|
أول مرة ’
السـلام عليكم ورحمـه الله وبركـاته مسائكـم عسـل .. جاء على بـالي شـيء خفيف .. نستمتع بالذكريات والمواقف التي حصلت ولأول مرهـ ؟! مثل .. أول مرهـ قمت بقيادة السيـارة .! ( كانت سيارتك أو سيارة أبوك أخوك؟ هل عنده علم ؟ أو أخذتها وهو مايدري في آخر الليل ) أول مرهـ دخلت ِ المطبخ ؟ / شنو عملتي وش هببتي فيه وهيك بالتفصيل ؟ أول مرهـ توظفت ( شنو الوظيفة نجحت فيها ولا وش صار فيك ؟ ) أول مرهـ اشتريت كمبيوتر وش عملت فيه ؟ تعرف له أو مع الخيل ياشقراء .. أول مرهـ تغطيتي ؟ ( وش كثر المواقف المحرجه الي صارت ) أول مره صليت ؟ ،‘’ هذه عدة أمثلة " فقط " أبيكمـ تشاركون وتقولون شنو أول مره أول شيء عملتوه ؟ ياليت تمتعونا بلحظاتكم بشتى أنواعهـا .. حـلوهـ حزينة خطيرة إجرامية .. طريفة .. أرق تحية ‘‘ |
رد: أول مرة ’
يعطيك العافية ياأحلا ملاك
الوظيفة مع اول يوم في العمل وقعة العقد الساعة ثمان ونصف والساعة تسع طالع إنتداب من الدمام الى الاحساء(ياربي هذا الوهقه) بس عاش من دبر حاله السيارة خذت سيارة اخوي وانا الحين راز وجهي بمر على الشباب عند الملعب واخرتها ضايقني واحد ودلي دلي في عمود الكهرباء (عاد دور وجهك ذيك اللحظة) |
رد: أول مرة ’
مرحباً
ربما لا أتذكر إلا هذا الموقف المضحك بالنسبة لي وكلما أتذكره أتبسم كثيراً حينما رأيت ابنتي بعد الولادة لأول مرة وهي موضوعة في - الحاضنة - ناديتها باسمها علّها تلتفت لي :teeth_smi المضحك في الأمر أنني أتساءل ما يدريها باسمها لكي تلتفت لي!! :eek: تحياتي لك |
رد: أول مرة ’
البرواز الله يعافيـك .. اقتباس:
ربي يوفقك ويسهل لك أمرك .. اقتباس:
خطاك السوء .. ألف سلامة تشكُرات على الحضور والمشاركه .‘ للتوضيح أريد أن تكتبوا كمثال أول مره تعلمت اللغة الفرنسية .. هكذا ؟؟ ,,, |
رد: أول مرة ’
أول مرة (يوم) رحت الجامعة
ضيعت فيها وتوهقت وأتصلت البيت وأنا خايفة وقلت لهم أنا ضايعة يعني شبسون لي ويني وينهم >>مشاركة وجدانية بس :mad: أول مرة لبست عدسات ماعرفت أشيلهم :( أول مرة طبخت كبسة سويتها لينه مثل العصيد :p أول مرة رحت لطبيب الأسنان غطيت وجهي :strongsad: أول مرة سافرت الماما عني حطيت ملابسي في حقيبتها هم سافروا وأنا تميت :eek: أول مرة تنومت في المستشفى كل يوم أتصل البيت وأنا أصيح أختي تعالي لي هئ هئ أختي تعالي لي هئ هئ مو كأني طولت السالفة وهي قصيرة *__^ |
رد: أول مرة ’
اول مره
سوية عملية و اول ما طلعت من الحجره و قعدت كم يوم في المستشفى اجبروني اني اكل اسكريم و اول مره احس طعب الاسكريم بارد بمعنى الكلمه . |
رد: أول مرة ’
،، اقتباس:
اقتباس:
:) .. لعلها تكون بنت ذكيـة وتصير معجـزة من رب العالميـن وتنتبه .. ربي يخليها لك .. ألف شكر لك ع الحضـور الطيب .. |
رد: أول مرة ’
اقتباس:
هههههههه ,, يقولون من سأل ماضاع .. الحمدلله إنك رجعتي بالسلامه اقتباس:
Ooooh اقتباس:
تمام كان خليتيها كبسة للأطفال :) .. ( الي ماطلع لهم سنون ) اقتباس:
اقتباس:
ههههههه .. مو عارفة أعلق .. اقتباس:
عكسك مستانسه في المستشفى { غريبة تاروتية تسلم لي هالطله الحـلوهـ وسامحيني ضحكت بس بدون مااتشمت .. ... |
رد: أول مرة ’
أحلى ملاك عليكم السلام ورحمة الله وبركاته يعطيك العافية أختي وما قصرتي على هذه الأفكار الجهنمية التي تأتينا بها ما بين الحين والآخر :goood: ، ، ، وأتمنى منكم أن تتحملوني قليلاً ،، فما من شيء في هذه الحياة إلاّ وله بداية . و لهذا سآتيكم ببعض المواقف ،، ولكنها ستكون متفرقة .. :icon1: ( يعني الموضوع ما راح يوقف ،،، إذا كان فيه أول الغيث وأشكاله ) :cool: ، ، ، الموقف الأول موقف غريب عجيب !!!! :s43: أول الغيث لم يكن يعرف شيئاً أسمه " أصانصير ،،، LIFT ،، مصعد ..... ولايعرف ما معنى هذا الشيء؟ ولا فيما يستخدم ؟ ولا ... ولا.... ولا .... ولا ،،،، المهم : ذهبنا إلى دولة قطر عندما كنت في الصف الأول الابتدائي وكما ذكرت لكم ،، لا أعرف شيئاً اسمه " لفت ". وكنا نسكن في فندق ،، في الدور الثالث أو الرابع تقريباً أول الغيث قال لأبيه : ... أبغى اشتري ميرندا ..!! قال له أبوه : يلاّ مشينا ... وجاء أخو أول الغيث ،، و أراد الذهاب معهم ... فأعترض أول الغيث ,,, وقال لا !! :mad: أنا فقط سأذهب مع أبي،،، أما أنت فابقي مكانك !! :mf_swordfight: ،،،،،، المهم : توجهنا إلى " المصعد " لا أعرف ما هذا الشيء؟ فقط أرى غرفة ضيقة و باباً يفتح ويغلق .... ولكن ما وظيفتها؟ ،، ولماذا؟ ،، و فيما و كيف تستخدم ؟ ... لا أعرف !! ركبنا اللفت ،،، أغلق الباب أحسست بشعور غريب >>>> افترّ راسه الولد ..!! :big_eyed_guy: ثوانٍ معدودة ،،، وإذا بالباب يفتح عجباً ..!!!! :s89: أين تلك الشقة التي نسكن فيها؟ أين ذاك المكان الذي كنا فيه قبل قليل ؟؟ أين أخي ؟ أين أمي؟ أين بقية إخوتي؟ كيف تغيرت الدنيا في لحظات ؟؟ عندها اسودّت الدنيا في وجهي وضاقت بي الوسيعة :icon1366: واعتقدت بأن الأرض انشقت وابتلعت الجميع وندمت أشد الندم وشعرت بتأنيب الضمير ،، لأنني رفضت مجيء أخي معنا !! :s6: وكنت أقول في خاطري ... " لو اني مخليه يجي معانا .. شان الحين ما صار اللي صار واختفى عنا !! " :no: اممممممممممممممممممممممممممممممم بس ما يحتاج أكمّل لكم وش صار بعدها ...!! :G8: أحلى ملاك لي عودة بإذن الله :) |
رد: أول مرة ’
: اقتباس:
الله يعافيك ويخليك .. المنتدى وأصحابه يستاهلون .. والأفكـار الجهنمية الخونفشارية ماراح تنتهي .. :) اقتباس:
شدعـوه ؟ شايف نفسك ثقيل ؟؟ خذ راحتك البيت بيتك أقصد الموضوع يشترك فيه الكل .. وكثر الله خيره هو وأمثالهـ .. الحين انا بعلق على بعض من احداث الموقف .. اقتباس:
ومن ناحية ثانية الواحد يستانس يحصل له لحظات ينفرد فيها مع الحنون أو الحنونة يدلعونه هو أو هي لوحدهم .. ويجون الباقي ويخربون .. :) اقتباس:
اقتباس:
اقتباس:
لاتندم على مافات .. و الضمير مو هين ماشاء الله متعرف عليه من وأنت صغير :) أول الغيث .. ألف شكر لك لتواجدك في متصفحي وشكر لردك الي فطسني ضحك .. أنتـظر المواقف الآخرى .. اقتباس:
، |
رد: أول مرة ’
السلام عليكم ورحمة الله وبركاته أحلى ملاك عدنا لكم مرة أخرى كما وعدناكم ولو أنني كنت أتمنى أن تكون هناك مشاركات بعد مشاركتي السابقة ،،،،، ولكن ..!! :rolleyes: اقتباس:
ايه والله صدقتي ،،، بعدين هو شين وقوي عين الله يهديه شاري قبلي ميرندا ولا رحت معاهم عاد آنا قلت ،،، هالمرة اروح بس انت ما تروح معانا ،،،ايه أعلّمك :c14: الموقف الثاني ][ أول مرة أول الغيث يصرف شيك في البنك ][ حصل هذا الموقف في شهر رمضان عام 1424 تقريباً :s30: ومثل ما تعرفون ،،، شهر رمضان عندنا تحوّل من شهر الرحمة ، إلى شهر " الزحمة "،، ( الله يعفي ويتوب ) :icon7: رحت البنك ،،،، البنك كان مزحوم من العملاء،،،، قلت حالي حالهم ،،،، و أصفّ سرى وانتظر مدة طويلة ،، إلى أن وصلت الشباك .. طبعاً أول الغيث غشيم في هالأمور وأول مرة تحصل معاه :icon9fff: والموظف بعد طلع أغشم منه الله يهديه أخذ الشيك واعتمده ،،، بس كان ناقص توقيعي على ما أظن المهم : عطاني الشيك ،،،، قال لي : وقّع عليه ،، آنا أخذت الشيك ،،، والأخ الموظف انشغل بصرف المبلغ وقّعت على الشيك ،،، وخلّيته معاي وقام الموظف بارتكاب خطأ فادح لأنه عطاني المبلغ بدون ما ياخذ الشيك،،!!! :police: آنا ما صدّقت خبر <<<< اول مرة يحصل كمٍ ألف ،، :cool2: أخذت المبلغ ومشيت،،، قام الموظف يناديني لكن آنا مب حوله ولا أسمعه ،،، لأني أولاً فرحان بالفلوس ،،،، ثانياً :لأنه كان فيه فاصل زجاجي بين الموظفين والعملاء ، ولا يبين منه الصوت،، :walkman: ،،،،،،،،،،،،،،،،، دقيقة بس ،، كلّش انهدّ حيلي وآنا أكتب .... الله يعينكم على هذرتي ،،،،،،،،،،،،،،،، :G8: المهم مثل ما قلت لكم ،، البنك كان مزحوم من العملاء وآنا أمشي ولا أدري عن الموظف :walks: وكان في البنك شخص من الطرف ،،،، ويوم شاف الوضع كذا قال : هيييه ،،، يابن فلان ... وين؟ تعال ،،، ما عطيت الرجّال الشيك .. عاد ولا ألتفتّ ,,,إلا وأشوف ذيك العالم اللي في البنك ،، يطالعون فيني :eek: وكل واحد لسان حاله يقول : اشفيه ذيه مايفهم ،،، فوضه بس يمشي بدون ما يعطي الموظف الشيك :icon11: اوووففففففففففففففففففف :icon13: دوّروني ذيك الحزّة عاد صار وجهي طمامه من الاحراج :s1: ،،،،،،،،،،،،،،،،،،،،،،، بس خلاص ما أتحمل أتذكر هالموقف .... ;) أحلى ملاك هل أعود مرة أخرى أم لا ؟ :police: |
رد: أول مرة ’
اقتباس:
وعليكم السلام ورحمة الله وبركاته .. أهلا ً .. اقتباس:
خلها مستورة .. بيني وبينك الناس هنا نايمة .. والله بالخير { لاتزعلون هذا الحقيقة .. اقتباس:
:) / وريه الويل .. اقتباس:
اخذ راحتك .. ولو بالنسبة للموقف يؤيؤيؤيؤيؤ:eek: إحرااااااااااااج قوي .. يلا صار هالشيء ولا إنه يحرجك أكثر ويسوي بلبلة وفوضة ومشكلة اقتباس:
عود ليه ماتعود .. أنا من فترة أنتظر ترجع تقول المواقف واصل ونحنُ معك .. يلا فاصل / بروح أطالع فيلم ويعطيك ألف عافية .. |
رد: أول مرة ’
أحلى ملاكــ ياحلوة أنتي شكلنا بنصير أصدقاء:pتلفق روحها غصب:nocoment: تدرين عاد أنا جلست أدور على الموضوع ولا شفته:s58: الظاهر الغيث مخبية علشان محد يشاركـــ :shutup: أعرفه هذا طالب مشاغب :mf_swordfight:أخوي كل يقوول لي:24: أنه الأستاذ كلـــــــــــة يطلعة برى الفصلــــــــ ;) لا تعلمين أحد ترى ماقلت شيء:p نرجع لموضوعنا.... يقولكـــ ياطويلة العمر أنه إنتظــــــار أول مرة بتسوي لها بطاطس مقلية ..... تتوقعين شنو سوتـــ ....:s43: بعد ماقطعت:s65: ,,,, مسكين ما أدري شنو سوى البطاطس... حطية في بادية ( غضارة) عرفتية ما أدري شنو تسمونها:confused: نكملـــ .... سخنت الزيتــ على نار حارة ... وجات بتحط البطاطس في الزيتـــ وكنت خايفة كثير من الزيتـــ .... تتوقعين شنو سويت أختصار للخوفــــ ... شنو سوت؟؟؟ تحط البطاطس والماي اللي في البطاطس بالدهن وتطلع لي ذيك الحريقة ... اللي ما أدري أشلون قايلة جان وجهي يصير :eek::confused: وأجلس أصارخ وأطلع من المطبخ وقلبي ما أدري وينة :3::icon1366: جات سليمة أخت سليم تعرفونه؟؟؟؟ حتى انا ما أعرفة بس أعرف سليمة:p بس عاد لا تنعتوني بالغباء :icon13:كنت صغيرة وأمي كانت مسافرة :s76: بس موقف لا لا لا أحــ ..... ظليت اخاف من الزيت لين كبرتــ بس ألحين الحمد لله زالت العقدة:) سلام |
رد: أول مرة ’
إنتظـــار حلم اقتباس:
:eek: كيف عرفت ِ إني حلوه ؟!! :) اقتباس:
اقتباس:
وتشوفينه و دخلتي عليه .. ولا رجعتي إلى الخلف وتشوفين الموضوع موجود .. اقتباس:
اقتباس:
اقتباس:
ايه ايه فهمت يعني غضارة { مشخاله ؟ عدل ؟؟ وش سويتي ياحلوة ؟ جد موقف لاتحسدين عليه ؟ وماراح نلومك لأنك كنت ِ صغيرة .. والحمدلله افتكيتي من العقده لك ألف شكر لحضورك ومتابعتك ممنونة |
رد: أول مرة ’
إنتظار حلم اقتباس:
والله قعدت أدوّر فيه ،،،، وما لقيته إلاّ في الصفحة الثالثة !!! :s58: اقتباس:
الله أعلم من اللي أخوها مشاغب ،،، :soccer_h4 اقتباس:
اشدعوة ،،،، كل المنتدى اسمعش .!! :icon9fff: اقتباس:
اوففففففففففففففففففففففف :c4: اشسويتي انتي يا إنتظار ؟؟ :stern: ما أقول بس إلاّ الحمد لله على السلامة ولاّ شان انتي الحين في خبر كان ،،،!!!! :-s88: اقتباس:
يلاّ راح نعتبرها كبوة جواد ... :s66: أحلى ملاك صبروا علينا كم يوم ... على ما نكتب الموقف الثالث تخبرون ما نبغى نغث الناس ،،، كل يوم كاتبين لنا موقف ... :) |
رد: أول مرة ’
إنتظار .., كيف حال سليمة وأخوها سليم .. ؟ تراهم يحبونك لو مايحبونك كان ماسلمتي .. .,‘ أول الغيث OK خذ راحتك البيت بيتك .. .,‘ |
رد: أول مرة ’
مشكوره احلى ملاك على الموضوع الرائع
تح ياتي إحساس وترررررررررر |
رد: أول مرة ’
والله إني فقعت ضحك خصوصا على أخوي أول الغيث و قصة اللفت و الشيك.
لي عودة إن شاء الله بموقف مضحك |
رد: أول مرة ’
اول يوم رحت المدرسة ..
مسكت عباة امي وما رضي اهدها وكل ما جات بتروح مسكت بطني وقعدت اصيح وامي مسكينه ما تدري ترجع وتحاول تهديني وضليت وياها على هالحال الا اخر وقت الدوام وقتها حسيت بالنصر خخخخخخ لما رجعت البيت انا من الفرحه صرت خبله قعدت اقول حق اخوي وش صار واني لعبت على امي ,, ونسيت ان امي وراي وتسمع ههههههه عاد ثاني يوم ما مشت عليها السالفه ,, أول مره تصير عندي 50 ريال قطعه واااااااااااااااااااااااااااو وقتها الدنيا مو شايلتني من الفرحه كان عمري يمكن 8 سنوات المهم محتاره بالخمسين وكل مره احطها بدرج واخاف تنسرق واغير المكان وكل ساعه مكان لحد ما نسيت وين حطيتها والى اليوم ما شفتها خخخخخخخخخ قلعتي .. اول مره اطلع مع زوجي واحنا مخطوبين:embsed_sm انا من الذرابه الزايده بركب ورى خخخخخخخخ يوم شافني قال اقول الله بالخير خاله لو سمحتي ممكن ترتزي قدام؟؟ عاد انا حد محدي انحرجت زحسيت ودي اصيح من الفشله مدري ليش:blushing::blushing: واوعدك يا احلى ملوكه لتذكرت شي رجعت يسلموووو على هيك موازيع تحياتي الساهرة |
رد: أول مرة ’
أول مرة راح فيها عبود أخي للمدرسة بداية هالتيرم يعني أمس :teeth_smi قعد يرجع " يطرش " ، قلت له لا تحاول بتروح المدرسة بتروح ، وراح ورجع زي الغزال ، أنا لا أذكر شيء يخصني الآن ، ربما في وقت لاحق ،، ،، ريحانة الإيمان. |
رد: أول مرة ’
.‘
إحساس وتر العفو ,‘ روعة بحضورك .. .‘ |
رد: أول مرة ’
الفتى الممتع إن شاء الله الفرح دوم للجميـع.. وننتظر عودتك .,‘ لآتتأخر علينا .. |
رد: أول مرة ’
الساهـرة يارب كل أيامك سعادة وفرح .,‘ مثل ماخليتيني أضحك على مواقفك ... ومثل ماقلت ِ لاتذكرتي شيء الموضوع ينتظرك حياك .. ربي لايحرمنا منك .,‘ |
رد: أول مرة ’
ريحـانة .,‘ ياربي يخليك لكم عبود .. وحركاتهـ وإن شاء الله يحب المدرسة ولا " يتعير عليكم " والمكان مكانك .,‘ شرفتي |
رد: أول مرة ’
أحلى ملاك عدنا لكم من بعد طول غياب :) الموقف الثالث ][ أول الغيث ،، أول مرة يأكل في مطعم ويشرب عصير كوكتيل طبيعي ،،!!! ][ أول الغيث ليست لديه تلك الخبرة في أمورالمطاعم والمأكولات ،، كالمشويات و المعجنات والعصيرات وغيرها من هذه الأمور ،،!! فهو لا يعرف إلاّ بعض الأمور البسيطة في هذا الجانب ،،، يعني : ساندوتش لحم مفروم من بوفية //// ،، أو عصير " الري " بو نص ،، أو إن تطوّر كلّش كلّش ،، شرب له عصير برتقال طبيعي من البيت :cool2: قبل 5 سنوات تقريباً ،،، دعانا أحد الأشخاص لتناول وجبة العشاء معه في أحد المطاعم المعروفة في الهفوف وكنا 4 أشخاص ،،، ومن ضمنهم أنا ،،، و ولد خالي أنا لا أعرف شيئاً في أمور المطاعم ،،، و ولد خالي أيضاً لم يكن أفضل حالاً مني فهو مثلي لا يعرف شيئاً في هذه الأمور ،،،!!! الشخصين الآخرين اللذين كنا معهما لديهما خبرة كبيرة في هذا المجال ،،،!!! :s41: المهم : واحنا جالسين عالطاولة ،،، أنا قاعد مقابل ولد خالي ,,,,,, ( الغشمان متقابلين مع بعض ). :s18: والأخوان أصحاب الخبرة متقابلين مع بعضهم . وش تطلب يا أول الغيث من أكل ؟ نعم ؟؟ والله ما أدري كيفكم !!! اللي تطلبونه ،،، آنا معاكم فيه .. و ولد خالي قال نفس الكلام ،،!! طيب وش تشربون ؟؟ قلنا : ما ندري والله ،،، كيفكم انتو !! قالوا لنا : احنا بنطلب عصير كوكتيل ،،، تبون مثلنا ؟ قلنا لهم : اوكي ،، حالنا حالكم ،،، وبعد مضي بضع دقائق ،،، :-s88: أتى الأكل ،،، وتوالت الصحون تلو الصحون :s67: ويجيبون ذيك الكاسات " الكوكتيل " اللي حتى الفيل ما يقدر يخلص كاس واحد منها !!!! ( مرررررة بـلـيّـة ) :flex: المهم : بدأنا في الأكل ،،،، وضعت فمي في المزاز ،، لأشرب العصير ، وإذا بالطامة الكبرى !!!،،،،، :c4: وييييييييييييييييييييييييييييييييييي :icon13: <<<< لسان حال أول الغيث :16: شالطعم ذيه ؟ :icon6: اوففففففففففففففففففففففففففففففففف بااااااااااااااااايخ :icon21: ولا رفعت راسي ،،،، إلاّ واشوف ولد خالي معتفس وجهه مثلي ،، وحالته مثل حالتي ،، وكل واحد فينا قام يناظر في الثاني من دون أن يتفوه بكلمة واحدة .... :shutup: بعدين كل واحد نزّل راسه ،،، واكملنا الأكل ... ،،،،،،،،،،،،،،،،،، مضى الوقت ونحن نأكل الطعام .. وبعد ما أوشكنا على الإنتهاء من الأكل ،،، لاحظوا الاخوان ( أصحاب الخبرة ) ،، إن كاس العصير حقي ,, وكاس العصير حق ولد خالي ،،،، ما تحرك أي شي منهما ... :surrender: قالوا : واشفيكم؟؟ وش تـنـتـظرون ،،، ما تشربون عصيركم ؟!!! قلنا : ها ؟ :s141: ذيه ،، شيسمونه !! ،،، ايه ذاك ..!! :icon9fff: قلنا تدري عاد ،،، خل نعترف لهم بالحقيقة ،،!! قلنا لهم : الصراحة احنا أول مرة نشرب هالعصير ،!! والصراحة طعمه ،، مرة مرة مرة ،،، مب حلو :thumbdown عاد قاموا يضحكون علينا ويتطنزون ،،، :crysmile: واخذوا هُم الكاسات وخلصوا عليها ( يـعَـلّـهم البطن إن شاء الله ). :s3: ولو تشوفونهم الحين ،،، ( اللهم صلِ على محمد وآل محمد ،،، كل واحد ما يمر من الباب ) :s109: أحلى ملاك إن شاء الله ما غثيناكم و طولنا عليكم بس ؟؟!! :cool: ربما أعود ،،، ربما لا أعود .. :) |
رد: أول مرة ’
الصراحة مت من الضحك على هاذي المواقف
واللي احسن من ذلك تعليقاتك اختي أحلى ملاك لي عودة إن شاء الله بموقف من المواقف مع أنها كثيرة لكن لا أتذكر منها شي شكرا لكي أختي احلى ملاك على هذا الموضوع الممتع والشيق في نفس الوقت تحياتي لكم |
رد: أول مرة ’
[SIZE="2"]
أول الغيث أهلا ً اقتباس:
اقتباس:
اقتباس:
في ناس يقولون هالكلام من الحياء .. وفي ناس يقولون لأنهم مايدرون عن شيء أبد :) اقتباس:
:p ياني ضحكت:p .. جد على قولة المثل ( الي عمره ماتبخر تبخر واحترق ) وبالنسبة للعصير أنا لحد الحين أحاول أقنع نفسي فيه أبد بس لو تجربة .. بس ماقدرت مع إنه هو كله على بعضه عصير ؟؟!! ويعطيك ربي العافية .. وماقصرت خذ راحتك .. |
رد: أول مرة ’
بصراحه الموضوع حلو وشدني :) ومروري بسرعه وبذكر لكم موقف ظريف لوحده أول ماتزوجت قال لهازوجها يبقي بيض مسلوق حطت القدر بدون ماي :s47: شكرلكِ ملاك مواضيع حــــلوه كـ أنتِ .. :) |
رد: أول مرة ’
.. مسكينة يمكن من الربكة .. عقلها مو معاها الدانة سُعدت بحضورك الغالي .. من ذوقك ياراقيـة .. |
رد: أول مرة ’
انا حصلي موقف في محرم خالي جاي يتعشي عندنا وانا طبعا ما اعرف شي بمطبخ كلش وامي قالت لي قومي ساعدني قالت لها ما اعرف قالت لي خلاص اغلي الكبه واخذت الكبه وقمت بغليها وقالت لي امي اسرعي علشان بنحطه الحين واخذا الكبه ونار مطول عليه حده وقلبها ولا اشوف الا زيت كله على يدي واقوم اصرخ حاررررر بشكل ما تتصورونه قالت لي امي الا عمره ما تبخر تبخر واحترق..........
|
رد: أول مرة ’
زهور الريف سلامات انتبهي مره ثانية .. وتعلمي الطبخ ياحلوهـ ألف شكر لتواجدك . يعطيك العافية .. |
رد: أول مرة ’
السلام عليكم ورمة الله وبركاته
قيادة السيارة أمطلع السيارة من جنب البيت وبحطاها على الشارع وألا أخوي توه جاي من العمل طالع فيني (وين اودي وجهي ):blushing: وبعدين مشى واليوم الثاني رايح معاه الهفوف في الرجعة قالي يلاه قوم سوق العمل أحد رؤساء العمل توني جاي أول اسبوع نشتغل عند بداية البير عطاني كاس قالي روح اصعد فوق وقول للحفار يعطيك (التوب درايف)(حجمها أكبر من الباصات الكبيرة) على نياتي رحت للحفار (يقول أفلان (عطيته الكاس)عطنا التوب درايف قالي شوفا هذه قدامك اذا تقد اتشيلها أخذها (أحراج انزل والا اتم فوق) الكمبيوتر أول ما تعلمت عليه المقهى أول ما جلست عليه خربته من فوق الى تحت اشوي الا وقف شاسوي ما فيه الا ادفع الفلوس وانحاش |
رد: أول مرة ’
: اقتباس:
اقتباس:
يؤيؤيؤ .. وش هببت فيه .. ايه تعمل العملة وتنحاش .. تشكُرات لحضورك : |
رد: أول مرة ’
عشق الفيافي عليكم السلام ورحمة الله وبركاته اقتباس:
أكيد أخوك قال في خاطره : يـلاّ عندك ما عندك في السواقة ،،، طلّعه الحين ... :s19: اقتباس:
طيّب نزّلته ولاّ ما نزّلته ؟؟؟ :qowyah: اقتباس:
ايه والله ،،، انفذ بجلدك قبل أن يقبضوا عليك ..... :s141: |
رد: أول مرة ’
أحلى ملاك اقتباس:
لا ،، بس ما أعرف في هالسوالف مررررة ،،، :G8: اقتباس:
أجل آنا من النوع الثاني ... :s141: اقتباس:
بس الصراحة ذيك المرة اللي جربناه فيها ،،، كان طعمه مرة مرة :crazy: وحسّينا إنه طعم شيء كيماوي مو طبيعي ... :icon4: |
رد: أول مرة ’
السلام عليكم ورحمة الله وبركاته الموقف الرابع ][ أول الغيث أول مرة يسافر إلى مكة ][ أول مرة سافرت إلى مكة ،،، كانت في العطلة الصيفية بعد إنتهاء العام الدراسي يوم كنت في الصف الأول الإبتدائي وصلنا مكة في الصباح .... طبعاً أول الغيث واخوانه كانوا صغار ،،،،، :s76: يعني لا إحرام ولا عمرة ولا هم يحزنون ... :icon9fff: الوالد والوالدة راحوا الحرم ،،،، وآنا وبقية الاخوان جلسنا عند خالي ، لأنه كان رايح قبلنا ،،، وموجود هناك مع عايلته طبعاً كان الحرم قريب بعض الشيء من العمارة وكان اسم المنطقة " الشامية " المهم : آنا زاغ قلبي وآنا أشوف المنارات من بعيد ،، :7: وخاطري أروح أشوفهم عن قرب .. ( تخبرون ما نشوف الكعبة والحرم والمنارات ،، إلا في التلفزيون ..... على أيام الانـتَـل ،، والقناة الأولى والثانية ) :cool2: عاد قلت يوم إن الحرم قريب ... خلّني اروح وأُلقي نظرة عليه ، ثم أعود ,,, راح أول الغيث ... و وصل إلى الحرم ... وكحّل ناظريه برؤية المنارات .. :s11: لكن المصيبة يوم إنه عزّم الرجوع إلى العمارة ... :G6: مشيت في الطريق عشان برجع العمارة !!! أمشي وأمشي وينتهي بي الطريق ،، والعمارة ماني شايفها ..!! :icon9: ( تخبرون يعني شوارع مكة ،، ما شاء الله ما أحد يلحقها في الإستقامة والإستواء ،، ) :qowyah: المهم : قعدت أركض رايح جاي بين الحرم وهالطريق >>> حتى لو مسوّي لي عمرة وحاطّ كل هالطاقة في الطواف والسعي شان أحسن لي .. :cool: لكن للأسف بائت كل محاولاتي بالفشل ،، ولم أعثر على العمارة المقصودة عندها خنقتني العبرة وإغرورقت عيناي بالدموع :tears: وشعرت باليأس في العثور على العمارة :surrender: بعدها قمت بإعادة المحاولة مرة أخرى حتى وصلت إلى العمارة ... اشلون وصلت ؟؟؟ طبعاً مثل ما قلت لكم ،، كان الشارع ملتوي و كله مرتفعات و منخفضات والعمارة ما كانت على نفس مسار العمارات الموجودة في نفس الطريق ( كانت متأخرة وراء اشوي ،،، وما كانت تبيّن ) ... :mashftshi وآنا كل ما أوصل إلى العمارة اللي قبلها اتوقف ،، وارجع إلى الحرم ... على بالي إن الطريق انتهى خلاص.. لكن الحمد لله على كل حال ،،،، كانت رحلة مليئة بالمواقف الغريبة الطريفة .... :goood: أحلى ملاك ما زهقتوا من هذرتي ؟؟.... :s119: |
رد: أول مرة ’
:
أول الغيث والله إنك ولد قدع وآبظــآي .. { لاتدققون ألاحظ أغلب الي يتيهون يامكة يافي المدينة أما بسبب بُعد السكن .. أو تشابه العمارات .. بس يكفي إنك بردت قلبك ورحت شفت .. بأم عينك .. اقتباس:
مليون شكر *‘, |
رد: أول مرة ’
أحلى ملاك اقتباس:
أفــا عليش .... :cool2: اقتباس:
أو بسبب أن البعض تزوغ عيونه على الألعاب اللي يشوفها في السوق ويقعد يطالع فيها . وينسى أمه و أبوه .. وبعدين تعالوا دوّروه .... :msn-wink: اقتباس:
ايه والله ،،، ما توقعت أن المنارة هالكبر.. على بالي إنها صغيرة ... :s71: الموقف الخامس ][ أول الغيث أول مرة ينام في المدرسة " المتوسطة " ][ :23: سلمكم الله .. أول الغيث ما يعرف ينام إلاّ في بيتهم ... وما يعرف ينام وهو جالس ،، أو في مكان غير بيتهم ، أو مو مع أهله ... حتى لو بيموت من التعب ... :s109: المهم : ذاك اليوم ،، يوم كنت في ثالث متوسط .. انتهت الحصة الثانية ... وكان علينا بعدها مادة الإنجليزي قلت حطّ راسك على الطاولة على ما يجي الأستاذ أنت ماراح تنام ولا شيء ،،، كالعادة .... :whistling لكن للأسف ... خالفت الفطرة و رحت في سابع نومه ... :18: المهم : دخل الأستاذ و شافني نايم ... طبعاً استغرب !!! :stern: ... وقال ما يصير أول الغيث ينام ؟؟ :s43: أكيد إنه تعبان أو مريض أو فيه شيء ..!! فقال لي : أول الغيث ... عسى ما شر ؟؟ تعبان ؟؟... مريض ؟؟ قم استأذن وروح بيتكم ،،، عشان ترتاح ... :no: ( طبعاً الأستاذ ما عطاني فرصة أتكلم ,,, وهو يتحنن علَي ويتودد فيني لكي أذهب إلى المنزل و أرتاح ) :s31: عاد آنا يوم شفت السالفة كذا .. قلت دام الأستاذ يعتقد انك مريض .... ضبّط السالفة وخلّها صج .. عشان ما يزعل عليك ... :police: فقلت له وأنا أتظاهر بالتعب والهوان ... :G6: لأ لأ يا أستاذ ... إن شاء الله إني قادر أواصل إلى نهاية الدوام ... بسيط ،، بسيط إن شاء الله ..<<<< العيّار .. :msn-wink: بس ،، ومشت السالفة ولا درى الأستاذ ليومكم .... :s119: |
رد: أول مرة ’
أما إنك .. إعذرني أقول صغير وحيال .. اقتباس:
على طاري الي ينامون في المدرسة ؟ كنت قبل إذا طفشانة أو تعبانة أحط إيدي وأسند راسي عليها .. وأقول خليني أنام بس أبد .. مافي نوم ولا أعرف النوم .. وأستغرب من الي ينامون ؟ ونوم مو صاحي يعني سابع نومه .. ؟؟! إلا على فكره ؟ أنا ودي أعرف ليه لما نشوف شخص متعمق في النوم نقول اوه في سابع نومه ؟؟ ليه خصصنا 7 ؟ ليه ماقلنا 8 9 ؟ ألف شكـر .,‘ : |
رد: أول مرة ’
اقتباس:
سؤال جميل ملوكي بس الصراحة أنا ما أملكــ الجوابـــ .. بس بعتقادي إنه الله خلقــ سبع سمواتــ ... فنحن لما نقولــ سبع نومه يعني رايح في العميق وآآخر حد :p بس هذا مجرد اعتقاد :) لكــ الجنة :) |
| الساعة الآن 06:17 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
ما ينشر في منتديات الطرف لا يمثل الرأي الرسمي للمنتدى ومالكها المادي
بل هي آراء للأعضاء ويتحملون آرائهم وتقع عليهم وحدهم مسؤولية الدفاع عن أفكارهم وكلماتهم
رحم الله من قرأ الفاتحة إلى روح أبي جواد