العودة   منتديات الطرف > الواحات الاجتماعية > عالـم المـرأة > المطبـخ الطرفـاوي




إضافة رد
   
أدوات الموضوع إبحث في الموضوع
قديم 23-07-2012, 11:28 AM   رقم المشاركة : 1
زهرة اللوتس
مشرفة عالم المرأة
 
الصورة الرمزية زهرة اللوتس
 






افتراضي رمضانيات



السلام عليكم ورحمة الله

أهلا بنيات .. شخباركم .. ؟

طحنا عليكم شـ قاعدين تسوون ؟ << بروحي مول

المهم

مبارك عليكم شهر رمضان و ينعاد عليكم و علينا وعلى الجميع بالخير


الله يسلمكم هذا موضوع مفتوح ، حطوا فيه أطباقكم و سوالفكم واقتراحاتكم و استفساراتكم

وأي شي يجي في بالكم و يخص المطبخ حطوه ، حتى هواشكم ما يخالف هههههه

و أي سؤال أو أي حاجة إحنا بالخدمة




بالنسبة للأطباق .. ما يحتاج بعد نقول ونكرر

لا تجينا وحدة بطبق بدون مقادير ... منها نفيد بعضنا بطبخة جديدة و منها نشوف إبداعاتكم


أها عاد

 

 

 توقيع زهرة اللوتس :
يوسُف الضائع لابد أن يعودَ إلى كنعان
زهرة اللوتس غير متصل   رد مع اقتباس
قديم 23-07-2012, 11:50 AM   رقم المشاركة : 2
زهرة اللوتس
مشرفة عالم المرأة
 
الصورة الرمزية زهرة اللوتس
 






افتراضي رد: رمضانيات



حلى الرسمية

هذا الحلى سويته أمس

رد: رمضانيات

الطبقة الأولى / 2 بسكوت شاي مطحون ، مع شوية زبدة ترصينهم بطبق

الطبقة الثانية / علبة حليب محلى مع قشطة مع ثمان حبات جبن كيري ، كلهم في الخلاط

بعدين حطي الطبق في حمام مائي واتركيه لمدة ساعة بالفرن

الطبقة الثالثة / اعملي كريم كراميل ( ظرف كريم كراميل مع حليب سايل ) و حطي عليهم

ملعقة نسكافيه واتركيه يذوب زين ما زين وإذا غلى ارفعيه و صبيه على الطبقة الثانية

وبرديه بالثلاجة وبالهنا والعافية ،


سبب التسمية / الله يسلمكم من على أيام أول العام يعني تقريبا قبل سنتين أو ثلاث سنوات

أخذنا مقاديره من النت بس ما عرفنا وش اسمه ، وسويناه ليلة رسمية أختي

ومن ذيك الليلة مشت عليه ( حلى الرسمية ) حتى عند أهل الديرة هههه


بالنسبة للصورة .. ماتواخذونا عليها ، لإن صار التصوير سريع سريع

قدمته للأهل وقت الفطحور مع قهوة فرنسية و شسمه وذاك وسلامتكم



أها عاد تعالوا





 

 

 توقيع زهرة اللوتس :
يوسُف الضائع لابد أن يعودَ إلى كنعان
زهرة اللوتس غير متصل   رد مع اقتباس
قديم 23-07-2012, 03:10 PM   رقم المشاركة : 3
عطر الزهور
طرفاوي جديد






افتراضي رد: رمضانيات

تسلم الايادي
يعطيك العافيه

 

 

عطر الزهور غير متصل   رد مع اقتباس
قديم 24-07-2012, 01:18 AM   رقم المشاركة : 4
زهور الريف
مشرفة واحة المرأة
 
الصورة الرمزية زهور الريف
 







افتراضي رد: رمضانيات

وعليكم السلام ورحمة الله وبركاته
:
الحمد لله بخير،، مبارك عليكم الشهر
/
شالحركات زوز
منتي هينه والله على هالحلى
:
/
..} زهرة اللوتس{..

يعطيك العافية كل الشكر لكِ

 

 

 توقيع زهور الريف :

زهور الريف غير متصل   رد مع اقتباس
قديم 27-07-2012, 08:31 PM   رقم المشاركة : 5
شهرزاد
مشرفة سابقة
 
الصورة الرمزية شهرزاد
 







افتراضي رد: رمضانيات

ابد والله حيييييييييل ولهانه على البنات وطليت عشان اذكر
زوز فديتج لج وله وربي

 

 

 توقيع شهرزاد :
\\\

,
,
أمَـات الحُب عشـاقاً وحَبك أنت أحَياني ..
ولو خُيرتٌ في وطنٍ لقَلتٌ هَواكَ أوطَانَي ..

,
,

\\\
شهرزاد غير متصل   رد مع اقتباس
قديم 27-07-2012, 11:51 PM   رقم المشاركة : 6
حلى الشرقيه
طرفاوي نشيط
 
الصورة الرمزية حلى الشرقيه
 







افتراضي رد: رمضانيات




يعطيكِ العافيه حبيبتي زهوره
عآد آنآ قلت آطل من آشوف شي ماشيآت
نبي نطبخ السنه بس مآفيه آطبآق <~ عيآره
لآ الصدق آني اذا ببحث عن حلى مميز احممم لآزم فيه شرط
إنو يكون سهل وآهمآ شي آهمآ شي مادخله الفرن ولا آحطه بالنار ههههه

يلآ بنآت إبدعوآ وخلونآ نبدع معآكم
انا ماعنديا شي والا كآن حطيت :$

 

 

حلى الشرقيه غير متصل   رد مع اقتباس
قديم 28-07-2012, 01:20 AM   رقم المشاركة : 7
زهرة اللوتس
مشرفة عالم المرأة
 
الصورة الرمزية زهرة اللوتس
 






افتراضي رد: رمضانيات

عطر الزهور .. الله يسلمش ويعافيش خيه

زهور الريف .. علينا وعليكم مبارك .. مشكورة حبيبتيه كلش نظر

خلاص عزمتش على هالحلى في الفطر .. بتجي عاد ؟



عطر الزهور ، زهور الريف ، اللوتس ، الياسمين ، الاوركيد الـ الـ

هالمنتدى كله ورد في ورد


 

 

 توقيع زهرة اللوتس :
يوسُف الضائع لابد أن يعودَ إلى كنعان
زهرة اللوتس غير متصل   رد مع اقتباس
قديم 28-07-2012, 01:29 AM   رقم المشاركة : 8
زهرة اللوتس
مشرفة عالم المرأة
 
الصورة الرمزية زهرة اللوتس
 






افتراضي رد: رمضانيات

شهرزاد ،

أقولش مو تقصي عليي بهالكلمتين

بكرة ماتجي هالحته إلا بطبق حلو على ذووقش ..



ياعمري وأنا اشتقت لش أكثر

يلا زين ذاك الأسبوع شفناش بالواتس و هالأسبوع بالمنتدى

خلاص الثالثة ثابتة .. الأسبوع الجاي في بيتنا إن شاء الله

تعالي صج // ترى غيرنا البيت وفرشناه يختلف عن ذيك السنة هههههههههه



دوم منووورة

 

 

 توقيع زهرة اللوتس :
يوسُف الضائع لابد أن يعودَ إلى كنعان
زهرة اللوتس غير متصل   رد مع اقتباس
قديم 28-07-2012, 01:50 AM   رقم المشاركة : 9
زهرة اللوتس
مشرفة عالم المرأة
 
الصورة الرمزية زهرة اللوتس
 






افتراضي رد: رمضانيات

حلى الشرقية ،، يعافيش حبيبتي

اعترفي ولا بعلم لأحد .. إنتي تدخلي المطبخ وإلا ههههههه

انزين أتوب ما بحطها في ذمتي ...


يا أختي وااااجد الحلويات السهلة و اللذيذة ومو بالفرن .. عندش الآيسكريمات

يبيلي أشوف لش آيس ,, بكرة أجيب لش مقاديره وأكسب فيش أجر ههههه


حياش وبياش خيه

 

 

 توقيع زهرة اللوتس :
يوسُف الضائع لابد أن يعودَ إلى كنعان
زهرة اللوتس غير متصل   رد مع اقتباس
قديم 28-07-2012, 02:13 AM   رقم المشاركة : 10
زهرة اللوتس
مشرفة عالم المرأة
 
الصورة الرمزية زهرة اللوتس
 






افتراضي رد: رمضانيات

جيت لكم بحلاي المعهود


شيز كيك

رد: رمضانيات


الطبقة الأولى / 2 بسكوت شاي مطحون ، مع شوية زبدة ترصينهم بطبق

الطبقة الثانية / في الخلاط

ظرف دريم ويب مع بيالة حليب بارد ( اخفقيهم زين ما زين )

ضيفي لهم قشطة ، نصف علبة حليب محلى ، جبن فيلادلفيا ( 200 ) جرام

وملعقة جيلاتين ذوبيها في ثلث كاس ماي حار وضيفيها للمقادير السابقة في الخلاط

وبرديه بالثلاجة وبعد ما يتماسك حطي عليه الخلطة ويارب شيييز الهنا،



حلى الشرقية / الشيز ما يحتاج الفرن .. سويه لبيتكم بكرة

تراني بسأل أختش عنش وعن الحلى ههههه

 

 

 توقيع زهرة اللوتس :
يوسُف الضائع لابد أن يعودَ إلى كنعان
زهرة اللوتس غير متصل   رد مع اقتباس
قديم 28-07-2012, 02:18 AM   رقم المشاركة : 11
سُندس }
مشرفة عالم المرأة
 
الصورة الرمزية سُندس }
 







افتراضي رد: رمضانيات




::




اللوتس أخبارك ؟ لش وحشه قد العالم


,


حركات شكلك طبيخه من قلب

عوافي عليك

وننتظر المزيد / شُكراً لكم .







:

 

 

 توقيع سُندس } :
/
:

* وَ ما تَوفِيقيْ إلاْ بِــ ( اللهَ ) توكلتُ عليهِ و إِليه أُنيب ْ *
سُندس } غير متصل   رد مع اقتباس
قديم 28-07-2012, 02:42 AM   رقم المشاركة : 12
زهرة اللوتس
مشرفة عالم المرأة
 
الصورة الرمزية زهرة اللوتس
 






افتراضي رد: رمضانيات



إيه صح بنيات ، نسيت أقول لكم

بالنسبة لجبن الفيلادلفيا طعمه قريب من اللبنة فعادي تقدري تستبدليه باللبنة

أو استخدمي جبن كيري بدل الفيلادلفيا .. تقريبا ست أو ثمان حبات كيري تناسب المقادير

المذكورة


حاجة ثانية ، بالنسبة للجيلاتين المُستخدم .. جيلاتين بقري بس مو برازيلي ولا ولا

إحنا نشتريه من إيران

( والحين الله يحفظهم رفعوا سعره إلى الضعف ، الظاهر الإيرانيين

لاحظوا إن الجيلاتين صاير صوغة أغلب الزوّار الحساوية فرفعوه هههه)


المهم اللي بتستخدم الجيلاتين النباتي تحاول تذوّب الجيلاتين عدل .. لإن شوي النباتي يصير

مثل الكُتل تحسي بها وإنتي تاكلي الشيز وحتى الحلويات الثانية

الجيلاتين النباتي تلقيه في هايبر العثيم وبنده


وبس

أها عاد

 

 

 توقيع زهرة اللوتس :
يوسُف الضائع لابد أن يعودَ إلى كنعان
زهرة اللوتس غير متصل   رد مع اقتباس
قديم 29-07-2012, 11:29 PM   رقم المشاركة : 13
حلى الشرقيه
طرفاوي نشيط
 
الصورة الرمزية حلى الشرقيه
 







افتراضي رد: رمضانيات





اقتباس
اعترفي ولا بعلم لأحد .. إنتي تدخلي المطبخ وإلا ههههههه

انزين أتوب ما بحطها في ذمتي ...

ههههه بعترف انا آدخل مو ماآدخل
بس اسوي الخفايف هههه يعني اذا يبون مسآعده آسآعد احم

بالنسبه للشيز هذآ مآحبه
آبي شي غير معروف

يلآ عاد عطينآ غير

 

 

حلى الشرقيه غير متصل   رد مع اقتباس
قديم 09-08-2012, 02:53 AM   رقم المشاركة : 14
هذيان أنثى
مشرفة جدائل ممطرة
 
الصورة الرمزية هذيان أنثى
 







افتراضي رد: رمضانيات

مَراحبْ جَميعاً !
مُثابينْ إن شاءْ اللهْ/ وربيْ يتقبلْ منَ الجَميعْ..

إممم عنديْ / كمْ شَغلهْ يمكنْ تكونْ إعتياديه أو تقليديه
بسْ منْ طريقهْ لَثانيهْ تختلفْ أحياناً
المهم ..!
ليْ عودهْ بأقربْ وقتْ .
<< يكون خلص رمضان


 

 

 توقيع هذيان أنثى :
زِنزانةُ الحُبُ تَسجِنُـنيْ بينَ أضلُعُكْ
وحُريةُ خيالُكْ يُبعثِرُنيْ إِلىَ أشلَاءْ .
هذيان أنثى غير متصل   رد مع اقتباس
قديم 13-08-2012, 08:40 AM   رقم المشاركة : 15
زهرة اللوتس
مشرفة عالم المرأة
 
الصورة الرمزية زهرة اللوتس
 






افتراضي رد: رمضانيات




سندس ،

أهلا حبيبتي أنا بخير ، إنتي شخبارش ؟ اشتقت لكم واجد

بعض ماعندش حبيبتي



بيخلص الشهر وما شفنا شي من إبداعكم

يلا خيه حطي لنا شي من طبيخكم ، ترى السالفة لحقي ما تلحقي


 

 

 توقيع زهرة اللوتس :
يوسُف الضائع لابد أن يعودَ إلى كنعان
زهرة اللوتس غير متصل   رد مع اقتباس
قديم 13-08-2012, 08:44 AM   رقم المشاركة : 16
زهرة اللوتس
مشرفة عالم المرأة
 
الصورة الرمزية زهرة اللوتس
 






افتراضي رد: رمضانيات




حلى الشرقية

على القوة عزيزتي ،

هاه ما عجبش الشيز ؟

تدري عاد كلما سويت حلى سهل تجي إنتي في بالي ،

أقول أكيد هذا الحلى بـ يعجب حلى الشرقية هههههههه

جبت لش حلويات وآيسات وكل خير بس إنتي تابعيني



منورة دوم



 

 

 توقيع زهرة اللوتس :
يوسُف الضائع لابد أن يعودَ إلى كنعان
زهرة اللوتس غير متصل   رد مع اقتباس
قديم 13-08-2012, 09:17 AM   رقم المشاركة : 17
زهرة اللوتس
مشرفة عالم المرأة
 
الصورة الرمزية زهرة اللوتس
 






افتراضي رد: رمضانيات




جيت وجبت لكم معي آيس كريم لذيذ ورايق بقوة

جربوه سهل وخفيف وحلو


حلى الآيس كريم اللذيذ

رد: رمضانيات

ط١ : صفي بسكوت

ط٢ : في الخلاط ٢ كاس حليب بودرة + ٢ كاس ماي + بيضتين + نص كاس سكر

+ ملعقتين طحين + ٢ ملعقة صغيرة فانيليا

بعدها ارفعي الخليط من الخلاط وشغلي عليه نار هادية ليما يتماسك وصبيه

على البسكوت

ط٣: بسكوت

ط٤ : في الخلاط ٢ ظرف ديم ويب + قشطة + ٢ ملعقة كاكاو بودر.


اتركيه يبرد زين ما زين وقدميه بالهنا و العافية

 

 

 توقيع زهرة اللوتس :
يوسُف الضائع لابد أن يعودَ إلى كنعان
زهرة اللوتس غير متصل   رد مع اقتباس
قديم 14-08-2012, 08:22 PM   رقم المشاركة : 18
هذيان أنثى
مشرفة جدائل ممطرة
 
الصورة الرمزية هذيان أنثى
 







افتراضي رد: رمضانيات

رد: رمضانيات


كُراتْ الجُبنْ

كُوب طحيِنْ
كُوبْ جُبنْ [ أناَ أفضلْ كَرافتْ أو المَراعي] المُهمْ حسبْ رَغبتجْ
ثلاثْ أرباعْ كوبْ حَليبْ
ملعَقهْ صغيرةْ خميرَهْ <أنا اذوبها فيْ مايْ
زَيتونْ حسبْ الكَميهْ وحسبْ رَغبتجْ اسودْ أو أخضرْ
بيضْ
بقسماَطْ

طريقها/ تحطينْ النواشفْ قبلْ وبعدها الحَليبْ والمايْ ماتلتزمينْ بكميه
يَعنيْ بحسبْ نظرجْ لليونهْ
وعلىَ فكره لاتخلينها كثثير لينه لانها ببتعبك وانتي تكورينها
بعد ماتخلصين كَوريهاْ وحطيِها بِبيضْ وبقسمَاطْ وإقليها!


[ السينابونْ الكذابْ بالصَمونْ]
<<الطبقْ قديمْ بسْ لَذيييِذ وسهلْ

مقاديرهْ||مَع الطَريقهْ !

كيسْ أو كيسْ صَمون حَسبْ حَجمْ الصينيهْ اليْ بتسَتخدميهاَ
تَقطعينهمْ بِشكلْ حَلقات
وبعدهاَ تجهزيْ
[كوب سكر/ نص كوب ماي/بيالةْ زيتْ/بيضهْ/ملعقتانْ متوسطتانْ دَارسينْ/حبتين
كيريْ] ~> كلهمْ بالخلاطْ
بيصيرْ لك سائلْ إخذيْ الصَمونْ وإغمسيهْ بالخَليطْ
وباقيْ الخَليطْ صبيهْ ع الصَمونْ
بعدهاَ الفرنْ مدةْ عَشرْ دقايقْ!
بعدَ ماتطلعيهْ
بالخلاطْ حطيْ 6 حباتْ جبن كيري معَ نصْ علبةْ حليبْ مُحلىَ
وصبيهْ ع الصَمونْ
بعدها/ تسويه شوكولاه او هيرشيْ وتزينيهْ بالمكسراتْ أو عينْ الجملْ
^
^
دام فيه جبن مابتاكله إشراقه

رد: رمضانيات


المَحارْ أو البعضْ يسمونهْ جيبْ التاجرْ

أناَ أسويْ عَجينتيْ العَاديهْ
كوبينْ طحينْ
3ملاعقْ حليب بودرهْ
رشةْ ملحْ
فنجان سكرْ
ملعقةْ كبيرةْ خميرهْ
بيالهْ ونصْ زيتْ
المايْ حسبْ ليونةْ العَجينْ
تحطيْ الخميرةْ والمايْ وتخلطي
بعدها تحطي باقي المقادير وتعجني
إذا حسيتي العجينهْ لَينهْ زيديْ الطحين
وخَليهاَ ترتاحْ ساعهْ
بسْ كل مابين عَشرْ دقايقْ إعجنيهاْ
عشان لَو فيهْ هوا يطلعْ وتطلعْ العَجينهْ فيها ليونَهْ
بعدهاَ
إفرديهاَ وقطعيِها دوائَرْ وإقليها بالزيتْ
وإحشيهاْ بحسبْ ماتحبينْ

وعَوافيْ

 

 

 توقيع هذيان أنثى :
زِنزانةُ الحُبُ تَسجِنُـنيْ بينَ أضلُعُكْ
وحُريةُ خيالُكْ يُبعثِرُنيْ إِلىَ أشلَاءْ .
هذيان أنثى غير متصل   رد مع اقتباس
قديم 15-08-2012, 05:52 PM   رقم المشاركة : 19
زهرة الأوركيد
مشرفة واحة الطفل
 
الصورة الرمزية زهرة الأوركيد
 







افتراضي رد: رمضانيات

الله يعطيك العافيه عزيزتي زهرة اللوتس . دائما افكارك رائعه بالمواضيع

شكراجزيلا لك وينعاد عليك شهر رمضان كل سنه وانت بصحه وسلامه

سأشارك هنا بطبق ان شاءالله ينال على اعجابكم وهو من صنع ايديه ..





رد: رمضانيات


بداية أقشر البطاطس وأحفرها من الداخل وأحتفظ باللي طلعته من الداخل من ثم أضع البطاط بشوية ماي وخل وملح تقريبا ساعه الا ربع بهذه الفتره :

أحمس البصل ولمن يصير أشقر أضيف عليه اللحم المفروم وبهارات وشويه ملح ومكعبين ماجي وملعقتين معجون طماط . لمن يستوي

البطاط بعد ذلك أحمرهم شوي يصير لونهم ذهبي . وبعدين أضع اللحم داخل البطاط ( نحشيهم )

- أخذ اللي طلعته من داخل البطاطس أضعه على النار مع شوية كزبره وبقدونس مقطعين صغار ومكعب واحد ماجي وشوية زعفران شوي احمسهم وأضعهم على البطاط يدخل الفرن .


وصحتين وعافيه

 

 

 توقيع زهرة الأوركيد :
زهرة الأوركيد غير متصل   رد مع اقتباس
قديم 17-08-2012, 06:45 AM   رقم المشاركة : 20
زهرة اللوتس
مشرفة عالم المرأة
 
الصورة الرمزية زهرة اللوتس
 






افتراضي رد: رمضانيات




هذيان أنثى

أهلا أهلا حبيبة ،

مشكوووووورة آوي آوي على الأطباق ، الله يعطيش ألف عافية

( تتوقعي بعدها الناس تطبخ ؟ >> هذي إحنا خلصنا ماهنا طبخ خلاص )

 

 

 توقيع زهرة اللوتس :
يوسُف الضائع لابد أن يعودَ إلى كنعان
زهرة اللوتس غير متصل   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 

أدوات الموضوع إبحث في الموضوع
إبحث في الموضوع:

البحث المتقدم

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة


الساعة الآن 05:53 AM


Powered by vBulletin® Copyright ©2000 - 2023, Jelsoft Enterprises Ltd. TranZ By Almuhajir

ما ينشر في منتديات الطرف لا يمثل الرأي الرسمي للمنتدى ومالكها المادي
بل هي آراء للأعضاء ويتحملون آرائهم وتقع عليهم وحدهم مسؤولية الدفاع عن أفكارهم وكلماتهم
رحم الله من قرأ الفاتحة إلى روح أبي جواد