منتديات الطرف - ثمــآر الحــزن .. !

بسم الله الرحمــن الرحيم ..

الســلآم عليكم و رحمــة الله و بركــآته ..

العنــوآن | ثمــآر الحــزن ..

يهلَ امن السهر مايروي جفون الحزين سهاد
.. .. .. .. .. .. .. ويثمـــر من حصاد الحـــزن مايشبع غــــــرور الآه
تناصف ليل ياسي والحسايف تكثر وتزداد
.. .. .. .. .. .. ..وانا احسب لا دنى وجه النهار اسلى الالم وانساه
لقيت المبطيات امن المواجع لاتزال جداد
.. .. .. .. .. .. .. ودريت ان الحــــزن مايفرق اقبـــاله عن مقفَــــاه
عليه الله استباح القلب في غفلة ..وانا معتاد
.. .. .. .... .. .. اقفَل باب قلبــــــي لايجيني مثله وشــــــــرواه
تجاوز خطَي الاحمر .. وبادلني العناد عنــاد
.. .. .. .. . .. .. تولَانــــي وســـوَى في صميم القلــب ماســـوَاه
تجمَع شمل كفيني وصل من بعد طول بعاد
.. .. . .. .. .. .. سبايب ما فرك مثلي يمينه حسره بـــ يسراه !
من اللي بعد خذلان الخطاوي عن بلوغ مراد
.. .. .. .. .. .. .. يدلًيني على درب السعــــاده والدروب اشبــاه
فلا عاد التجارب مثل قبل إن عدتها تنعـــــاد
.. .. .. .. .. .. .. ولا عاد القدر يصبح خـــوي من لاخــوي ويـــاه
زمانٍ شح جوده مايوفي الكيل مهما جــــاد
.. .. .. .. .. .. .. على كيفه يقصَر بس ليته فكنــــي بلـــواه !!
تركني في مهب الهم يلعب بي على مـاراد
.. .. .. .. .. .. .. نشف ريقي يحايل حضرته مابل ريقي مــــــاه
غريب وغربتي روحي ولا لي بالحنايا بـــــلاد
.. .. .. .. .. .. عناويني من اقصى جرح وسط الصدر لين اقصاه
مخاض الصمت طال ولا تهيا للحكي ميــــلاد
.. .. .. .. .. .. ..تعسَر حرفي فــــ عقدة لسان وتمتمات شفاه !!
أنا مضمار مأساه وتباريــــــح الخفوق جيـــاد
.. .. .. .. .. .. .. تسابق بي وجايزة البطل من راعي المأســاه !!
يحدَد لــــــ احتفالات الشقا في مهجته ميعاد
.. .. .. .. .. .. .. على مسرح جروحه كلٍ (يغنــي على ليــلاه)!
يطول الليل مايطري على بال العيون رقــــاد
.. .. .. .. .. .. .. كأن النـــوم تعثر في طريق الساهــرين خطـــاه
وإذا هلَ السهر ثم ارتوى جفن الحزين سهاد
. .. .. .. .. .. .. تساقــــط من ثمــار الحــزن ما يشبع غرور الآه !!

الشــآعر | محمد السعيد ..

GsnoOo ..!