البـــــــــــــــــــــــــــارت الرابع عشــــــــ 14ــــــــــــــر
يوم جديد يمر على ابطالنا
نبدا برغد
الصباح الساعه 7ونص
صحيت من نومها وهي متكاسله فرشت اسنانها اللولو وتوضت وصلت الفجر متأخر واستغفرت بعدها راحت الحمام <الله يعزكم> وخلعت بيجامتها لزرقاء و اخذت لها شاور منعش عشان تصحصح تمام
طلعت بعد نص ساعه وهي بقمه نشاطها وريحه الصابون السائل <بالتوت> تفوح منها وهي بروب الحمام جلست تمشط شعرها
الي طال عن اول قدام التسريحه
جلست تتأمله وتتأمل طوله حست بقهر انها مضطره تقصه بس مافي حل ثاني
جابت المقص وقصته بطريقه مهمله وسريعه لحد رقبتها وصار شكله متموج عليه قطرات المويه
شالت الشعرات الي قصتها وحطتها فعلبه و شغلت الاستشوار وجففت شعرها واستشورته وبدت تمشطه بهدوء
بعد ماخلصت تأملت شكلها فالمرايه برضا وفخر كان شكل شعرها مموج بنعومه يوصل رقبتها مره حلو كأنها قاصته عند خبير لفت حول نفسها وعلى وجهها ابتسامه مشرقه وهي تدندن
طلعت من غرفتها شافت الشقه نظيفه وماتحتاج ترتيب اليوم حست بجوع اتجهت للمطبخ وسوت لها كوب نسكافيه دافئه وسندوتش جبنه وزعتر واكلت على السريع
رجعت غرفتها وفتحت الدولاب
طلعت ثوبها والغتره البيضاء والعقال وجزمه<الله يعزكم> سودا والشراب<جورب> ومشد الصدر طبعا ولبست وبدت تحط اللمسات الاخيره على وجهها وشكلها كشخه تعطرت بعطررجالي اشترته امس من المول وعدلت الغتره والعقال
تأملت شكلها برضا تام وطلعت من شقتها بثقه كبيره وامل بالجاي
قفلت شقتها ومرت عند الاستقبال للشارع واتجهت لشقه افنان مشي لانها قريبه منها
وهي في طريقها رن جوالها الي غيرت نغمة رنينه لنغمه نوكيا العاديه
تفحصت الشاشه..توأم روحي ..يتصل بك
<كانت هي ورنا كل وحده مسميه الثانيه بتوأم روحي>
ردت عليها بلهفه ممزوجه بشوق عميق
رغد:الووووو رنوووو
رنا: الو رغووده <كتمت دمعتها> وحشتيني
رغد تجمعت الدموع فعينها بس حبستها لانها فشارع وامام انظار الناس:وانتي كمان وحشتيني
رنا: حبيبتي اخبارك وكيف الشرقيه طمنيني
رغد: بخير الحمدلله والشرقيه ياحلوها تسلم عليك
رنا:دوم يارب ههههههههههه الله يسلمك ويسلمها ها كيف فنو اتصلت عليها بس ماردت
رغد: يمكن نايمه امس تعبنا واحنا نلفلف فالسوق
رنا استغربت: ليش انتو مو سوا الحين ؟؟
رغد: لا ياقلبي خبرك عتيق انا استأجرت لي شقه لحالي
رنا: اووو شكل صارت علوم وانا ماعندي خبر المهم ليش ماتتصلي خوفتيني عليك
رغد: والله الظروف كنت مشتته الفتره الي فاتت وحايسه ماقلتيلي انتي كيفك وكيف جده والبنات اشتقت لكم مــــــــوت
رنا: بخير دامك بخير وترا مافي شئ تغير على حطت يدك
رغد بضحكه: وكيفك مع حبيب القلب ماتقابلتو؟
رنا تنهدت بشوق: اااااااااااااااااه لا تذكريني اشتقت لو كثير يارغد كثيييييييير
رغد بضحكه: لا شكلك غرقتي على الاخر ومااحد يقدر يلحق عليك هذي الي تقول ماراح احب فحياتي
رنا وهي ذااااايبه:اموووت فيه يارغد احببببببه اخر مره شفته يوم زواجك
رغد تنهدت:الله يجمعكم وانشالله يكون يبادلك الشعور
رنا من قلب: امييييييييييييييييييييين
رغد بتردد: .........ها عندك اخبار عن.. بيت عمي...
رنا: كلمت مرام امس بس كانت معزومه لحفله مع اختها وعمك ماخلا شبر فجده الا دورو عليك بس شكلهم طفشو هذا الي اعرفه
رغد: احسن فكه منهم
رنا بحماس:عندي لك اخبار بس صعبه اقولك على التلفون ورصيدي مخلص
رغد: ههههههههههههههه يابخلك قولي انتي اتصلي مو رصيدي
رنا: لا عاد ماامزح من جد يبالنا نسولف على راحتنا صح وشفيه صوتك متغير
رغد: هههههه انا فالشارع الحين اليله ادخلي المسن وانا اقولك كل شئ عندي لك سوالف كثيره من زمان ماكلمنا بعض
رنا: حلو قولي لافنان كمان موعدنا اليله
رغد: اوكي سلميلي على مرام ماراح اقدر اتصل عليها اخاف عندها احد
رنا: يوصل وين رايحه الحين؟
رغد: اول شئ بروح لفنو واصحيها بعدين بااستلم سيارتي توها وصلت من جده يالله رنو لازم اسكر الحين
رنا: اجل مااطول فأمان الله
رغد: مع السلامه
وصلت رغد لشقه افنان ودقت الجرس..........................
فنفس المكان والزمان
فبيت فارس
صحي من الصبح كسلان وشعره اشعث وعيونه كلها نوم ما وده يروح الشركه بس مجبور اخذ له شاور سريع ولبس وتعطر ونزل بسرعه وهو ينقز بحركات على الدرج شاف اهله جالسين على طاوله الطعام يفطرون
فارس: صبـــــــــــــــاح الخيـــــــــــــــــر
ابو فارس: سلم اول بعدين صبح مايصير هذي تحيه الاسلام
فارس<تفشل>: او اسف الســـــــــلام عليـــــــــــــكم عليكم
الكل: وعليـــــــــــكم الســـــــلام
فارس: صبــــــــاح الخـــــير
الكل: صبـــــــاح النـــــــــور
امل:هههههههههههههههههههههههه خلاص وحده مو كلها
جاء وسلم على راس امه وابوه ولاعب رعد شويه واعطى امل نظره حاده <انكتمي احسن لك>
فارس: المهم الحين انا مستعجل يالله سلام
ام فارس: لحظه لحظه يمه ماافطرت ليش العجله
فارس: مو مشتهي بالعافيه افطرو انتو
ام فارس بحنان: عشاني ياعمري مايهون علي تطلع وانت مااكلت شئ
فارس باس راسها: اوك عشانك يالغاليه
وجلس معهم على الطاوله وبدا ياكل وهو ماله نفس بس عشان الوالده
امل: ماما وشرايك نروح الشاليهات ونكلم خاله سوزي تجي معانا طفش
رعد: ايوه ماما طفث<طفش>
فارس<تعجب>: اخيرا اتفقتو على شئ لازم ينكت فالتاريخ
امها: انا ماعندي مانع شوفو ابوكم هو الي يقرر
رعد يتدلع على ابوه: بابا بنلوح الثالهات مره طفثانين
<بابا بنروح الشالهات مره طفشانين>
ابو فارس يضمه: انشالله ياحبيب بابا بس مو الحين بعد اسبوع
رعد: هــــــــــــــي اموووه<باس خد ابوه>
ام فارس: يالله امل البسي عبايتك بسرعه طاهر<السواق> يستناك على المدرسه
امل باست راسها: انشـــــــــــــــــالله
رعد: ماما انا كمان بلوح المدرسه
ام فارس: لا ياماما مو الحين السنه الجايه انت روح نام والا العب سوني
ابو فارس يتكلم بجديه مع فارس:ماقلتلي كيف الشغل معاك
فارس: لا الحمدلله لحقنا ودخلنا فالمناقصه وكل شئ زي ماتحب
بان الرضا على وجه ابو فارس وهو يشرب فنجان القهوه
ابو فارس: زين زين وش عندك الحين
فارس: والله عندي اوراق لسه ما اخلصتها وصفقه لازم تتم وكم معامله يعني الشغل وراي وراي
ابو فارس: الله يعطيك العافيه ياولدي كذا ابغاك تتحمل المسؤليه
فارس: يبه ابي اكمل واخذ الدكتوراه وشرايك؟
ابو فارس<يفكر>:امممم خلينا بالاول نخلص ونثبت نفسنا فالسوق بعدين انا امسك الشركه وانت سافر وكمل
فارس: حلو انا رايح تأخرت ها اوصلك معاي
ابو فارس: يالله انا لاحقك
طلعو فارس وابوه على الشركه وامل لمدرستها ورعد رجع نام كما هي العاده
نروح لجده
فصباح يوم جديد
بيت ابو طارق
بالتحديد غرفه طلال <الله من زمان عنو
الجو الغالب عليها الحزن
كان متمدد على سريره يتأمل الفراغ بعد ماصلى الفجر صار يفكر ويتذكر مو عارف وش يسوي بنفسه جروح جسمه بدت تلتأم وكلها اسبوع بالكثير ويرجع مثل اول واحسن بس جروح قلبه لسه تنزف تذكر اول مره شاف هديل فيها وابتسم لهذي الذكره الحلوه كانت ورده متفتحه
بخجلها..
بعذوبتها..
بطيبه قلبها وحنانها..
جمال ورقه واخلاق وسنع .....كامله والكامل وجهه
واهم شئ انها اخذت قلبه من اول يوم شافها
تذكر مره وهم في المجمع يتسوقون كأي زوجين
كان طلال لابس بنطلون بيج عليه بلوزه لونها اخضركمها كت مبينه عضلات يده ولابس نظاره من قوتشي
ومسوي شعره سبايكي بااختصار يهبل
اما هديل كانت لابسه عبايه كتف فضفاضه ماتبين معالم جسمها بس فيها فصوص على كم يدها بسيطه ومتلثمه مغطيه عيونه بنظاره
<طلال يغار عليها>
كانت فرحانه وتتمسك فيه كأن العام مافيه غيرهم ماتبي تضيع لحظه من دونه بس ظروفه تخليه مايجيها كثير
جلسو يريحون على وحده من الطاولات وطلال ماسك يدها ويناظرون بعض بصمت
انتبهت هديل لبنات فطاوله قريبه منهم لابسين عبايات مخصره ومفتوحه والمكياج كامل والعدسات وحده كاشفه والباقين متلثمات يعاكسونه ويحاولون يلفتون انتباهه متجاهلين وجود حرمه معاه وبكل وقاحه بصوت عالي يوم شافتهم اعطتهم نظره بمعنى <استحو على اشاكلكم> و نار الغيره اكلتها بس هم ولا عندها طلال اخذ عقولهم
البنت الاولى تطلعه بااعجاب: وووووي بنات شفتوه يجنن يخبل واااااي
بنت ثانيه: مستعده اسوي أي شي بس يعطيني نظره باين عليه رومنسي
ثالثه ذااااابت:شوفي شوفي كيف يضحك فدييييييييييييييته
البنت الاولى وقفت: خلوه على انا اجيبه مااكون علا ان ماجبت راسه
كانت اصوات البنات عاليه قاصدين انهم يسمعونها وطلال مطنشهم ولا كأنهم موجودين ومحتقر اشكالهم
بس هديل خلاص طفح الكيل يوم شافتهم قربو وتعدو الحدود وجهها انتفخ وزادت حرارته وحمرته وقفت و مسكت يد طلال وسحبته
طلال وقفها: وين وين ماخلصنا لحظه
هديل وهي قافله معها: خلاص ماابي شئ خلينا نطلع
طلال لفها عليه ومسك وجهها بين يدينه: تغارين علي ياقلبي
هديل وبدت تهدى بس وجهها حار من القهر:ماشفت الوقاحه الي مسوينها وانت حضرتك ساكت وعاجبك الوضع
طلال:يؤ يؤ يؤ شكلك زعلتي حبيبتي انا اصلا ماهموني عشان كذا مطنشهم انتي بس الي تملين عيني .....
هديل لامه بوزها: على بالي بس
طلال يضحك:هههههههههههههههههه ياحبي لك بس اعترفي ماغرتي علي
هديل وهي خجلانه ومقهوره: اذا ماغرت عليك على من اغار اجل
طلال باس راسها قدام الناس من دون لا يهتم: ياحياتي انتي.. مستحيل اطالع غيرك..احبك
هديل خجلانه:............ وانا بعد
طلال يستهبل: انتي ايش؟؟؟
هديل خلاص بتموت حيا: نفس الي قلته
طلال: لا انا ابي اسمعها منك
هديل بحب:احبـــ ـــــــك
مر شبح ابتسامه كانت لحظات ماتنسي ضحكتها زعلها غيرتها هواشها كل شئ فيها كان يحبه حتى دموعها والامها كانت شئ ثاني
اطلق اهت شوق اااااااااااه طويله تحكي عن الي بقلبه عن وجعه وحبه
الحين هي وينها وايش تسوي تبكي والا تضحك زعلانه والا مبسوطه تفتكرني والا صرت ماضي بالنسبه لها
كان مصمم بداخله انه يروح والحين الشرقيه يبي يصلح الي انكسر بينهم ويرجع المياه لمجاريها
يبي هديل حبيبته وزوجته وكل شئ بحياته
يبيها جنبه تضمه ويحس بدفاها
بس لسه مو قادر يواجهها
لسه حاس بالضعف
حقـــــد على اخته غرام مع انها صغيره ماينأخذ بكلامها بس هي الي فرقت بينهم
فرقت ......
فرقت ......
رنت الكلمه ذي بعقله مسببه له الم وجرح
يعني خلاص افترقنا
ماراح اشوفها...
ماراح اسمع صوتها...
ماراح احس باانفاسها....
ماراح اسمع كلمه احبــ ـك منها...
تذكر اخر كلامها له " احنا انكتب علينا الفراق"
تأمل هيئته فالمرايه شعره طااال مره وذقنه طالت ووجهه شاحب مره وهلات سود حول عينه كانه واحد خلاص الموت قريب له
"لو شافتني الحين وشتقول ..معقول تسامحني..معقول نرجع زي اول
انا مااقدر اعيش من غيرها ..
مااقدر اتخيلها مع واحد ثاني ..
هي تروح من بين يدي وانا ساكت ..
مافي حل غير اني اواجهم لازم اقول لهم ..
انا متـــــــــزوج يانــــــــــــاااس واحب زوجتـــــــــي
وماراح يفرقني عنها الا الموت والي يصير يصير .....
اااااااااه ...يارب رحمتك وعفوك "
ســــــاعات احس ان الزمن قاسي ولا يمكن يلين
وســــــاعات احس ان الفرح محال ولا يمكن يحين
هاذا الي شفته بدنيتي كل مامضى لي من سنين
هاذا الي شفته بدنيتي كل مامضى لي من سنين
يامن يعلمني الفرح .... يامن يعلمني الفرح
ويفرح القلب الحزين .... ويفرح القلب الحزين
ويفرح القلب الحزين
ســــــــــــــاعات ..........
اشكي مراره حيرتي ...الدنيا ما ضني بتزين
واذا بدى بعيني الامل ...تجد احزاني وتبين
روح زماني وانتهى... وترك لي الجرح الدفين
دنيا كفى الله شرها...دنيا كفى الله شرها
تخلي كل قاسي يلين.. تخلي كل قاسي يلين
تخلي كل قاسي يلين
ســاعات..........
هنا نترك طلال مع الامه وافكاره وحركه المد والجز ..
*ونروح لمــــــــــــرام*
في نفس البيت بس بغرفة مرام
صحيت من نومها وانفجعت يوم شافت الساعه
:يا الله تأخرت على الجامعه
قامت بسرعه توضت وصلت وفرشت اسنانها واخذت لها شاور سريع
مشطت شعرها ومسكته بشباصه مافي وقت تستشوره لبست تنوره سودا وبلوزه تفاحي حطت ميك اب خفيف يناسب الصباح وتعطرت من عطرها المفضل " ستيلا "وشالت اغراضها ونزلت
وفي طريقها شافت غرام نازله بمريول المدرسه ومسويه شعرها ضفيره وباين عليها انها تعبانه وماشبعت نوم
نزلو شافو امهم لحالها على طاوله الفطور على غير عادتها لانها دايم اذا تأخرو فالنوم تطلع لهم وتصحيهم بس اليوم لا كانت شارده ومي معهم وتلعب بالشوكه
البنات: السلام عليكم
ام طارق:...........................
البنات طالعو بعض :؟؟؟؟؟؟؟؟؟؟؟؟؟؟؟؟؟؟؟
مرام: مـــــــامـــــــــــا
ام طارق انتبهت لهم: هاا نعم
غرام: لا انتي اكيد فيك شئ مو طبيعيه
ام طارق بعصبيه: بلا ثرثره يالله افطرو على مدارسكم راسي يعورني
مرام:سلامتك يمه وين ابوي؟؟
ام طارق بان القلق فمعالم وجهها: ابوك طلع امس الساعه 12 قال بيروح الشركه وللحين ماجا
غرام:عشــــــــــــان كـــــــذا اليوم مو مع الدنيا ........طيب اتصلي عليه
ام طارق تنهدت: اتصلت بس مقفل جواله
غرام: غريبه ... وين نوافو لا يكون نايم للحين
مرام: أي وطلال احسه مو طبيعي هاليومين دايم مسرح
غرام:.........................................لا تعليق
ام طارق: انتو افطرو انا اروح اشوف نواف امس جا متأخر البيت اما طلال لاحد يزعجه الولد تعبان لسه من الحادث
البنات: طيب
فطرو بسرعه ونادو على السواق<بابو> الي وصلهم مرام الجامعه وغرام المدرسه
اما نــــــــــــــــــــــواف كان فسابع نومه ومو ناوي يصحــــــــــــى
جاته امه وفتحت الباب بقوه ودخلت :نواف اصحى المدرسه
نواف يتثاوب ويلف البطانيه على وجهه:مممممممممممممم بس خمس دقايق
امه: اقول قووووووووووووووم قامت عليك قيامه الصـــــــــــــــــــــــــــــــــــلاه ياويلك من ربي الساعه 7ونص
نواف:.خـــــــــــــــــــــــــــــــــــــــــــ ـــــــــــــــــــــــــــــــــــــــــــ<نايم>
امه تحاول تفجعه عشان يقوم: نــــــــــــــــــــواف قــــــــــــــــوم <اصحى>ابوك جا ومعاه العصى
نواف نقز وهو خايف شعره اشعث ووجهه كله نوم شكله نكته ههههههههههههه <ذكرني بنفسي ههههههههه>:هــــــــااا وين قمـــت قمــــــت خــــلاص
امه:ههههههههههههههههههه أي هذا الي يقيمك
صحصح نواف وتوضى وصلى واخذ شاور سرييييييييع ولبس حتى فطور مالحق يفطر اخذ معه سندوتش جبنه وكوب حليب وطلع عارف ان وراه موشــــــح محترم من المدير على التأخيرالي كل يوم.................................
فالجامعه
وصلت مرام ووقفت تعدل شكلها قدام المرايه ماحست الا بيدين تغطي عينها
مرام: بلا سخافه ماني فايقه مع ذا الصبح
البنت:.......................................
مرام: رنو عرفتك خلاص بس وخري تراني متأخره عن المحاضره
رنا شهقت:يووه كيف عرفتيني يامصيبه
مرام بسخريه: محد يسوي حركات زي كذا مع صبح رب العالمين غيرك وكمان ريحه عطرك فاضحتك
رنا:اهـــــاا المره الجايه اغيره ...
مرام:خير وش عندك مع الصبح
رنا: اووو شكل اليوم مره الاخلاق قافله
مرام مسحت وجهها باارهاق: امس مانمت بدري تعبـــــــــــااانه
رنا: وانا حالتي مو احسن منك ..<تذكرت>.نسيت اقولك هاتي البشاره
مرام بفضول: عطيتك بس على ايش؟؟؟؟؟؟؟؟؟؟؟
رنا:فاتك كلمت رغوده اليوم الصبااااح
مرام شهقت: بـــــــــــــــالله
رنا: وقسم كلمتها واليله كمان داخله المسن
مرام: خيـــــــــــانه ليش ماكلمتني
رنا: تقول ماابغى اسبب لها مشاكل مع اهلها
مرام: وحشتني كيفها وكيف عايشه الله عليك يالدنيا
رنا: هي كمان تقول مشتاقه بس تطمني هي بخير وصحه واستأجرت شقه وحالها زي الفل تسلم عليك
مرام: الله يسلمك ويسلمها ..ليه هي مو عند افنان؟؟؟؟؟
رنا: الا بس تقول طلعت من عندها واخذت لي شقه لحالي
مرام: شكلها صارت اشياء كثير وانا اخر من يعلم
رنا: وانا مثلك لو مااتصلت عليها اليوم ماكان عرفت كانت رايحه تستلم السياره الي شحنتها
مرام: اهااا....<انفجعت> ياويــــــــــلي بدت المحاضره اشوفك بعدين باي
رنا:باايو
وكل وحده راحت فحالها مرام لمحاضرتها ورنا جلست فالكافتريا تنتظر وقت محاضرتها............
يتبع