|
رسالة تناقلتها زوجات سعوديات أزعجتني
السلام عليكم
رسالة تناقلتها زوجات سعوديات أزعجتني لقد اثار إهتمامي رسالة تتناقلتها زوجات سعوديات عن اللي تبي الدلع والكلام الحلو وين تلاقيه. فحوى الرساله؛ إن اللي تبي الدلع تاخذ لبناني واللي تبي الكلام الحلو تاخذ سوري واللي تبي..... واللي تبي..... واللي تبي الأجر تاخذ سعودي عاد الأخيره هي الي أزعجتني وحبيت أقول لهم العاقل يفهم من غمزه والجاهل يفهم من رفسة معلومة أفتتح فيها رسالتي: أنا من بيئة زراعية تؤمن أن الأرض الطيبة تعطيها تعطيك، وكثر ما تهتم فيها يكون الثمر أطيب. إلى كل إمرأه سعودية تعتقد أنها مأجورة لأنها مآخذه زوج سعودي..... إلى كل إمرأه سعودية تعتقد أنها فاقدة الدلع مع زوج سعودي..... إلى كل إمرأه سعودية تعتقد أنها فاقدة الرومانسية مع زوج سعودي..... إلى كل إمرأه سعودية تعتقد أنها فاقدة الكلام الحلو مع زوج سعودي..... إلى كل إمرأه سعودية تعتقد أنها مظلومة عاطفيا لأنها مع زوج سعودي..... إلى كل امرأة سعودية تبحث عن زوج حق دلع ولا كلام حلو..... أختي الفاضلة: أجلسي مع نفسك صباح يوم من الأيام بعد أن يغادر زوجك السعودي إلى العمل. راجعي يوم الأمس الذي مضى لحظة بلحظة، وأجيبي عن الأسئلة التالية: صباح الأمس الباكر؛ من أيقظ زوجك للعمل؟ أنت أم الساعة المنبهة؟ إذا كانت الساعة؛ أين كنتي؟ إذا كنتي أنتي؛ كيف أيقظتيه؟ وبأي صوت نبهتيه؟ وفي أي صورة كنتي عندما تفتحت عينيه؟ بعد أن استيقظ، ودخل الحمام للدش؛ هل وجد حمامه جاهز؟ لما خرج والأمل يحذوه في وجبة إفطار؛ هل كنتي جهزتي له إفطاره؟ (ولا كوب قهوة وكيك على المكتب) قبل أن يخرج للعمل؛ من أين أخذ ملابسه؟ (من بين يديك ولا من الدولاب) هل ساعدتيه في لبسه؟ (وكشختيه وعطرتيه) بعد اللبس (وقت الخروج)؛ هل من مودع؟ ولا أحسن إختاري أجابه واحدة مما يلي: 1- خرج وأنا نايمه. 2- صحيت من حركته في البيت، فتحت وحده من عيوني وقلت: وين رايح، العمل؟ بالسلامة. 3- كنت جالسه بالصالة، وهو خارج قلت له لا تنسى الأغراض اللي وصيتك عليها. 4- رافقته للباب، وكان وداع حار. ( تبين مساعدة، نحذف إجابتين؟ بس المشكلة مانقدر نحذف إلا إجابة وحده بس!!!) لما وصل المكتب (طبعا إذا قام يفطر الشباب بالمكتب عرفوا وش أنتي من حرمه)؛ هل أتصلتي فيه تطمئنين عليه إنه وصل بالسلامة؟ تالي النهار وهو راجع البيت من العمل، دق الجرس ( معه مفتاح بس يبي أحد يفتحله و يحسسه إن له وحشه)؛ هل أستقبلتيه؟ وشلون؟ بدا ينزع ملابسه؟ هل كنتي معه ونزعتي له ملابسه و..و.. ثم علقتيها بالدولاب؟ (ولا منطوله بطرف السرير) يبي يدخل الحمام ويأخذ دش؛ (كرري السؤال حق دش الصباح). بعد الدش يبي استرخاء، رجليه تألمه من الوقفة طول النهار والمشي، جسمه هلكان؛ هل ريحتيه؟ (طشت مويه وملح وهاتك يا تدليك) الآن يبي غفوة قبل ألغدا، هل ساعدتي على توفير الجو الهادئ؟ لما صحي؛ هل وجد ألغدا جاهز ولا هو اللي جابه معه من المطعم؟ بعد ألغدا أكيد يبي شاي، هل قدمتي له الشاي، وجلستي معه سوالف عن كل شيء، وكيف كان يومك؟ الآن فتره مستقطعه إلى الليل، وشلون قضيتوها؟ بالليل وقبل النوم على الأقل ساعتين (إذا فيه عيال أكيد ناموا)؛ وش كنت لابسه؟ كيف رائحتك؟ وشلون صورتك وهيئتك أمامه؟ خلال الساعتين: وش من جو عيشتيه فيه؟ يمكن تتابعون فلم ولا مسلسل وسواليف، بس الجو العام شلون؟ وقت النوم، وأنتي رايحه السرير؛ وش كنت لابسه؟ كيف وضعية النوم مع زوجك؟ (وضعية حنان ولا كأنكم أثنين أصدقاء استأجروا غرفه بفندق وما لقولهم إلا غرفه بسرير واحد (كنج بد) وكل واحد نايم بجهه) باختصار لكل الأسئلة السابقة: هل كنتي أنثى مع زوجك السعودي وعيشتيه جو زوج وزوجه؟ طبعاًَ هذى مو كل الأسئلة المطلوبة من زوجه أنثى، لكن المهم منها والمطلوب حتماًَ وحق الزوج فيها. إلى كل امرأة سعودية تبحث عن زوج حق دلع ولا كلام حلو: ضعي درجه من 100 على كل سؤال، ووزعيها بحسب الأهمية، ثم أجيبي الإجابة الصحيحة، ومن ثم اجمعي الدرجات التي حصلتي عليها. كم مجوع الدرجات أللتي حصلتي عليها؟ 0% ولا 10% ولا 50% ؟ طبقي النتيجة على المعلومة الزراعية التي أعطيتها أول الرسالة عن الأرض. إعتبري النتيجة هي نسبة اهتمامك بالأرض. والأرض زوجك كيف بتكون الثمرة اللي تحصدينها؟ (الثمرة أكيد الدلع والكلام الحلو و... و....) اسألي مزارع إذا احتجتي مساعدة. في النهاية: أتمني من المرأة السعودية اللي تبي الدلع ما تأخذ لبناني، واللي تبي الكلام الحلو ما تأخذ سوري واللي تبي...واللي تبي....واللي تبي.... معلومة أختتم فيهاموضوعي: تعرفون ليه الزوج السعودي يفغر لما يشوف امرأة متبرجة وتطيح سعابيله. تعرفون ليه الزوج السعودي أكثر رجل في التاريخ متواجد في القهاوي والاستراحات؟ تعرفون ليه الزوج السعودي لما يجلس وزوجته يتابعون التلفزيون وتطل المذيعة عيونه مفنجله بالشاشة. تعرفون ليه الزوج السعودي لما يتزوج من سوريه ولا مغربيه ولا...ولا... يحس إن فعلاًَ فيه جنس آخر بالكون غير الذكور. لأنه في الأصل عايش مع واحد من ربعه. منقول من الواقع و أنا برأيي الشخصي انه لو فيه زوجة تسوي ما ذكر أعلاه ما راح زوجها يفكر مجرد تفكير بالزواج عليها إلا إذا كان مجنونا أو مريضا نفسيا. ملاحظة هامة / الموضوع طرح بهذا الأسلوب كتذكير للمتزوجين و المتزوجات و المقصرين والمقصرات فقط . دمتم بوافر الودّ والمحبة تحياتي لكم نبض الروح |
رد: رسالة تناقلتها زوجات سعوديات أزعجتني
اللهم صل وسلم على محمد وآل محمد رساله يصل بها البعض إلى السذاجه والغباء وأنحطاط الفكر في طيت الواقع لكل أنسان يملك مقدره على تحسين أوضاعه كيفما يريد لآ أن يتوقف ويتمنى مايريد دون أن يعالج مافي داخله فما أدري هل الاخرين من كوكب أخر ..!! من يفكر بهالطريقه أعتقد عقليته فيها خـلل وناقصه النمو والفكر الثقافي التعليمي وناهيك عن قانون دولتك ومايترتب عليك من هذا الزواج وغير المشاكل البعض الذي خاضها من الزوج العربي أو الاجنبي وهذا اذا ماكان ينظر إلى الفتاة صفقه تجاريه تزوجها لانها تملك من وإلى وليسا حبآ فيها ونادرآ نجد زواج رجل عربي من فتاة سعوديه ناجح بغض النظر عن الاقارب أكثر الحالات تعارف كثير من هالرسائل يتم تداولها وأكثر وهذا عقول البعض لاتزال في دوامة الجهل والغباء من زرع حصد - لا نتظر من الاخر أن يعبر لنا عن مشاعره فلـ نعبر نحن عن مشاعرنا طلما نحن وهو شخص واحد زوجين نعيش مع بعضنا وهذا ماتعلمنا من ديننا الكريم نبض الروح يعطيك العافيه على الطرح الجميل تحيـآإتي لك :arabdz1: |
رد: رسالة تناقلتها زوجات سعوديات أزعجتني
أوافقك الرأي أختي نبض الروح موضوع في غاية الأهمية ولكن لا ننكر أن بعض الأزواج يبحثون عن الرومنسية الوهمية يسعون وراء سراب الجنسية يعني يقول له واحد من ربعه والله خذ لك لبنانية تعيشك مهند وهي نور , أعتقد أن بعض الزوجات يحتجن إلى توعية ببعض ما ذكر في موضوع , في الختام أعتقد أن الزوجات السعوديات فيهن الخير والبركة ولكن غياب الجانب التوعوي سواء من طرف الأهل أم من طرف البنت نفسها له دور في هذه المشكلة , ليش ما تحضر دورات ما قبل الزواج لأنني أرى أن لها الأثر الكبير في حياتها الزوجية , ولا ننسى أن نلقي قليل من اللوم على الزوج فهناك من لا يأبه لتصرفات زوجته تجاهه .
شكرًا مرة أخرى لك أختي وإعذريني على الإطالة تحيات عبود 15 |
رد: رسالة تناقلتها زوجات سعوديات أزعجتني
ماخلى احساس قاتل ولا عبود15 كلام نقوله ماقصروا والله وكلامهم كلا صحيح
نبض الروح يعطيك ربي الف عافيه على هيك طرح مميز وراقي اللحن الحزين |
| الساعة الآن 05:51 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
ما ينشر في منتديات الطرف لا يمثل الرأي الرسمي للمنتدى ومالكها المادي
بل هي آراء للأعضاء ويتحملون آرائهم وتقع عليهم وحدهم مسؤولية الدفاع عن أفكارهم وكلماتهم
رحم الله من قرأ الفاتحة إلى روح أبي جواد