البـــــــــــــــــــــــــــارت السابع عشــــــــ 17ــــــــــــــر
الشرقيه
صبااح الخميس
بيت ابو فارس
كان الكل يفطر بهدوء على نفس الروتين قطعت عليهم صمتهم امل
:بابا ممكن اروح عند صاحبتي اليله
ابو فارس: انا ماعندي مانع بس شوفي امك اول
ام فارس: وعند مين تبغين تروحين انشالله؟
امل بحماس زايد: عند صاحبتي لجين عازمه كل البنات حفله ونوم
ام فارس عقدت حواجبها: بس انا مااعرفها ذي لجين اول مره تقوليلي عنها
امل:اكيد ماتعرفينها عشان كانت جديده جات على نهايه الترم الثاني وهي اتصلت علي تعزمني وانا طفشانه
ام فارس:لا مافي روحه
امل مدت براطمها بزعل: يمــــــــــــــــــــه ليش
ام فارس: البنت مااعرفها ولا اعرف اهلها واخاف عليك روحي لسوسن والالاريج بس هذي البنت لا
امل برجاء: يمه حتى سوسن واريج بيروحون بيت لوجي تكفييييييييييييييييييييين بروح
ام فارس بقرار حاسم: قلت لا يعني لا لا تناقشيني
امل مسكت يد ابوها بدلع ورجاء: بابا قول شئ والله طفش ماتمشيت زي صاحباتي كمان مااروح اتسلى
ابو فارس حن عليها: خلاص ياام فارس خليها تروح عشان خاطري ذي المره ماراح تطول
ام فارس وافقت عشان زوجها: خلاص المره ذي عشان ابوك بس ماتطولين ماتجي الساعه وحده الا انتي فالبيت
امل مع انها مااقتنعت بس مشت حالها: ثاااااااااااااانكس بابا اند ماما <وقامت من طاولة الفطور تتصل بصديقتها اريج عشان يروح مع بعض >
ام فارس تلفتت: وين رعد مااشوفه
ابو فارس: نايم امس تعبني مو راضي ينام يلعب سوني ويبيني العبه لين ماجات الساعه2باليل
فارس رافع حاجب: الله يصلحكم انتو دلعتوه بزياده
ام فارس ابتسم وغمزت لفارس: عشانه صغير لسه لا تكون تغار مثل امول
فارس فتح عينه على الاخير: انـــــــــــــــا اغـــــار ...........تمزحين اكيد
ابو فارس: الحين صحيه لا يبهذلنا فاليل
ام فارس وقفت: انشالله
فارس خلص ومسح فمه: يبه بتروح للرجال اليوم
ابو فارس: أي الحين رايح اسمع اذا تأخرت تدبر انت موضوع الاجتماع
فارس بقلق: يبه مصمم تروح انا قلبي مو متطمن تكفى لا تروح
ابو فارس: احنا تكلمنا فهذا الموضوع وماابغى خوف بزران انت رجال وقدها وانا ماراح اروح للموت بروح اشوف الرجال وش سالفته وافزع له
فارس مااقتنع وحاس انو في شئ كاتم على قلبه: الي يريحك انا طالع الشركه تامرني بشئ يبه
ابو فراس: سلامتك ياولدي الله يوفقك
فارس: يالله فمان الله
ابو فارس + ام فارس:مع السلامه
طلع ابو فارس للخبر يشوف سالفه الرجال المتصل اما فارس راح للشركه يكمل شغل امل كلمت صاحبتها وناويه تروح لها اليله ...................
ببيت يزن
كان جالس يفطر مع امه ورنا ام يزن حست ان عيالها رجعو مثل ماكانو قبل فرحت مع انها ماكانت عارفه سبب خصامهم بس حست براحه تكلم يزن من دون مايرفع راسه عن الاكل
يزن: رنا جهزي شنطتك بكره الصبح طيارتنا على الشرقيه
رنا فررررررحت: والله
يزن ابتسم: والله يالله بسرعه
ام يزن استغربت: ليش رنا بتروح معك؟
يزن: أي تقول حابه تجي معاي وانتي كمان يمه تعالي معانا
ام يزن: لا مشغوله مقدر اسيب<اترك> المشغل فهذي الايام كل الزواجات فالصيف وعندي زحمه ومواعيد مع الزبائن مقدر ااجلها
"ام يزن عندها مشروع مشغل كوافير مشهور في جده هي تملكه وتديره بس احيانا تساعد العاملات وتدربهم هي فنانه وانيقه مره وكثير يطلبونها فالافراح تخلي العاملات عندها يشتغلون وهي بس تعطي التعليمات "
ام يزن: بس انت مو قلت لي انك رايح مع فيصل كيف تشيل اختك
يزن: أي فيصل كمان بيجيب اخته معاه وهو مايحب اكل المطاعم ولا انا واحنا بنجلس اسبوع هناك قلت ليش مانشيل البنات معنا يغيرون جو وينبسطون ويطبخون لنا مره وحده
رنا: ههههههههههههههههههه كنت عارف ماوفقت لله
ام يزن طالعت رنا: وانتي بتروحين
رنا وهي مبسوطه مشتاقه لرغد وافنان: ايوه عندي هناك صاحبات بشوفهم وابي اتعرف على اخت صديق يزن طفش هنا
يزن يتحايل على امه: يمه تعالي معانا المشغل مابيطير وخلي العاملات يتدبرون الموضوع
ام يزن: لا ياحبيبي انا احب اقابل شغلي بنفسي ومالي نفس اخرج
يزن تنهد: الي يريحك يالغاليه
خلصو فطوريزن طلع من البيت وام يزن طلعت المشغل ورنا راحت جري تتصل على رغد تبشرها اتصلت عليها
اما فشقه رغد
كان الجو نوم xنوم والغرفه زي التلج وشي بسيط من اشعة الشمس الصباحيه يدخل من الشباك
كانت رغد لسه نايمه جنبها افنان امس مانامو بدري جلسو على فلم مرعب للساعه 3فاليل خخخ
سمعت صوت جوالها يرن طنشته وهي مو ناويه تصحى بس زاد الرنين والمتصل باين عليه مصر ردت تشوف من المزعج الي داق من صباح رب العالمين ومسوي قلق ردت بعد فتره وهي منزعجه من قطع عليها النومه الحلوه ذي
رغد بصوت كله نوم:الوووو
: الووووو رغوده صباح الخير حياتي
رغد عرفتها: هلا صباح النور رنو كم الساعه
رنا: شكلك لسه نايمه قومي الساعه 8 ماوراك شغل
رغد: اسكتي عني امس مانمت بدري سهرت مع افنان على فيلم ونمنا مع بعض
رنا: فله ياليتني معاكم بس بكره انشالله امممم زي ذا الوقت اكون فالطياره جايتك
نقزت رغد بهبال من السريرلدرجه افنان بدت تصحى طااار نومها: شنوووووووووووو قـووووولي والله
رنا:ههههههههههههههههههههههههههههه والله زيزو جاي بشغل وانا قلت له ابغى اجي معاه وافق وحزري منو بيكون معنا
رغد استغربت:مـــــــــــــــــــــــــن؟؟؟؟؟؟؟؟؟
رنا بهيام: فصووووووول حبيبي بيكون معنا وبنفس الشقه كمان تخيلي
رغد ماصدقت: من جدك والا تستهبلين شكل فيصلوو طير عقلك
رنا: وقسم بالله وبعدين لا تقولين فيصلوو فديته اسمه فيصل راح تجي معاه اخته وبنستأجر اسبوع عندكم
رغد فرحت وقالت بااستهبال: حمااااااااااااااااس من قدك انتي وحبيبك وبشقه وحده الله يستر من الجاي
رنا صرخت فيها بعد مافهمت: عيــــــــــــب ياقليله الادب ترا اخوي معانا واخته كمان
رغد:هههههههههههههههههههههه امزح الله يجعله من نصيبك وتكونين من نصيبه قولي امين
رنا من قلب: امين الله يسمع منك بس شايله هم اخته كيف شكلها راح تتقبلني والا لا
رغد: لا تخافين انتي منو يعرفك ومايحبك انتي عسل
رنا حمرت:احم احم خجلتيني يالله لا اذوب بروح ارتب شنطتي من الحين
رغد: ههه طيب بااااااي
رنا: بااااااااااااااااااااااي
قفلت رغد وهي حاسه انها صحصحت وانبسطت ان رنا راح تجي عندها قامت صلت الفجر بعدها اخذت شاور منعش وفرشت اسنانها وهي طالعه بروب الحمام شافت افنان توها تصحصح وااااااااي تمغطت افنان وهي تفتح عينها ببطء وتطالع رغد
افنان بصوت مبحوح: صباح الخير
رغد جالسه قدام التسريحه تمشط شعرها المبلول: صباح الفل قومي صلي الفجر وانا بسبقك اجهز الفطور
افنان: نعيما الحمام
رغد: الله ينعم عليك يالله ترا الساعه8 مره متأخرين اليوم
افنان شالت الحاف ووقفت كانت لابسه بجامه خضراء وشعرها على وجهها شكلها قمه النعومه والدلع طالعت برغد وهي ترجع الفراش محله وترتبه: طيب طيب صحيت
صحيت افنان وصلت الفجر بعدها دخلت الحمام الله يكرمكم واخذت شاور سريع بعدها طلعت بروب الحمام لقيت رغد لابسه الثوب والشماغ وعدساتها متكشخه كالعاده تفوح منها ريحه عود
افنان تطالعها بااعجاب وهي طالعه من الحمام صفرت: مشالله تبارك الله كاشخه < غمزت لها > سوري اقصد كاشخ باين عليك النشاط اليوم
رغد وهي تعدل الشماغ: من ذوقك قلبي يالله البسي لا يجيك برد
افنان: انشالله جهزتي الفطورترا حدي جوعانه
رغد: ايوه جاهز بس سرعي لا يبرد
افنان: حاضـــــــــــــر
طلعت رغد من الغرفه وجلست على طاوله الطعام اما افنان طلعت من شنطتها لبس جابته معها احتياط كانت حاسه انها راح تنام عند رغد لبست بنطلون جينزاسود وبلوزه صفرا فيها صوره عين كت ومشطت شعرها وسوته ذيل حصان ماحطت شئ فوجهها عشان بشرتها لا تخرب من كثر المكياج كانت حلوه حتى من دونه
اما فالصاله رغد وهي تتأمل الفطوروتلعب بالملعقه وعقلها في جده واهلها فجأه ماحست الا باافنان جالسه وتهزها
افنان تحرك يدها عند وجه رغد:هـــــــــــــــــــــــــــي رغدوو وين وصلتي
رغد انتبهت ونفضت راسها: افنان من متى تكلميني
افنان تاكل الزيتون: من خمس دقايق فطرت وشبعت وانتي مو مع الدنيا الي ماخذ عقلك يتهنا به
رغد مسكت كاس النساكفيه بيدها تدفيها: سوري كنت مسرحه ماسمعتك
افنان مسحت فمها بعد ماانهت فطورها: المهم بقولك انا بروح الشقه مسكين اخوي اكيد صحي بدون فطور
رغد:هههههههههههه خليه يستحمل يوم واحد من دون فطور مابيضره اصلا تلقينه لين الحين نايم
افنان: على قولتك بس يالله انا رايحه ماابي اقلقه انتي متى رايحه الشغل
رغد تفكر:امممم بعد ربع ساعه بااطلع على الساعه تسعه تقريبا
افنان: بتطولين اليوم والا راجعه بدري
رغد: أي اليوم خميس راح اطول واكيد راح يكون مكسب كبير
افنان وقفت تلم اشياءها: الله يوفقك ويسر لك
قامو من على الطاوله افنان لبست عبايتها ورغد شالت الصحون وودتها المطبخ ورافقت افنان لباب الشقه
رغد فجأه وقفت وصرخت: صـــــــــــــــح نسيت اقول لك
افنان عقدت حواجبها: خــير وش فيه؟
رغد ابتسمت: رنو بكره جايه الشرقيه تصدقين
افنان فتحت فمها وصرخت:ونااااااااااااااااسه من زمان عنها مرام معها
رغد: لالا بس رنا جايه مع اخوها وصديقه واخت صديقه تلقينها طايره من الفرحه بتكون فشقه وحده مع حبيب القلب
افنان : مافهمت؟؟؟؟؟؟؟؟؟؟؟؟؟؟؟؟؟
رغد: بعدين اقول لك سالفتهم انتي روحي لفهودك وانا بروح لشغلي تأخرنا
افنان: اوكي بس اسمعي لا تطلعين بعدي على طول ماابغى الناس تتكلم
رغد: لا تخافين حبيبتي اصلا لما استأجرت الشقه على اساس بنت واخوها
افنان: كذا اتطمنت يالله باي
رغد: بااي
طلعت افنان وراحت لشقتها اما رغد نزلت بعد 10دقايق وراحت بسيارتها كالعاده تشتغل تاكسي لبقيه النهار وهي حاسه بسعاده لا توصف <الله يدوم السعاده عليك رغوده ^^
نرجع لجده
بيت ابو طارق
صحي كل من فالبيت فوقت متأخر الساعه عشره وجلسو على مائده الافطار بااستثناء غرام الي كانت لسه نايمه
ابو طارق تكلم يكسر جو الصمت: اسمعو انا اليوم رايح رحله عمل لمدة اسبوع حبيت اعطيكم خبر
ام طارق انصدمت: اسبـــــــــــــوع!! مو كأنه كثير ماتقدر تأجل او توكل غيرك يروح
ابو طارق: للاسف الشغله مهمه وسريه وطارق زي ماتعرفون اخذ اجازه هالشهر رايح الشرقيه وانا مااقدر اقوله خليك فالشركه حتى فااجازه الصيف عشان كذا انا تكفلت بالشغل
ام طارق: طيب طلال وينه عنك خليه يروح بدالك
نواف قاطعهم: طلال راح الشرقيه كمان ويمكن يطول
ابو طارق عقد حواجبه: من متى راح وليش ماقال لي
نواف: راح اليوم الفجر وماحب يزعجك بس قال انه حاب يكون لحاله ويمكن يزورنا قريب
ابوطارق تنهد وطالع ام طارق: عيالك بيجننوني كل واحد اخس من الثاني مايسمعون الا كلام راسهم ماكأن لهم اهل
ام طارق: وش اسوي لهم يامحمد حاولت فيهم بس محد راضي يسمعني ..........الا انت وين رايح بالضبط ؟
ابو طارق فكر بكذبه وتذكر كاترين زوجته البنانيه قال بسرعه بدون تردد:رايح لبنان بس اسبوع واحد
مرام : طيب بابا خلينا نجي معاك لبنان نغير جو والله طفش
ابو طارق يدور حجه: لا صعبه انا ماراح اطول ويبيلي اجدد جوازات السفر حقتكم وحوسه مالو داعي كلها اسبوع وانا راجع والسنه الجايه انشالله وعد اسفركم مكان ماتبون
نواف: طيب يبه مرام وغرام طفشانين مساكين ماراحو مكان فالاجازه حالهم حال الناس وشرايك اوديهم الطايف كم يوم على بال ماترجع
ابو طارق فكر وقال بتردد: زين ماعندي مانع وديهم وخلهم ينبسطون وانتي يانوره اذا تبين تروحين معهم روحي بس لا تطولون
نواف: لا بس اسبوع وراجعين رمضان قرب
ابو طارق وقف وسلم عليهم واحد واحد: خلاص يالله انا طالع اذا صار شئ او احتجتو شئ اتصلو علي
ام طارق بحزن : ماتبي اجهز لك الشنطه
ابو طارق: لا مايحتاج انا مجهزها من اول سلمولي على غرام اذا صحيت وانت يانواف مااوصيك على امك واخواتك
نواف: لا توصي حريص
مرام ضمته : حتوحشتي يابابا
ابو طارق يضمها بحنان وحب: وانتي اكثر عيون ابوك ماراح اطول
نواف: روح وانت متطمن يبه
ابو طارق : اجل يالله مع السلامه
الكل: مع السلامه
طلع ابو طارق من البيت متجه لبيت كاترين يبشرها انه راح يجلس عندها اسبوع اما نواف ومرام وام طارق جهزو شناطهم رايحين كم يوم الطايف
ببيت غزل
صحيت من نومها متأخره على الساعه 12ظهر راحت بسرعه صلت الفجر واستغفرت بعدها اخذت شاور ولبست بلوزه بيضاء طويله لنصف الفخذ بدون اكمام مرسوم عليها ميكي وبرمودا جينز وصندل ابيض
مشطت شعرها ورفعته ذيل حصان لبست حلق كبير ابيض وحلق فص احمر هي مسويه فتحتين فااذنها حطت شويه مكياج خفيف ونزلت لتحت شافت امها جالسه تتفرج على ماتبقى من برنامج صباح الخير ياعرب منسجمه معاه
غزل بصوت عالي وهي تبوس راس امها: صبــــــــــاح الخيــــــــــر
امها: هههههههههههههههه قصدك مساء الخير حبيبتي الساعه 12 ظهر
غزل: ايش اسوي راحت عليا نومه المهم وين عبودي وابويا
امها: عبودي طلع الشرقيه من امس وابوك راح لبيت عمك عندهم غدا
غزل: اهــــــــــاا طيب اشرايك اليوم نخرج مره طفش
امها: وين تبيني اروح
غزل طالعت جسم امها وشافتها سمنت: سمنانه ياامي هذي الايام
امها طالعت فنفسها: بالله مالحظت باين اني متنت مره
غزل فرحت: يمكن تكونين حـــــــــــــــــــامل
امها ارتبكت: لا وين حامل خلاص كبرت على الحمل
غزل: انا اقول يمكن كل شئ بقدره الله يصير
امها: المهم قبل انسى ترا اتقدم لك ولد عمك احمد ايش رايك
غزل حست بخجل حمر خدها ردت بتلعثم:احـ مـد اااااا امممم ماادري خليني افكر واستخير بـ بعدين اقولك
امها ابتسمت: ترا احمد مايتعوض جمال ومال واخلاق وكمان ولد عمك
غزل: خلاص اعطيني يومين وانا اقولك جوابي النهائي
امها تدعي من قلبها: الله يكتبه من نصيبك ياعمري وترا القرار قرارك محد بيغصبك على حاجه انتي مو مقتنعه فيها
غزل: يصير خير ياامي انا بطلع غرفتي اذا رجع ابويا ناديني
امها: ماتبغي غداا ؟
غزل ميلت فمها: لا مو مشتهيه
امها هزت راسها : براحتك
طلعت غزل لغرفتها وفتحت المسن وجلست تسولف مع صاحباتها لحد ماجات الساعه 3 العصر وهي تفكر فااحمد وحاسه بفرح وخجل وخوف
فنفس الوقت من فكره الزواج نفسهاا ماخطر على بالها ان احمد يتقدم لها كانت معتبرته اخ مثل عبدلله بس حاولت تفكر فيه كزوج عشان تنسى طـــــارق......................
اما ام غزل كانت تفكر فكلام غزل معقوله تكون حامل
كل علامات الحمل موجوده الصداع والغثيان وغيرو بس مو متأكده
تخاف تتأمل ويخيب املها............................................. ...........
يتــــــــــــــــــــــــــــــــــــــــــــــــ ـــــــــ ـــــــــــــــــــــــــــــبع