منتديات الطرف - ياصاحبي لاتحسب إني مجافيك

ياصاحبي لاتحسب إني مجافيك

ولاتحسب إن الصد مني تغلي

أنا هواي ورغبتي كلها فيك

مالي بغيرك غاية لو حصلي

في ذمتي ماأحد بعيني يساويك

أنت الذي تملك حياتي وكلي

خذني معك خاتم بأصابع أياديك

أو نجم صيف في سماك متعلي

أفز من نومي ليا مر طاريك

وأتعوذ من ابليس وأقوم أصلي

لأحتجتني فأعرف تراني حواليك

طيفك معي دايم ترى مثل ظلي

أشتاق لك وبغالي الروح أفديك

ولاشفت زولك قمت أرحب وأهلي

وأبيع كل الناس لجل إني أشريك

وسيف الجفا في وجه غيرك أسلي

فتحت لك باب الغلا والشبابيك

تعال وأسكن خافقي وأستحلي

بسقيك من نبع الغلا كيف ما أسقيك

ما دام قلبي لك مقر ومحلي

وأسهر معاك الليل كله وأناجيك

أشرح لك همومي ولاتستملي

وأبقى على عهد المحبه مصافيك

وأعيش أنا وياك خل وخلي

آمر تدلل لوتبي عين مغليك

ماأبغى عيوني دام عينك ضواً لي

من قال لك إني أنا ميت فيك

لا والله إلا في غرامك مولي

تبغاها بالمصري انا موت بعنيك

إزاي سرقت القلب تعال قلي

خلاصة الموضوع وشلون أجافيك

وانت الحبيب اللي لعمري يسلي

وختامها بعداد ماقيل لبيك

على رسول الله اسلم وأصلي واله

عليهم أفضل الصلاة والتسليم

طير القوافي

أهداء خاص(ma)

تحياتي :ارق:bye1: