البـــــــــــــــــــــــــــارت الثـاني عشــــــــ 12ــــــــــــــر
فالشرقيــــــــــــــــــــــــــهــ...
بشقه افنــــــــــــــــــــــان
المغرب
ماطولو البنات فالمول ورجعو بسرعه على اذان المغرب وراحت رغد على طول ترتب اغراضها وشنطها
افنان: وش تسوين انتي بالله عليك
رغد: الي تشوفينه ارتب عفشي <اغراضي>
افنان: وليش انشالله مالك يومين من جيتي عندي على طول مليتي مني وبتروحين؟
رغد: انتي عارفه ليش رايحه ومايحتاج اشرحلك
افنان: بس انا قلت لك اخوي ماراح يجي الحين خليك طيب لين يجي بعدين روحي
رغد: مااقدر بما اني رايحه رايحه خير البر عاجله وبصراحه خايفه صاحب العماره يلاقي مستأجرين وتروح علي الشقه
افنان:ليش شايفتهم طوابير ماتفرق لو تجلسين كم يوم عندي
رغد: وعشان ماتفرق خليني اروح واوعدك يوميا بتشوفين خشتي لين تطرديني بنفسك
افنان تضمها: حتوحشــــــــــــيني يابقره
رغد: وانتي اكــــــــــــثر ياعنزه
افنان:هههههههههه وحده بوحده يعني
رغد: هههههههههههههههههه والبادي اظلم يالله فمان الله
افنان: لحظه لحظه بروح معاك نجهز المكان سوا
رغد: يالله اجل لا تأخريني
وراحو مع بعض للعماره وكلمو صاحب العماره " ابو صالح" واتفقو معه على الايجار وكل شئ وكان مناسب لرغد وطلعت على شقتها " شقه هديل سابقا" وعجبتها مره كانت مرتبه واثاثها حلو وذوق وشكلها شقه عرسان ورتبت اغراضها وملابسها فالدولاب وعطوراتها وماخلت شئ الا سوته وساعدتها افنان
رغد: فنـــــــو شوفي بالله مو حلوه
افنان: ابو صالح قال ان الي ساكنين فيها كانو معاريس بس الرجال كان دايم مسافر والحرمه لحالها بالشقه وشكلها سافرت مع زوجها مره وحده
رغد: يالله اهم شئ لقيت شقه والباقي مو مهم
افنان : ااه اخيرا خلصنا
رغد: مشكووره ياعمري قد ماشكرتك مااوفيك
افنان:ماسويت شئ للمره الاف ويالله انا لازم اروح الحين
رغد: بدري والله خليك شوي ماصار لنا كثير من جينا
افنان: بدري من عمرك حبيبتي بس انا لازم اروح تعباااانه وفيني نوم
رغد: نامي عندي طيب
افنان: لا والله مااقدر لازم اروح بس بكره اجيك اوك يالله باي
رغد: باااااااااااااي
راحت افنان على شقتها الي ماتبعد كثير عن شقه رغد وضلت رغد تكتشف شقتها الجديده وتحاول تتعود عليها وتتكيف مع وضعها الجديد..........
بعد مرور اسبوووعين
ماصار شئ كثير
رغد** استقرت فشقتها وتعرفت على جاراتها ودايم مع افنان وحاسه انها مرتاحه مو قاصر عليها شئ......
مرام** ماصار معها شئ بس هي ورنا دايم مع بعض واتصلو على رغد اكثر من مره وتطمنو عليها وخالد مسبب لها ازعاج فالمسن.......
طارق** وصل الشرقيه وراح للاستراحه يضيع وقته وكله لعب وبنات وشرب بس ما نسي رغد وغزل كان يخطط ينتقم منهم بس على رواق...
فارس** من البيت للشركه ومن الشركه للبيت بس احياناا يروح مع ربعه للاستراحه يغير جوا وعرف بالي صار مع طارق بس من داخله فرح لانو طارق بالنسبه له ماينفع للزواج....
ونفس الشئ خالد ..........
طلال**صحى من غيبوبته وتحسنت حالته والكل عنده يتطمن عليه ويونسونه بس مارضي يتكلم ولا كلمه عقله كله مع هدييل...
هديل** وصلت بيت امها بس ماجابت لهم سيره عن نيتها فالطلاق وقالت لهم انها حـــــــــــــــــــامل....
اسما -امها** مبسوطين بجيه هديل والحفيد المنتظر ومستغربين وين طلال عن هديل.....
ام طارق** كثرت المكالمات الي تصلها عن زوجها وصارت نار الشك تاكلها ومحتاره .......
ابو طارق** تطمن على طلال وكل بعد فتره يزور زوجته الثانيه بالسر ويشوف عياله وهو ونواف مازالو يدورون على رغد واكتشفو انها باعت الفله وهذا الي جنن ابو طارق وانها سافرت على الشرقيه يوم شافو انها كانت من ظمن قائمه المسافرين على رحلة ........
غرام- نواف ** كل واحد مهتم بدراسته ..........
عبدلله** جلس فجده وماراح على الشرقيه بس كان يزور طلال دايم ومشغول مع اهله وهو وطارق على اتصال.....
غزل** مجتهده فدراستها وتحاول تشيل طارق من راسها نهائيا ومالتقت برنا بعد ذاك اليوم........
امل** كل شوي تتذمر وتطلب وهواش مع رعد وامها والبيت عندها بس للنوم ماتجلس فيه وتطورت علاقتها مع سعد...........
بشاير** ماداومت الاسبوعين ماخذه اجازه تريح راسها والتقت بهديل عند اسما وتصاحبت معاها ودايم متجمعين مع الشله...
رنا** من البيت للجامعه وماشيه حياتها طبيعيه وكل تفكيرها في فيصل تتمنى تشوفه مره ثانيه ......
يزن** يذاكر بجد لانو عنده اختبارات وناوي يدور على رغد عن طريق سيارتها وعنده امل انها تكون من نصيبه بعد الي صار ........
فيصل** وماادراك مافيصل عايش حياته وكل تفكيره في رنا ومحتفظ بالشال فغرفته.......
والباقين ماصار شئ جديد معاهم
هذا ملخص الي صار قبل اسبوعين....
فجده
بيت ابو طارق
عصراً...........
كانو الكل مجتمع تقريبا بااستثناء طارق جالسين فغرفه وحده الي يشرب القهوه والي يلعب سوني والي مسرح ومو مع الدنيا
كانت ام طارق تشرب القهوه مع زوجها ويتكلمون
ام طارق: ها يامحمد لقيتوها
ابو طارق: لا لقينها بس مو بالضبط شكلها كانت مخططه ومدبره من فتره ماخلينا شارع فجده مافتشنا فيه بس مالقيناها فيها طلعت مسافره يوم رحت المطار عرفت انها كانت حاجزه على الرحله يوم الزواج شكلها اخذت تاكسي وراحت
ام طارق : وين مسافره بالضبط ؟؟
ابو طارق: من حظنا ماراحت بعيد راحت الشرقيه
ام طارق تلعثمت وزل لسانها: ااا الشرقـ يعني هي وطـارق فنفس الـ
وسكتت يوم شافت نظرات زوجها الحاده
ابو طارق بغضب: لا تجبين لي سيرته لا هو ولدي ولا اعرفه
ام طارق : بس يابو طارق اذا ولدك و..
قاطعها بعصبيه:قلت لاتجيبين سيرته على لساانك فاهمـه والا والله تلحقينه
ام طارق بخوف: طيب
نواف: طلول وين وصلت
طلال كان يتذكر الحلم الي شافه فغيبوبته والي مو راضي يفكه :................................................. ...
نواف بصوت عالي: طلالوووووووووووووو احنا هنــــــــــــــــا
طلال انتبه له: هاااا وشفيك صنجتني بشويش تكلم
نواف: وش اسوي لك الي ماخذ عقلك
سكت طلال ولا قال شئ فاجئه ابوه وهو يسأله
ابو طارق: طلال انا سكت لك ولا سألتك عن شئ مراعي حالتك بس انا اشوف انك الحين بخير
طلال: امر يبه وشبغيت
ابو طارق: مايمر عليك عدو ياولدي بس قولي وشصار يوم الحادث وش سببه ؟
طلال تذكر الي صار وتألم : ماصار شئ بس كنت تعبان شوي وماانتبهت للسياره الي قدامي
ابو طارق زعل على ولده: ماابغى ازيد عليك انا عارف الي مريت فيه مو هين بس انت الحين ولدي الكبير
طلال: الله يخليك لنا يبه بس طارق ا......
ابو طارق: لا تجيب سيرته من اليوم وطالع انت ذراعي اليمين شد حيلك وخذ الشهاده ومقعدك يستناك فالشركه
طلال: انشالله يبه
نواف: يبه ابي فلوس
ام طارق انفجعت: انت وين توديها الفلوس ها تاكلها اكل قبل كم يوم معطيتك الف مصرع ماصرفتها
نواف: يمه انتي ماتعرفين انا عندي مشروع بس بخليه مفاجأه ها يبه وش قلت
ابو طارق: كم تبغي ؟
نواف: يعني مو كثير واذا زدت انت الكريم وانا استاهل
ابو طارق بطفش: اخلص علي كم؟
نواف: خمسةالاف ريال بس
ابو طارق تفاجأ:الله خمسه الاف مره وحده وشتبغي بها انشالله <<يابخلك
نواف برجاء ويبوس راسه: يبه تكفى ابغاها وبس بعدين اقولك
ابو طارق: خذ وانقلع ولا تجي تطلب شئ ثاني
نواف باس راس ابوه ومشي يستهبل عند الباب: مشكووووووووور حوبي امووووه<بوسه فالهوا>
واخذ الفلوس وطلع مبسوووووط
ابو طارق: .......لا تعليق
ام طارق تتنهد: الله يهديــك ياولدي ويصلحك
غرام الي كانت تلعب بلاستيشن تكلمت اخيرا: بابا صاحباتي مسوين حفله وابغا اروح
ابو طارق: روحي بس خذي اختك معاك مافي روحه لحالك
مرام انتبهت لهم : بس انا مافحالي اروح
غرام: يالله مرامو بس اليوم والله طفش
مرام: اوووف طيب بس مانطول انا تعبانه وبكره وراي جامعه
غرام بفرررح: خلاص اهم شئ نطلع
وكملو سوالف مع بعض وطلال ينتظر بس تتداوئ جراحه
عشان يلحق على هديل قبل لا تضيع من يده...
ببيت عبدلله
البيت كان فاضي مافيه الا غزل ابوها وامها راحو المزرعه مع بيت عمها وهي مالها نفس تلحقهم رن جوالها بغمه ياقلب لنبيل شعيل
..
ياقلب وشفيك..متغير على فلانه
قم حبها واعتذر.. منها ودللها
مجنون تضحك.. واحلى بنت زعلانه
والي معا مثل هذي.. ما يزعلها
جات بترد بس
انصدمت يوم شافت الرقم الي حفظته عن ظهر قلب
وكانت قبل تنتظر رنه منه
v
v
v
طــــــــــارق
هي من بعد ذاك اليوم حذفت رقمه من جوالها وحاولت تمحيه من حياتها للابد
اول ماشفت رقمه عرفت انو حي وخافت اكثر اكيد ماراح يسكت لها عن الي سوته فيه راح ينتقم منها...
ماردت عليه فالبدايه بس بعدين مااستحملت ردت بصوت يرتجف
غزل: ااالو
طارق:هلا والله اخيرا رديتي ياحبي وحشتيني
غزل ترتجف: مـ ـن مـ ـعـ ـاي
طارق: تو تو تو ترا ازعل عليك ترا ماامداك تنسين قبل كم يوم كنا سوا فالشقه والا اذكرك
غزل تحاول تخلي صوتها طبيعي: اخوي شكلك غلطان فالرقم
طارق: هع انا الغلطان العبي غيرها الي سويتيه انتي هو الغلط انتي ما تعرفين تتعاملين مع من مو انا الي تلعبين معاي وتضحكين علي اصحي يا ماما انا طـــــــارق محمـــــــد الـ........ واعرف كيف اربيك من جديد ياحقيره
طوط طوط وطوط
طارق: اوف سكرت فوجهي بس هين ياغزل انا وراك وراك والزمن طويل خليني اشوف الكلبه الثانيه وين طست
واتصل على رغد بس ماسمعت صوت جوالها
طفش طارق وطنش وكمل لفلفه بالشوارع
اما غزل قلبها طاح عند رجولها من الخووف خخخخخخخخ
وصارت تدعي انو ربي يخارجها منو وقررت تغير رقم جوالها باسرع وقت ممكن.................
باايطــــــــــــــــــــــــــــــاليــــــــــــ ـــــــــــــــــــا
ببيت اسمــــــــا
كان الكل مجتمع فالصاله يسولفون ويضحكون
"بعد ماعرفو ان هديل حامل وتقريبا فالشهر الثالث الكل فرح وسوو حفله بسيطه بينهم قبل يومين بس حظرتها بشاير الي تصاحبت مع هديل
استغربو من هديل كانت ماتجيب سيره طلال واذا احد فتحها تقول سكرو على الموضوع حسو ان فيه شئ بينهم بس فضلو مايتدخلون بين رجال وزوجته وام هديل مو سايعتها الفرحه بتصير ست صارت تشتري من الحين الملابس للحفيد المنتظر......."
هديل شافت الفستان الي جابته امها كان صغييير ولونه فوشي
: ههههههههههه وش هذا يمه بدري والله توني ثالث شهر
اسما: أي وكمان يمكن مو بنوته يمكن ولد
امهم: انا مالي شغل اناشفت الفستان وعجبني مره واذا مو لحفيدي الاول للي بعده
سكتت هديل واختفت ابتسامتها وما علقت على الموضوع وبان عليها الضيق
امها بجديه: هديل انا مو من حقي اتدخل فحياتك يابنتي بس وضعك مو عاجبني من يوم جيتينا ماسمعتك كلمتي زوجك اذا متهاوشين لازم تلاقون حل بعد فتره راح يكون بينكم ولد مو من مصلحته الي تسونه..
هديل:انا فاهمتك يمه بس سكري على الموضوع رجاءً واوعدك اقولك كل السالفه بس مو الحين
اسما: يمه خليها على راحتها اكيد عندها سبب لا تضغطين عليها
امها تتنهد: طيب بس ترا انا صبري قليل
اسما تغير السالفه: هدوله بشاير عازمتنا عندها حفل اليله وتنكري كمان ارسلت 3بطاقات دعوه واكيد بتجيب الشله كلها
هديل: عجيب من وين تجيب الحركات ذي
اسما: عاد هذي بشاير تحب التميز والتجديد وهي حضرت قبل فتره حفله تنكريه وعجبتها وحابه هي كمان تسوي حفله ها نروح؟
هديل بتعب: معليش حبيبتي انتي روحي انا مالي نفس وماني عارفه وش االبس
اسما متحمسه:اذا على اللبس انا ادبره نروح المول دحين
هديل: والله مافحالي انتي روحي واستانسي
اسما بخيبه: لا ..اذا انتي مو رايحه انا كمان ماراح اروح
هديل حست عليها ومابغت تكسر خاطرها: خلاص اروح معك بس لا نطول مااحب اجلس مع ناس مااعرفهم
اسما بفرح: انا اعرفك عليهم تراهم حبوبين واكيد تنبسطين معاهم بس تعرفي انقلش ؟
هديل:أي اعرف .. طيب متى تبدا الحفله
اسما: امممم هي قالت لي تبدأ الساعه 8 اليله بس احنا لازم نروح قبلها بنص ساعه عشان يمدينا
هديل: اممم صاحبتك هذي شكلها غنيه من يوم شفتها باين عليها بنت عز
اسما: أي مشالله انتي ماشفتي بيتها قصروحيده ابوها
هديل: بس اخلاق الصراحه كلها ذوق
اسما بفخر: اكيد مو صاحبتي
هديل:ههههههه يمه تعالي انتي كمان في ثلاث بطاقات
اسما كتمت ضحكها:ههه أي يمه تعالي
امها: وين اروح اكيد الحفله كلهم شباب وانا ماتصلح لي
هديل: افااا يمه انتي توك فااول شبابك
امها: عاد انتي لاتزودينها ترا اصدق
اسما: ههههههههههههههه
امها: خلاص انتو روحو استانسو
هديل: يالله اجل انتي بلا ضحك خلينا نتجهز قبل لا يروح علينا الوقت
اسما : يالله اخاف تهونين
وراحو وكل وحده اتروشت استعدااد للحفله بعدها على المول
باايطاليا ولكن في مكان مختلف
قصـــــــــــــــــــــر بشــــــــــــــــــــــاير
كانت بشاير تستعد للحفله وتتأكد انو كل شئ تمام عازمه كل اصحابها فالجامعه وكانو كثيرين مع ان معظمهم مايهمونها بس مظهر...
كانت في قصرها مجهزه قاعه كبيره فيها طاولات ومسرح فالمقدمه وفارشه سجاده حمره فالاستقبال وحاجزه فرقه موسيقيه مشهوره
كلمت الخدم على انها حفله تنكريه خلتهم يلبسون لبس موحد تقريبا اسود وابيض واقنعه ووزعتهم الي بالاستقبال والي يشرفون على خدمه الضيوف وكان مو مسموح بالدخول الا الي معاهم بطاقات الدعوه............
وولعت كل الانوار والكشافات فالبيت وصار كأنه قصر افراح اما ابوها كان فذاك اليوم مسافر رحله عمل
وهي لبست فستان احمروفيه اسود قصير لحد الفخذ كم فيه لحد المرفق وكم لا ولا بسه اساور سود واسوره على كتفها العاري وفستانها طبقات ومن ورى فيه ذيل بس مو طويل مره ضيق عند الصدر مبرز جمال جسمها ومستشوره شعرها ومسويه نفخه بسيطه لافه الباقي رولات نازله على كتفها ولابسه قناع على عينها لونه احمرمطرزبالاسود فخم وحاطه ميك اب حلو بس الروج لونه احمر صااااااااااااارخ جاي مع بياض بشرتها خطير ولابسه بوت يصل للركبه لونه اسود وفيه رباطات.... وشكلها بااختصار قمـــــــــه فالروعه.............
يتـــــــــــــــــــــــــــــــــــــ ـــــــــــــــــــــــــــــــــبع