منتديات الطرف - نهوااك يا حيدر ..... نفدااك يا حيدر - عبد الجليل الكربلائي

بسم الله الرحمن الرحيم
اللهم صل على محمد وال محمد وعجل فرجهم

الرادود عبدالجليل الكربلائي
الشاعر جابر الكاظمي

نـهـواك... يـا حـيدر ... نفداك... يا حيدر
نحيا إوياك إنموت إوياك ... وشتسوى الدنيه ابلياك

يـا مـن إبمعناك كل هم ينجلي... يا محيط الجود
حـبـك إورثته يحيدر من هلي ... يشهد المعبود
إجعلك ربك حجه للناس وولي ... هالأمر مشهود
إقـلوبنه إبتهجت الليله يا علي ... إبفرحة المولود
هـالـصـوت يـا حيدر ... هالصوت يا حيدر
من قلب العاشق ناداك ... وشتسوى الدنيه ابلياك

يـا مـنـار العلم يا تاج الوفه... معجم الأسرار
بحر إنت ايفيض حكمه و معرفه ... منجم الأفكار
بـدرك الـوضاح ما يوم إختفه ... يبعث الأنوار
خـالـقك خاواك ويه المصطفه... يا إخو المختار
مـحـبـوب يـا حـيـدر... محبوب يا حيدر
و إحنه العشاق و نهواك ... وشتسوى الدنيه ابلياك

مـعجزة معناك هالعالم شهد ... و مجمل التكوين
مـا سـواك ابكعبة الباري إنولد ... يا منار الدين
إبفضل عزمك رب الأكوان إنعبد... يا بطل صفين
عـالـعهد وياك منخون العهد ... اشما تمر اسنين
لـلـمـوت يـا حـيـدر... للموت يا حيدر
نـبقى إوياك و حبيناك ... وشتسوى الدنيه ابلياك

كلمن ايودك يمثلك بالورع ... و خالص الأعمال
و الـيـحبك ما يفكر بالطمع ... إشتنفع الأموال
يـمن حبك وسط القلوب إنطبع ... كعبة الآمال
هـذا صوتي بإسمك اليوم إرتفع... و اليودك قال
مـنـعـوف يـا حـيـدر... منعوف يا حيدر
اليتبع حبك ما ينساك ... وشتسوى الدنيه ابلياك

http://www.youtube.com/watch?v=ebfOF...layer_embedded

تحياتي

دي ماريا :)