من فوق .. ليه المطر ياطاح من طين
,,,, لو ما القلوب السواد \ اكثرهـ يغشاهـ

الطيّب بوقتنا هذا ( مسيكين )..!!
,,,, يصدّق الناس / والناس اتّغَاْباااااه ..

والموقف اللي جرالي .. قبل يومين
,,,, علّمتني فيه.. درس ( امووت ماانساااهـ )..

علمتني انّك / المتكبّر .. ( الشين )
,,,, ونسيت هالكلمتين : ( الكبر لله )..!!

اخلصت لك كنّي آعرفك من سنين
,,,, وفرحت لك.. فرحة الطفل بهداياهـ

زرعت في داخلك ورد ورياحين
,,,,وقطفت لك من خفوقي ماتمناهـ

حسيت بك.. لين شفتك بالملايين
,,,وحسستك انكـ كثير / ولالكـ اشباهـ

شريت .. ( مرسم / وكراسه / وتلوين )..
,,,,, ورسمت قلب .. وسهم حــــب يتمثناهـ

وكتبت حرفي وحرفك.. ( بين قوسين )
,,,,, ياليتني مانسيت اجيب .. ممحاهـ ..!!

محتاجها اليوم .. لكن / ربّكـ يعين
,,,, هـــذي نهاية طريـــق الـ / لامـــبالاة /

معك على الخط مافكّرت الى وين..؟!!
,,,,, مشغول بكـ / هم / واشواق / ومعاناة

وصدمتني .. بس .. جت في صدري يمين
,,,,, ومن قوّها في يسار.. القلب قال: آآآآآهـ

ومع اني استخسر اكتب فيك ( بيتين )..
شف الشعر جاكـ / ياطيبه / من اقصاهـ

اقول للشعر ليه ؟! وقال: بعدين ؛
( ياجاك بعدين ذكّره بسواااااااياه )..!!


.