[زهور الريف]

بما أني فاضية ولا عندي شيء خل اقول لكم موقف آخر يوم في الكلية قبل إجازة الحج
..
طبعا هذا اليوم ممل كتيير بالنسبة لي لآني أروح من الصبح تبدء المحاضرة الساعة 7 ونص وتنتهي 9 والثانية تبدء الساعة 1 وتنتهي الساعة 3
يعني من 9 لين 1 طول الوقت فاضيين انا وصديقتي وما تظل سالفة في هاليوم ما أقولها
<< طيب أختصري ودخلي في السالفة ع طول
المهم الله يسلمكم المحاضرة الثانية تدرسنا وحده مصرية لو فيها الموت ما تغيب وخاطرنا مره تغيب بس ماكو أمل
طبعا انا وصديقتي واحنا في الباص جالسه اقول لها سمعي انا امس نمت متأخرة لا تقولين لي نحضر المحاضرة الثانية خل نغيب
وطبعا صديقتي نفسي مالها خلق لها قالت طيب نحضر المحاضرة الأولى ونطلع قلت لها أوكي
المهم حضرنها وبعدين طلعنا قلت لها شرايج ما نطلع النوم راح قالت خلاص كيفيش وضلينا نحوس مثل كل مره ونهذر
المهم جاء وقت الصلاة صلينا وبعدها قلت لها قومي نروح القاعة رحنا القاعه ع الساعه 12 ونص يعني قبل المحاضرة بنص ساعة
ودخلنا وماكان في بنات إلا قليل المهم شفنا بنتين طبقوا معي في مدرسة المتوسط رحت جلست وراهم أنا وصديقتي وجلسنا نسولف
ونتضحك ونتذكر هبال البنات مرت تقريبا ربع ساعة واحنا نضحك ونسولف أشوي أنتبهت للقاعة اللي قبال قاعتنا البنات يركضون منها
وسمعت صوت صفارة الأنذار طبعا أنا في الحالة اقول يمكن البنات يركضون علشان فار بس ليش هالصوت قمت أقول لصديقتي والبنتين اللي أسولف معاهم
بناااات قموا خل نركض مثلهم ووجهي مخطوف اهم ماتوا علي من الضحك أقول لهم شفيكم انتوا قوموا خل نركض وأضرب برجولي ع الأرض
وهم ولا مهتمين إلا ميتين ضحك يقولون لي شفيج يا خبلة مافي شيء وانا اقولهم إلا قوموا بسرعة والبنات يطلعون فيني منصدومين شفيها تصارخ وتبي تركض
المشكلة مو عارفه كيف أركض بروحي ومافي أحد من قاعتنا يركض أشوي دخلت علينا بنت وقالت لنا بناااات قوموا ركضوا حريق شفيكم ولا يشفوني إلا قمت أول وحده وركض
ركض لين طلعت من المبني طلعت شفت البنات واجد بره وكل وحده تتطلع وتضم صديقتها وبنات شايلين بنت مغمى عليها وصراخ
المهم شفت صديقتي بعدين لاني ركضت عنها وقلت لها شفتي لو محترقة منكم ما تسمعون الكلام كان رحت من أهلي
اشوي وجات وحده من مشرفات الكلية ونادت ع البنات تجمعنا حواليها قامت تصارخ وتقول ما في حريق اللي صار بنت تلعب بطفايه الحريق
إلحين ابي منكم تتطلعونها لي وبسرعه واهي لابسه اسود ع طول اكنس راسي اشوف اذا علي أسود ولا لا أخاف يتهموني بعد هع
بس الحمد لله كنت لابسة أبيض وجاكيت بني هع
أشوي نسمع صراخ بنات من جديد أثاري مسكوها ونتجمع عليها كلنا ومسكتها المشرفة وتصارخ عليها واهي عادي تتكلم بكل جرأة
طبعا البنت اللي مسويه هالحركة ( بوي) قلت في قلبي ما نستغرب من هالأشكال أشوي ودخلوها المبني وقالوا للبنات طلعوا من الكلية بدخلون رجال
المهم دقينا ع السواق انا وصديقتي وطلعنا وبس
/
طبعا أفتكينا من محاضرة بس القهر الوقت اللي جلسناه وأحنا ننتظرها
بس يلا عالأقل صار أكشن وهيك ههههه