o!i أول يوم في " أولــى إبـتــدائــي " ،،، ماذا فعلت ؟؟ o!i

[رنين]

السلام عليكم
تسلم اخي اول الغيث على الوضوع

بصراحه المواقف الي قريتها خلتني اضحك واضحك لين تعبت

عاد موقف اختي الروح الشفافه ضحكني مره

بس عاد ماحبيت اضحك الحالي خليت خواتي معي السموحه منكم تدرون صعبه اضحك الحالي

المهم اذكر لكم موقف بما اني مأحب اتذكر أيام الطفوله ابدا

اول ايام الدراسه والموقف الي مريت فيه

اول يوم رحت المدرسه بكل نشاط وفرح وناسه معي الوالده دخلنا الفصول على طول وانا أطالع في المعلمات

واختار لي معلمه واقول لامي ابقى الي تدرس اختي وأختي في رابع المهم جاتني مدرسه غير الي انا ابقي شينت

وجهي وقلت لاانا مابقي هاذي المعلمه ( المعلمه مسكينه تفتكر مابقى المدرسه وانا مابقاهاأهي )وتعطيني

البسكويت والربيان ووو... وانا لا مابغي أبوي يشتر لنا وعندنا في البيت واجد المهم اقنعتني امي بعد محاولات

وقلت لامي خلاص روحي البيت وانا بجي معه اختي (البنت صايرمعتمده على نفسه من البدايه) امي مشت بعد

ماوصت اختي علي خلاص .المعلمه طلعت من الفصل وقالت لطلعون بس شوي وراجعه لكم وانا وراها ماحست

فيني ورحت اتجول في المدرسه فصل فصل ماظل مكان مارحت فيه (كأني بشتري المدرسه) واشوف البنات واجد

واللعب معه اي بنت اشوفها تلعب المهم جاء اخر الدوام نسيت وجود اختي في المدرسه رحت معه بنات في صف

ثاني وثالث أهم يعرفوني وانا ماعرفهم ركبت معهم الباص وانا يالله وين بيتنا والبنات يالله نزلي معانا انا لا كل

وحده تقولي مكان احترت والحين جه وقت الخوف خلاص الباص مافيه ولا بنت الا انا وتوني بصيح الا سئلني

السواق وين بيتكم وانا مأدله وقالي مين بنته انتي انا بنت فلان الفلاني طلع السواق بيتهم قريب من بيتنا وشاف

اخوي وخلاني اروح معه وعلمني وين أوقف وين أنزل

واختي جات من المدرسه وهي معصبه لانها تعبت وهي تدور علي وانا عادي عندي مبسوطه ومرتاحه


وهاذي قصتي في اول يوم

تشكر اخي اول الغيث

 

 

[تاروتية]

اقتباس وإذا ما عليج كلافة ،،، عندنا طالب نبغى ننقله من مدرسة معاذ بن جبل ،، إلى مدرسة " الشبرة " ومحتاجين واسـطــة .... ما أدري فيه إمكانية يعني ...؟؟

ماطلبت شئ اخوي
خلاص تم من بكرة قوله يروح مدرسة شبرة

 

 

[بوعبدالغني]

بسم الله الرحمن الرحيم
السلام عليكم ورحمة الله
موضوع رجع ذاكرتي لـ15سـنــه للخلف

طبعاً انا كنت بليد في الدارسة في المرحلة الابتدائيه حيل
حتى صف اول ابتدائي عدته سنتين
السنة الاولى كانت علي الاجواء غريبه وحلوه
رحت المدرسة مع اخوي الكبير وكان في صف سادس
ووداني المدرسة وجلسنا نتظر ترتيب الاسماء للفصول وكان
فصلي اول/ج

وبدات حياتي التعليمية ودخلنا قام المدرس يوزع علينا العصير والكيك والحلويات
يالها من ساعات حلوه والله وبعده اشوي اخوي راح عني ويالله عاد كلنا يصيح في جهة
وكنت بليد في معنى الكلمة وكل يوم انطق لين تخرجت من المتوسطة
وبعدة رحت الثانوية واللحين الكلية الحمدلله حياتي صارتي حلوه مافي طق والشهادة دوم مرتفعه

لكم خالص تحياتي

 

 

[Renan]

والله ، ماتدري يا أول الغيث ، يمكن احنا للي في بالك .

كل شيء يجوووز .

والله مواضيعك زي العسل ، قصدي أحلى من العسل ، العسل ما يصف يمها.

الشكر لك أخي أول الغيث على هذا الرد الرائع و الذي أثلج صدري .

 

 

[أول الغيث]

زهرة اللوتس

اقتباس إيـــــه يا أول الغيث رجعتنا بهالموضوع لثلاثين سنين ورا >> مثل المسلسلات

إيـــــــه الله يرحمه ،، كان رجّال طيّب ..!!

اقتباس أذكر في أيام ابتدائي كلها كنت هادئة بدرجة وصيّاحة في البيت والمدرسة وأي أحد يقول لي كلمة وحدة بس أنّزل راسي وأصيح بهدوء

زهرة اللوتس>>>> ثم ثم

اقتباس أهلي الله يخليهم مشكلتهم مشكلة الدراسة عندهم هي الشيء الأول والأخير وغلطة الشاطر بعشر >>> غصب

عدل شغلهم ،،،




ما تشوفين قلنا الدراسة تعتبرقرين الحياة ،،،

اقتباس المهم أول يوم دخلت المدرسة بهدوء وكنت لازقة فأمي كوني في البداية استحي

أكيد مــاسـكـة العـبـاة ،، ها؟؟

اقتباس و لما أمي راحت عني ماصيّحت ومازاعجت لازمت إيد ليّول بنت جيراننا سابقًا واللي مواصلة معي المشوار إلى اللحين ندرس في الجامعة

شكلها لـيّـول بتدخل الجنة ،، بسببش ..

اقتباس فبالعكس كنت فرحانة ،، الله مدرســـــة كشخة يعني بصير مثل أختي الكبيرة عندي كتب واقلام وأهم شي بعد أهلي بيعطوني فصحة عصير توم وجيري مثل إخواني

يااااااااااااااااااااااااااااااااااه



عصير توم & جيري <<<<< قدييييييييييييييييييييييييييم



حتى أذكر يوم كنت في أولى إبتدائي أجمع الصور ( الملصقات ) اللي عليه



عشان الصقهم في ذاك الدفتر ، واحصل على الجائزة ( فيلم سينمائي لعبة ) ،،،،،



والحمد لله حصلت عليها من مركز زين العابدين ،،،،



وهي تعتبر باكورة الجوائز التي حصلت عليها في هذا المشوار <<< ( تجميع صور العصيرات << سن توب ....إلخ ).

اقتباس وراح الأسبوع الأول وهم يدبلونا بالزعتر والعصير

زعتر عاد الله يهديهم ؟؟!!



أخبر ربيان فش فاش ومصاص وحلاوة ،،،

اقتباس ويداورون بنا في المدرسة كم دورة يعني لفوا براسنا لف وانتهىهالأسبوع

يلاّ كل وحده تحط يدينها على كتوف اللي قدّامها وتمشي ،،،، عدل ؟؟

اقتباس وابتدينا المشوار إللي إلى اللحين مو راضي يخلص

هــوّنيها وتهووون ،،،، هذا علم مو لعب ..!!

اقتباس عذرًا طولنا عليكم

لا ،، اشدعوه ... هذا احنا قاعدين ما ورانا شيء ...

اقتباس بس بذكر لكم موقف صار مع أحد الأقارب في اول يوم مدرسة ولازم أقوله لايصير لي شي

أنا أخلي مسؤوليتي إذا تعرضتِ لهذا الموقف >>>

اقتباس هو اسمه عبد الله وأهله الله يحفظهم مايسمونه من الصغر إلا عبود ،، فكبر وعلى باله هذا اسمه فأول اسبوع وفي الطابور ظلوا ينادوا باسمه مارد عليهم عبد الله بن فلان عبد الله بن فلان فافتكروه غايب ومشى الطابور وبقى هالولد شسمك ياحلو ،، ببراءة أنا اسمي عبود

ما شاء الله ،،!!!



شسمك يبه ؟؟



عبووود



هالصغيّر ...





هذا الموقف حصل مع أحد الأشخاص ، وهو عضو معنا هنا في المنتدى ..




طبعاً هو اسمه حسين ،،، ومتعوّد ما ينادونه إلاّ ..." بوعلي "



و يوم راح المدرسة لأول مرة



سأله المدير : شسمك يا ولدي ؟؟



قال : بو علي



قال المدير : ايه بس شنو اسمك الحقيقي ،،،، قال : بوعلي !!



قال ايه هذي كنيتك ،،،،، احنا نبغى اسمك ،!!



قام هالولد الحليو و بكل جرأة ،، وقال : هوهوووووو ... ياخي قلنا لك بوعللللللللللللللللللي ..!!!









زهرة اللوتس




مشكوووووورة أختي وما قصرتي


على هذه المتابعة والمواقف الجميلة


والرائعة عن ذكريات زمان أول



والله يعطيج ألف ألف عافية

 

 

[أول الغيث]

حلى الشرقية

اقتباس بصراحهـ كل موقف احلى من الثاني ؛؛؛ يلا نبدا ؛؛؛

يلاّ بسم الله ...

اقتباس أحمـ أحمـ << الصوتـ مسموع ؟؟؟ اللي وراء تسمعون ؟؟؟ اها اوكي تمامـ

ياللي وراء ،،، تسمعون ؟؟



ما نسينا أحد ؟؟



كل واحد يتأكد من اللي جنبه ..!!!



اوكي تفضلي أختي : حلا الشرقية ..

اقتباس اولاً :: شكر خاص واحترامـ عنيف من القلب للقلبـ الى المبدع والمميز أخي (( أول الغيث )) بصراحهـ موضوعكـ حركاااااااتـ

مشكوووورة أختي وما تقصّرين



على هذ الإطراء الرائع و الكبير على واحد مثلي ..

اقتباس يسلملي هالمخ مااذكاهـ << لاتخاف ماعرف احسد

لا تخافين ،،، الحسد آخر شيء ممكن اعترف فيه ...

اقتباس ثانياً :: نبدا بأول يوم دراسيـ وهو انهـ طبعاً كنتـ اول يوم فرحانه ومبسوطهـ بلبس كل شئ جديد وحركاتـ ودنيا هذا في الصباح قبل لا اروح المدرسهـ .....

الساعة 6 الصبح ؟؟.... صح ؟؟



طبعاً في هذا التوقيت ، و في كل بيت تقريباً



تحدث هناك حالة من الطوارئ ، بين الأمهات والأبناء ...

اقتباس رحت المدرسهـ مع أمي (( الله يحفظها )) اول مادخلت عادي حيييييييلات لان معي امي وأختي وبنت جيرانا واطالع في البنات واضحك ومبسوطه حدددي .. جى الطابور والعفسهـ هم كنت عادي

اوف اوف ....




أجل غطّيتي على اخونا الفتى الممتع في الحماس والشجاعة !!...

اقتباس الموووهووم دخلنا الفصل ودخلت المعلمهـ وجلست معي أمي وظلت اشوويه وقامت بتطلع شان اقومـ اصيح ... ماني ابي اروح البيت وياج ...

تروحين البيت ؟؟ ،،!!...قعدي مكانج ،،

اقتباس وامي تقولي لا هنا المدرسه حلوهـ والحين بيسون جيه وجيه وانا ابي اروح معها المهمـ وقفت المعلمهـ وظلت تكلمني بكل حنيهـ وعطتني كيك وبيبسي بعد موعصير وبسكويت ريكو بعد مدري اسمه ريكو والا غير بس قدامهـ المهمـ مافيهـ أمل اسكت وبعدين امي طلعت وخلتني اصيح لحالي

هذا عطوج كيك وبيبسي ،،، وتصيحين بعد ؟؟؟




ما ادري اشتبين أجل ؟؟؟




على فكرة : أول الغيث عضو في نادي ريكو ،،!!! ........ ايه لا احد يغلط ،!!

اقتباس طبعاً أول يوم ماكانوا يدرسونا يعني عادي اول حصه وثاني حصه نمشيها بصيااح بعدين تطلع المعلمه واطلع وراها واروح لأختيـ خلاص راح الصياح وقمنا نتمشى وتفسحنا عاد على ايامـ اول الفسحهـ (( زعتر ؛ عصير ؛ بطاطس زيزو على كاتشب )) وصار طول اليومـ نحن فاضين وصرت طول الوقت مع أختي وبنت الجيرانـ وخلص اول يوم ..

خلص أول يوم ،، وليته ما خلص <<< لسان حال حلا الشرقية ..




أكل وفرفشة و وناسة ولعب .....

اقتباس رجعت البيت ووخروا عني انا في المدرسه الحين واللي يشوفني وانا اشتري الدفاتر يقول كلش ذي مبسوطهـ وانا من بره الله الله ومن داخل يعلمـ الله خخخخ رجعت البيت قلت حق امي ماني رايحه المدرسه بكرهـ الا بشنطهـ ومريول وكل شئ جديد غير هذولا اللي عندي وامي تقولي هذولا جدد واقوم اصيح ماني رايحه المدرسه الا بجديد والله مساكين اهلي وودوني اشتري وشريت لي وكذا سارت الايامـ كله اصيح في صياح ؛؛

إنا لله ،،،




كل شي جديد شارينه لها ،، يابوزغط ...



وهَم مب راضية تهوّن عن الصياح ...

اقتباس على فكرهـ حتى وانا في الثانويه اصيح اول يوم خخخخخخ <<< يؤبرني الرقيقـ

بــــعــــد ؟؟؟

اقتباس واليووومـ انا هذرت كثير مدري انتوا استانستوا والايمكن ماقريتوا شئ بالاساس والله مايندرى

لا والله يا خيتي ...



إضافتج أكثر من رائعة



والصراحة استانسنا معاها ،، وآنا شخصياً قريتها أكثر من مرة ...



خصوصاً سالفة الدفاتر والمريول الجديد ،،،

 

 

[أول الغيث]

زهوررر الريف

اقتباس بيني وبينك خلها ستاير حتي في الثالث ثانوي بكيت

حتى ثالث ثانوي ؟؟؟




اوكي خلاص

اقتباس ان انشاء الله الله يسمع منك لو ما كو امل بس الامل بيد الله

لايأس فالفجر يولَدُ رغم أشباح الظلام



والشمس تشرقُ رغم إطباقِ القتام



ومواكبُ الآلام يزهقها بصيصٌ من رجاء



لتُطِلَّ مثل الصبح قافلةُ الحنين إلى الضياء

اقتباس وش هالسؤال التافه سهــــــــــــــــــــــــل بحيل انا اعرف اجابته من اول ابتدائي

إنا لله وإنا إليه راجعون




إن سألنا أسئلة صعبة ،، قالوا هذا تحقيق ، مب مقابلة شخصية ؟؟!!




وإن سألنا أسئلة سهلة ،، قالوا تستهزءون بنا .. تعطونا أسئلة تا فهة ؟؟!!




والله ما ينعرف لكم يالسعوديين؟؟!!

اقتباس توفي من19 من ربيع الاول 663ه و6 من ينايير 1265م وتوفي من القرب من راغه

اوه اوه ماشاء الله




جبتيها صح يا زهوررر الريف




خلاص أجل يا خيتي ،،، ألف ألف مبرووووووووووكـ




لقد نجحتي في المقابلة الشخصية




ولكن ستكون هناك مفاضلة بين المتقدمات




وسيتم اختيار طالبة واحدة فقط ،،!!!




ونتمنى أن يكون المقعد من نصيبك ...

اقتباس ومره ثانيه اسأل اسأله من مستوي مو هذا السؤال الله هديك

إن شاء الله

اقتباس ذكرت موقف في ابتدائي يومنا رحت ثلث ابتدائي اصف طابور قالتلي المعلمه هي انت وش جابك هنا روحي فصلك مع اولي هنا ثالث قلت لها انا ثالث وتكذبين يلا رجعي اولي شكلك هاربه من فصلك.......

و أكيد زهوررر الريف ، استسلمت للموقف




ورجعت للصف الأول ... وضاعت سنتين من عمرها هباءً منثورا ...

 

 

[أول الغيث]

رنين




عليكم السلام ورحمة الله وبركاته

اقتباس بصراحه المواقف الي قريتها خلتني اضحك واضحك لين تعبت

اقتباس عاد موقف اختي الروح الشفافه ضحكني مرة بس عاد ماحبيت اضحك الحالي خليت خواتي معي السموحه منكم تدرون صعبه اضحك الحالي

اخذي راحتج أختي



والروح الشفافة شكلها ريّضة معاكم ،،،،، للحين ما سمعتوا شي ...

اقتباس المهم اذكر لكم موقف بما اني مأحب اتذكر أيام الطفوله ابدا

اقتباس اول يوم رحت المدرسه بكل نشاط وفرح وناسه معي الوالده دخلنا الفصول على طول وانا أطالع في المعلمات

لا ،، أجل احنا أحسن منكم




جلسة في ذيك الساحة ،،، وذاك الهواء العليل يهب علينا و حركاااات

اقتباس واختار لي معلمه واقول لامي ابقى الي تدرس اختي وأختي في رابع المهم جاتني مدرسه غير الي انا ابقي شينت وجهي وقلت لاانا مابقي هاذي المعلمه ( المعلمه مسكينه تفتكر مابقى المدرسه وانا مابقاهاأهي )

بعد تتشرطين عليهم من أول يوم ؟؟!!



لا والمعلمة مسكينة ،،، على نياتها " و ياغافلين لكم الله "

اقتباس وتعطيني البسكويت والربيان ووو... وانا لا مابغي أبوي يشتر لنا وعندنا في البيت واجد

استر !!!



القناعة كنز لا يفنى



طبعاً رنين تقول للمعلمة : الحمد لله عندنا خير ،،، الله لا يحوجنا لكم بس ...

اقتباس المهم اقنعتني امي بعد محاولات وقلت لامي خلاص روحي البيت وانا بجي معه اختي (البنت صايرمعتمده على نفسه من البدايه)

نعم ،،، هذه هي المرأة العصامية ،،، التي كوّنت نفسها بنفسها من الصفر ،،،

اقتباس المعلمه طلعت من الفصل وقالت لطلعون بس شوي وراجعه لكم وانا وراها ماحست فيني ورحت اتجول في المدرسه فصل فصل ماظل مكان مارحت فيه (كأني بشتري المدرسه) .

والله انتِ غطّيتي عليه بالمرررة




حتى اللي بيشتري المدرسة بــيــتــعــب ،،، بيشوف فصل أو فصلين وبيقول خلاص تعبت...

اقتباس المهم جاء اخر الدوام نسيت وجود اختي في المدرسه رحت معه بنات في صف ثاني وثالث أهم يعرفوني وانا ماعرفهم ركبت معهم الباص وانا يالله وين بيتنا والبنات يالله نزلي معانا انا لا كل وحده تقولي مكان احترت

من شاف أصحابه نسى اخوانه <<<< ما تجي بس يلا ما عليه ..



لا و ماشاء الله عزايم وحركات ،،، وكل وحده تقول الغداء عندنا ,,,

اقتباس والحين جه وقت الخوف خلاص الباص مافيه ولا بنت الا انا وتوني بصيح الا سئلني السواق وين بيتكم وانا مأدله وقالي مين بنته انتي انا بنت فلان الفلاني طلع السواق بيتهم قريب من بيتنا وشاف اخوي وخلاني اروح معه وعلمني وين أوقف وين أنزل

اشوا طلع السوّاق من البلد ،،،



ولاّ شان رجعتي المدرسة مررة ثانية ...

اقتباس واختي جات من المدرسه وهي معصبه لانها تعبت وهي تدور علي وانا عادي عندي مبسوطه ومرتاحه

إن شاء الله إنها برّدت قلبها بس ؟؟ ،،،!!







رنين




ما قصرتي أختي على هذه السلسلة من المواقف



والعجائب و الغرائب التي تجولنا داخلها



واستمتعنا بها إلى نهاية الدوام في المنتدى ..



( لكن الحمد لله لم نضيّع المنزل )

 

 

[أحلى ملاك]

:

رجعت مره ثانية { عاجبها الموضوع ..

اقتباس أكيد مريول أزرق ،،، وشرّيطة حمراء

ايوه بس الشريطة مو حمراء .. كنت ألبس بيضاء ..

اقتباس أجل آنا حطوني في فصل أولى - ب

يؤيؤ .. فصلي .. ليه ماشفتك ؟ وين كنت ؟ ولا غايب ؟!!

اقتباس أذكر يوم كنت في أولى إبتدائي أجمع الصور ( الملصقات ) اللي عليه عشان الصقهم في ذاك الدفتر ، واحصل على الجائزة ( فيلم سينمائي لعبة ) ،،،،،

على طاري الملصقات .. كنت لما بحل ٌ واجباتي .. ماأحل إلا لين أمي ..
أشوفها تحط لي بالدفتر " طباعة الحرف" ..
الي أخذتهـ وطبعاً الحرف مدلع بشكل ولمعة ورسمة ..
علشان كذا كنت انتظرها تحط واشوفه استانس



أرق تحية


:

 

 

[أول الغيث]

تاروتية

اقتباس ماطلبت شئ اخوي خلاص تم من بكرة قوله يروح مدرسة شبرة

ماشاء الله أختي تاروتية



واسطتكم مررررة قوية



ما أمداني أعتمد الرد ،،،، إلاّ والتلفون يرن ،،،



ويبشّروني بإنتهاء مشكلة الطالب وإنتقاله إلى مدرسة الشبرة ....






تاروتية




بعد عندنا موظف نبي ننقـله لــ...................



ولاّ خلاص خلاص ما يحتاج <<<< كلّش ما تنعطون وجه انتو..

 

 

[أول الغيث]

بو عبد الغني





عليكم السلام ورحمة الله وبركاته

اقتباس موضوع رجع ذاكرتي لـ15سـنــه للخلف

بس 15 سنة ؟؟؟




زين .. توّكـ شباب يا بو عبد الغني ،،،

اقتباس طبعاً انا كنت بليد في الدارسة في المرحلة الابتدائيه حيل حتى صف اول ابتدائي عدته سنتين

استر على ما واجهت يا بو عبد الغني ،،،،

اقتباس رحت المدرسة مع اخوي الكبير وكان في صف سادس ووداني المدرسة وجلسنا نتظر ترتيب الاسماء للفصول وكان فصلي اول/ج وبدات حياتي التعليمية ودخلنا قام المدرس يوزع علينا العصير والكيك والحلويات يالها من ساعات حلوه والله

إلى الآن كل شيء تمام وحلووو عند بو عبد الغني ،،،،





لكن الكلام بعد قليل ،،



7



7



7

اقتباس وبعده اشوي اخوي راح عني ويالله عاد كلنا يصيح في جهة

اقتباس وكنت بليد في معنى الكلمة وكل يوم انطق لين تخرجت من المتوسطة

لا حول ولا قوة إلا بالله




طفولة كلها بؤس وشقاء وعذاب




لله درّك يا أبا عبد الغني ،،، كيف تحمّلت كل هذه المتاعب ؟؟




ولم يعتريك اليأس أو يجهدك الضنا ؟؟

اقتباس وبعدة رحت الثانوية واللحين الكلية الحمدلله حياتي صارتي حلوه مافي طق والشهادة دوم مرتفعه

الله يوفقك اخوي بو عبد الغني ومشكووور وما قصرت




ويارب نسمع خبر تخرجك وتوظيفك و زواجك بعد ،،،




بس لا تنسى ما تعزمنا ,,,,,

 

 

[أول الغيث]

الفتى الممتع

اقتباس والله ، ماتدري يا أول الغيث ، يمكن احنا للي في بالك . كل شيء يجوووز .

ايه والله صدقت ،،، كل شيء جايز في هالدنيا ،،

اقتباس والله مواضيعك زي العسل ، قصدي أحلى من العسل ، العسل ما يصف يمها.

لا تقول عاد يا خوي ،،،




الحين يسمعك النحل ويزعل ،،،،

اقتباس الشكر لك أخي أول الغيث على هذا الرد الرائع و الذي أثلج صدري .

ألف شكر لك اخوي على هذه المتابعة والمشاركة




وما فعلناه أقل من حقكم وأقل من الواجب ...

 

 

[بوعبدالغني]

السلام عليكم ورحمة الله

اول الغيث صباحك عسل وعساك ع القوة

ع التحليل الذي فتح نفسي للمشاركة ع الموضوع الرائع

عساك على القوة

 

 

[أول الغيث]

أحلى ملاكـ

اقتباس رجعت مره ثانية { عاجبها الموضوع ..

حياﭺ الله أختي ،،،، الموضوع موضوعـﭿ والمكان مكانـﭿ ..

اقتباس ايوه بس الشريطة مو حمراء .. كنت ألبس بيضاء ..

أجل أكيد كنتي تخالفين النظام .....

اقتباس يؤيؤ .. فصلي .. ليه ماشفتك ؟ وين كنت ؟ ولا غايب ؟!!

لا .. كنت موجود ،، بس يمكن ما عرفتيني



لأنه كان اسمي غير ،،،،( ما بعد يسموني " أول الغيث " )..

اقتباس على طاري الملصقات .. كنت لما بحل ٌ واجباتي .. ماأحل إلا لين أمي .. أشوفها تحط لي بالدفتر " طباعة الحرف" .. الي أخذتهـ وطبعاً الحرف مدلع بشكل ولمعة ورسمة .. علشان كذا كنت انتظرها تحط واشوفه استانس

عاد انتو يالبنات ما أحد يلحقكم في هالسوالف ،، ( الملصقات أكثر من الكلمات في الدفتر !! ) ..

 

 

[أول الغيث]

بو عبد الغني




عليكم السلام ورحمة الله وبركاته

اقتباس اول الغيث صباحك عسل وعساك ع القوة ع التحليل الذي فتح نفسي للمشاركة ع الموضوع الرائع عساك على القوة

مساءك قشطة اخوي بو عبدالغني




والله يبارك فيك ، وعساك دوم مرتاح ومستانس إن شاء الله




يعطيك العافية اخوي وما قصرت ...