لا عـاد تجينـي ولا اجيـك معـاد حبـي يبـيـك
خلـك بعيـده ولا تزوديـنـي هـمـوم وأحــزان
لا لا تقوليـن اليـوم قلبـي يــا قلـبـي ينـاديـك
وقلبك يقول فيني ابعد الفـراق حصـل وكـان
يمـا طلبتـك ويمـا حطـيـت كــل الـرجـا فـيـك
وفـي جـوف قلبـك فـي غمضـة العـيـن بــان
نسيتي يـوم شبكـت ايـدي فـي راحـة ايديـك
و عاهدتيني عهد حفضته في قلبي من زمان
اسقيـك مـن صافـي الوفـاء حنـان واراعيـك
وما كنت احسـب يـوم للصـد بقفـاك حسبـان
واليـوم خنتـي العهـد والوعـد والله يجازيـك
ورميتي قلبي في متاهات الاوهـام والأحـزان
تضحكين وانا دمعة عيوني من القلب تناديك
وقلبي من القهر تفجر به من الصبر بركـان
مسكـيـن قـلـب متـيـم ومـولـع انـخـدع فـيـك
منتي كفـوا للحـب ولا هـزك الشـوق ولهـان
صدقـتـك وتـعـديـت كـــل الـحــدود بتغـلـيـك
ومـا شفـت فـي قلبـك حـب وغــرام وحـنـان
غلطان يـا مـن جيتـك شايـل دموعـي ابكيـك
بدلـت لـك طاعـة حنينـي وشوقـي بعصـيـان
سافـري عسـى الايــام عـنـي بعـيـد تـوديـك
ولا تظنيـن قلبـي فــي مـلاقـاك ابــد ولـهـان