|
تقول ولا ما تقول ؟؟؟؟
السلام عليكم ورحمة الله تعالى وبركاته
تحية طيبة وبعد .. بصراحه عندي موضوع جديد اليوم يخص الجميع ... طبعا الكل عارف اذا احد يبي يتشري حاجه يشاور الأخبر عشان يرتاح ويشتري وهو مطمئن اكيد اكيد . بس المصيبه اذا قررت تشتري حاجه وشاورت اللي يفهم واللي ما يفهم الكل يبي يقول لك اشتر الشي الفلاني افضل وماركته زينه و ؟؟ و ؟؟ و ؟؟ الخ من كلام المدح لييييييييييين ما تقول له خلاص خلاص بشتري بشتري والله بشتري والمشكله مو هنا وبس لالالا ابد ابد .. المشكله انك اذا شريت وخلصت وقال لك كل واحد ليش ما شريت الشي الفلاني احسن لك لأنه اقوى وارخص و؟؟ و ؟؟ و ؟؟ الخ الخ الخ الى ما ينفخ راسك بكلامه وافكاره .. ومو هنا المشكله وبس لالا ابد ابد .. المشكله انك اذا شريت شي من ذوقك قالوا لك ليش ما شاورتنا احنا اخبر منك عشان ما يلعبون عليك لأن هذا الشي موجود بالقيمه الفلانيه في لكسمبورغ او قبرص او جزر المالديف بس لو انت قايل لنا كان وصينا احد يجيب لك من هناك لأنه واجد ارخص واوفر لك ههههههه .. طيب الحين ابي اقول الخلاصه من كل هالكلام هذا كله .. اذا شاورت ما سلمت ، واذا ما شاورت ما سلمت ، واذا ما نويت تشتري ما سلمت .. الخلاصه ... الى متى هالطنطنه والرزه فينا الكل يبي يسوي نفسه فاهم ويبي النصيحه والخير حق رفيجه .. اوكي هذا شي طيب ، لكن .. ليش ما احد يقول كلمه احسن من كل هالكلام هذا كله ليش ما يقول توكل على الله واشتر اللي خاطرك فيه والله يبارك لك فيه ويعطيك خيره ويكفيك شره وبس مو احسن ؟؟ والحين انا ابي اشتري شي .. شرايكم اقول لكم ولا ما اقول ؟؟؟؟ الله يستر بس الله يستر . والحين اخليكم تشترون اللي خاطركم فيه والله يهنيكم في كل مشترياتكم . ختاما اتمنى ان يعجبكم موضوعي هذا وانتظر ردوركم بفائق الصبر اخوكم / صريح جدا والسلام عليكم ورحمة الله تعالى وبركاته اشوفكم في مواضيع جايه الى اللقاء |
مشاركة: تقول ولا ما تقول ؟؟؟؟
يقولون .. ما خاب من استشار
المشاورة مطلوبة في بعض الأمور التي قد لا نجد فيها الخبرة الكافية ونلجأ إلى أصحاب الخبرة ونسألهم عن الأفضل والأجود وبالتالي سيفيدونا بما هو أفضل نظراً لخبرتهم وتجربتهم وبعد ذلك .. يأتي دورنا في الاختيار والذوق لما نرغب فيه يعني العملية قد تكون مشتركة في المشاورة منهم والاختيار منا مشكور على هذا الموضوع وفق الله الجميع |
مشاركة: تقول ولا ما تقول ؟؟؟؟
بصراحه انا اعرف ويش المقصود
بس اقول لك توكل على الله واختار ما يناسبك وبصراحه كلماتك كلها صحيحه وانا مجرب ذلك اشكرك وننتظر كل جديدك والله ولي التوفيق ..، |
مشاركة: تقول ولا ما تقول ؟؟؟؟
والله انك صادق
بس ما يمنع ان اشاور من تثق برايهم |
| الساعة الآن 06:50 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
ما ينشر في منتديات الطرف لا يمثل الرأي الرسمي للمنتدى ومالكها المادي
بل هي آراء للأعضاء ويتحملون آرائهم وتقع عليهم وحدهم مسؤولية الدفاع عن أفكارهم وكلماتهم
رحم الله من قرأ الفاتحة إلى روح أبي جواد