[إشراقة أمل]

طرح في الصميم ..

احنا كَ عرب .. كثيييير منا اللي يتبع نهج خاطئ مع الأطفال ..

يعني مهما حاولنا نتجنب كثير من النقاط العشر اللي ذكرت .. تبقى علينا زلات .. وإن كانت بسيطة

إلا انها تصير أحيانا ..

ولو صارت بالغلط .. يبقى أثرها أقوى في الطفل، لأن ما تعودنا نقول أو نسوي ها الشي له او قدامه ..

..

يبي لنا ندرب أنفسنا أكثر على تجنب النقاط العشر كاملة بدون خطأ أو نسيان ..

والله يعيننا على تربية أبنائنا على الحب والتشجيع والمدح والاحترام .

:

أذكر موقف صاير مع واحد وولده الصغير ( بالمزح ) ..

كان رايح سوبر ماركت .. ويوم خلص جا يحاسب .. خلص الكاشير حساب الاغراض

قال له الرجّال .. وهذا بكم " يقصد ولده " ؟ وهو يمزح طبعًا ..

بس حزت في نفس ولده .. كسر بخاطره وحسسه انه غير مرغوب فيه ..

وهذي حاجة خطأ ما حسب لها حساب الأبو ولا كان يقصدها من أساس !

،

برضو فيه نقطة مهمة ..

نقطة محيط اختلاط الطفل بالخارج ..

يعني لو طبقنا مبدأ الأربع الإيجابية، قد يكون لمحيط الطفل الخارجي ( مثل أقاربه الأطفال أو أطفال الجيران أو أطفال المدرسة ) أثر سلبي

ما نقدر ما نخلي الطفل يحتك فيهم، ولا نقدر نربيهم بطريقة صحيحة ما دامهم تربوا على حاجة ومنهج معين مع أهلهم ..

فهذا يُعد عقبة في طريق تربية طفل إيجابي وناجح ..

وأحيانا ..

يتعارض مبدأ تربية الطفل على الأربع الإيجابية مع ذات الطفل ،

فقد يكون طفل دلوع أو الثقة الزايدة ( تصير شخصيته قوية ) تخليه احيانا يتطاول على غيره واللي أكبر منه ..

وعشان نمنع ها الشي .. يمكن نغلط في الأسلوب .. ونرجع لنقطة البداية ! والدائرة تدور ..

بصراحة تربية الطفل مسؤولية صعبة ومو الكل يجيدها ،

..

سبحان الله ..

جزيل الشكر لهذا الطرح القيم