منتديات الطرف - اذا تريد ان تعرف الشخصيه الحساويه فستعرفه هنـا

منتديات الطرف (www.altaraf.com/vb/index.php)

- •» زوايـا عامـة «• (www.altaraf.com/vb/forumdisplay.php?f=4)

اذا تريد ان تعرف الشخصيه الحساويه فستعرفه هنـا

كــيــف تــعــرف الــشــخــص أنــه حــســاوي

تلاقيه بسيط , طبيعي , سموح , وسيع صدر , وعلى نياته

اذا طق عليك الباب عطاك سله فيها رطب خلاص او غر واذا جى وقت الصرام ما نساك من التمر الزين

تلاقيه غارس في بيته فسيله وتشوفه مهتم فيها بنفسه

تلاقي عنده سيارتين , الاولى كابرس يروح عليها الشغل , والثانيه سوبر حق طريق مكه

تلاقي طموح ابناءه اذا تخرجوا من الجامعه انهم اما يصيرون مدرسين في الحكومه او مهندسين في شركة ارامكوا , وازيدك من الشعر بيت .. كل واحد منهم يبي يتزوج مدرسه ويسكن في شقه لحاله

اجتماعي من الطراز الاول , يعني ما تمل من سوالفه

يزعل لكن قلبه ابيض بسرعه ينسى وعلشان كذا ما تلاقيه حقود .. واذا كان حقود يعنى شاذ عن القاعده

اذا شاف شي غريب اول مره يشوفه او يسمع فيه .. قال .. الله شذشذا ..

اذا قلت له... على كيفك... رد عليك وقال... ما يحصل

اذا جاء شهر رمضان طق عليك الباب وعطاك صحن هريس من طبخ ام عياله وتلاقيها متنغصته حق زوجتك

اذا طلع تقاعد... تلاقي طموحه عماره في الخبر او الدمام... ومزرعه في الحسا فيها بركه سباحه .. وتنور حق المندي

يخاف من العين .. علشان كذا تلاقيه يقول لك .. قول ما شاء الله

اذا كان ساكن في الدمام , الخبر , الظهران , الجبيل او اي مدينه اخرى , وجا ء يوم الاربعاء حرك ونزل الحسا , و فوق كذا يحب يقضي العيد يم اهله وجماعته هناك..

ما ينساك في العزايم والمناسبات , يعرف الاصول وكريم

اذا شميت ريحة المشموم ' الريحان ' في بيتك اعرف ان زوجته كانت تزور زوجتك

يستانس وينبسط الى من شاف له ناس من اهل الأحساء

ما شاء الله عليكم يالحساوية كل الشيم الطيبة فيكم

رد: اذتريد ان تعرف الشخصيه الحساويه فستجده عبر منتدى الطرف

فديت الحسا واهلها وريحتها وارضها ..
مشكووور بووسام على الموضوع ..

اختك
قيثارة ..