آلــبــآرت الــحــآدي عــشــر ..
عينـي على المضنـون دايـم : لهوفـهـ :
وقلبـي | كـواهـ | الشـوق كـي على كـي
أبغـى الـدواء من قبضـة ~ كفوفـهـ ~
اللي خـدودهـ : نـورهـا : يكسـر الفـي
ما أقـدر على بعـدهـ ولا أقـوى : كلوفـهـ :
وبعـد | الحبيـب | طاوي حالتـي طـيّ
دامـهـ على قلبـي ~ مسلّـط ~ سيوفـهـ
أنا لـهـ مادامـهـ بالهـوى : لـي :
اللهـ | يعـلَّ | البعـد ما أشيـن صروفـهـ
يفـرّق حبيـب عن حبيبـهـ وهو ~ حـيّ ~
\
/
\
الخبر – مدارس الـسـعـد الأهليه ..
توجهـت للكـآفتيريـآ اللي بالمدرسه عشـآن تشتري فسحـه لقت صديقتهـآ ليـآن مع فـآتن جـآلسين ويسولفون وباين على فاتن السعـآدهـ والهنـآء ..
جـآت جلست وهي متضايقه شوي ..
قامت فاتن تشتري لهم لأن الدور عليهـآ اليوم ( تذكرت صقيقاتي >_< ) ..
قالت ليان بلهفه : لمـى وش فيك باين عليك متضايقه فيك شئ ؟؟
قالت لمـى بتعب : تعبت ياليان تعبت كثييييير خـلآص مافيني أتحمل ..
قالت ليان بخوف : وش اللي متعبك ياقلبي قولي ؟؟
قالت لمـى وهي تعدل جلستهـآ وباين بصوتهـآ الغصه : عصـآم ..
سكتت ليان شوي وفهمت ان تعب لمـى عاطفي .. وسببه عصـآم ..
قالت بهـدوء : وش فيه عصـآم ؟
لمـى : أحس إنه مـآهـو دآري عن هـوآ دآري أصـلآ .. مو معبرني ولا مهتم فيني أبد .. تعبت وأنـآ أنتظر منه لو حتى نظـرهـ بس .. تعبت وأنـآ أكتم بصدري ..
تعبت وأنـآ أبين لهم اللأمبـآلآهـ فيه وأنـآ ميته عليه .. مـآ أبغى أي أحـد يحس مجرد إحسـآس إني أميل له ..
قالت ليان بإستغراب : ليش طيب ؟
قالت لمـى بسرعه : أخـآف ..
قالت ليان : من وشو ؟
قالت لمـى بملل : من كل شئ .. أخـآف لاأطيح من عينهم .. أخـآف إنه مـآيدري عني ولا عن حبي له ويجرحني بعدم إهتمـآمه ويقول إني صغيرهـ ومرآهقـه مثل كـلآم غيرهـ عن أي بنت تحب الحين .. أخـآف لا أخوآني يعرفون .. أخـآف من كل شئ ياليان من كل شئ ..
قالت ليـآن وهي تمسك يدهـآ تواسيهـآ : طيب وفاتن ليش ماتقولين لهـآ بمـآ إنهـآ طلعت بنت عمـه ألحين ؟؟
قالت لمـى بحيرهـ : مدري أخـآف أقولهـآ وتقول لـ سديم .. بعدين سديم بتزعل ليش ماقلت لهـآ .. هذا اذا مـآرآحت سديم تقوله ترى لمـى تحبك وماادري ايش .. أعرفهـآ مهويه هالبنت ..
سكتت ليان وكأنهـآ تفكر بشئ بعدين قالت بسرعه : عندي فكرهـ رآح تخليك تعرفين اذا هو يحبك او لا ؟؟
قالت لمـى بسرعه : وشو .. قولي بسرعه ..؟
قالت ليان : تعرفين رقمـه ؟؟
قالت لمـى : إيه حـآفظته .. بس ليش ؟؟
قالت ليـآن : تعـآلي معـآي الحين .. وبعدين بتفهمين كل شئ ..
رآحـو عند فاتن وشافوهـآ إشترت بس فيه بنـآت كانوا يسولفون معـآهـآ وهي إندمجت معـآهم ونستهم وقالوا لهـآ بيروحوا شوي ويرجعون لهـآ بعد مااخذوا فطورهم اللي شرته وطلعوا ركض على صف ليان ..
دخلوا الصف ولقـوهـ فاضي وراحت ليان عند شنطتهـآ وطلعت منه جـوآل (E66 أبيض ) وشافت لمـى مصدومـه تقول : جبتي جوآلك يالخبله ؟
قالت ليان وهي تضحك وتشغل الجـوآل بعد ماكان مقفلته : لأ هذا جوالي حق الإستهبال واللعب .. جوالي الأساسي بالبيت ماجبته ,,, وألحين يللا عطيني رقمـه ..
قالت لمـى بعنـآد : أول شئ وش بتسوين ؟؟
قالت ليان : ياغبيه أدق عليه ع اساس إني غلطـآنه .. إذا سكر عـآدي ومـآقـآل شئ معنـآته يحبك أو ع الأقل مـآعندهـ حركـآت ..
أمـآ إذا سولف وطيح الميـآنه .. الله يعينك ..
قالت لمـى بعد تفكير وقلبهـآ يضرب طبول : ولو اني خايفه منك بس بأغـآمر والرقم 055*******
دقت ليـآن الرقم بسرعه وهي متعـودهـ على هالحركـآت لأنهـآ شوي دآجـه ^,^ ..
إنتظروآ شوي بعد خمس رنـآت جـآهم صوته وهو يضحك مع أحد ويقول : هـلآ ..
كـآنت ليان حـآطه على السبيكر واول مـآسمت صوته لفت على لمـى وهي تأشر على قلبهـآ وتقول بحركة شفايفهـآ ( ياويلي صوته يخقق ) بس ضربة لمـى على ظهرهـآ خلتهـآ تصحى وتقول بسرعه ودلع : ألـوووهـ ..
رد عليهـآ : هـلآ من معي ..؟
قالت بدلع وغنج فقع مـرآرة لمـى : هذا جـوآل خـآلد ؟؟
إستغرب عصـآم بس بمـآ إنه رآيق ونوآف جنبه حب يستهبل عليه وحطه ع السبيكر يسمعه وهو يقول : للأسف مو جـوآل خـآلد .. بس اذا بغيتي اصير لك خـآلد محمد راشد ان شاء الله مصطفى صرت لك .. آمري بس ..
إنصدمت لمـى صدمـة قويه وطالعت ليان بعيون مليـآنه دموع ..
وليان اللي احست بالندم انها غامرت ودقت عليه وهي مو متوقعه انه تكون ردة فعله كذا ..قالت بسرعه : لا أنـآ أبغـآ خـآلد هذا جـوآله وإلا لا ؟؟
إبتسم عصـآم أكثر على حركة نوآف له بإنه خـآق على صوت هالبنت وهو يقول : وإحنـآ مـآننفع يعني بدآل خـآلد ؟؟ ترى إحنـآ أحسن بكثير جربي ومـآرآح تندمي ترى ,,
ليان شافت لمـى تجلس وهي تبكي وصوتهـآ يعلى شوي شوي لحد مـآوصل لـ نحيب سمعه عصـآم وبصوت عادي قالت : لا خلاص اخوي شكلي غلطـآنه ..
أمـآ عصـآم إستغرب نبرة البنت اللي تغيرت بسرعه وصوت بكـآء جنبهـآ قال بشرود وإستغراب : عـآدي عـآدي .. فامـآن الله ..
وسكرت ليان بدون مـآترد وراحت بسرعه لـ لمـى وقامت تحضنهـآ وتهديهـآ وهي تقول : لمـى ياعمري أكيد هو مـآيقصد إنه يغـآزل كل الشبـآب يستهبلون بهـآلكـلآم ..
بكت لمـى أكثر وهي تقول : حقير .. ماتوقعته لهـآلدرجه وآطي .. على طول يرمي الحيـآء ويطق حنك معـآك .. حيوآآآآآآن ..
تضاقيت ليان عشان صديقتهـآ وقالت : يالمـى هو مـآقال شئ مجرد قال آمري بس .. هذا يدل على انه مايلعب كثير او يغازل ,,, لو غيرهـ كـآن قال ايه انا فلان وسولف وطق حنك صدق مو مثله .. لا تستغربين هالشئ لأن نص الشباب او اغلبهم صاروآ كذا ياقلبي لاتضايقين نفسك ..
مسحت لـمى دموعهـآ بحركه سريعه بس تعـآندهـآ وتنزل بكثرهـ وهي تقول : فعـلآ مـآيحتـآج أضـآيق نفسي عليه لأنه مـآيستحق .. ( بس رجعت تبكي وكأنهـآ تعرف إنهـآ مو قد هالتمثليه اللي تسويهـآ لـ ليان انه مـآهمهـآ عصـآم وهي تقول ) الا يحق لي أتضايق وأبكي .. أبكي ع الأيـآم اللي رآحت من عمـري وأنـآ أفكـر فيه .. أبكي على قلبي اللي حب الإنسـآن الغلـط وعشقـه .. أبكي على حـظي اللي رمـآني بـ طريق شخص مـآدرى عني أصلآ .. آآآآآآآآآآآآآآآآآآهـ ياقلبي آآآآآآآهـ ..
حـزنت ليان على لـمى كثير وقالت وهي تسمع جرس الحصه يدق : قومي ياقلبي الحين وتعوذي من ابليس ,, روحي غسلي وجهـك وإحضري الحصه وإنتبهي لا تشوفك فاتن كذا والله راح تتجنن عليك ..
قامت لمـى وهي تحـآول تهدي نفسهـآ من نوبة البكـآء اللي جـآتهـآ وتوجهـت للحمـآمـآت ( وإنتو بكـرآمه ) غسلت وجههـآ وتعوذت من إبليس وتوجهـت للإدآرهـ إتصلت على أمهـآ عشان ترسلهـآ السوآق ياخذهـآ من المدرسه لأنهـآ مو قـآدرهـ تجلس لحظه وحدهـ وطمنتهـآ إنهـآ بس مصدعه شوي وتبغـآ تطلع ترتـآح ..
أخذت أغرآضهـآ من الصف قبل لا تجي فاتن وتشوفهـآ وطلعت من المدرسه ع البيت وعلى طول راحت على غرفتهـآ قفلت الباب وهي تبكي وتكتب بدفتر أشعـآرهـآ ..
ومالقيت من القهر غير أبتـدي مكتوبـي
علّ ذيك النفـس تفهـم جملـة ٍ مخفيـة
يانفوس الطيب توبي عن رداهـم توبـي
النفوس الزايفـة .. ماتستحـق الجيـه
( عبدالله البكـر ) ..
\
/
\
السـآعه 5 العـصر ..
الدمـآم – حي الفيصليه ..
نزلت عند امهـآ وأخوآنهـآ اللي مجتمعين ع القهـوهـ بالصـآله وبلغتهم بـ موافقتهـآ على تركي والكل فـرح وبـآرك لهـآ من قلب وسديم جلست تخطط من ألحين وش بتلبس ووش بتسوي مع لمـى بمـآ إنهـآ إخت العـروس وهي اخت العريس وهالشئ مجننهـآ ومطير عقلهـآ من الفرحـه ..
إتصلت أم عـزآم على أم سعـود وبلغتهـآ بهـآلخبر اللي فرحهـآ مررررررهـ ..
وسكرت منهـآ لأنهـآ كـآنت تسمع نغمـآت تنبيه ع السمـآعه دلآله إنه فيه خط ثاني يتصل فيهـآ ... وأول مـآنزلت السمـآعه رجع التلفون يدق .. وردت : ألـووو ..
جـآهـآ صوت حرمه تقول : ألـوو السـلآم عليكم ..
قالت أم عـزآم : هـلآ وعليكم السـلآم ورحمـة الله ..
قالت الحـرمـه : أم عـزآم موجودهـ ؟؟
قالت أم عـزآم بإستغراب : أنـآ أم عـزآم يااختي آمري ,,
قالت الحـرمـه بإبتسامه :مـآيـآمر عليك عدو يالغاليه .. بس أنـآ أم محمد مـآعرفتيني ؟؟ أفـآآآ عليك بس ..
قالت ام عـزآم بترحيب : هـلآ والله وغـلآ .. إعذريني ياام محمد والله مـآعرفتك .. شلونك ووشلون ابو محمد و العيال وريم .. عسـآكم بخير ؟؟
قالت أم محمد : الله يسلمك الحمدلله كلنـآ بخير ,, إلا إنتو شلونكم ووشلون البنـآت ؟؟
قالت أم عزآم بتلقائيه : الله يسلم عمرك كلنـآ بخير الحمدلله ..
قالت ام محمد مستغله الموقف لصـآلحهـآ : والف الف مبرووك على خطبة سـآرهـ .. سمعنـآ من مهـآ إنهـآ إنخطبت لـ تركي ..
قالت ام عزام بفرحه : الله يبارك بعمرك ياوخيتي .. ايه والله انخطبت له والله يقدم اللي فيه الخير ..
قالت ام محمد : آمين يارب العـآلمين .. وألحين مـآبقى عندك إلا بنت وحدهـ صحيح ؟؟
طـآلعت ام عزآم بـ سديم وقالت : إيه والله بقى سديم توهـآ بـ 2 ثانوي ..
( إستغربت سديم من نظرات امهـآ والحرمه اللي تسال عنهـآ بس مااهتمت كثير )
قالت ام محمد : مـآشـآء الله الله يحفظهـآ لك .. بس بغيت أسألك هي مخـطـوبه وإلا لا ؟؟
إستغربت أم عزام سؤال ام محمد مرهـ بس توقعت انه فضول حريم كالعـآدهـ وردت : لآ والله مو مخطـوبه ولا شئ .. ليش سـآمعه شئ ؟؟
قالت أم محمد بـ شوية فرح : لا والله مـآسمعت شئ .. بس إن شاء الله النـآس بيسمعـون ..
إستغرب أم عـزآم كـلآمهـآ وقالت : شلون يعني ؟؟
قالت ام محمد بـ إبتسـآمه : والله ياام عـزآم إحنـآ خذينـآ من عندكم وردهـ اللي هي مهـآ .. مـآعمرنـآ سمعنـآ أو شفنـآ منهـآ شئ زعلنـآ أو حتى ضايقنـآ .. و بصرآحـه طمعـآنين نـآخذ وردهـ ثانيه لـ ولدي نـوآف .. وهالشئ يشرفنـآ ..
إنصدمت أم عـزآم بس قالت بتوتر و عيونهـآ تدور على وجيه عيـآلهـآ اللي سكتوآ من سوآلفهم ومركزين سمعهم على مكـآلمتهـآ : والله إحنـآ اللي نتشرف يا أم محمد بس صرآحـه إنتي فـآجأتيني .. والبنت تدرس وباقي لهـآ سنه بالثانوي .. يعني صغيرهـ شوي ع الزوآج ..
قالت أم محمد بمحـآولة إقنـآع : والله ياام عـزآم .. الـولد شـآريهـآ ورآيدهـآ ..وتبغين الصدق هو طلبهـآ بالإسم .. ويقول يكفي إنهـآ إخت عـزآم وعصـآم اللي تربى معهـم طول عمـرهـ وعـآرفهم زين .. ونسبكم ياام عـزآم ينشرى وأنـآ أختك .. ونـوآف ولدكم إسألوآ عنه مثل ماحبيتوآ .. ومن نـآحية دراستهـآ خل تكملهـآ وهي متزوجـه عـآدي ..
قالت ام عـزآم بـ إبتسـآمـه : والله ياام محمد انتو اللي نسبكم ينشرى .. بس إنتي عـآرفه البنت لازم نشـآورهـآ ونـآخذ رآيهـآ .. وإلا نـوآف مـآأحد يسأل عنه رجـآل من ظـهـر رجـآل يالغاليه ..
قالت أم محمد : الله يعلي شـآنك ياام عـزآم .. وخذوا لكم مهله فكروآ فيهـآ وشـآوروآ البنت واذاالله تمم على خير جوآ الرجـآل يخطبون رسمي ..والله يقدم اللي فيه الخير يارب ..
قالت ام عـزآم : آآمين ياام محمد آمين ..
قالت ام محمد تنهي المكـآلمـه : نشوفكم على خير ياوخيتي ..
قالت ام عـزآم : بأمـآن الكريم .. يـآهـلآ ..
قفلت ام عـزآم منهـآ وطـآلعت بـ سديم ولسـآن حـآلهـآ يقول " والله وكبرتي وصرتي عروس ياسديم وتنخطبين من الحين .. آآآآآهـ ياابو عـزآم ياليتك حي وتشـآور بنتك بـ نفسك .. الله يرحمك بس .. "
صحت من سرحـآنهـآ على صوت عـزآم وهو يقول : يمـه من هـذي اللي نسبهم ينشرى ؟؟ ووش تبغـآ منك ؟
قالت امـه وعيونهـآ على سديم اللي بـآن عليهـآ التوتر وسـآرهـ تدزهـآ تنرفزهـآ : هذي أم محمد زوج مهـآ .. دآقـه تخطب سديم لـ ولدهـآ نـوآف خويكم ..
قالب ثلج طـآح على سديم من الصدمه والإحـرآج .. ألحين حست بإحساس سـآرهـ لمـآ خطبهـآ تركي .. وكيف إنحرجت من إخوآنهـآ ..
سمعت عصـآم يقول بإنفعـآل من الفـرحـه : من جدك يمـه ؟؟ شوف الكلب .. اليوم معـآي بالدوآم طول الوقت والمشكله انّـا رحنا ورجعنـآ مع بعض وبسيارتي بعـد .. ومـآفتح فمـه بحرف بخصوص هالسالفه ولا حتى تلميح ..
قال عـزآم بهـدوء وإبتسـآمه وعيونه مركزهـ على سديم وتوترهـآ : وش تبغـآهـ يقولك بالله ؟؟ انا باخطب اختك اليوم والا كيف ؟؟ هذا الرجـآل السنع قال لأهله أول واذا تأكد من الموافقه جـآء مع ابوة وخطب رسمي ..
قالت امهم : يعني وش رايكم فيه ياامي ؟؟ إنتو عايشين معـآهـ وتعرفون أطبـآعه زين ..
الشبـآب مـآكـآن على لسـآنهم غير : ونعم فيه .. رجـآل كفو .. ينشرى نسبه ..
أمـآ البنـآت ..
سـآرهـ ذبحت سديم من كثر مـآتدزهـآ وترمي عليهـآ كلمـآت تحرجهـآ فيهـآ قدآم إخوآنهـآ ..
أمـآ سديم كـآنت حـآلتهـآ مـآيعلم فيهـآ إلا الله ,, تحس نفسهـآ صغيرهـ كثير ع الزوآج ومسؤوليـآته .. مـآقد خطر ببـآلهـآ لـو 1% إنهـآ تتزوج قريب ..
بس كـآنت ملتزمه الصمت وألوآن الطيف اللي تمر على وجههـآ هي اللي فاضحـه مشـآعرهـآ قدام أهلهـآ ..
قامت وراحت لـ غرفتهـآ وهي لسى تحت تأثير صدمتهـآ وخجلهـآ ..
وعـزآم توجـه لـ بيت عمـه على أسـآس يـآخذ من مكتبه أورآق محتـآجهـآ عمه بالشركه وقال انه يدخل المكتب وياخذهـآ وهو بيبلغ اهل البيت بجيته ..
\
/
\
الخبر – حي الحزآم الذهبي ..
قـآم من النـوم ويحس جسمـه مكسر وحـآلته حـآله ..
غسل وجهـه وتوضى ولبس ثوبه لأنه مـآبقى على أذآن المغرب شئ ونزل تحت عند أهله بعد مااخذ شمـآغه ..
أول مـآوصل الصـآله سمع أمـه ومهـآ وأبوهـ يسولفون ويخططون لمنـآسبه مايدري وش هي ..
دخل عليهم وهو يقول : السـلآم عليكم ..
ردوآ عليه بفـرحـه : وعليكم السـلآم ورحمـة الله ..
قالت مهـآ : هـلآ وغـلآ بـ عريسنـآ ..
إلتفت على مهـآ بعد مـآجلس وقال بـ فهـآوهـ كأنه مو مصدق : عريسكم ؟؟
وكأنه إستوعب لف على أمـه بسرعه وقال بـ صوت عالي شوي : وآفقـوآآ يمـه ؟؟
ضحكت أمه عليه وقالت : ألف ألف مبرووك يايمـه .. إتصلت خـآلتك وتقول البنت موأفقه ..
نط وآقف وراح يسلم على راس امه وإيدهـآ وراس ابوة وايدهـ وراس اخته مهـآ ولمـى ولو بإيدهـ كـآن سلم على شغالتهم بعد ( خخخخخخخخخ ^,^ ) ..
ضحكوآ عليه وعلى هباله وفرحته وهو مستعجل يبي الملكه والخطبه والزوآج بيوم وآحـد .. ويبي يسوي بـ عرسه شئ مـآقد حصل .. كـآن يبي كل شئ أسطوري وخيالي مثل مـشـآعرهـ الأسطوريه ألحين .. اللي موقـآدر يوصفهـآ بشئ ..
أمـآ لمـى كـآنت كل الوقت ملتزمه الصمت ومـآتعلق على شئ وكل اللي عليهـآ تبتسم إبتستآمه بـآهته وتبارك لأخوهـآ وترجع لعـآلمهـآ المؤلم بالنسبه لهـآ ..
\
/
\
الدمـآم – حي 91 ..
جـآء من برى وهو يجلس جنب أمـه ويقول بسرعه : هـآهـ يمه بشري إتصلت علي ريم تقول أنك كلمتيهم .. وآفقوآ ؟؟
ضحكت أمه عليه وقالت : سـلآمـآت وآفقوآ من الحين ؟؟ توني كلمت اخطب بس ,, وبيني وبينك ممكن يرفضون لأن البنت صغيرهـ وباقي لهـآ سنه بالثانوي وأكيد تبي جـآمعه يعني مطووله شوي ..
حس بخوف من هالفكرهـ بس قال : لا لا إن شاء الله .. يمه إنتي قولي لهم عـآدي رآضي تدرس وإحنـآ متزوجين أو ع الأقل نملك الحين وبعد الثانوي نتزوج .. بس أهم شئ يوافقون و توافق هي أهم ..
قالت أمـه بنظرهـ : نفسي أفهم سر تعلقك فيهـآ وإصرارك عليهـآ .. وش معني هي بالذات من بين البنـآت كلهم ؟؟
طـآلع بأمه وضحك وقال : يمـه القلب ومـآيهـوى .. وبداخله يقول ( لازم أحميهـآ قبل لا احد يأذيهـآ ) ..
\
/
\
الخبر – حي الحزآم الذهبي ..
خلصت مذاكرتهـآ وجلست تدق على جوآل لمـى تتطمن عليهـآ ليش طلعت من المدرسه اليوم بدون ماتعطيهـآ خبر ؟ .. بس لمـى مـآترد إستغربت وخـآفت عليهـآ بس نزلت تحت تشوف أبوهـآ إذا رجـع والا باقي بالدوآم مثل عـآدته أحيانـآ ..
مـآلقته موجود وكلمتـه قال إنه مشغول شوي ومضطر يتأخر زيـآدهـ .
و خـلى عـزآم يطلع البيت وصار كل الشغل عليه بس طلبه يجيب من مكتبه اللي بالبيت اوراق وقالهـآ تجهـز القهـوهـ له ع بال مايجي وياخذ الأورأق بنفسه من المكتب لأن فاتن مـآرآح تعرف وين هي أو وش نوعيتهـآ ؟؟
قالت للخدم يجهـزون الضيافه ويحطونهـآ بالمجلس له ..
و رآحت تتطمن على اخوآنهـآ بس شـآفت وليد بس يبكي ويبغى أمـه كـآن قلبهـآ يتقطع عليه ..
كيف يتعذب وينحرم من حنـآن أمـه وهي موجودهـ معـآهـ بنفس البيت ..
قامت مصرهـ ع الخطوهـ اللي بتتخـذهـآ وأخذت مفتـآح الجنـآح حق أبوهـآ ومنى من مكتبه وطلعت مع وليد ومنـآر والخـآدمه اللي خلتهـآ تحضر الغدآء بصحن وتطلع معـآهـآ تدخله لهـآ ..
وصلت عند الجنـآح وفتحته ودخـلوا الصغـآر يركضوا يدوروا على امهم وين ..
بس وهي واقفه بنص الصاله الكبيرهـ التابعه للجنـآح سمعت صون تكسير أشيـآء وصرآخ فظيع وبكـآء حـآد خـآفت أكثر وجرّت أخوآنهـآ قبل لايدخلوا الغرفه الأساسيه اللي فيهـآ أمهم بس هم كـآنوآ أسرع منهـآ ودخـلوا ركضت ورآهم وشافتهم كيف إرتدوا على ورآ بخوف من شئ يشوفونه قربت لحد ماصارت جنبهم وصدمهـآ اللي تشوفه ..
الغـرفه كلهـآ مقلوبه رأسـآ على عقب ..
المـلآبس كلهـآ متشققه ومرميه ..
التحف والأبجـورآت الفخمـه مكسرهـ ..
وهي حـآلهـآ بجد يرثى لـه ..
شعـرهـآ منكوش بشكل مرعب ..
مـلآبسهـآ متشققه ..
وآثـآر الضرب على جسمهـآ ووجههـآ من أمس ..
وجروح جديدهـ ينزف منهـآ الدم والوآضح إنهـآ هي اللي جرحت نفسهـآ ..
صحت فاتن من سرحـآنهـآ على صوت منى وهي تصرخ وترمي علبة العـطر على مرآيـة التسريحه بكل قوتهـآ وتركتهـآ تتكسر وتتطـآير أشـلآئهـآ بأنحـآء الغرفه ..
صرخـوآ الصغـآر لمـآ شـآفوآ أمهم بهـآلمنظر وصاروا يبكون بخوف ورعب وهم متخبين ورآ فاتن المصدومـه للآن ليش منى سوت كل ذا ؟؟
وكل اللي يدور ببـآلهـآ ..
وش اللي خـلآهـآ تصير كذا زي المجنونه وتكسر الدنيـآ ؟؟
أبوي عمـرهـ مـآضرهـآ بشئ أو أهـآنهـآ أو ضربهـآ إلا هـآلمرهـ ,,ودآئمـآ يحترمهـآ قدامي وقدام الكل ..
وأنـآ مـآعمري غلطت عليهـآ بالرغم من تعـآملهـآ الزفت معـآي ..
وكنت أستر عليهـآ قدام ابوي ولا اقوله عن عمـآيلهـآ السودآء فيني ..
وأخـوآني .. هي رآميتهم ع الخدم 24 سـآعه لولا الله ثم انا وابوي كـآن الله العـآلم عن حـآلهم .. يعني مـآ أظن كل هالجنون عشـآن عيالهـآ ..
إستوعبت اللي تشوفه بـ منى وهي تجـر منـآر ووليد من ورآ فاتن وتقول بـ صراخ : أنـآ أمكم تعـآلوآ عندي .. لا تروحون عند هالـ .... اللي تحرمكم مني .. تعـآلوآ أقولكم ..
كـآنت تشد الصغـآر وصراخهم يزيد من الخـوف ..
تعـآملهـآ معـآهم كـآن وحشي مرعب ..
أرعب فاتن بكبرهـآ كيف بهـآلصغـآر ..
شدتهم فاتن بـ خوف من يدهـآ وهي تقول : يامنى عيب هـآلكـلآم .. وعيالك أخوآني .. حرام عليك اتركيهم كذا ارعبتيهم شوفي صراخهم كيف ..
لفت عليهـآ منى زي الملسـوعه من عقرب وهي تقول : إنتي .. إنتي بعـد يالكلبه دآخله هنـآ وتبي تـآخذي عيالي مني .. ؟؟ مو كفـآيه خليتي أبوك يضربني قدامك ويذلني قدام حتى الخدم وعيالي ..؟ مو كفـآيه حرمتيني من حقي كـ عروس اني آخذ راحتي ببيتي من تزوجت أبوك ..؟ مو كفـآيه إنك مـآخذهـ جمـآل أمك الكـآفرهـ وتذكرين أبوك فيهـآ اللي مـآنسـآهـآ للحين ؟؟ موكفـآيه إنك مـآخذهـ إهتمـآم النـآس ونظراتهم كل مارحتي معـآي لـ مكـآن ؟؟
قربت من فاتن وقامت تشد شعـرهـآ زي المجنونه بدون أي رحمـه وهي تصرخ وتردد : مو كفـآيه ؟؟ مو كفـآيه ؟؟ مو كفـآيه ؟؟
وفاتن تبكي وتصرخ ع الخـدآمـه إنهـآ تطلع الصغـآر برى الغـرفه ..
طلعت الخدآمـه الصغـآر وطلعت تركض برى بتنـآدي حـآرس الفيـلآ يدخل ينقذ فاتن من بين إيدين المجنونه ذي أو يشوف له صرفه معـآهـآ بس تفـآجأت بالحـآرس يفتح البـوآبـه لسيـآرهـ أفـآلون بيضـآء وصـآحبهـآ عرفته من كثر مـآكـآن يجي لـ أبو وليد بالبيت ..
راحت تركض عليه أول مـآشـآفته نزل وسكر باب السيـآرهـ وهي تصرخ :
M.r .. M.r Please Come With Me Quiqly Quiqly Please ..
جمـد مكـآنه من الخـوف .. وش تبي ذي .. وين أروح معـآهـآ ..
شـآفهـآ تسحب يدهـ وتصرخ :
Please M.r Help Miss Faten ..
زآد خـوفه يوم سمع إسمهـآ بس صرخ عليهـآ :
What Hapining ??
ردت الخـدآمـه بلغه عربيه مكسرهـ وهي تبكي :
مدآم منى فيه يضرب ميس فاتن يضربهـآ قوة قوة قوة .. مدآم منى فيه صير مجنوون .. بليز بليز تـآآل ( تعـآل ) شوف سرأهـ سرأهـ ( بسرعه ) ..
ركض معـآهـآ مثل المجنون وشـآفهـآ تطلع الدرج بسرعه وهو يتبعهـآ لأنه مـآيعرف بالبيت شئ .. أول مرهـ يتعدى الصـآله ويدخل دآخل البيت ..
شـآف كبر البيت ووسعـه ولف ع الخـآدمـه وين توجهـت وركض ورآهـآ وقلبه يضرب بقوووة ..
سمع صرآخ وسب وشتم وهو يدخل الجنـآح وسمع صوت فاتن تبكي وتقول : فكيني حـرآم عليك مـآعمري أذيتك بشئ ,, آآآآآآهـ حرام عليك ..
وصوت ثاني عرف إنه منى يصرخ بكل قوة وجنون : حرام علي .؟؟ والله لأذبحك يابنت الكلب .. والله لأفضحك بين النـآس وأشوهـ سمعتك الخـآيسه مثلك يابنت الكـآفرهـ .. والله لأوريك العذاب على أصوله ..
دخل بسرعه وشـآفهـآ مـآسكه مبرد الأظـآفر الحديد وراسه مثل السكين وتسحب فاتن من شعـرهـآ وتسحبهـآ على ورا عشـآن توصل لـ وجههـآ وفاتن تقـآومهـآ بحركـآت يدهـآ السريعه بوجـه منى وكأنهـآ تخربشهـآ وتبعدهـآ عنهـآ ..
وقف عند البـآب وهو يصرخ : إتركيهـآ ياحيـوآنـه ..
لفت منى وشـآفت هـآلشـآب اللي له هيبه ووسـآمه كبيرهـ وصرخـت : مين إنت ؟؟ ووش تبي ؟؟ إييييييه أكيد إنت من اللي تعرفت عليهم هـالـدآشرهـ .. وجـآي تقـآبلهـآ ألحين صح ؟؟ صح ؟؟ ( كـآنت تتكلم مثل المجنونه بـ جد وهالشئ خـلى عـزآم يصدق الخدآمه إنهـآ مجنونه )
ركض لهـآ وهو يشوفهـآ ترفع المـبرد ونـآويه تشوهـ وجـه فاتن فيه ..وهي تقول بـ حقد : هالجمـآل اللي خـآدعه فيه النـآس بأمحيه .. بأمحيه .. بأمحيه ..
بس مـآحست إلا بإيد تجر إيدهـآ وتضربهـآ أقوى كف على وجههـآ وتطيحهـآ ع الأرض ..
إلتفتت إلا ونفس الشـآب اللي دخل يضربهـآ توجهـت له بسرعه وهي ترفع المبرد وتقول : أنـآ تضربني عشـآن هالـوآطيه يالـوآطي ؟؟و الله لأعلمك إنت وياهـآ قدركم ..
وبس توجهـت له مسك يدهـآ بقوة وسحب المـبرد منهـآ بس هي ضربته فيه على ذرآعـه وجرحته بقوة لحد مـآشـآفت دمـه يطلع من شق ثوبه اللي شقته فيه ..
رمـآهـآ بقوة ع الأرض وهو يمسك ذرآعـه ويتألم ويجر فاتن لـ ورآ ظهـرهـ وهي منهـآرهـ والخوف ينطق من عيونهـآ ولا إرآدي تمسك بظهرهـ كأنه مصدر الأمـآن الوحيد لهـآ .. بس بنفس الوقت كـآنت تردد ببـآلهـآ ( ليش انت اللي جيت .. ليش .. ليش مـآجـآء أي أحـد غيرك بس مو إنت ؟؟ )
وقال عـزآم بصوت يخوف وهو يأشر عليهـآ بإستحقـآر : مـآكذب عمي يوم قال إنك حيه من تحت تبن .. وإحنـآ أشرف منك ومن اللي جـآبوك يالـ حقيرهـ .. ولعلمك هـذي خطيبتي وأنـآ جـآي أزورهـآ بأمر عمي .. لكن إنتي مستوى تفكيرك منحـط من مستوآك تشوفين كل النـآس مثلك ..
مااقول إلا تفـوهـ على هالأشكـآل .. ( وتف عليهـآ ) ,,
بس تفـآجـأ فيهـآ تصرخ وتصرخ :خطيبهـآ ياولد الفقر .. الله لايهنيكم ببعض يالزبـآله (وإنتو بكرامه ) ... والله ما أخليكم لـحد مـآ آخذ بحقي منكم ياحيوانـآت ..
قرب من عندهـآ وهو بقمـة عصبيته وسحب شعـرهـآ وقال بصوت مرعب أكثر : ورب البيت .. لو أسمع أو بس أحس إنك قربتي من فاتن أو حتى بس كلمتيهـآ لـ يكون حسـآبك معـآي أنـآ مو مع عمـي وبيكون عسير .. فإلتزمي حدودك وإبلعي لسـآنك .. صرخ أكثر .. فـآهمـه ؟؟
هـزت رأسهـآ بـ إيه وهي ترجف من الخـوف ومـآ كأنهـآ الوحش الكـآسر اللي قبل دقايق ..
رمـآهـآ ع الأرض بإشمئزاز وإحتقـآر ومشى عنهـآ بس شـآف فاتن حـآطه يدهـآ على فمهـآ وتبكي وشعـرهـآ مغطي وجههـآ ..
مـر من عندهـآ وقال بدون مـآيطالعهـآ ولاف وجهه عنهـهـآ : إمشي برآ ..
حس فيهـآ وأقفه مكـآنهـآ ومـآتحركت .. وقف شوي ولف بطـرف عينه بس وشـآفهـآ ترتجف بشكل موطبيعي ..
خـآف عليهـآ بس مـآيقدر يروح لهـآ وقال بصوت أعلى وباين فيه العصبيه : يابنت تعـآلي برآ .. تعـآلي قبل لا هـآلمجنونه تسوي لك شئ ..