في جده
استأذنت اشواق من امها وكلمت فيصل يوديها عند رنا تتقهوى عندها العصريه
وهو وافق وفنفس الوقت كلم امه انها تكلم ام رنا وتطلب رناا ..
بيـــــــــت يزن
رنا وهي تسلم على خدها رديه: هلا والله بشواقه نورتي بيتناا
اشواق : اهلين منور بااهله كيفك حبيبتي
رنا: بخير ياقلبي انتي وشلونك
اشواق: الحمدلله بخير
جلسو ورنا صبت القهوه وجلست مقابله لهاا
رنا: الا متى اخر مره كلمتي رغد فيها
اشواق بحزن: والله يمكن قبل يومين بس ماطولت كانت توها جايه من شغلها
وتعبانه ماحبيت اثقل عليها
رنا: والله مالي عهد بها مقصره كثير بحقها كلمتني افنان تقول جاها شغل فشركه بس رافضته
اشواق: الله يعينها ويستر عليها حياتها صعبه
رنا: أي والله ياني مشتاقه لهااا موت
اشواق بخبث: الا ماقلت لك اخوي فصول خطب امس
رنا انصدمت وحست بغصه: ماشاء الله مبروك من بنته
اشواق وهي لاحظت اضطرابهااوشحوبها: تصدقين ماادري كلم امي وهو مستعجل
يقول انه يحبهااا مو قادر يصبر لما سألته من هي قال خليها مفاجأه
رنا حست بالخيانه و انها مخنوووقه: الله يوفقه
اشواق وهي شوي وتضحك عليها: يالله عقبالك ان شاء الله
رنا من دون نفس: ان شاء الله ............... معليش ياعسل خذي راحتك
بروح المطبخ الشاي على النار
اشواق والابتسامه شاقه حلقها: اذنك معك بس لا تطولي
راحت رنا المطبخ وهناك انفرطت بكى ماقدرت تتحمل معقول يكون لعب عليها
ويحب غيرها " انا هبله صدقته وحبيته وطلع حقير وواطي "
جلست تكمل الشاي وتمسح دموعها بقهر ماتبغى تبين شئ خصوصا لاشواق
سمعت صوت امها تناديها بعد ماجهزت اكواب الشاي راحت لها جناحها
دخلت شافت امها جالسه على الكنبه قدام التلفزيون
رنا وباين عليها انها باكيه: هلا يمه بغيتي شئ
ام يزن بخوف: حبيبتي وشفيه وجهك احمر لا يكون باكيه
رنا ابتسمت بالغصب: لا يمه بس الشغاله كانت تقطع بصل وانا كنت عندها بالمطبخ
ام يزن: اهااا
وقفت ام يزن دخلت بنتها و سكرت الباب وجلستها على الكرسي وجلست مقابله لها
رنا استغربت منها وحست انو في شئ غلط فالموضوع....
ام يزن مو عارفه كيف تفتح معها الموضوع: رنو انتي الحين كبرتي وصرتي عروسه
وكلها كم شهر وتدخلين العشرين صح والا لا
رنا!!!!: الا بقي شهرين وادخل العشرين....
ام رنا ابتسمت بفخر:تدرين من متصل علي قبل شوي
رنا استغربت من امها اليوم مو على العاده: من .......لا يكون ابوي
ام رنا ابتسمت: لا ابوك امس مكلمني الي داق هي ام فيصل
رنا دق قلبها وبلغت غصتها بالم" معقوله تبي تعزمنا لخطبه ولدها": وخير ان شاء الله وشتبي؟
ام رنا غمزت لها: تقول يشرفني اطلب بنتي رنا لولدي فيصل وشرايك يمه
رنا ....................................... في حاله صدمه مو مستوعبه الي تقوله امها
" انـــــــــــــــــــــــــــــــــــــــــــــا "
ام رنا: رنا وش فيك ؟؟؟
رنا نزلت راسها مستحيه وطااايره من الفرح " يحبــــني اكيد يحبـــــــني
وانا الي كنت احسبه يلعب علي اااااااااااااه يافيصل اخيرااا
اكيد اشواق بالعاني سوت كذا تبي تقهرني وتسوي فيا مقلب بس هين يااشواقووو جايتك الحين"
ام رنا علت صوتها: رنـــــــــــــــــــــــــــــــــا
انتبهت لامها: هلا يمه
ام رنا: وين رحتي كل هذا تفكير
رنا سكتت مستحيه................
ام يزن راح تفكيرها بعيد: اسمعي حبيبتي فيصل رجال ماراح تلقين من هو احسن منه
وانتي فكري وخذي راحتك مراح يغصبك احد على شئ
رنا: ان شاء الله ................عن اذنك يمه اشواق عندي
ام يزن: يحليلها اسمعي انا ابيها ليزن ابيك تجسين نبضهاا
رنا اتفاجئت: يمه بس لازم تسألين يزن يمكن ما يبغي يتزوج الحين
ام يزن: لا تخافين بااسأله وان شاء الله يوافق ما شاء الله على اشواق زينه البنات
كامله والكامل وجهه
رنا : والله ماادري الله يقدم الي قيه الخير
ام يزن: أي والله يالله روحي لها و سلميلي عليها
رنا: يوصل عن اذنك
ام يزن: اذنك معك يمه
فكرت بموضوع يزن خايفه انو للحين متأثر بحبه لرغد او سبب له عقده
راحت رنا لاشواق وهي معصبـــــــــــــــــــــه عليهااا
اشواق اول ماشفتها جات وشافت خدودها حمر وباين فرحانه بس عاقده حواجبهاا ومعصبه
عرفت ان امها اتصلت وعرفت انها انخطبت لفيصل..
اشواق : الله ماصار شاهي سنه لين تجين
رنا مسكتها وقرصت فخذهاا بقوه خلت مكان القرصه معلم من قوتهاا اشواق:اااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااي
رنا بتشفي : عشان تتوبين ماتكذبين علي مره ثانيه
اشواق ببراءه تمسح مكان القرصه وهي تون من الوجع:اححححححححححححححححححححححححح وجع عورتيني ياكلبه انا ماكذبت عليك في شئ
رنا بنص عين: مو قلتي فيصل خطب هااااااا
اشواق بخبث تغمز لها: وهذا الي مزعلك واخيرا كشفتي نفسك بنفسك
رنا ووجهها احمر: حرام عليك حقيره ليش سويتي كذاا طيحتي قلبي
اشواق: عشان ماعلمتيني كيف تخبون علي شئ زي كذا يالئيمه
يوم قال لي فيصل قلت لازم اردها لك هههههههههههههههههههههههههههههههه
لو شفتي وجهك يوم قلت لك ههههههههههههههههههههههههههههههههه
رنا وجهها انتفخ من العصبيه: دبــــــــــــــه بس راده لك الموقف وانا رنو
رنا: المهم <غمزت لها> ها وش قلتي لامك
رنا مسكت فنجال الشاي ببرود: ماقلت شئ بس قلت لها بفكر
اشواق شهقت: حرام عليك تبين فيصل يتجنن قولي موافقه وخلصينا
رنا: محد قاله يقولك عن كل شئ خليه يتحمل نتيجه افعاله
اشواق:هههههههههههههههههههههههههههه منتي هينه مسكين يافصول
ماراح يذوق طعم النوم لين يعرف ردك
رنا حنت عليه: لا تخافين ماراح اطول عليه بس انتي اذا سألك قولي له ماتدرين عن شئ
واني قلت لك بفكر واستخير هااا
اشواق عجبتها الفكره: ابشري لازم يذوق المقلب حتى هو لانه ماعلمني من بدري
رنا:هههههههههههههههههههه شطوره
اشواق: احس اني مبسوطه صاحبتي المفضله تتزوج اخوي شئ حلوو
رنا ووجهها مولع: بس شوقه لا تحرجيني ...............الا بااسألك وشرايك فاخويا يزن
اشواق دق قلبها على طاريه ردت بعد مابلعت ريقها: وش فيه يزن؟
رنا بلا مبالاه: لا مافيه شئ بس اسألك وش رايك فيه
اشواق حاولت تخلي الموضوع مرح : بصراحه اخوكي مزز ليش تسألين <بتريقه>
لايكون بتزوجيني اياه
رنا:ههههههههههههههههه مدري والله افكر
اخذتهم الهروج ورنا اسعد انسانه ذي اليله اخيرا تقدم لها فارسها راحت اشواق وقررت تشوف موضوعهم بكره اما اشواق بهذلت فيصل فالبيت ورفعت ضعطه وبالها مع سؤال رنا
" ياترى وش تقصد"
ابتسمت يوم تذكرت يزن بطوله الفارع ووجه المتدفق رجوله ووسامه معقوله احبه.............
عند الشباب فالاستراحه
كانو فالينها بنااااات وشرب ولعب الكل مبسوط بااستثناء عبدلله باله كان عند رنيم مشتاق لها وشايل هم غزل لان مابقى شئ على ملكتها كلها كم يوم
طارق: اقول شباب انا بكره راجع لجده
خالد : افا وليش بدري مالك يومين عندنا
طارق:والله الولده محتاجتني ولازم ارجع
عبدالله: اجل انا معاك
فارس: اشوف كلكم تبون ترجعون والله بدري ماشبعنا منكم
طارق: الايام جايه بس خل نرجع الحين ........ تذكرت اقول فارس انا ابي اشتغل معكم
فارس: وشركة ابوك وش صار عليهاا؟؟
طارق: قصه طويله بس لازم تعرفونها السالفه ان................................................ .................................................. .................................................. .................................................. .................................................. .................................................. .................................................. .......................................
وهذا الي صار والولده امس ردت البيت كانت بالمستشفى
فارس: الله الله كل هذا صار معك وماتقول لنا
طارق: أي والله البيت مقلوب فوق تحت ماني عارف كيف اتصرف حاس نفسي مربوط
خالد: وانت شفت اخوانك من ابوك
طارق بقرف: لا ولا ابي اشوفهم الوالده الحمدلله اخذت حقنا منه بس باقي ما خلصناا
لازم ادفعه ثمن الي سواه فينا
فارس: وش ناوين عليه
طارق بحقد : ناوين نرفع قضيه حجر عليه
خالد بعصبيه: طارق اعقل وش ذا الكلام حتى لو تزوج مايحق لكم تسون فيه كذا
الي سويتوه يكفي وزود
طارق بنفس العصبيه: اجل نشوفه ياكل حقوقنا وشقانا ويعطيه للزباله الي مدري
من وين جايبها ونسكت له
عبدلله حاول يهديه: طارق اهدا و صل على النبي مايصير الكلام الي تقوله
طارق: اللهم صلي وسلم عليه بس لاحد يناقشني انا مستحيل ارجع اشتغل معاه
واذا مالي مكان معاكم ادبر نفسي
خالد خبط كتفه: افا عليك وانا اخوك هذا كلام ينقال احنا قبل لا نكون ربع اخوان
مكانك محفوظ معانا والله يحيك
فارس: الحين صار شغلنا واحد انا وخالد وطارق باقي انت ياعبود ليش ما تشاركناا
عبدلله: والله احنا حطينا فكره نفتح فرع فالشرقيه واكيد بااتشارك معكم هنا بيتي الثاني
خالد: الا طارق ابيك في سالفه مهمه بس الوقت مو مناسب الحين
طارق بفضول: وش السالفه؟؟؟
خالد: خل تنحل المشاكل عندك بعدين اقولك
فارس تثاوب:يالله شباب انا رايح البيت تعباااااااااان
طارق: والله تغيرت يافروس كنت تطول معنا الحين من صرت مدير معاد تنشاف
حتى البنات مفتقدينك
فارس: وش نسوي كثرت المسؤلياات وبيني وبينك انا طفشت منهم
يالله فمان الله
الكل: مع السلامه
كملو الشباب سهرتهم واليوم الثاني الصبااااااااح راحوو طارق وعبدلله جده...........................................
في نفس المكان في استراحه ثانيه
كان فهد <اخو افنان> متجمع مع ربعه "ناصر وراكاان"
فهد طفش:اقول ركون تراك طفشتنا يااخي حرام عليك تكذب على البنت قال ايش قال سعد كبرنا على ذي الحركات عمرك وصل 27 وانت مو راضي تعقل
راكان: وانت وش حارق بصلتك يااخي خليها اصلا باين انها ساذجه وماتفهم خل اتسلى عليها شوي
فهد: والله ينخاف منك بس تدري شكلها تكذب عليك تلقاها بزر عمرها 13 او 12 والا كلامها مو كلام وحده شوي وتدخل العشرين
راكان : الي يكون بنت والسلام....................اسمع هذي هي داقه <فتح الاسبيكر> اسمعووو وانتو ساكتين: هلا والله بحياتي هلا باامولتي وحشتيني ياعمري
امل بدلع: هلا سعودي وانت اكثر حبيبي شلونك
راكان<سعد>: بخير ياقلبي ناقصني انتي وبس
ضحكت امل بحياا
راكان: يالبى الضحكه وصاحبتها شلونها حبيبتي
امل: بخير حبيبي مشتاقه لك
راكان: وانا اكثر ها فكرتي بااقتراحي من زمان وانا انتظر ريحيني
امل بتردد وسذاجه اطفال:سعودي انا فكرت في كلامك وقررت خلاص موافقه راح اعطيك عنوان بيتنا عشان تخطبني
راكان بخبث: اخيرا ياقلبي حنيتي علي كنت متأكد انك تحبيني ومستحيل ترفضين اكون معاك
امل بحيا وبراءه: اكيد انا واثقه فيك
راكان وهو فرحاان: طيب وين عنوانكم وايش اسم ابوك وعايلتك
امل : انا بنت سعود الـ...........
راكان انصـــــــــــــــــــــــــــــــدم " معقوله بنت سعود صاحب اكبر شركات الـ........................ سكت فتره يفكر في كلامهاا
امل: سعوودي وين رحت ؟
راكان تلعثم: معاك معاك حبي خلاص عرفت بيتكم ابوك معروف ماشاء الله <بكذب>وهو رفيج ابوي
امل وهي طايره من الفرح: واللـــــــــــــــــــــه
راكان: والله
امل بفخر: خلاص مادام عرفته استناك تخطبني
راكان: طيب انا مررره مشتاق لك وابغى اشوفك تكفين
امل بزعل: احنا ايش قلنا تبغاني ازعل انا قلت لك ماراح اقابلك قبل ما تخطبني
تعرفني مااحب هالحركات
راكان: خلاص اجل انا بااجيك طيرااان
امل بخوف لما سمعت صوت فارس يناديهااا: اوكي قلبووو اخوي جاي ياله بااي
راكان : بااااااي حبي
راكان وهو مندهش : فهود نويصر سمعتو الي انا سمعتووو
فهد: والله وطلعت مي سهله بنت سعود يااخي اغسل يدك منهاا مالك حظ
راكان بخبث: بالعكس هذا يخليني اتمسك فيها اكثر
فهد عصب : راكان البنت شكلها محترمه و مي راعيه حركات والدليل انها مو راضيه تشوفك قبل لا تخطبها صغيره وطايشه مصدقه كلام المسلسلات والحب وتبي تجرب وانت لاعب عليها يااخي سيبها تشوف حالهاا
ناصر: وفهد معاه حق وانت منت قد اهلها لا تورط نفسك
راكان عاند: معليش انتو اصحابي وعلى عيني وراسي بس فهالموضوع انا حر
وبسوي الي انا اشوفه صح
فهد بعصبيه غير مبرره: انت حر بس بعدين راح تندم صدقني
راكان : انت وشفيك معصب الي يسمعك يقول اختك يااخي فكني انا ابيها
فهد: انا نصحتك وبس انت حر
تضايق فهد من راكان واسلوبه هو اسوا ماعنده العب على بنات خلق الله
خصوصا ان في بنات ساذجات يصدقون أي شئ ...........
استذن وطلع من الاستراحه وهو مايدري ليش مهتم بالبنت الي يكلمها راكان يحس دمه يفور كل ماجاب اسمها بالشينه خايف عليها من نيه صاحبه لانه كان حاظر وقت ماتعرف عليها وعارف صاحبه وش ناوي عليه وكمان عارف كل شئ عن البنت لانو مر عليه اشكالها من السذج وانها بنت ناس ماعندها حركات الف والدوران بس طايشه ولازم احد يسنعهاااا...........
بعـض المواقـف | غصـب | عـنّي تضايقـني
لاغبـت ... قلّـي وشـ / اللـي بـس يسلّيـني ؟!
شـف عـبرتي يـوم رحـت شلـون ( تخنقـني ) ؟!
و’ أنـت ، اتّلفّـت ولكـن ماتراعيـني !!
خذنـي معـك بـس " تكفـى " لاتعلّقـني
[ خـايف اطيـح \ ويطيـح الحـب مـن عيـني ]
انتـــــــــــــــــــــــــــهى البــــــــــــــــــــــــــــــــارت