الاغراض ................................
خرجت من الغرفه وهي مبسوطه اما ام طارق خرجت الصورة الي مخبيتها وهي تتأملها نزلت دموعها بهدوء : ااااااااااه يامحمد حتى بغيابك في من يذكرني فيك
يتبــــــــــــــــــــــــــــــع