منتديات الطرف - من أروع ما قيل عن أصول المربى و عن الوالدين...

منتديات الطرف (www.altaraf.com/vb/index.php)

- همس القـوافي وعذب الكلام (www.altaraf.com/vb/forumdisplay.php?f=17)

من أروع ما قيل عن أصول المربى و عن الوالدين...

من أروع ما قيل عن أصول المربى و عن الوالدين...
خنقتني العبرة... لذلك اترككم المتألق دوماً :
الشاعر ثامر شبيب..
اترككم مع القصيدة مكتوبة
و هذه الكلمات...:

بيت يا بيت الكرم و المواجيب || للحين شامخ بين طول العمارات

تدري و ش اللي مبعدن عنك العيب || و اللي رفع قدرك بجنب الطويلات

راعيك باني طوفتك طيب من طيب || و الساس من عزة و مهابة ومروات

ديوانك امشرع إلعكف الأشانيب || بأدهلك يا قاطع ديارن بعيدات

اليا لفاها الضيف يبشر بترحيب || جت السمينة من يدين(ن) كريمات

عند الجماعه أفتخر والأجانيب || إني ربيت ابيت راع الصعيبات

حلال عسرات الامور النواشيب || ماكنها عنده نشيبة و عسرات

الله يهونها على العود ويطيب || ويغفرله الله ويرحمه لكل مافات

يابوي لافترت اعظامك من الشيب || اخذ من اعظامي عظام(ن) بديلات

يومنها حر وشموس و لواهيب || يصير ظلك فوق راسي مظلات

ويومنها برد(ن) يسل العراقيب || دفاني بشتك واحتظني من الذات

تعطي ولا ترجي وراها مكاسيب || الا من الله رب عرش السماوات

يمناك لامدت تمد مدها غيب || كنك تقول الطيب يا ناس بسكات

علمتني ان الكرم والعذاريب || ماتجتمع لو يرجع الحي لامات

وانا ولدك اللي قضبت المقاضيب || في طاعتك ملزوم في كل الأوقات

دامك بوسط البيت تامر و انا اجيب || ماعذربت بيتك اطوال العمارات

صوتك و صوت امي اكبار المكاسيب || لايابعد صوتي وبعد كل الأصوات

’’ ثامر شبيب الرشيدي ’’

ممـا راق لـي
دمتم بخير