البـــــــــــــــــــــــــــارت الحـادي عشــــــــ 11ــــــــــــــر
بالمستشفى
كانت حاله ام طارق متحسنه كثير عن اول راحو لها رنا وامها زياره وتحمدو لها بالسلامه....
ام طارق حست ان رنا وامها كبرو فعينها كثيربعد وقفتهم
ام يزن: حمدلله على سلامتك ياام طارق
ام طارق: الله يسلمك ماقصرتي معانا ياالغاليه وقفتك معنا ومع بناتي فاازمتنا مستحيل انساها
ام يزن: لا تقولين كذا احنا اهل ومابيننا هالرسميات ياوخيتي
ام طارق وهي ندمانه على كلامها لرنا : مشكووره على كل شئ ... رنا سامحيني يابنتي غلطت عليك
رنا: لا تقولين شئ ياخالتي وانتي كنتي معصبه انا بحسبه بنتك عادي
ام طارق: غاليه والله ومعزتك من معزه بناتي
ام يزن: يالله يام طارق احنا نستأذن
ام طارق: بدري ياجماعه اجلسو شوي
ام يزن: لا اكيد زوجك وبناتك جايينك فالطريق واحسن خليها يوم تنورين بيتك وترجعلك عافيتك وتلاقينا كل عصر عندك
ام طارق: حياكم الله فااي وقت
ام يزن + رنا: مع السلامه
ام طارق: مع السلامه
وطلعت ام يزن ورنا وكان يزن ينتظرهم فالسياره بعد ماسلم على نواف وابو طارق
اما البنات قابلو رنا وامها فالطريق وسلمو عليهم وراحو لامهم يسلمون عليها ماطولو بس سلمو و طلعو عالبيت يرتاحون ويستعدون للمدرسه والجامعه بكره
وانتهى اليوم على خير.....
يوم جديد يمر على ابطالنا
الشرقيه
السابعه صباحا بشقة هديل
كانت خلاص جاهزه شالت شنطها وسلمت المفتاح حق الشقه وركبت تاكسي ..
متجهه للمطار..................
تأملت الشقه لاخر مره نزلت دموعهااا بس مسحتهم بسرعه
خلاص كفايه دموع هي مسافره وكل شئ خلته وراهااا
" سألني احدهم ..
كيف اصبحت بعد
الفراق ؟!
فـ اجبته:
وهــل للرماد احســـاس ..بعد
الاحترآآآآآآآق!!
لحقت الرحله قبل لا تقلع وصعدت للطياره الدرجه الاولى وكانت جالسه جنبها حرمه عمرها يمكن فالخمسين لابسه عبايه كتف وطرحه وكاشفه وجهها وشكلها سعوديه
هديل: ياخاله ممكن تبدليني حابه اجلس جنب الشباك
الحرمه: طيب يابنتي
وتبادلو الاماكن جلست هديل جنب الشباك وتشوف المنظر وهم يقلعون ونسيم الصبح يداعب وجهها لانها كانت كاشفه وجهها بس لابسه عبايه كتف وطرحه سودا ماكانت عندها نيه تخلع حجابها حتى خارج السعوديه خوف من الله وحرص على نفسها وسترها....
تأملت الغيوم وهي تحاول تنفض غبار الماضي عنها وتحاول ماتفكر فيه ابدا هي قررت تبدأ بدايه جديد لازم تمحي الماضي من عقلها ..
لما استقرت الطائره فالجو قطعت عليها الحرمه الي جالسه جنبها سكونها وصحتها من افكارها
الحرمه باابتسامه حنونه: وش اسمك ياقمر
هديل: اسمي هديل وانتي وش اسمك ياخاله
الحرمه: اسمك حلو ياهديل انا اسمي جواهر بس ينادوني ام سعود
هديل باابتسامه : ياهلا باام سعود
ام سعود كأنها تكلم طفله ضايعه: كم عمره ياحلوه ووين اهلك عنك؟
احرجها ذا السؤال هي صح شكلها صغيره بس ماتحب تبين كذا
هديل: لا ياخاله انا جايه لحالي
ام سعود: كيف جيتي لوحدك وين اهلك مايخافو عليك
هديل بااحراج: لا مو كذا بس انا متزوجه ياخاله موب صغيره
ام سعود بخجل من تطفلها: اها سامحيني يابنيتي بس شكلك مره صغيره مايبين عليك انك حرمه متزوجه
هديل: ايه تزوجت وعمري 18 ومر على زواجي سنه بس ..وانتي ياخاله جايه لوحدك والا معاك احد
ام سعود: لا لحالي بروح ازور ولدي يدرس هناك ومشتاقه له من يوم ابوه مات الله يرحمه سافر يكمل دراسه وانا مشتاقه له قلت ازوره اتصلت عليه وقلت له يستقبلني فاالمطار
هديل: الله يرحمه ويخليلك ولدك ويفرحك فيه
ام سعود من قلب: امـــين ..الا انتي مره صغيره على الزواج طيب وين زوجك والا هو الي راح يستقبلك هناك
هديل طفشت من الكلام وحاسه بدوخه: لا انا رايحه ازور اهلي وزوجي مشغول ماجا معي
ام سعود: اها الله يخلكيم لبعض
هديل بتنهي الحوارنعسانه: امين اسمحيلي تعبانه بنام ممكن تصحيني اذا وصلنا؟
ام سعود:انشالله انا مااحب انام فالطياره انتي نامي ولا تشيلين هم اصحيك اذا وصلنا
هديل: مشكوره
وحطت راسها ونامت وام سعود تطالعها بااعجاب وحاسه بخيبه انها متزوجه تمنتها تكون من نصيب ولدها....
جـــــــــــده ببيت ابو طارق
كانو كل الي بالبيت صاحيين صبح بدري اليوم ام طارق بيخرجونها من المستشفى وهم يجهزون البيت لاستقبالها والجو فالبيت مكركب
مرام: سينـــــــا سيــنا وينك
سينا: نئم مرام
مرام: قومي جهزي الفطور ورتبي البيت خليه زي الفل امي بعد شوي جايه مفهوم
سينا: اوكي
مرام: وين نواف ما صحي لسه؟
سينا: هادا نواف رووح صلاه بئدين مااجي
(هذا نواف راح الصلاه ومارجع)
مرام: اهاا طيب روحي سوي الي قلت لك عليه وصحي غرام
سينا: اوكي
راحت مرام بعد ما تأكدت ان كل شئ تمام الدكتور قال لازم امها تكون في جو نقي وهادي وماتتعرض لصدمات وهي راجعه غرفتها اتذكرت طلال وحست بالقلق له يومين ماشافته مستغربه وين راح ؟؟ الا سمعت جوالها يرن
غلاي يتصل بك................
مرام ردت بلهفه:الوووووووووووو
رغد بدت تبكي: الوو مرام وحشتيييييييني
مرام وعيونها غرقانه: رغد رغد وينك خوفتيني عليك
رغد: سامحيني ياعمري انا السبب فالي صار لامك سامحيني
مرام: لا تقولين كذا انتي مالك ذنب الي صار كان لازم يصير من زمان لا تلومين نفسك امي بخير الحمدلله ..احكيلي وش صار معك بالتفصيل انتي وينك الحين؟
رغد: انا عند افنان بالشرقيه الي صار انو .................................................و حكت لها الي صار معها بالتفصيل
مرام: واااااااو اول مره ادري انك بهالجرئه
رغد: اكيد انا رغد مو حي الله
مرام: هههههههههههههههههههههه ياواثق انت
رغد:ههههههههههههههه اقول مرام رايحه الجامعه اليوم
مرام: لا اليوم ماني رايحه ماعندي محاضرات و امي جايه اليوم الصبح وجالسه ارتب لها جو مناسب
رغد: كلمتي رنا اليوم
مرام: لا والله ماكلمتها بس بقولها اني مو جايه اليوم
سمعت مرام صوت البوابه انفتحت وعرفت ان ابوها وامها جوا
مرام: رورو حبيبتي اكلمك بعدين امي وابوي جو من المستشفى باي
رغد: باي...
ببيــــــــــــــــــت رنـــــــــــــــــــــا
كانت امها ترتب البيت وتجهز الفطور وراحت تصحي يزن يروح الجامعه وصحت رنا كمان وجلسو العايله يفطرون مع بعض
رنا: ماما وش رايك اليوم نروح لبيت مرام اكيد امها رجعت
امها: لا مو اليوم خليها يوم الخميس الجاي صعبه الحرمه لسه تعبانه واكيد الجو عندهم مكركب بعد الي صار خليهم يرتبون امورهم بعدين نروح
يزن: رنا مافي اخبار عن رغد؟
رنا بكذب: لا من يوم راحت محد يدري عنها لا حس ولا خبر
يزن بتشكيك: متأكده ماقالت لك تصرفاتها كانت غريبه الايام الاخيره
رنا: اكيد لو ادري كان قلت لبيت عمها صعبه تعيش لحالها
ام يزن بااسف: الله يهديها كان قالت لهم ماتبي تتزوج مو تشرد من العرس كنت اتوقعها اعقل وارزن من كذا
رنا بدفاع بدون ماتحس : يمه رغد مو غلطانه عمها كان بيجبرها على الزواج عشان كذا شردت هم اجبروها على الي سوته طارق مايصلح كزوج لا لها ولا للزواج من اصله هي بس حررت نفسها منو؟
يزن مصدوم وبصوت عالي: يعني هي ماكانت موافقه على الزواج من اساسه؟
رنا حست على نفسها وارتبكت: لالالالا هي كانت موافقه بس عرفت يوم الزواج ان طارق يخــ......
يزن يقاطعها بعصبيه: ليـــــــش ماقلتي انها كانت مغصوبه هـــــــــا
رنا خلاص حست انها انكشفت اعترفت لهم: أيـــــــــــه كانت مغصوبه عشان كذا شردت
يزن: ليش ماقلتي لي طيب كان ساعدتها
رنا: هي قالت مااقول لاحد
ام يزن تقاطعهم: خــــــــــــــــلاص بس البنت راحت فسبيل حالها سكرو على الموضوع
يزن بنظرات حارقه: فهمت ليه اشترت سياره وباعت البيت بسرعه مخططه من البدايه انا متأكد انك تعرفين وينها
رنا بنص عين : وانت وش حارك ومزعجك مالك شغل ليش حاشر نفسك انا مدري
يزن يحط يده على راسه : مزااااااااااااااج كذا كيفي عندك مانع ست رنا
رنا بدفاع:لا صح انا اعرف انها كانت ناويه على شئ بس مادريت انها بتشرد يوم العرس وتفاجئت مثلكم ومدري هي وينها الحين قلقانه عليها
يزن ضرب الطاوله بقهر: اخ يالقهر وين راحــــــت اجل
ام يزن بصرامه: قلت لكم قفلو على الموضوع والا مالي كلمه انا.. البنت راحت الله يستر عليها مالنا شغل
رنا+يزن: اسفين يمه
ام يزن: يالله كملو فطوركم وكل واحد على جامعته ماابغى اسمع سيره رغد ثاني فهمتو
رنا +يزن : انشالله
وكملو فطورهم وراحو كلاً على جامعته وتفكيرهم كله في رغــــــــد....
فالمستشفى عند طلال
كان لسه فحالة غيبوبه ومحد يدري عنه غير عبدلله وطارق شكله كان يقطع القلب الاجهزه والرضوض بكل مكان بجسمه
عبدلله ماتركهم لحظه وحده بس راح ينام فبيتهم
و اول ماجا الصبح راح له على طول وطارق ماطلع من المستشفى ظل سهران طول اليل مجافيه النوم خايف لا يصير شئ فغيابه
طارق: عبدلله روح شغلك كفيت ووفيت يااخوي
عبدلله: لا ماعليك اليوم ماني رايح كلمت ابوي وقلت له ماراح اجي الشركه
طارق:ليش طيب خلاص انا مع طلال لا تشيل هم
عبدلله: اذا ماوقفت مع اخوي مع مين اجل
طارق يضمه: ماتقصر انت اخوي الي ماجابته امي ياعبدلله الله يقدرني اوفي جمايلك
عبدلله: لا تقول شئ ترا ازعل انا ماسويت الا الواجب
الا الدكتور جاي لهم ووجهه يدل على الخير راح له طارق وعبدلله بسرعه
طارق بلهفه: ها يادكتور طمني وش صار على طلال
الدكتور: لا الحمدلله تعدى مرحله الخطر وحالته متحسنه واحتمال اليوم يصحى من الغيبوبه ماشالله عليه توقعت يجلس شهر شهرين الي صار له مو بسيط بس عنده اراده قويه وجسمه بدأ يستجيب
طارق: الحمد لله مشكوووور دكتور اقدر اشوفه
الدكتور: العفو أي تقدر بس الحين هو تعبان انتظر لين تستقر حالته شوي ويصحى يكون احسن وانا اعطيك خبر
طارق: انشالله جزاك الله خير يادكتور ماقصرت
الدكتور:العفو ومعافى انشالله
عبدلله يضم طارق بفرح : الحمدلله على سلامته
طارق بفرررح: الله يسلمك ويخليك
عبدلله: ها تطمنت الحين على طلال ما بقي غير امك روح لها
طارق متوتر : لا مانيب رايح بااتصل على نواف واتطمن عليها
عبدلله: طيب فهمني ليش ؟؟
طارق: السالفه طويله وماتنقال بس تعال نروح مطعم نفطر وانا احكيلك عن كل شئ
عبدلله: يالله اجل
وراحو يفطرون وطارق حكى كل شئ صار معه وقاله عن رغد فالبدايه كان مايتكلم كثير مع عبدلله ماكانت علاقتهم قويه بس الي صار بين له ان عبدلله رجال والنعم فيه وارتاح له وصار يعده اكثر من اخو مثل فارس وخالد
عبدلله: لا حول ولا قوه الا بالله كل هذا صار امس
طارق: أي والله بيتنا انقلب فوق تحت بليله وكله بسببها الحقيره
عبدلله: لا تقول كذا يمكن ماراحت باارادتها مافكرت فذا الاحتمال
طارق: الا فكرت بس كل الادله تقول انها كانت ناويه تشرد
عبدلله: والله مدري وش اقولك لا يكون بس عرفت عن خرابيطك
طارق: عرفت بكيفها بس ماهو مبرر للي سوته اكييييد راحت لحبيبها الصايعه
عبدلله بتحذير: طارق لا تحط فذمتك ولا تظلمها يمكن راحت عند صديقتها وماتبيك
طارق بوعيد: تروح لجهنم انشالله بس وين بتروحين مني يارغد بااللقاك لو رحتي اخر الدنيا وراك وراك والزمن طويل
عبدلله فنفسه " الله يستر منك ياطارق "
عبدلله: الله يعين وتنحل امورك وانت بعد حاول تطلع من الجو الي عايش فيه
طارق: وش قصدك؟
عبدلله: يعني بعد الي صار مع بنت عمك سافر استجمام كم يوم وشوف الوجيه الي ترد الروح <فاااايق
طارق: هههههههههههههه يقطع ابليسك هذا وقته بس ولله فكرتك مي بطاله شكلي باسافر ارتاح شوي بعدين ابدا ادور على رغد
عبدلله: وااااااااو اسمها رغد بعد شكلها روعه
طارق: انشالله ملكه جمال ماتهمني انا بس بجيبها اربيها واوريها من طارق بعدين ارميها فالشارع
عبدلله: لا حرام مو فالشارع عاد مهما صار تظل بنت عمك عرضك والضفر مايطلع من الحم
طارق: الا تستاهل الحيوانه ماقدرت النعمه الي هي فيها تحمد ربها اني فكرت فيها والاهي ماتسوى جزمه بس انا لها ان ماوريتها نجوم الظهر مااكون ولد ابوي
عبدلله خاف من الي ناوي عليه طارق:الله يعينها الموت ارحم... طروق وشرايك الاسبوع الجاي اذا تشافت امك واخوك نروح الشرقيه اشتقت لها وللشباب
طارق: حلو خلي هالاسبوع يعدي ويصير خير
عبدلله: يالله اجل انا رايح اوصل اختي الجامعه اتصلو علي قبل شوي ساعه وارجع لك
طارق: الله معك
رجع طارق المستشفى واتصل على نواف اكثر من مره بس مارد عليه لانه كان فالمدرسه وحاط على السايلنت وعبدلله راح لغزل يوديها الجامعه.....
اعرفكم بعائله عبدلله
ابو عبدلله : رجال كبير عمره 52سنه ابيض حنون وطيب مريض بالقلب يشتغل بشركه اسسها ابوه وهو كمل المشوار متزوج من بنت عمه
ام عبدلله: عمرها 45سنه طيوبه مره وتموت بعيالها مخليتهم على هواهم وماتضغط عليهم ابدا متوسطه الطول والوزن حنطيه اللون
عبدلله شاب عمره25سنه متخرج ويشتغل مع ابو فشركه طويل حنطي جذاب فلاوي زي طارق واهم شئ عنده الوناسه شعره بني غامق وجسمه نحيف عيونه لوزيه لونها عسلي
غزل: بنوته حلوووه عمرها 19 سنه دلووعه ابوها وامها والبنت الوحيده جامعيه شعرها قاصته مدرج وصابغته عودي رهيب جسمها متناسق عاطفيه وبسرعه تتأثر وهذا سبب مشاكلها فالحياه بس نبيهه وعليها افكار مجنونه
.....
فالشرقيه بيت فارس
كان فارس يلبس رايح على الشركه ومتكشخ على الاخر نزل لقي الكل متجمع على الطاوله يفطرون
فارس: صباح الخير
الكل: صباح النور
ام فارس: تعال يمه افطرقبل لا تطلع
فارس: لا يمه مااشتهي بروح على الشركه وراي اشغال
ابو فارس بتعجب: وشفيك مبكر اليوم وكاشخ مو من عادتك
فارس: لا يبه بس امس مارحت ووراي اشغال كثيره وفي عندي اجتماع مهم ماابي اتأخر
ابو فارس: الله يوفقك يولدي
فارس: . يالله مع السلامه
الكل: مع السلامه
امل تتثاوب: هـــــــــــــــــه يمه مابي اروح المدرسه تعبانه
ام فارس:كله من السهر يالله بلا دلع كثر غيابك غسلي وجهك وسمي بالرحمن وعلى المدرسه
امل برجـــــــــــــــاء:بس اليوم بغيب الله يخليــــــــــــــــك
ام فارس: قلت لا يعـــــــــــني لا
امل تكلم ابوها: يبــــــــــه قول شئ تكـــــــــفى تراها تهز رجـــــال
ابو فارس: ياام فارس خليها تغيب اليوم عشان خاطري
ام فارس: ياابو فارس مو زين كثره الغياب اخر السنه تجي راسبه
رعد بخبث : ايوه بابا بعدين تجي راثبه وتفثلنا <ايوه بابا بعدين تجي راسبه وتفشلنا
امل تصارخ على رعد : انت انكتم مالك شغل ملقوووووف
رعد امتلت عيونه بالدموع: واااااااااااااااااااااع
ام فارس تضم رعد بحنان: اش فيك على اخوك ماقال شئ غلط ..بس حبيبي لا تبكي
رعد يمد لسانه لامل باانتصار نانانانا ونذذذله
امل: اووووووف يبه الله يخليك ماابا اروح اليوم
ابو فارس: لا وانا ابوك روحي كلها كم شهر وتجي الاجازه
امل: يوووووووووووه طفش
ام فارس بحزم: يالله بلا دلع على المدرسه
امل مقهوره وماتبي تروح : طيب
رعد: ماما بلوح المدرثه مع امل <ماما بروح المدرسه مع امل
ام فارس: لا حبيبي انت لسه صغير بعد 3سنوات تروح المدرسه
رعد : طيب
..................................
يتــــــــــــــــــــــــــــــــــــ ــــــــــــــــــــــــــــــــبع