سينبون لذيذ مثل الجاهز

[فداك الروح]

السلام عليكم
هذي أول مشاركه لي في منتدى الطرف الغالي
واتمنى انها تعجبكم.. أكيد راح تعجبكم .. تمدح نفسها
طبعا اللي جايبته لكم اليوم سينبون عجيب ولذيذ انا أكثر من مره أسويه ويطلع مره لذيذ
بس أهم شي تلتزمون بالمقادير.. يلا طولنا عليكم
مقادير العجينه
3ملاعق صغيره خميره
1كوب حليب دافئ
نصف كوب سكر ناعم
ثلث كوب زبده طريه ((مذوبه في درجة حرارة الغرفه))
1ملعقه صغيره ملح
2بيض
4أكواب طحين
طريقة العجينه
1-تخلط الخميره مع شوي ماء دافئ والقليل من السكر تقريبا ملعقه صغيره
2-نخلط الحليب مع الزبده والبيض والسكر والملح في الخلاط الكهربائي
3- توضع الخميره والطحين على الخليط السابق بشكل تدريجي في أغلب المرات لانحتاج الكميه كامله ونعجن بشكل جيد ولفتره طويله تقريبا عشر دقائق وأثناء العجن نحاول رفع العجين لإدخال الهوا
4-تقسم العجينه أربع أقسام ونتركها تخمر ساعه كامله
مقادير الحشوه
كوب سكر بني _ملعقتين ونصف صغيره قرفه_نصف كوب زبده طريه (انا استخدم أقل من نصف كوب )
مقادير الصوص
نصف كوب من شيرة البانكيك
ربع كوب سكر بني
2ملعقه كبيره زبده
1ملعقه صغيره قرفه
تذوب جميع هذه المقادير على النار
مقادير التغطيه
3ملاعق كبيره زبده
1كوب سكر بودره
نصف علبة جبنة فيلادلفيا
نصف ملعقه صغيره فانيلا
رشة ملح
تخلط جميع المقادير في الخلاط
طريقة لف العجينه
*بعد ماتخمر العجينه نبدأ بفردها وندهنها بالحشوه ثم تلف بالطريقه المعتاده لسينبون (السويسرول)
*تقطع حلقات ونضعها في صينيه مدهونه بالزيت وندهن وجه الحلقات بالحليب
*تترك لتختمر مدة ساعه أخرى
*بعد ماتختمر ندخلها الفرن ونخبزها لمدة ربع ساعه فقط
*بعد مانطلعها من الفرن وهي حاره نضيف الصوص والتغطيه
*ممكن إضافة المكسرات وصوص الشوكولاته هيرشي

يلا جربوها وقولو لي
لاتقولون المقادير واجد والطريقه صعبه بس ترى
الطعم جنان

 

 

[سُندس }]

باين الطبخه حلوه

راح انجربها ونشوف بتطلع لذيذه أكيد .



أهلاً بكِ حبيبتي فداك الروح / لكِ الصفحات أنثري ماتريدين / ننتظر روعتك دوماً /

 

 

[مالك]

 

 

[فداك الروح]

أختي الدانه مشكوره على الترحيب ...وان شاء الله راح أزودكم بالمفيد دائما
ويلا خلينا نشوف همتش اذا طبقتي الطبخه قولي لي
أخوي مالك مشكور على الرد والله يعطيك العافيه

 

 

[قلب طفلة]

دانهـ

هي نفسها تبع السويترول ( الكيك الجاهز الدائري بالسكر والقرفه ) ..

انا افضل اعمل السينبو ن الكذاب هو نفس المذاق واسهل ..

يسلم دياتكـ فداكـ ..

زيدينا من لذائذ كـِ

 

 

[فداك الروح]

مشكوره حبيبتي قلب طفله على الرد
أنا أقصد بالجاهز الكيك اللي يسويه محلات السينابون
ماأدري إذا إنتي جربتي الكيك اللي عندهم أو لأ
على العموم حبيبتي ياليت تزودينا بوصفتك عشان نستفيد

 

 

[تاروتية]

خلاص أختي فداك الروح

حطمتي ع محلات سينابون
طريقة حلوة وسهلة

ولكن عزيزتي عندي طريقة اخرى أسهل من هذه
سأضعه لكِ لتجربيها لاحقاً

جزاكِ الباري خير سأجرب طريقتكِ ونرى النتيجة

 

 

[فداك الروح]

مشكوره حبيبتي تاروتيه على الرد
وأنتظر تزويدنا بالطريقه بأسرع مايمكن