| وش تسوي إذا غلطت في رقم التلفون ؟|

[درة الفجر الباسم]

انا حصلت لي كثير
بس الي اتذكر انا في ايام الخطوبه يدق زوجي عشان يكلمني
وذاك اليوم اتصل وارفعته اختي الووووووووو ؟؟ [color="purple"]السلام
وعليك السلام
شالأخبار
الحمد لله
بس اختي انتبهت انه زوجي وقالت له تبغي افلانه

[وقالي مره ثانيه لا تخلين احد يرفع السمااااعه
/color]

 

 

[عركاوي 89]

اقتباس المشاركة الأصلية كتبت بواسطة أول الغيث عركاوي 89 و آنا أقول عركاوي ،، كل اشوي عارض لنا كمبيوتر للبيع !!

شنسوًي بعد
نتاجر من زمان

 

 

[الزين كله]

يسلمو خيو على هيك موضوع رهيب والله

بس الحمدلله حاليا ماصار معي موقف لاني لوينفجر الجوال مارد عليه الا الشخص اللي اعرفه

لو صارت معي بالغلط اسكر بوجهم اتوهق ماعرف ارد خخ حتى لو وحده من ربيعاتي تدق وتسوي نفسها تلعب علي اسكر وبجها عشان مره ثانيه تتعلم ولا تلعب علي ××× ياخطيره هع يلا برااااااااااااا

 

 

[أول الغيث]

سكون الصمت

اقتباس الطرف الثاني : نعــــــم !! سلامات .. النمره غلط ..

اقتباس أنا : طيب شكرا .. الطرف الثاني : طوط طوط طوط ..

والله كل شي أوكي .. وطبيعي

بس الدقّة في كلمة سلامات ،، أحس فيها استخفاف بالمتصل ..

<<< خلّك محضر خير ،، ولا تفتّن ..

خادمة زينبية

اقتباس وفعلا هديت وبعدها نمت ومر يومين ولاجاني أي شي ولله الحمد

اقتباس وتعلمت من هالتجربة اني مارد على أي رقم غريب وإذا رديت ماأتكلم قبل ما أتأكد من الشخص المتصل

أوففف .. مأساة الصراحة ..

زين الله ستر .. ولاّ شان رحتي فيها ..

بس أتوقع أنه خرّاط .. وماعنده ما عند أمي الشيخة ..

يسوّي نفسه يعنّه قوي .. ويسوي مثل الأفلام والمسلسلات ..

 

 

[الغريب]

إذا كنت أنا المتصل بالخطأ ، فأعتذر ، ومع السلامة

إذا كان المتصل بالخطأ أقول له غلطان يالطيب

ولكن حصل موقف منذ فترة طويلة ..

ألو ، مباشرة .. السلام عليكم الشيخ الفلاني ، ممكن تفسر لي هالحلم

وماعطاني فرصة أتكلم

في النهاية قلت له لست الشيخ الفلاني وغلطان في الرقم






وفق الله الجميع

 

 

[أول الغيث]

بحر الوفا

اقتباس طبعاً أنا إذا اتصلت على شخص ماأحب أحد يرفع جواله وعطيني فلانة ومين أنتي ؟

ايه والله .. قمة اللقافة ترفع جوال غيرك بدون مبرر مقنع ..

اقتباس المهم صديقتي استنكرت الحركة وقالت لي عاد بحر لاتسكرين في وجهها مرة ثانية .,.

خذتها الحميّة على الوالدة الحجّية ..

اقتباس طبعاً هي كانت متصلة علي من زمااان بجوال أبوها وأنا خزنته بإسمها

اهااا .. شذيه السالفة أثر ؟!

يلاّ ما يخالف .. تصير مع أكثر الناس ..

لا تفكّرون فيها واايد ،، ولا تشيلون همّها ..






زهرة اللوتس

اقتباس أذكره كان و أنا في سنة ثالثة جامعة ، أيام اختبارات الترم الأول

كل شي جايز والله ..

اقتباس ما أدري .... يتروالي أنا علقت عليه هالموضوع من أول العام ،

شيسمونه ذاك ..

ترى عندي الردود اللي ذيك السنة ..

<<< عقب ماتأكدت من أن الموضوع ماله رجعه

خمّيت الردود وبقية آثار الموضوع من سجل المحفوظات ..

اقتباس وأنا مستغربة ، تفكفكت براغي مخي / شلون هالحرمة عرفت إني أنا أخت فطوم أختي

جيدين هالمستشفى ماشاء الله عليهم ..

التقنية اللي عندهم تعدّت حاجز الكاشف ،، والشغلات العتيجة هذي ..

اقتباس إيه عاد أقول لكم ، من سكنا بيتنا الحين عشر سنين إلى يومكم ، أسبوعيا نفس السؤال ونفس الإجابة يرن تليفوننا : ألو موجود ضيف الله ، و إلا هذا بيت أم شاكر ، هذا بيت بو عيد الجواب : لا حجيين ، النمرة غلط ... من جدكم ؟ جوابنا : و الله

يلاّ ،، أنتو أحسن من غيركم !!

غيركم بيتهم له أكثر من 30 سنة يمكن ..

والمستوصف + المغسلة + البيوت اللي يبونها ،، هذي هي ماتغيّرت ..

 

 

[kaha]

اقتباس المشاركة الأصلية كتبت بواسطة أول الغيث kaha ايه اخلص علينا عااد .. ترى مانبي إلاّ المواقف اللي فيها أكشن ..

حبيب قلبي اول الغيث .

مشاغل هالدنيا ناسي بصراحه وانت خابر الذاكره 256

 

 

[أول الغيث]

درة الفجر الباسم

اقتباس شالأخبار الحمد لله بس اختي انتبهت انه زوجي وقالت له تبغي افلانه وقالي مره ثانيه لا تخلين احد يرفع السمااااعه

لااا .. مالكم حق تحطّون الرجّال في هالموقف ..

<< يعنّه مايرضى على معشر الرجال




عركاوي 89

اقتباس شنسوًي بعد نتاجر من زمان

الله يرزقك ويزيدك من حلاله

ويوسّع تجارتك حتى تصل إلى الكوابرس

>>> تراها مكسب ما بعده مكسب ..




الزين كله

اقتباس لو صارت معي بالغلط اسكر بوجهم اتوهق ماعرف ارد خخ حتى لو وحده من ربيعاتي تدق وتسوي نفسها تلعب علي اسكر وبجها عشان مره ثانيه تتعلم ولا تلعب علي ××× ياخطيره هع يلا برااااااااااااا

أوووه .. مب اشوي اثرش

بس يلا .. هالطريقة أحسن وأريح وأفكّ

و لو أنها صكّة في الوجه ..

 

 

[أول الغيث]

الغريب

اقتباس ألو ، مباشرة .. السلام عليكم الشيخ الفلاني ، ممكن تفسر لي هالحلم وماعطاني فرصة أتكلم في النهاية قلت له لست الشيخ الفلاني وغلطان في الرقم

لو آنا منك فسّرته له ،، وبكيفه بعدين << فوضه بس ..


في هالمواقف .. يمديك تقول له أنك غلطان ويعرف السالفة ..

بس عليك باللي يتصل على بيت ويقول لهم : تعالوا يالدفاع المدني بيتنا فيه حريجة ،، طوط طوط طوط



kaha

اقتباس حبيب قلبي اول الغيث . مشاغل هالدنيا ناسي بصراحه وانت خابر الذاكره 256

أفااا .. ما برحت عليها ؟!!

الحين أغلبهم يجيك شدّ بلد .. بذاكرة 1 جيجا وأنت رايح ,,

 

 

[أحسائية]

أهلاً من جديد
موقفنا ( بدايات الكاشف
كانت صاحبتي داقه علي أزعلت وقفلت ومآ حبيت تبقى زعلانه دقيت على بيتهم ودوم مشغول
قلت مو مشكلة الآن أنام وغداً نتفاهم
لحظه ودق الهآتف
هلا فلانه
المتصلة : إنتِ داقه على بيتنا ( ما عندهم إلا هذا السؤال ما يعرفون كيف يتصرفوا
قلت لهآ : أي أريد فلانه
قالت : كذابة إنتِ تلعبي إذا دقيتي مره ثانية بدق على الشرطة
وقفلت وما أتركت فرصة أوضح لهآ
وقتها ما عرفت أنام أحس الشرطة عند البيت ( بجد صدقتها
ما قلت لكم كيف دقيت الرقم خطأ
كنت أدق بشكل سريع هو نفس الرقم ما عدا ترتيب رقمين وأعتقد وقت ما كنت بقفل هم قفلوا ودق عندهم ولا أنتبهت
وبس

 

 

[إشراقة أمل]

عدناا .. مع انوو ما عندي سالفة ذيك السالفة ..

بس كأني أبي أسولف عن ذيك السالفة اللي ذيك السنــة ..

:

مرة دقت بنت صغيرة في خامس ابتدائي على بيتنــا ..

هي : الووو .. فلااانة ..

أنا : ايوه هلاا ..

هي : انت فلانة

انا : ايه أنا فلانـة ..

هي : صوتك متغير شوي

أنا : ايوه بس تعبانة شوي عشان كذا صوتي غير ..

هي : والله صوتك صاير أحلى .. متأكدة انتِ فلانة

أنا ( في خاطري أقول وش ها الوهقة أثاري صوت رفيقتها مب حلو وأنا فكرت بتمشي عليها ) : ايوه انا فلانة بس قلت لك مزكومة شوي انت مين ما عرفتك عدل

هي : انا فلانة الفلاني ..

انا : ايييه .. شلونك شخبارك ؟ ( وأنا ولا عرفتها ولا شي )

هي : الحمد لله ..

وطاقتها سالفة معها ثلث ساعة مدري نص سـاعة .. وانا لا هي اللي تبيها ولا صديقتها ولا تعرفني بعد !

المهم طلعت سالفتهم هم 3 صديقات .. وصاير بينهم سوء فهم .. وقامت تقول لي :

فلانة كذا وقالت كذا وسوت كذا وانقهرت وما ادري ايش من السوالف ذي ..

وأعطيها من الكلام اللي يبرد خاطرهـا .. و أصلح بينها وبين ربعها وانا للحين ما اعرفها .. بس عرفت وحدة من ربعها ..

وشوي .. ويجيني اتصال ثاني ..

هي : الوو ..

انا : هلاا ..

هي : انت فلااانة .؟

أنا : ايه انا ..

هي : صحيح صوتك صاير غير وأحلى

( طلعت الأخت ما أمداها تسكر مني الا تدق على رفيقتها وتعطيها الدرس كامل والرقم اللي هم غلطانين فيه اصلا ) ..

انا : انت فلانة ؟ ( خلاص كود اني عرفت اساميهم من السوالف اللي مع ذيك الأولى الغلطانة ) ..

هي : ايه انا فلانة ..

و تقعد تشتكي هي من جهة ثانية ..

وأعطيها من الكلام اللي عطيناه صديقتها الأولى ..

" بإختصار مسويه فيها مصلح اجتماعي وأصفي النفوس بينهم "

وأسكر من عندها ..

وأقوم أدق على صديقتهم الثالثة اللي صاير معها سوء فهم .. ( هذا هي اللي اعرفها من القروب طلعت بنت جيرانا )

وأقول لها ترى فلانة وفلانة كذا وكذا وهم كذا وما له داعي الزعل هم ما يقصدون وهم قصدهم كذا وكذا ..

يعني حسب ما فهمتهـ من هاللي كلمتهم ..

والمهم ..

بعدين دقوا .. مرة ثانية ها البنات بعد ما كلمتهم بنت جيرانا على أساس ما بروحوا على نفس السالفة والحين يبون بعد بنت جيرانا >> طلعوا ذولي على طول يكلمون بعض شكل ما شغلتهم الا التلفون

وقلت لهم انا مو فلانة انتوا غلطانين .. ورقم فلانة ها الكثر ..

بس مسكينة بنت جيرانا تفشلت معي .. اني عرفت سوالفهم و و و إلخ عبارة اني ما أمون عليها حيل وأكبر منها .. خخخ

 

 

[أول الغيث]

أحسائية

اقتباس أهلاً من جديد

مرحباً من قديم ..

اقتباس موقفنا ( بدايات الكاشف كانت صاحبتي داقه علي أزعلت وقفلت ومآ حبيت تبقى زعلانه دقيت على بيتهم ودوم مشغول قلت مو مشكلة الآن أنام وغداً نتفاهم

ايه عاد وش هي المشكلة ؟!

<< وش دخّلك أنت أصلاً ؟

اقتباس المتصلة : إنتِ داقه على بيتنا ( ما عندهم إلا هذا السؤال ما يعرفون كيف يتصرفوا

خاطري مرة واحد .. يتكلم بهدوء ولباقة ،، لما يتصل على الرقم اللي في الكاشف ..

اقتباس قالت : كذابة إنتِ تلعبي إذا دقيتي مره ثانية بدق على الشرطة

يوووه ,, ولا برحوا الناس على هالطريقة وهالتهديدات اللي حتى البزر ما عاد يخاف منها ..

اقتباس وقتها ما عرفت أنام أحس الشرطة عند البيت ( بجد صدقتها

اقتباس كنت أدق بشكل سريع هو نفس الرقم ما عدا ترتيب رقمين وأعتقد وقت ما كنت بقفل هم قفلوا ودق عندهم ولا أنتبهت

اهااا .. يعني زي الجوال أحياناً ..

بس صج غلطة نتيفة .. تشغلك يوم كامل أو أكثر ..

 

 

[kaha]

تقريبا قبل اسبوع جاني اتصال رقم تلفون ثابت 01 الرياض انا مارديت كنت نايم
وبعدين شفت الرقم توقعت شركه لاني مقدم في الرياض
وادق على الرقم واطلعت حرمه قلت لها انتو متصلين على الرقم
قالت اي نعم قالت مو انت شركه الاتصالات نبي ارقام مميزه
قلت لها لا غلطانه وسكرت في وجهي ..

اول الغيث ياحلو زودت الذاكره 512 زين طلع شي.
يعطيك العافيه .

 

 

[أول الغيث]

إشراقة أمل

اقتباس أنا : ايوه بس تعبانة شوي عشان كذا صوتي غير ..

يعني لازم من استخدام لزوم التسليك ..

اقتباس أنا ( في خاطري أقول وش ها الوهقة أثاري صوت رفيقتها مب حلو وأنا فكرت بتمشي عليها ) : ايوه انا فلانة بس قلت لك مزكومة شوي انت مين ما عرفتك عدل

مبيّن أن الكذبة للحين مب راضية تمشي عدل ..

اقتباس المهم طلعت سالفتهم هم 3 صديقات .. وصاير بينهم سوء فهم .. وقامت تقول لي : فلانة كذا وقالت كذا وسوت كذا وانقهرت وما ادري ايش من السوالف ذي .. وأعطيها من الكلام اللي يبرد خاطرهـا .. و أصلح بينها وبين ربعها وانا للحين ما اعرفها .. بس عرفت وحدة من ربعها ..

والله زين اللي وصل الموضوع لهالمرحلة من التطورات >> يالمصلحة الاجتماعية ..

اقتباس وشوي .. ويجيني اتصال ثاني .. هي : الوو .. انا : هلاا .. هي : انت فلااانة .؟

مسكينة ،، شكلها جات بكل ما فيها ،، عقب مابدت تشك أن السالفة ( انطَلَت ) عليها ..

اقتباس ( طلعت الأخت ما أمداها تسكر مني الا تدق على رفيقتها وتعطيها الدرس كامل والرقم اللي هم غلطانين فيه اصلا ) ..

ايه هذا الحريم .. من أساسهم و من صغرتهم هذي سوالفهم ..

اقتباس وأسكر من عندها .. وأقوم أدق على صديقتهم الثالثة اللي صاير معها سوء فهم .. ( هذا هي اللي اعرفها من القروب طلعت بنت جيرانا ) وأقول لها ترى فلانة وفلانة كذا وكذا وهم كذا وما له داعي الزعل هم ما يقصدون وهم قصدهم كذا وكذا ..

والله ما شاء الله .. أشوف أنه مجهود مب هيّن الصراحة

يعني مب أي مصلح يتقنه ..

اقتباس بس مسكينة بنت جيرانا تفشلت معي .. اني عرفت سوالفهم و و و إلخ عبارة اني ما أمون عليها حيل وأكبر منها .. خخخ

أجل الحين ما تتحط عينها في عينش من الحيا

<< اشدعوة ؟!

 

 

[غلا الدنيا]

كنت مره بالبيت مع اختي البزره
المهم هي تصيح وانا نفذ صبري منها ورحت دقيت على امي
وطبعا اول ماردو
خليت اختي الصغيره تكلم
وبعدين اخذت التيلفوون وقلت
الوو يمه تعالي بسرعه لبنتج صراحه فيختني وفجاه الا هندي يقول الوو ماما
وبعدين صكرت بوجهه الخط
ودقيت مره ثانيه ونفس القصه
اختي كلمت طبعا هي عمرها سنه وا غبره
واخذت التيلفوون وكلمعتااد ماعطيت فرصه
الووو يمه بسرعه بسرعه تعالي لبنتج
ولا يطلع لي رجال كبير واي
وش هالفشيله واسكر بوجه الخط وحرمت ادق على امي

 

 

[أول الغيث]

Kaha

اقتباس تقريبا قبل اسبوع جاني اتصال رقم تلفون ثابت 01 الرياض انا مارديت كنت نايم وبعدين شفت الرقم توقعت شركه لاني مقدم في الرياض

صحيح .. بمجرد ما تشوف 01 على طول يتبادر إلى ذهنك أن الموضوع مرتبط بوظيفة ..

اقتباس وادق على الرقم واطلعت حرمه قلت لها انتو متصلين على الرقم قالت اي نعم قالت مو انت شركه الاتصالات نبي ارقام مميزه قلت لها لا غلطانه وسكرت في وجهي ..

أوففف .. لا يكون فكّروك مروّج أرقام ؟!!

مروّج = مسوّق <<< ايه لا تروحون بعيد ..


بس همّ مب عدله عليهم ،، يسكّرونه في ويهك

فلازم لازمم تتصل عليهم وترد لك اعتبار ..

اقتباس اول الغيث ياحلو زودت الذاكره 512 زين طلع شي. يعطيك العافيه .

أشوف ما شاء الله .. صايره تطورات عدله

 

 

[أول الغيث]

غلا الدنيا

اقتباس كنت مره بالبيت مع اختي البزره المهم هي تصيح وانا نفذ صبري منها ورحت دقيت على امي وطبعا اول ماردو خليت اختي الصغيره تكلم

يعني .. عشان تحطينهم عند الأمر الواقع

ويحسون بالمأساة والمعاناة ..

اقتباس وبعدين اخذت التيلفوون وقلت الوو يمه تعالي بسرعه لبنتج صراحه فيختني وفجاه الا هندي يقول الوو ماما وبعدين صكرت بوجهه الخط ودقيت مره ثانيه ونفس القصه اختي كلمت طبعا هي عمرها سنه وا غبره واخذت التيلفوون وكلمعتااد ماعطيت فرصه الووو يمه بسرعه بسرعه تعالي لبنتج ولا يطلع لي رجال كبير واي وش هالفشيله واسكر بوجه الخط وحرمت ادق على امي

قولوا هالهندي المسكين ..

شكله خش جو و تقمّص الدور لا شعورياً ..


الله يعينكم بس .. موقف لا تحسدون عليه

بس صج يفقّع من الضحك على قولتهم ..

 

 

[سكون الصمت]

مراااااحب .. رجعت لكم من (( يديد )) << على قولة عمامي


ذكرت موقف .,.


مره وانا صغيره في الابتدائي كان وقت عطله .. وكانت امي مسافره مع ابوي واخواني الكبار تقريبا المهم ماكانت موجوده ..


وبيتنا يصير فوق بيت خالتي ..


المهم اتصل واحد على التيلفون الثابت ..


وقعد يهذر وكلام غزل وانا اسكره في وجهه ..


وكل حين يتصل .. لحد ما اتصل ورفعت وقالي انا الحين بجيكم البيت ..


بصراحه خفـــت بقوه لأني لحالي في البيت ومعي اخواني الصغار ..


حملت اختي الصغيره ومسكت اخوي واختي الثانيه ولبست عباتي ..


وعلى طووووول طيران من الدرج عند خالتي وانا خايفه يجينا البيت ويخطفنا ..


عقلي على قدي ذيك الايام صغيره ..



~~~~~~~~~~~~~~~~~~~~~~~~



ومن يومين تقريبا اتصلت وحده صغيره شكلها ما بعد تدخل المدرسه بعد ..


اول ما رفعته تقولي الوووو عطيني بتش ,, هههههههه قلت لها اي بت وسكتت من الفشله يمكن وسكرت التيلفون ..




وعلى طاري 01 يا كثر ما تجيني اتصالات من 01 وانا من عادتي ارفع بدون ما ارد على الارقام الغريبه واذا وحده من صديقاتي ارد واذا رجال سكرته في وجهه الين يصير واحد من اهلي موجود ويرد عليه .. بس 01 واحد مو على طول ارد يعني اذا اذوني بس عالاغلب اخلي زوجي يرد ..

وأحيانا يطلعوا دعايه عشان عيادة جلديه مفتوحه عندهم لا ويقولوا لي انتي من اسبوع مسويه معنا تقشير ولازم بعد اسبوع تراجعينا عشان الخطوه الثانيه وانا اقول اي ان شاء الله .. مدري متى رحت لكم عشان اسوي التقشير .. ههههههههههه والله نكته قسم بالله ,,

وأغلب هاللي يتصلوا من 01 يبوا ام سعد مدري من هي هالام سعد ..

 

 

[إشراقة أمل]

وهـ .. زماااان عن ها الموضوع .. شلونه شخباره ؟

وعندي سالفة من زماااان تقرقع بداخلي ..

وكل يوم بجي أكتبها هوونا .. و يومي دهر مو بس سنة ..

الله يسلمكم ..

هذا يوم من الأيام .. ومن صبحية الله خير .. يجيني رقم رنة و سكر .. >> انا بالجامعة ..

من الصبح عـآد إلين ما خلصت دوام و طلعت .. وها الرقم ما غير ازعاج رنة وصك ..

عاد وقت ركبت الباص برجع البيت .. زادت رناته ..

قلت لربيعتي .. هذا الرقم اليوم زايد الله يلعن يزيد يدق ويسكر .. شوفيه تعرفين من له ؟

اعطيها الرقم ، قالت لا ما مرة مر علي ها الرقم .!

منَا منَاك .. يمين يسار .. ما عرفت من له ..

إلى ما فخت حيييل من رناته ..

قمت و أكتب له ذيك الرسالة اللي تخليه يتحسف انه دق على رقمي ..

رقم ما تعرفه لا تقعد ترنرن عليه والله يبليك بعرضك .. وان شاء الله تذوقها بقرايبك ما ادري خواتك ومن ها الحشي اللي ما لأمه داعي ..

<< مو ذاكرة نص الرسالة موول ، بس يقال اني بحرك ضميره شوي هع ..

الموووهم ..

شوي و يجيني رد من نفس الرقم ..

تتوقعون وش رده .؟!

امممممممممممم

مكتوب ..

فلانة وش فيك ؟ ترى أنا فلانة الفلاني .. ليش تدعي علي ..

خخخخخخخخخخخخخخخخخخخخخ

طلعت وحدة معي بالجامعة ومعي بالباص ..

ماخذه رقمي منذ مبطي وقالت بعطيتس رنة عشان تسجلين رقمي ..

ومن يومها لا شفت رنتها ولا اعرف رقمها ..

وجا اليوم اللي صرنا فيه داعيات .. وما ادري ايش .. و هي اللي جابت ها الشي لنفسها خخخ ..

بس ياااني تفشلت موووول من الكلام اللي مكتوب برسالتي .. وفي الأخير تطلع فلانة من الناس !

>>> إذا قريتِ كلامي و تذكرتِ السالفة اعذريني .. للحين ترى متفشلة من ذاك الكلام > فيس مستحي .!
:
:

 

 

[زهور الريف]

أول الغيث

.",

شسمونه أنا ما أشيل جوالي معي الكلية أخليه في البيت
لآن فيه كاميرا وعندي جوال ثاني بدون كاميرا بس مو فاضية أشيل في الشريحة لذلك اخلية في البيت وأمشي عنه
المهم نرجع لسالفتنا مره كنت في الكلية وعندنا بريك وجالسين مع الربع وضحك وسوالف
وحده من رفيجاتي تتسبب فيني وأسحب جوالها من يدها وقلت لها أعلمج إلحين بخسرج رصيد وقلت من أدق عليه من من
قلت إييييه خل أدق على جوالي بشوف من يرفع جوالي ودورت أسمي ولقيته ودقيت عليه
المهم ردوا
قالت أنا: الووه
قالت هي : الووه
أنا معصبة: ليش ترفعين جوالي بأي حق ترفعينه من أنتي بسرعه
قالت هي : جوالي
أنا : لا والله وتكذبين بعد خلصي من أنتي
قالت هي : والله جوالي شفيج أنتي
قلت أنا : لا والله تستهلبين حضرتج قولي من أنتي بسرعه
خلاص وصلت حدي
قالت هي: جوالي شفيج أنتي
وتتكلم بكل براءة
بعدين حسيت ان مو صوت وحده من خواتي
وعطيته راعيته قلت لها أنا داقه على رقمي بس الصوت وحده غريبة شوفيه
أخذت الجوال مني وشافت الأسم وقالت :لالالا وسكرته
قالت: هذي نفس أسمج بس أنتي جنب أسمج حرف وهي بدون حرف علشان أفرق بينكم هذي وحده من القرين نفس أسمج بالعايله
قالت : اهااا بس يؤيؤ فشيلة بتقول هذي نذله والبنات ضحك علي
.",
}.. يعطيك العافية كل الشكر لك ..{